هوندا سيتى أم نيسان تيدا

[hero_1016]

بس الهوندا برضة اشيك وافخم وارخص
وربنا يبارك لكل واحد في عربيته

[Hosam_Optrawy]

بس الهوندا برضة اشيك وافخم وارخص
وربنا يبارك لكل واحد في عربيته

الهوندا أغلى مش أرخص

[mahamedaraby]

ايه ياباشا مهندس حسام اخش فى المقارنه ولا اقول راى وامشى عالطول :)

راى التيدا تتفوق فى حاجات كتير بس هى مساله الشكل اللى تتفوق فيها السينى مش علشان التيدا وحشه لا علشان السيتى هى الحلو

لكن كاعتماديه وقطع غيار ووسع ويابانى وموتور وكماليات وامان وتوكيل

يبقى التيدا

[Hosam_Optrawy]

ايه ياباشا مهندس حسام اخش فى المقارنه ولا اقول راى وامشى عالطول :)

راى التيدا تتفوق فى حاجات كتير بس هى مساله الشكل اللى تتفوق فيها السينى مش علشان التيدا وحشه لا علشان السيتى هى الحلو

لكن كاعتماديه وقطع غيار ووسع ويابانى وموتور وكماليات وامان وتوكيل

يبقى التيدا

خش ياباشا براحتك طبعا :)

وانا متفق معاك لو خيرونى بين الاتنين دول بس

هاختار التيدا أكيد

[Ahmed.TV]

بصراحة حيرة جامدة ولذيذة
التيدا وسع رهيب وعربية يابانى وماتور 1600 ومش بيسحب بنزين جامد بشهادة ملاك العربية وتوكيل اكثر من رائع قطع غيار غالية بس مش غاللية اوى زى الهوندا بس بردوا غالية

هوندا سيتى عربية ماتورها 1500 ماتور اكثر من رائع فى القوة والسحب وموفر فى استهلاك البنزين ومعمر وتوكيل محترم وعالى فى الصيانات والتكنولوجيا ومهندسين فاهمين جدا بس العيب القاتل هو ان قطع الغيار غالية وغالية اوىىى بس يمكن تقل مع الزمن بس يوم ما حتفكر فى الكلام ده بعد سنيتن او اكثر وكل ده حسب سواقتك يعنى انا مثلا فى البولو اللى معايا ابتديت يوم ما افكر اغير حاجة فى العفشة كان بعد 10 سنين وكل السنين اللى فاتو تغيرى كان صيانات عادية وكل ده ليه عشان اولا عربية المانى وكمان طريقة السواقة الهادية مش المفترية فمابالك بقا لو معاك هوندا سيتى حتى لو تايلندى بس سمعة هوندا معروف فى المواتير على مر السنين وشكل العربية اكثر من رائع

وانا لو مكانك اختار الهوندا ستى

[moudy88]

التيدا عربيه فخمه وواسعه ..ومن فئه اعلى من السيتي ..علشان كده اختار التيدا

[omar91119]

بص يا سيدى انا هقولك الحق والامانه مع انى معيا تيدا بس بعشق الهوندا اكتر من عينى بس انا هقول الصح
بس
التيدا

1- يابانى بالكامل
2- واسعه من جوه اوى
3- المتور بتعها قوى جدا وسحبها اكتر من رائع
4- موفره جدا فى البنزين والتنك بتعها كبير 52 لتر
5- معمره وقطع غيرها اكيد مش اغلى من الهوندا وكمان قطع غيرها معمره جدا
6- عشان تبقى عارف العربيه دى محققه مبيعات خياليه فى دول الخليج عشان هيا ببساطه مبتسخنش وكمان بتستحمل الحراره العاليه وتقفيلها كويس جدا وكمان المواد السمتخدمه فى صنعها زات جوده كويسه جدا والا مكنتش استحملتالحر والرطوبه العاليه وطبعا الخليج معروف بكده
7- تكيفها مش هتكلم عليه لانه ببساطه اكتر من رائع ومش بياثر نهائى على اداء العربيه حتى فى حراره كانت بتوصل لبعض الاحيان 45 وكمان فى عز الرطوبه
8-بالنسبه للثبات فى عربيه تحفه واقسم بالله ان العربيه على اكتر من رائه فى الثبات وانا كنت سايف على سرعئه اكتر من 170 ومكنتش حاسس انها مشيه على كده نهائى
وكمان انا بتكلم على السيدان منها فاتخيل لما تبقى هتشباك يبقى هبقى كل ده بزايده كمان
9- العربيه فيها ابشن بالنسبه للخليجى فا هيا نازل منها تكيف اتوتمتك وكمان نزل منها كروس كنترول يعنى مثبت للسرعه وععدات رياضيه هى اساسا بتنزل فى 2009
لاكن ا2008 مش عدادت رياضى ده الاختلاف وكمان تعديل ارتفاع الكرس بتاع السواق ده غير اماكن التخزين وكمان التبلوه المنظم وسهل الاستخدام
بالنسبه للمنيوال بتاع العربيه فى منها يوجد بست نقلات بس ده للمواتير 1800 وطبعا الخمس نقلات لل 1600 وكمان ال 1800 بس بتفرق ان 1800 بينزله ست نقلات كا ابشن زياده
والاتومتك فى اربع سرعات وصدقونى بيدى اداء كويس يس مش عالى وده حالى الاتومتك الاربع سرعات فى اى عربيه

ونازل الفتيس الاتومتك الى هو cvtزى بتاع الانسر بس بصراحه انا مجربتوش ومش عارف
10- الدها بتعها كويس وبيستحمل وكمان والتقفيل ككل كويس جدا والهدوء جيد والعربيه وهى وقفه والموتور شغال مش بسمع صوته نهائى وعلى السرعات العليه صوته مش بيقى عالى غير ان الموتر خفيف والمعنى المقوصود ان وزن الموتر خفيف والمواد المستخدمه فيه عاليه ومعمول بالكامل من الالمنيوم العربيه نورها عالى وبستحمل الطرق امكسره ودى تنفع فى شوراع مصر والعربيه عاليه فا بستحمل المطبات

ده غير ان كرسيها مريحجه
العربيه صيانتها سهله ومش معقده
جرايه وثبته استهلكها فى البنزين قليل جدا و مبتسخنش
قويه وبتشد جامد تسارعها عالى حجمها صغير بالنسبه للموتر بتعها وده بيديها ميزه فى شورعنا وكمان فى الركن وكمان الموتور الى عليها بيخليها طياره
جسم العربيه متين ومن تحت متقفله كويس والعزل تمام
فيها ابشن كتير
تكيفها حلو ومش بياثر على العربيه
بتستحمل الحر والرطوبه
الشكل بتاع الهتشباك منها تحفه

عفشتها كويسه جدا جدا
مش بتهبط حتى مع الوزن الزياده
المساعدين زى الفل
الفرامل بتعتها ادائها عالى جدا وبتوقف العربيه فى وقت قصير فيها abs وكمان abdوكمان ba ودى بصراحه مش عارف استخدمها
النور جوه العربيه عالى وبيوضح
اماكن التخزين كتير
المواد المستخدمه زات جدوده
الموتور بتعها اكثر من رائع
تحياتى

من الاخر تتفوق على الهوندا ستى

والكلام ده عن تجربه

تم دمج المشاركات
مشرف عام 3

[abou_ruqi]

احب اذكر مواصفات التيدا بلس

نيسان تيدا أوتوماتيك بلس

موتور 1600 قدرة 118 ثنائي الكامة على كاتينة
استهلاك البنزين 7 لتر لكل 100 كيلو
2 وسائد هوائية
فرامل غير قابلة للإنغلاق بنظام ABS / EBD / Ba
باور إلكتروني
سنتر لوك و ريموت
4 زجاج كهربائي
مرايات كهربية
كمبيوتر حساب استهلاك البنزين
بوجيهات 100 ألف كيلو
جنوط سبور مقاس 15 سبيكة ألومنيوم
أحزمة أمان قابلة للتعديل
كرسي السائق هيدروليكي الحركة
طارة الدركسيون قابلة للتعديل ومن الجلد
طارة مالتي فانكشن (تحكم في مشغل الاسطوانات)
تكييف ديجيتال (كليمترونيك)
الكنبة الخلفية قابلة للطي ثلث وثلثين
الزجاج غير نافذ للأشعة الفوق بنفسجية الضارة (المصنع)
نظام تشغل 6 أسطوانات بنظام mp3
6 سماعات ذات جودة صوت عالية
فوجات أمامية
الفرش جلد طبيعي في قماش مخملي
الأبواب مبطنة بخامات الفرش
نظام تليفون كار كيت ماركة parrot
مكان تخزين للنظارة
6 حوامل أكواب
مخادع يد أمامية وخلفية
3 فوانيس صالون
لمبة استوب خلفية
زجاج خلفي مانع للرطوبة

[mkekhairy]

انا ركبت الاتنين التيدا افخم من الداخل واقوي في التسارع وقوة الهيكل الخارجي
طبعا التيدا

[ghazy12]

وجهة نظري المتواضعه...

التيدا تتفوق (ياباني 100%, قطع غيار ارخص, كماليات ممتازه, اعتماديه جداا)
بجد عربيه تحترم و الأوتو بلس, بتديك كل اللي تتمناه, و الأستاذ ابورقيه سيد العارفين و جابلك من الاخر

[SAMEH_FOUAD]

انا بس لية تعليق على حاجات من مميزات التيدا والله قبل اى حاجة مافيش حاجة هاقولها مبالغ فيها او محصلتش عن تجربة السيارة لمدة سنة وهاقول مميزاتها وعيوبها بكل امانة
اولا المميزات :
1:واسعة تقريبا اوسع عربية ركبتها لحد دلوقتى فى الفئة دية
2:السيارة فيها اوبشن كتير
3:سقفها عالى مش بيخلى راسك تبقى خابطة فى السقف
4:ماتورها كويس وهادى مش بتسمع صوتة قوى وانت بتشد
5:استهلاك بنزين الى حد ما معقول بالنسبة لماتورها
6:شنطة واسعة
7:مش ناشفة فى المطبات قوى يعن ىاحسن من عربيات كتير فى الفئة بتاعتها
8:عالية عن الارض
9:طلاء كويس وبيستحمل يعنى العربية اتخبطت البوية ماوقعتش
نيجى بقى لعيوبها واللى متجربة اكتر من مرة :
1:عشان نجرى بالعربية واحنا مشغلين التكيف اضطرينا نقفلة لانة تقلها لكن لو انت ماشى براحتك هتلاقيها بتجمع معاك بس بعد مدة
2:تسارع بعد ال120 كيلو بطىء جدا
3:السيارة كانت محملة اتنين ورا وحكت فى مطب صناعى يعنى بتوطى من ورا جامد لما حد بيقعد ورا
4:صاجها خفيف مش قوى
5:اكصداماتها بتفك على طول
6:الكنبة خلفية مريحة لراكبين اما الراكب الثالت هيلاقى متاعب كتير بسبب المسند الخلفى اللى فى الظهر قعدة غير مريحة نهائى
7:تابلوة مع اى مطب بيزيق ويطقطق بسبب تكوينة من ثلاث اجزاء
8:العربية بعد 6 شهور من استخدامها اللمبتين الخلفيتين فصلوا استوب يعنى منورين كدة بس لكن لما تيجى تدوس فرامل مافيش نور غير الاسبويلر
9:السيارة اسعار قطع غيارها مبالغ فيها جدا
10:بالنسبة للثبات فى نظرى ضايع كنا داخلين نفق الازهر الساعة 7 صباحا ماكنش فية غيرنا اصلا فية وكنا داخلين النفق على سرعة 60 العربية مالت جامد جدا وتقريبا التماسك فيه راح اضطرينا نمشى فى النص لتعويض فارق الاتزان وبردة ماكنتش بالثبات الكافى
11:السيارة بتغير تيل كل 6 شهور واصلا العربية نازلة بتيل بيصفر
12:السيارة بعد مرور سنة وازيد مابقيتش زى الاول خالص بقت انشف فى المطبات
13:مافيهاش فتحة شنطة من الداخل يعنى بتفتح السنتر بيفتحلك الشنطة معاة بس طبعا بدوس الزرار اللى موجود فى ظهر الشنطة بتفتح غير كدة لأ
14:السيارة اتوماتيك وبتسمع فيها صوت النقلة مع وجود حركة عكسية اثناء نقل السرعة خفيفة كدة بتحس انك بترجع لورا
15:توكيلها زفت خدت 10,500 جنية فى رش جنب السيارة لوجود بعد الخدوش وتثبيت الاكصدامات ,وتلميع السيارة وتغير فانوس خلفى يمين كان فية كسر وتيل فرامل وحبة حاجات كدة مش فاكرها بس مبالغ جدا دة غير ان العربية قعدت حوالى ثلاث اسابيع او اقل كام يوم
دة كل اللى حصل معايا فى التيدا

[mahamedaraby]

اتفق معاك فى بعض النقاط واختلف معاك فى كام حاجه

انت الاول ذكرت المميزات واتفق معاك فيها

لكن العيوب فى كام نقطه اختلف معاك فيهم وهعلق عليهم تحتهم فى الاقتباس

انا بس لية تعليق على حاجات من مميزات التيدا والله قبل اى حاجة مافيش حاجة هاقولها مبالغ فيها او محصلتش عن تجربة السيارة لمدة سنة وهاقول مميزاتها وعيوبها بكل امانة
اولا المميزات :
1:واسعة تقريبا اوسع عربية ركبتها لحد دلوقتى فى الفئة دية
2:السيارة فيها اوبشن كتير
3:سقفها عالى مش بيخلى راسك تبقى خابطة فى السقف
4:ماتورها كويس وهادى مش بتسمع صوتة قوى وانت بتشد
5:استهلاك بنزين الى حد ما معقول بالنسبة لماتورها
6:شنطة واسعة
7:مش ناشفة فى المطبات قوى يعن ىاحسن من عربيات كتير فى الفئة بتاعتها
8:عالية عن الارض
9:طلاء كويس وبيستحمل يعنى العربية اتخبطت البوية ماوقعتش
نيجى بقى لعيوبها واللى متجربة اكتر من مرة :
1:عشان نجرى بالعربية واحنا مشغلين التكيف اضطرينا نقفلة لانة تقلها لكن لو انت ماشى براحتك هتلاقيها بتجمع معاك بس بعد مدة
بص اختلف معاك فى النقطه دى التكيف مش بياثر ذى وماصفت بالطريقه دى ده ياكاد مش محسوس بيه فى سحب العربيه الخلاصه التكيف بياثر اه زى اى عربيه 1600 اتوماتيك ويمكن اقل كمان من عربيات ركبتها مع التكيف وكان تاثيرها واضح
2:تسارع بعد ال120 كيلو بطىء جدا
بطئ ازاى وشد وكده ولا عالطريق مقتوح
لو قصدك فى شد وكده ما انت عندك الشفت مود جربه وهتلاقى العربيه السحب بتاعها زاد جدا وبقت بتجمع اكتر (الشفت مود بيخلى العربيه على التالت ومبينقللش للرابع الا لما تقفله )
3:السيارة كانت محملة اتنين ورا وحكت فى مطب صناعى يعنى بتوطى من ورا جامد لما حد بيقعد ورا
هى العربيه بتحك فى المطابات العشوائيه اللى موجود لو محمل خمسه اوزان كمان لكن اى مطب طبيعى معمول كويس عمرها ما بتحك معايا
4:صاجها خفيف مش قوى
ان لازم اصورك العربيه واوريلك الميكروباص اللى دخل فى الباب من وراء ومش هتصدق ان ده ميكروباص مهما احلفلك ثاتير على الباب لا يكاد يذكر
5:اكصداماتها بتفك على طول
معاك بتفك والعربيه الاكصدام مفوكوك الادام بس ده قله صيانه وبعدين هو معتمد على كلبستين فى الجنب لو حصل اى حاجه لقدر الله الكلبستين دول يكسروا على يحموا الاكصدام هو ده سبب ضعف الاكصدام وبيتغيروا ويتعمولوا ومفهمش مشكله بس اتفق معاك فى النقطه دى
6:الكنبة خلفية مريحة لراكبين اما الراكب الثالت هيلاقى متاعب كتير بسبب المسند الخلفى اللى فى الظهر قعدة غير مريحة نهائى
العربيه زى ما انت قايل واسعه جدا وتشيل 6 كمان محدش من اللى بيركب معايا اشتكى من الحته دى خالص يعمل علشان انا عامل كسوه مغطيه المخدع
7:تابلوة مع اى مطب بيزيق ويطقطق بسبب تكوينة من ثلاث اجزاء
معاك فى النقطه دى بس مش اى مطب هما عيون القطط والشوارع المكسره مش بيزيق صوت طقطقه على خفيف والله لو مشغل الكاسيت على 5 بس مش هتسمع حاجه
8:العربية بعد 6 شهور من استخدامها اللمبتين الخلفيتين فصلوا استوب يعنى منورين كدة بس لكن لما تيجى تدوس فرامل مافيش نور غير الاسبويلر
انا عندى حصلى لمبه واحد بس هى اللى اتحرقت وغيرتها فى التوكيل ب 30 جنيه ومفيش اى لمبات تانيه اتحرقت فى العربيه
9:السيارة اسعار قطع غيارها مبالغ فيها جدا
معاك بس مش للدرجه مبالغ فيها جدا شوف الفئه اللى فيها ومنافسنها بيبوع قطع الغيار بكام وقارن واحكم
10:بالنسبة للثبات فى نظرى ضايع كنا داخلين نفق الازهر الساعة 7 صباحا ماكنش فية غيرنا اصلا فية وكنا داخلين النفق على سرعة 60 العربية مالت جامد جدا وتقريبا التماسك فيه راح اضطرينا نمشى فى النص لتعويض فارق الاتزان وبردة ماكنتش بالثبات الكافى
طب والله العظيم انا بدخل النفق ده بال128 على 80 وفى نفس الحاره مش بيغرها ايه رايك
اختلف معاك فى نقطه الثبات دى كليا العربيه ثابته جدا لحد140 وبعد كده مش عاوز غير شويه انتباه مش اكتر
11:السيارة بتغير تيل كل 6 شهور واصلا العربية نازلة بتيل بيصفر
العربيه عامله معايا 55 الف كيلو مغير تلات تيل فرامل والتالت ده لسه مغيره فى صيانه ال
50 الف التيل كان لسه بيقى فيه بس انا فى الصيانه اقولهم بصولوا على التيل من غير مايبص المهندس يقولى التيل عاوز يتغير فبغيره
12:السيارة بعد مرور سنة وازيد مابقيتش زى الاول خالص بقت انشف فى المطبات
مش فاهم ازاى انشف
13:مافيهاش فتحة شنطة من الداخل يعنى بتفتح السنتر بيفتحلك الشنطة معاة بس طبعا بدوس الزرار اللى موجود فى ظهر الشنطة بتفتح غير كدة لأ
طيب انت عاوز تفتح الشنطه ما عندك الزارر من الشنطه تفتحتها ايه المشكله فى دى انا كنت متضايق فى الاول لكن لقيتها كده عمليه اكتر وهى مربوطه بالسنتر يعنى معملتيش اى مشكله
14:السيارة اتوماتيك وبتسمع فيها صوت النقلة مع وجود حركة عكسية اثناء نقل السرعة خفيفة كدة بتحس انك بترجع لورا
بتحس بالنقله معاك لكن زى اى عربيه اتوماتيك مش ازيد ولا اقل
15:توكيلها زفت خدت 10,500 جنية فى رش جنب السيارة لوجود بعد الخدوش وتثبيت الاكصدامات ,وتلميع السيارة وتغير فانوس خلفى يمين كان فية كسر وتيل فرامل وحبة حاجات كدة مش فاكرها بس مبالغ جدا دة غير ان العربية قعدت حوالى ثلاث اسابيع او اقل كام يوم
دة كل اللى حصل معايا فى التيدا
دى على فكره اسعار توكيلات مصر كلهم الله يحراهم فى موضوع كنت عامله فى كيا كان على حادثه فى السيراتو تلقيات اقل من بتاعت حضرتك والله وطالبين 18 الف جنيه وامر الشغل بعد اسبوعين

[SAMEH_FOUAD]

اولا اهلا بحضرتك ويارب يكون طريقة النقاش بين الاعضاء بهذة الطريقة اللائقة
انا هاوضحلك اكتر كلامى وبردة هناقش معاك اجاباتك :
1:انا معاك ان التكيف مش بيأثر فيها قوى بس زى مانا قولت دة مش هيبان الا بس فى حالة الشد والقرص يعنى لو انت طالع بالعربية براحتها مش هيبان التأثير دة الا قليل لكن لو مشغل التكيف وشديت العربية بتبقى تقيلة وواضح جدا واول لما قفلت التكيف العربية فاقت وواضح جدا الفرق
2:كنا بنجرى على المحور واتعمل الشفت مود على سرعة 70 كيلو العربية مشيت كويس لحد ال110 وبعد كدة ال120 وبعد كدة المدة بتزيد لحد ماجيبنا 140كنا خدنا وقت
3:تمام كدة صح مش هاتكلم فى حاجة فى نقطة المطبات
4:انا عايز اقولك ان العربية اتخبطت من موتسيكل الرفرف من تحت دخل لجوة والموتسيكل ريح بس وكمان واحد صاحبى خدها ساقاها بيرجع بيها خبطها فى العربية اللى وراة بس كانت ريتمو وهو بيركن يعنى سرعة لا تذكر والاكصدام الخلفى دخل لجوة من تحت بس الحمد لله اترد تانى اول لما خبطنا علية.وعموما النقطة دية مش مهمة اوى ومش مؤثرة لانها بقت من عوامل الامان اهم حاجة الاجناب وقضبان الحماية من عند الحوض ومن الشنطة من الخلف
5:متفق علية من ناحية الاكصامات وضعف تركيبها
6:والله دة اللى حصل لدرجة اللى كان راكب فى النص رجلية عد مانزل من العربية مش قادر يحركها وكان طولة حوالى 185 سم وكانوا بيتخانقوا واحنا راجعين مين الى يركب على الجنبين والنص هيبقى من نصيب مين
7:معاك فى النقطة دية ودة اللى انا اقصدة بس بتبان بردة مع اخد المطبات بسرعة بتلاقى التابلوة بردة طقطق
8:فى التيدا دية اللمبتين فصلوا والله
9:قطع الغيار غالية فى كل حتة بس انا ذكرتها للمعرفة ليس اكتر
10:شوف انا عايز اقولك انها بعد ماعملت كدة العربية دية بقينا بندخل بيها النفق على سرعة قليلة ودة بسبب ارتفاعها
11:مش شايف انة استهلاك عالى فى تيل الفرامل
12:العربية تحس ان كاوتش المقصات والعفشة عموما مابقيتش زى الاول تحس ان فيها حاجات بقت تضعف او تتاكل
جميع النقاط الاخرى لايوجد خلاف عليها
وشكرا لحضرتك جدا واسلوبك المتفاهم فى الحوار

[hero_1016]

احب اذكر مواصفات التيدا بلس

نيسان تيدا أوتوماتيك بلس

موتور 1600 قدرة 118 ثنائي الكامة على كاتينة
استهلاك البنزين 7 لتر لكل 100 كيلو
2 وسائد هوائية
فرامل غير قابلة للإنغلاق بنظام abs / ebd / ba
باور إلكتروني
سنتر لوك و ريموت
4 زجاج كهربائي
مرايات كهربية
كمبيوتر حساب استهلاك البنزين
بوجيهات 100 ألف كيلو
جنوط سبور مقاس 15 سبيكة ألومنيوم
أحزمة أمان قابلة للتعديل
كرسي السائق هيدروليكي الحركة
طارة الدركسيون قابلة للتعديل ومن الجلد
طارة مالتي فانكشن (تحكم في مشغل الاسطوانات)
تكييف ديجيتال (كليمترونيك)
الكنبة الخلفية قابلة للطي ثلث وثلثين
الزجاج غير نافذ للأشعة الفوق بنفسجية الضارة (المصنع)
نظام تشغل 6 أسطوانات بنظام mp3
6 سماعات ذات جودة صوت عالية
فوجات أمامية
الفرش جلد طبيعي في قماش مخملي
الأبواب مبطنة بخامات الفرش
نظام تليفون كار كيت ماركة parrot
مكان تخزين للنظارة
6 حوامل أكواب
مخادع يد أمامية وخلفية
3 فوانيس صالون
لمبة استوب خلفية
زجاج خلفي مانع للرطوبة

سعرها كام الاستلام بعد اد اية

[ezzatkhalifa]

الــف شكر على جميع من شاركوا

الــف شكر على جميع من شاركوا و على جميع المعلومات التى قدمتموها و التى كانت أساس رئيسا لاختيارى التيدا
فعلا لقد كنتم خير العون
و ابشركم اننى استلمت التيدا اليوم و فى انتظار الترخيص