الشاهين 1400 ولا اللادا 2107

[abugihad]

أخوانى أنا عضو جديد فى المنتدى و شايف أن المنتدى يحتوى على معلومات قيمة ومفيدة , أنا الأخوة الأعضاء متعاونين جدا و لايبخلو بالنصائح عن تجربة و خبرة .
و أنا ناو أشترى سيارة جديدة عن طريق البنك و أنا محتار ما بين الشاهين 1400 و الادا2107 مع أن قسط الشاهين حيتعبنى شوية
ياريت الرد بسرعة علشان أنا ماشى فى اجراءات البنك
و جزاكم الله كل خير :roll: :roll: :roll: [b]

[hazem_khidr]

شاهين بالتاكيد

[ahmed_gamal]

شاهين طبعا اللادا دي مش عربية وحرام والله يطلق عليها اللفظ ده يا راجل ده انا لو رحت العب جيم مش هتعب التعب اللي بيحصل للواحد وهو سايقها توكل علي الله وهات الشاهين

[Ahmed Anwer]

شاهين أكيد

الشاهين ناعمة علي فكرة مش زي ما بتوحي لناس كتير إنها ناشفة ،،

سيارة ممتازة ،،

[ibrahimsaad]

ياجماعه انا كده احترت

بعد ماكنت رسيت على اللادا 2107 وماشى انا كمان فى اجراءات البنك حصلت لى بلبله

فى ناس بتشكر فى اللادا وناس بتشكر فى الشاهين

وفى ناس معاها شاهين وقرفانه منها كل شهرين تغير المساعدين

وفى ناس معاها لاادا وبتشكر فيها ومستريحه معاها اخر راحه

وانا معاييش لا شاهين ولا لادا ومجربتش حاجه فيهم وكده اصبح الاختيار صعب

انا مقتنع باللادا انها عربيه قويه لكن عايز اعرف بس ايه السر فى ان الناس مش بتحبها وليه بتتعب لما تسوقها

[tutankhamoun]

من ناحية الشكل شاهين
من ناحية الأداء شاهين
موتور و كلام داخلي في العربية شاهين
............. أي عربية لما تحافظ عليها هاتعيش معاك
مش تمشي ترزع في عفشة العربية في المطبات و تقولي بتتغير كل شهرين !!!!!!!!
المحافظة على السيارة أهم شئ
و أنا أنصحك بالشاهين و أتكل على الله
بس في الحقيقة أنا معرفش حاجة عن اللادا دي
و بنا معاك

[Ahmed Anwer]

سؤال

الشاهين ب 60 ألف

اللادا ب 45 ألف ،،

فرق 15 الف بينهم ،، مش محتاجة جواب ،،

الشاهين طبعا أفضل و عربية محترمة و ناعمة و معمرة

بس أنا رأيي الشخصي قدام دخلت في الستين يبقي لانوس أو فيرنا

و لو مبتحبش الحاجات دي خش في اللادا الحديثة شوية زي الكالينا أو 2110

[ibrahimsaad]

فى الحقيقه يااستاذ احمد نفس مشكله الاخ السائل مثل مشكلتى

انا شخصيا معايا 15 الف وكنت ناوى اجيب 128 باعتبارها معقوله سياره الشعب عندنا فى مصر وسهله القياده والبيع وتنفع لعائله مثلى

وكنت ناوى اجيبها بالتقسيط لكن لقيت سعرها ارتفع وصل الى 40 كاش و 42 تقسيط فى البنك غير الفوائد

لقيت حرام انى ادفع فى ال 128 42 الف بينما اللادا الروسى فى البنك ب 48 لكن لم اضع الشاهين ولاغيرها فى المقارنه لان السعر هو الفيصل

فانا اريد سياره لاتتعدى باى حال خد ال 50 الف علشان القسط بتاعها

وهذا مايجعلنى حتى الان محتار فكما تعلم شراء سياره الان اصبح شئ صعب فى ظل الوضع المصرى السئ اللى احنا عايشينه

فياريت لو لديك اقتراح او سياره فى هذا المبلغ اكون لك شاكر بشرط تكون زيرو لانى لااريد التجربه بالمستعمل فانا لاافقه شئ فى السيارات

[Ahmed Anwer]

ممكن ماروتي ،،

أرخص سيارة محترمة في مصر ،،

[ibrahimsaad]

اخى العزيز احمد الماروتى نعم سياره ممتازه من ناحيه السعر والتوفير وقطع الغيار لكنها تفتقر لاهم شئ انها ليس بها شنطه وكمان صغيره وضعيفه لاتنفع للاستخدام العائلى دى عايزه واحد شاب

وهذا مايجعل حتى الان اللادا افضل اختيار لى رغم كل ماذكر عنها

[abugihad]

اخوانى أنا متشكر جداً على اسرعة الرد
ولكن أناقرأت فى المنتدى أنة يجب تغير زيت الفتيس
غهل من نصائح فى هذا الأطار

[abugihad]

هل من الممكن يااخوانى عمل مقارنة بين السيارتين ابتداً من السعر و الاداء و الأمكانيات و قطع الغيار و التوكيل و الضمان و خلافة
و ذلك حتى تتضح الفروق بينهما بناءاً على أسس و ليس أراء شخصية و فقط و المشترى أما حقائق و له حرية الأختيار
:lol: :lol: :lol:

[ابوشريف]

السلام عليكم ورحمة الله وبركاته

نصيحتى لك اللادا ووفر ال 15 الف

الاثنين دفع خلفى زى بعض يبقى انت اولا بالفرق وبناء على تجربتى للدوجان المكيفه انا شايف انها كانت ممله جدا فى السفر وغير متزنه فوق ال 100 كيلو ده غير انها كانت دلوعه جدا كل شويه تطلب قطع غيار

اعتقد ان اللادا أقوى منها كتير ده غير ان سعر اعادة البيع فى اللادا افضل وخصوصا ان ثمنها معقول جدا

استخير ربنا وتوكل على الله وهات اللادا اللون السماوى فيها جميل جدا

[ابوشريف]

نسيت اقولك كمان شئ مهم ان اللادا الكتينه فيها جنزير

مش كاوتش زى الشاهين ومره اتقطعت منى شفت يوم صعب جدا

[ibrahimsaad]

بصراحه انا رغم انى لااملك خبره فى السيارات الا انى الاحظ ان اللادا اقوى ومعمره عن الشاهين

حيث ان لى زملاء لديهم اللادا من سنين ولازالت بقوتها ورونقها فى حين ان الشاهين اتبهدلت

يمكن الفرق الوحيد بينهم هو فارق السعر وذلك لان الشاهين انعم شويه

ومن الملاحظ فى بلدى على سبيل المثال لدينا الشاهين السواقين عاملينها تاكسى بكثره جدا ولكن هذه الفتره غيروا اتجاههم نحو اللادا بيعملوها تاكسى وهذا بسبب انهم غيروا نظرتهم نحو الشاهين واتجهوا الى اللادا واكيد انهم لاحظوا الفرق لصالح اللادا

والله اعلم