فيات لينيا تربو ولا نيسان صني سوبر صالون

[Ralliart]

الينيا زي ماقاله الاخوة لا تقارن بأي عربية في سعرها و مستحيل ترخص عن كده بالعكس دي هتغلى بعد ما أثبتت جدارة و الناس بدأت تعرفها
توكل على الله و هات إلينيا

+1

[Dr. Halawa]

يا سمسم انا مباقرنش لينيا بياريس الراجل قال ايه فى رينج 110 انا رايى ان الياريس اعتمادية و ظريفة وفى نفس الوقت اعادة بيعها اسهل يعنى احسن بكتير من النيسان. الياريس احسن حتى من الكورولا القديمة قصدى يعنى لو هو مش عايز يركب اوروبى تانى بعد ما خسر فى تمن الكليو انا الصراحة رأيى ان الرينو و الفيات الجديد يتركبوا مستعمل عشان تبقى انت الكسبان من حكاية اعادة البيع, لكن اللينيا اكيد احسن بس عشان حد يجيبها لازم تكون عاجباه اوى و بيحب يجرب يعنى

[Dr. Halawa]

او مش قصدى يجرب قصدى يعنى ما بيحبش يركب عربية الناس كلها راكباها و معندوش مانع يستحمل الوكيل (اللى اتحسن نسبيا) و قطع الغيار اللى اغلى شوية بس

[fouady]

dr.halawa بص أنا مش هكلمك في المقرناه خالص بس ده سؤال شخصي بجد إنت لو معاك 110 ألف بذمتك دفعهم فـعربية زي الياريس ده بامنة أنا شيفها اخرها 80 ألف رايك إنت إيه :-)

[Dr. Halawa]

انا لو معايا 110 و عايز جديد هاجيب ياريس و اشيل الباقى للزمن بس انا عندى اجيب جولف مستعملة 2007 مثلا احسن. اللينيا عمرها ما ها تيجى فى دماغى عشان ما فيش منها اوتوماتيك ممكن لو نزل منها اوتوماتيك تبقى احسن

[tutankhamoun]

النيسان صني أحسن في حاجات كتيرة ... ( و طبعا العربيتين في فئة واحدة و ينفع يتقارنوا ) يعني هو التوربو هو اللي خلاه اللينا بقت حاجة مختلفة ؟؟؟؟

سعر اعادة بيع أفضل ...... قطع غيار متوفرة أكتر .........

اللينيا أحسن في التالي
موتور أقوى علشان التوربو .......... الفرش الداخلي تحفة .

و الأثنين شكلهم متوسط

=================================
بدائل لغاية 110 ألف جنيه .
الكيا السيراتو ........ الإلنترا .......... الأوبترا .......... ننزل شوية للواجا ......... والبيرسونا .............

[romeo_6887]

الفيات لينيا طبعا بس هتخسر كتير لما تيجي تبيعها
و لكن هتكون راكب عربيه مميزه و ممتازه
و لا تنسي صلاه الاستخاره

[lover424348]

انا معايا نيسان صنى عربية زى الفل حمارة شغل صراحه باكل بيها مطبات و ماتقولش لأ و موتور شديد قوى صراحه

[AhmadKamal]

اولا قطع الغيار مش سعر واحد... النيسان ارخص بسبب انتشارها...الفيات عربيه اوروبى فأعلى فى السعر....اعذرنى يعنى حضرتك من طريقه كلامك بتقول انك مركبتش الصنى دى خالص...مين اللى قال لحضرتك ان صوت موتورها واطى...بالعكس دة سير الكاتينه جنزير فيها...
النيسان توكيل محترم موتور محترم عفشه محترمه ماركه محترمه تقفيل جامد جدا....يعنى لا هي ولا حاجه ولا هي اومليت ولا هيا هبابه....العربيه معايا ومفيش ولا كلمه من اللى قلتهم صح...

نقطه اليابانى تويوتا وهوندا وبس...دة بيقول برضه ان حضرتك مركبتش غيرهم...مركبتش الماكسيما ولا التيدا ولا المازدا 3 ولا السوبارو...اليابان معملوش الكرولا والهوندا بس

حضرتك اضفت ليا معلومه جامده جدا....ان الرينو الفرنساوى عمرها الافتراضى قصير مع ان العربيات الفرنساوى عمرها ما بتخستح ابدا الا فى حاله الاهمال فى الصيانه
وفى معلومه احب اقولها ...لو فكر يبيع اللينيا بعد كده هيبقى مصيرها زى مصير الفورد بالظبط...والعربيات اللى بنتكلم عليها دى غير غير السيينا والاونو والحجات دى...والحاجه الاخيره ياباشا ياريت متتفضلش بمعلومه عن شىء لم بتم التجربه به شخصيا...شكرا لمشاركتك

+11111111111111111111111111

[damasry]

يا جماعة صاحب العربية خلاص اشترى لينيا من شهر يناير.