عايز راى اهل الخبرة(اسأل استشير)

[MNBahr]

حضرتك بتتكلم بجد في الترتيب ده...!!!!!!!!!!!!!!!!!!!!!!!!!!!!!

الأوكتافيا و الكورولا في نفس مستوى الـi30, و الكروز, و السيراتو..ّّ!!!!!

و اللانسر الشارك و المازدا 3 في المستوى الثاني و الثالث و مع الماتريكس...!!!!!!!!!!!!!

حضرتك بتتكلم بجد والله..؟؟؟؟؟؟؟؟؟؟؟؟؟؟؟؟؟؟؟

حضرتك ده ترتيب ملوش أي علاقة بالشركة المصنعة ده ليه علاقة بالحاجات اللي هو طلبها في العربية اللي هو عايزها حضرتك اقرأ الموضوع كله

[Hosam_Optrawy]

بصراحه مقارنه صعبه ومحيره لانها بين 10 عربيات فئات واسعار مختلفه

منهم عربيه زى ماتريكس ب 93 الف ومنهم اوكتافيا ب 168 الف !!!!

عموما الزملاء ردوا عليك فى أغلب النقاط

وانا رايى انهم لازم يتقسموا مجموعات حسب الاسعار او حسب الفئات

يعنى مثلا الكارينز والماتريكس Mpv ومادام فى امكانيه تجيب كارينز يبقى نخرج الماتريكس من المقارنه

ال i30 هى الوحيده اللى هاتش باك فمينفعش نخرجها

كدا يبقى عندنا 7 عربيات سيدان

سيتى - كروز - سيراتو - اوكتافيا - شارك - مازدا 3 - كورولا


1-اقلهم مشاكل

نسبة حدوث المشاكل فيهم متساويه


2-اكثرهم ثباتا فى السرعات العالية

محتاجه تجربه لل 7 عربيات وانا مجربتش كلهم

بس نقدر نقول الاوكتافيا أثبتهم والباقى قريب من بعضه وأقلهم السيتى نظرا لوزنها وابعادها

3-قوة وعزم الموتور

السيراتو 124 حصان - الكورولا 122 - السيتى 118 - الشارك 109 - الكروز 107 - المازدا 105 - الاوكتافيا 102

4-اكثرهم اتساعا

مقدرش أحكم بالظبط بس أصغرهم السيتى


5-الاكثر رفاهية

تقصد أكثرهم كماليات ولا أكثرهم متعه يعنى سرعه ولا ثبات ولا ايه

عموما مادام قلت اوكتافيا يبقى اكيد رنج الفلوس اللى معاك 170 الف تقريبا

ودول يجيبوا اوكتافيا اوتوماتيك اول فئه وهاتبقى اقلهم رفاهيه لو قصدك عالكماليات

ويجيبوا مازدا 3 كامله ب 170 وكورولا كامله ب 160 و شارك كامله ب 145 وكروز كامله ب 137 و سيراتو كامله ب 126

اما السيتى فئه واحده ب 118 وأقلهم رفاهيه

6-افضل وكيل

كورولا وسيراتو و شارك


7-افضلهم فى قطع الغيار

كورولا وسيراتو وشارك


8-افضلهم فى تمن اعادة البيع

كورولا وسيراتو


8-اكثرهم فخامة

اوكتافيا


انا رايى تخرج السيتى والمازدا والشارك

يبقى يا اوكتافيا يا كورولا

بتفكر شويه فى التوفير يبقى يا كروز يا سيراتو

لو Mpv يبقى كارينز ولو هاتش باك يبقى i30


بالتوفيق

[maxpayne201016]

بجد شكرا Hosam_Optrawy على هذه المعلومات الجامدة اوى والتغطية الرائعة للعزم السيارات
بس انا كان عندى سؤال هى الكارينز موتورها متناسب مع حجمها ولا تقياه عليه وانا كنت سمعت انها نفس موتور السيراتو فياريت تقوللى وزن كل واحدة منهم
وكمان مين هو وكيل الكيا فى مصر وايه اخباره وخدمات ما بعد الشراء عنده

[ghazy12]

حضرتك ده ترتيب ملوش أي علاقة بالشركة المصنعة ده ليه علاقة بالحاجات اللي هو طلبها في العربية اللي هو عايزها حضرتك اقرأ الموضوع كله

يا باشا انا ماعنديش عقده الياباني و الماركات و الأسامي و الكلام ده...

أنا بتكلم على الجوده و التكنولوجيا (كصناعه بشكل عام) مستحيل تتساوى...

[ghazy12]

شكرا يا جماعة على هذه الردود والمعلومات بس الصراحة انا مايل اوى للكارينز (فى واحدة واقفة تحت البيت هتجننى من جمالها )علشان مساحتها وعلوها علشان احنا عندنا المطبات حلوة بزيادة
فياريت تقولوا رايكم فيها علشان انا ملقيتش حد قال فيها عيوب وكمان محدش قال فيه امميزات فياريت تفيدونى

طالما انت مايل للكارينز, يبقى اكيد انت عارف انها تناسبك و كده تبقى هي الأفضل بالنسبه ليك...

شوف اللينك ده و هتفهم كل حاجه عن الكارينز بالصور...

http://www.nilemotors.net/Nile/113053-a.html

و فعلا موتور السيراتو هو اللي في الكارينز (1600 سي سي, 124 حصان)...

[Hosam_Optrawy]

بجد شكرا Hosam_Optrawy على هذه المعلومات الجامدة اوى والتغطية الرائعة للعزم السيارات
بس انا كان عندى سؤال هى الكارينز موتورها متناسب مع حجمها ولا تقياه عليه وانا كنت سمعت انها نفس موتور السيراتو فياريت تقوللى وزن كل واحدة منهم
وكمان مين هو وكيل الكيا فى مصر وايه اخباره وخدمات ما بعد الشراء عنده

العفو

الكارينز فى ناس كتير قالت ان موتورها مش مناسب لوزنها خاصة انها تقيله 1450 كجم

السيراتو 1326 كجم يعنى فرق 124 كجم

لكن كل اللى اشتروها أكدوا ان سحبها كويس جدا ومش تقيله خالص

سعرها اوتوماتيك 112 الف

ودا تقرير ممتاز مفصل عن العربيه لازم تشوفه وان شاء الله هايفيدك

http://www.nilemotors.net/Nile/113053-a.html

توكيل كيا فى مصر هو الشركه المصريه العالميه للتجاره والتوكيلات EIT ودا رقمهم المختصر 19542

[MNBahr]

يا باشا انا ماعنديش عقده الياباني و الماركات و الأسامي و الكلام ده...

أنا بتكلم على الجوده و التكنولوجيا (كصناعه بشكل عام) مستحيل تتساوى...

يا أستاذ غازي أنا والله مكلمتش عالتكنولوجيا ولا الصناعة أنا كنت بقوله على مردود كل عربية وصنفتهم من وجهة نظري ومن وجهة نظر الحاجات اللي هو طلبها واضح إن حضرتك فهمتني غلط

[MNBahr]

يا أستاذ غازي أنا والله مكلمتش عالتكنولوجيا ولا الصناعة أنا كنت بقوله على مردود كل عربية وصنفتهم من وجهة نظري ومن وجهة نظر الحاجات اللي هو طلبها واضح إن حضرتك فهمتني غلط

معلش سوري إني مقلتلكش يا باشمهندس أصل أنا مهندس وبزعل لما حد يقول له حاجة تانية
ياريت تكون وجهة نظري وصلت يا باشمهندس

[ghazy12]

معلش سوري إني مقلتلكش يا باشمهندس أصل أنا مهندس وبزعل لما حد يقول له حاجة تانية
ياريت تكون وجهة نظري وصلت يا باشمهندس

أكييد وصلت يا هندسه, و يمكن أكون انا فهمتك غلط...

شكراا يا باشمهندس...

[maxpayne201016]

شكرا ليكم يا جماعة ويعنى الكارينز مش فارقة كتير فى الوزن عن السيراتو وسحبها كويس
يبقى كده تمام
ان شاء الله اجيب الكارينز

[romeo_6887]

الاوكتافيا طبعا في المقام الاول
و بعدين الكورولا
و لا تنسي صلاه الاستخاره