تيدا ولا سيراتو؟؟؟؟؟؟؟؟؟

[abou_ruqi]

موتور النيسان ألومنيوم على كاتينة
Code HR16DE

Type DOHC, 16-valve, 4-cylinder, in-line

Displacement (cc) 1598

Bore x stroke (mm x mm) 78.0 x 83.6

Max. Power (SAE Gross) kW (hp/rpm) 118/6,000

Max. Torque (SAE Gross) Nm (kg-m/rpm) 17.0/4,400

Fuel System ECCS, electronic fuel injection control


في الحقيقة معرفش حاجة عن موتور السيراتو لو حد من الأخوة معاه سيراتو ممكن يحكلنا عنها

[mohamedbook]

تيدا كفايه انها يباني مش هقول اكتر من كدة بصرف النظر عن الشكل

[medo980]

تيداااااااااااااااااااااااااااا / العمر الأفتراضى / الأعتمدايه يكفى انها يابانى مهما كانت مميزات الكورى وهذا رأى شخصى والله على ما اقول شهيد

[pharonicking]

لو بتفكر تبيع فى خلال سنتين تلاتة بس يبقى سيراتو
أما بقى لو هتخليه معالك و مابتفكرش فى البيع يبقى تيدا لأنها مش كويسة فى سعر أعادة البيع

يعنى قصدك السيراتو عربية اركبها سنتين وابيع""
دى على اساس ان الانسان المصرى غنى وممكن يدفع 120الف كل سنتين"" عشان يركب عربية كورى شكلها حلو""
انما الانسان الفقير اللى مش لاقى ""يركب التيدا عشان مبيفكرش يبيع""

[Ahmed.TV]

بصراحة التيدا بلس خطيرة جدااااا وعربية ممتازة من حيث الاداء ومن حيث استهلاك البنزين ومن حيث الجودة والتقفيل والاعتمادية ومن حيث التوكيل لان توكيل نيسان محترم جدا وخوصا السبع , وغير كدا بردوا بصوا على نيسان وسمعتها فى مصر عاملة ازا بقالها كام سنة فى مصر , وغير كدا يابانى ميه فى الميه وبالنسبة لموضوع الشنطة هى صغيرة مش متوسطة مش صغيرة اوى وممكن كمان تحرك الكنبة الخلفية للامام عشان تدى وسع فى الشنطة
بصراحة عربية رائعة

[TeMoON]

انا هقول لحضرتك حاجة هى الى هتحدد العربية بالنسبالك اية
يا ترى استخدام حضرتك للعربية هيكون كتير ولا قليل لف جوة البلد وعلية بنحكم كالاتى
يعنى لو حضرتك بتلفى بالعربية كتير مشاوير وشغل وحاجات كدا يبئة نشوف كل عربية نظامها اية على حدا فى المصاريف وتنقسم المصاريف ل قطع غيار وبنزين وصيانه دورية للعربية
هى السيراتو عربية جديدة وشيك اه بس قطع غيارها غالية جدا وعالفاضى ودا لانها لسة جديدة فى السوق ومحدش قدر يحكم عليها

انما النيسان تيدا عربية محترمة جدا ويابانى والمعروف عن اليابانى الاعتمادية العالية وان العربيات اليابانى معمرة وغير دا كلة متوفرة فى السوق واثبتت وجودها ولو حضرتك اشترتيها هتستلميها فى وقت قصير جدا عكس السيراتو الى حضرتك مضطرة تنتظرى بالشهور مع الوكيل المحترم حتى تستلمى عربيتك ودى ميزة لتيدا
ومن مميزات التيدا جودة الخامات الداخلية
وصالون السيارة هو صالون فرنسى المعروف بأنة افضل فى الراحة مع وسع السيارة من الداخل والتابلوة البسيط الذى يحمل الطابع اليابانى وما تنسيش حضرتك ان اليابانى من افضل العربيات الى فى العالم فا مش هتكون السيراتو مماثلة بنفس اداء التيدا وفى ميزة للتيدا ان قطع غيارها متوفرة خارج الوكيل اكتر من الكيا السيراتو يعنى لو خيرونى انا بين العربيتين انا هفضل التيدا طبعا لانها
اولا يابانى
ثانيا منتشرة ومتوفرة واثبتت نجاحها
ثالثا التوكيل يقال علية انة كويس مع انى ما بعترفش ب ولا وكيل فى مصر
رابعا توافر قطع الغيار
خامسا سيارة اقتصادية
سادسا سيارة معمرة
سابعا جودة الخامات المستخدمة فيها
فا لو اختارت بين السيارتين هختار التيدا للاسباب الى فاتت دى
مع احترامى لملاك السيراتو هى صحيح الكيا عربية حلوة ومانقدرش نقول حاجة فى حقها بس فى نظرى انا الشخصى ان النسيان افضل منها 100 مرة
وما ننساش ان اليابانين ما وصلوش للى هما فية دا من فراغ
وطبعا الى يتفوق على اليابان وكوريا فى السيارات هو الصانع الالمانى دا لو دخل المقارنة سيارة تابعة للصانع الالمانى