اونو ولا بونتو.. دلوني يا اهل الخبرة ؟؟

[ppc3581]

عايز اشتري عربية ومش عارف اجيب اونو ولا بونتو دلوني ارجوكم.....
واسعارهم ايه لاني لقيت اسعارهم متقاربة ... -موديلات التسعينات

[yoko]

بونتو أحلى في الشكل ولسه بيتم إنتجها أما قطع الغيار معرفش بصراحة

[m000dy]

لو اتفرجت على اونو واتفرجت على بونتو انت هاتختار البونتو
اجمل فى الشكل
اكثر اعتماديه
عربيه معروفه فى اوروبا كلها وناجحه
وقطع غيارها اغلى شويه من الاونو بس طبعا فرق اداء لان الاونو 1000 سى سى والبونتو 1300 فتستحمل تكييف

[m000dy]

اونو من 94 لحد 97 بتعمل من 24 الف ل 28 الف
بونتو 94 و 95 بتعمل من 27 الف ل 30 الف
لو هاتجيب بونتو فركز عى حالة العربيه

[amrbakly]

بص انا قعدت شهرين ادور علي بونتو نضيفة ملقتش، العربية اصلا شبابية 100% و الشباب بيفركوها اخر حاجة

الأونو ممكن تلاقي فيها حالات كويسة علشان في منها كتير كان ماشي عائلي

و لو بصيت علي الإعلانات حتلاقي كتير أونو فابريكة برة و جوة

لكن نااااااااااااااااااااااااااااااااااااادرا ما تلاقي بونتو فابريكة برة و جوة (طبعا انا بتكلم عن البونتو القديمة)

بالنسبة لقطع الغيار اللي اعرفة ان البونتو تقريبا اسعار قطع غيارها ضعف الأونو ، بس في النهاية الأتنين رخاص برضة مقارنة بالجديد

علي اي حال اللي بيحكم هو الحالة
لو لاقيت حالة كويسة خلص فيها