المواطن المطحون (سيات 133 - لادا أوكا) كله يدخل يقول رأية من غير تريقة

[AMA]

بسم الله الرحمن الرحيم


بما إن الناس كلها دلوقتى مش بتشترى عربيات و إلى بيبيع بيقعد سنه تقريبا عشان يبيع عربيته
حبيت أرجع لمواضيع المواطن المطحون دة و نعمل مقارنه بين سيات 133 وبين لادا أوكا
و طبعا النوعين دول على ماأظن شباب و رجالة و أطفال و بنات مصر كلها ركبتهم
زى السجاير الكليوباترا مع المدخنين



السيات 133 بحوالى 4000 جنية لحد 4500 و دا طبعا حسب حالتها
اللادا أوكا من 4500 لحد 5000 و دا طبعا حسب حالتها
لكن بما إن شكل لادا أوكا أنضف هل أمكانياتها برضة أنضف ؟؟؟


منتظر أرائكم طبعا
و أهم العيوب فى السيات 133 واللادا أوكا و أهم المميزات
(السرعة - الأعطال-الأقوى فى الصاج-الأقوى فى التحمل-الأكثر شابيه) و هكذا

[hesham_soaida]

أى عربية احسن من السيات
مع الاعتذار لاصحاب السيات

[moudy88]

أى عربية احسن من السيات


مع الاعتذار لاصحاب السيات

+111111111
في كل الاحوال ابعد عن السيات ان شاء الله لو جبت فزبه ..
العربيه دي مع قرايبي ومورياهم الويل ..وكل سنه بيعملولها عمره وبتسخن صيف وشتى وعربيه مؤرفه بمعنى الكلمه ...ولو فاكر انك هتوفر لو جبتها ب3000 كمان ..تبقى غلطان ..انت ممكن تصرف اضعاف تمنها بسبب اعطالها ...اصرف نظر عنها احسن لك

[zkralla]

يا باشا تريقة على أيه الى عنده مش فضل منه ولا الى معندوش مش عيب منه
والحمد لله أنك بتدور على عربية فيه ناس فى بلدنا ( ولا مؤاخذه يعنى بتأكل من الزبالة )
مفيش حد ممكن يتريق علي سؤالك عشان الى يتريق يبقى انسان مش محترم و أنا احسب كل أعضاء نايل موتورز ناس محترمين
نخش بقى فى الموضوع
نصيحة اخوية أنا كان معايا سيات واقسم بالله العظيم أنها كرهتنى فى حاجة اسمها عربيات ده بالرغم من أن حالتها كانت كويسة وكنت عامل فيها كل التعديلات الى متخلهاش تسخن من الراديتر ال 3 ماسورة الى المروحة التركى الاربعة ريشه الى شيل الصاجة الى قدام الماتور وغيرها بس رغم كده السخونة العالية الى كانت بتبقى حوالين الماتور كانت بتأثر تأثير سىء على جميع الاجزاء الى فى الماتور ومكنتش تعطل الا فى اللجان وقدام اقسام الشرطة لدرجة مرة عطلت _ والله العظيم - ما بين حاجز الدخول للكمين وحاجز الدخول منه وقعدت اصلح فيها جوه اللجنة نفسها
الاوكا حلوة قوى قوى أنا اشتريتها لحد معرفه وقعدت معايا شويه لانه مكانش بيعرف يسوق
هى 2 سلندر تقريبا 750 سى سى على ما اذكر سحبها حلو وكنت بجيب بيها 130 مستريح بس كانت العربية بتخف شويه على السرعة أحنا اشتريناها ب 15500 ايامها وكانت طبعا زيرو
وفيه واحد معرفه تانى معاه وبيسافر بيها مطروح وزى الفل لا بتسخن ولا بتعترض على المشوار اما السيات لو راحت مشوار زى ده اكيد هتكنها فى برج العرب
بس ما اعرفش اسعار قطع غيارها أيه

[M.FOUAD]

ابعد عن الاوكا خالص صحيح عربية موفرة جدا في البنزين و رخيصة بس قطع غيارها هتدوخك و هتفضل تعدل على 127

[HAMZAWY]

انا كنت لسة داخل اطلب مقارنة بس بين السيات والــ فيات 126 لانهم فى نفس رينج السعر
ايه رايكم فى الــ 126 هى ولا السيات

[AMA]

أى عربية احسن من السيات


مع الاعتذار لاصحاب السيات

أنت جبت من الأخر هههههههههههههههههه بس دى وجهة نظر عايز أقولك أن فيه ناس بتحب السيات جدا و بتعشقها لكنى مش منهم بصراحة

+111111111
في كل الاحوال ابعد عن السيات ان شاء الله لو جبت فزبه ..
العربيه دي مع قرايبي ومورياهم الويل ..وكل سنه بيعملولها عمره وبتسخن صيف وشتى وعربيه مؤرفه بمعنى الكلمه ...ولو فاكر انك هتوفر لو جبتها ب3000 كمان ..تبقى غلطان ..انت ممكن تصرف اضعاف تمنها بسبب اعطالها ...اصرف نظر عنها احسن لك

كلامك مقنع بصراحة و كويس جدا و ألف شكر على الرد يا معلم

يا باشا تريقة على أيه الى عنده مش فضل منه ولا الى معندوش مش عيب منه
والحمد لله أنك بتدور على عربية فيه ناس فى بلدنا ( ولا مؤاخذه يعنى بتأكل من الزبالة )
مفيش حد ممكن يتريق علي سؤالك عشان الى يتريق يبقى انسان مش محترم و أنا احسب كل أعضاء نايل موتورز ناس محترمين
نخش بقى فى الموضوع
نصيحة اخوية أنا كان معايا سيات واقسم بالله العظيم أنها كرهتنى فى حاجة اسمها عربيات ده بالرغم من أن حالتها كانت كويسة وكنت عامل فيها كل التعديلات الى متخلهاش تسخن من الراديتر ال 3 ماسورة الى المروحة التركى الاربعة ريشه الى شيل الصاجة الى قدام الماتور وغيرها بس رغم كده السخونة العالية الى كانت بتبقى حوالين الماتور كانت بتأثر تأثير سىء على جميع الاجزاء الى فى الماتور ومكنتش تعطل الا فى اللجان وقدام اقسام الشرطة لدرجة مرة عطلت _ والله العظيم - ما بين حاجز الدخول للكمين وحاجز الدخول منه وقعدت اصلح فيها جوه اللجنة نفسها
الاوكا حلوة قوى قوى أنا اشتريتها لحد معرفه وقعدت معايا شويه لانه مكانش بيعرف يسوق
هى 2 سلندر تقريبا 750 سى سى على ما اذكر سحبها حلو وكنت بجيب بيها 130 مستريح بس كانت العربية بتخف شويه على السرعة أحنا اشتريناها ب 15500 ايامها وكانت طبعا زيرو
وفيه واحد معرفه تانى معاه وبيسافر بيها مطروح وزى الفل لا بتسخن ولا بتعترض على المشوار اما السيات لو راحت مشوار زى ده اكيد هتكنها فى برج العرب
بس ما اعرفش اسعار قطع غيارها أيه

مواقف بايخة أوى بصراحة دى والله لكن عندى سؤال الأوكا دلوقتى تعملها كااااااام و تكون حالتها معقولة يعنى ؟

ابعد عن الاوكا خالص صحيح عربية موفرة جدا في البنزين و رخيصة بس قطع غيارها هتدوخك و هتفضل تعدل على 127

مش عارف موضوع قطع الغيار دى بس على ماأظن يعنى لو على قطع الغيار بقى و العربية نضيفة ممكن تجيبها أستيراد و تدفع فيها براحتك

انا كنت لسة داخل اطلب مقارنة بس بين السيات والــ فيات 126 لانهم فى نفس رينج السعر
ايه رايكم فى الــ 126 هى ولا السيات

والله ماعارف أنا بضم صوتى لصوتك والله برضة بس على ماأظن بعد الكلام إلى أتقال على سيات 133 دلوقتى يبقى على ماأظن مجرد رأى شخصى أن فيات 126 أحسن و كمان باين على شكلها





منتظرين الردود و الأراء فى كل حاجة يا رجالة

[monmonmon]

طبعا اوكااااااااا

بس اتأكد من موضوع توافر قطع الغيار لانها حاجه متعبه

انا كنت بتعذب كده فى دايهاتسو ميرا بسبب قلة انتشارها

[rockana9112007]

بس ياجماعة هل فى تعديلات على الموتور للتحسين من الاداء وتلافى مشكلة السخونة
او حتى تسقيط مواتير تانية

[ows212]

السيات احسن ...

[romeo_6887]

لو تقدر تزود شويه و جيب 128
عربيه مننا و علينا و كل بلاويها عارفينها و ليها حل
علي فكره انا لو كنت من القاهره و عندي وقت فراغ كبير
كان زمان معايا 128 بس ايه ؟ معدله علي سنه 2012

[zkralla]

لو تقدر تزود شويه و جيب 128
عربيه مننا و علينا و كل بلاويها عارفينها و ليها حل
علي فكره انا لو كنت من القاهره و عندي وقت فراغ كبير
كان زمان معايا 128 بس ايه ؟ معدله علي سنه 2012

+111111111
أو 127

[ahmdmagdy]

ابعد عن الاثنين و هات 127

[emamphoto]

نصيحه من واحد صاحب سيات 133

بدراسه موضوعيه بسيطه
أولا:قطع الغيار
قطع غيار 127 أرخص و الأداء الميكانيكي لها أفضل من سيات 133 مع أنهم متشابهين في معظم قطع الغيار ماعدا المارش-طرمبة المياه-الكربراتير
ثانيا:الصيانه
127 أسهل في الصيانه و معروفه لمعظم الميكانيكيه ان لم يكن كلهم
سيات 133 صعبه في صيانتها فمثلا لصيانة المارش لابد من فك الردياتير
ثالثا:الأداء
محرك 127 أفضل 900cc تقريبا بينما محرك السيات 133 750cc فقط صحيح أنها مسألة نسبه و تناسب بين وزن السياره و قدرة المحرك و لكن بالتجربه 127 تكسب
أما عن الأوكا فمشكلتها عدم توافر قطع غيارها و استغلال محلات قطع غيارها بالإضافه لأن محركها 2 سلندر فقط

[a7madramadan]

نصيحة انسى الاوكا هتتعبك جدا جدا جدا جدا في قطع الغيار شوف اي خيارات تانية