عايز رأيكم بصراحه

[tranesy]

أنا حيران ف أشد الحيرة بجد
عايز اشتري سيارة و حيران بين هوندا سيفيك و فولكس جيتا
اختار ايه و ياريت اللي يقول رأيه يقول هو اختار دي ليه
ارجو المساعده

[ahmed_gman]

السلام عليكم ورحمة الله وبركاته
بلا ادنى شك ولا تفكير ولا كلمة ............جيتا جيتا جيتا بالثلاثة
بكل صراحة وبكل ثقه وبكل امانة جيتا احسن من كل الجهات وبكل وجهات النظر وباجماع الفقهاء والمذاهب الاربعة هههههههههه
توكل على الله

[kareemhisham]

السلام عليكم ورحمة الله وبركاته
بلا ادنى شك ولا تفكير ولا كلمة ............جيتا جيتا جيتا بالثلاثة
بكل صراحة وبكل ثقه وبكل امانة جيتا احسن من كل الجهات وبكل وجهات النظر وباجماع الفقهاء والمذاهب الاربعة هههههههههه
توكل على الله

معلش ممكن حضرتك ترتب نقاط كدة تقولنا فيها افضل في ايه بظبط ؟؟

موتور ؟ .. توكيل ؟ .. ثبات ؟ .. امان ؟ .. رفاهية ؟ .. قيمة مقابل سعر ؟ .. سعر اعادة البيع ؟ .. قطع الغيار و انتشارها ؟

كدة هيكون رأي حضرتك واضح اكتر ..

[tranesy]

ألف شكر ع الرد
بس ياريت تقلي ليه الجيتا افضل من السيفيك

[islamaboelnaga]

بص ياباشا بعيد عن كل نقطه لوحدها ....الجيتا و الالمانى عموما ليه طعم و ركوبه معينه و متعه فى السواقه مش موجوده فى اى عربيه تانيه ....دا من غير منقعد نتخانق مين الموتور الاقوى و كدا...الالمانى له متعه ميعرفهاش اللى مركبش اوربى ...ملحوظه (معايا يابانى و المانى )

[vodanet]

بص ياباشا بعيد عن كل نقطه لوحدها ....الجيتا و الالمانى عموما ليه طعم و ركوبه معينه و متعه فى السواقه مش موجوده فى اى عربيه تانيه ....دا من غير منقعد نتخانق مين الموتور الاقوى و كدا...الالمانى له متعه ميعرفهاش اللى مركبش اوربى ...ملحوظه (معايا يابانى و المانى )

111111+

[tranesy]

يا جماعه معلش متقل عليكم
بس هل الجيتا تستحمل السفر و البهدله زي الهوندا او الياباني عموما

[islamaboelnaga]

انت بتهزر صح ؟؟؟ تستحمل طبعا ياباشا

[ahmed_gman]

معلش ممكن حضرتك ترتب نقاط كدة تقولنا فيها افضل في ايه بظبط ؟؟

موتور ؟ .. توكيل ؟ .. ثبات ؟ .. امان ؟ .. رفاهية ؟ .. قيمة مقابل سعر ؟ .. سعر اعادة البيع ؟ .. قطع الغيار و انتشارها ؟

كدة هيكون رأي حضرتك واضح اكتر ..

السلام عليكم ورحمة الله وبركاته
ياباشا معلش بدون زعل ومع احترامى الكامل لحضرتك وللتويوتا كل الاسباب الى حضرتك ذكرتها واكثر منها كمان للاسف لصالح الجيتا واخوتها الكبرى والصغرايتين (الباسات والجولف والبولو الهاتش باك )وهى ازواق بقى وحضرتك نورت القسم الفولكساوى

[ahmed_gman]

بص ياباشا بعيد عن كل نقطه لوحدها ....الجيتا و الالمانى عموما ليه طعم و ركوبه معينه و متعه فى السواقه مش موجوده فى اى عربيه تانيه ....دا من غير منقعد نتخانق مين الموتور الاقوى و كدا[gdwl]...الالمانى له متعه ميعرفهاش اللى مركبش اوربى [/gdwl]...ملحوظه (معايا يابانى و المانى )

+1111111111111111111111

[M.Mostafa80]

معلش ممكن حضرتك ترتب نقاط كدة تقولنا فيها افضل في ايه بظبط ؟؟

موتور ؟ .. توكيل ؟ .. ثبات ؟ .. امان ؟ .. رفاهية ؟ .. قيمة مقابل سعر ؟ .. سعر اعادة البيع ؟ .. قطع الغيار و انتشارها ؟

كدة هيكون رأي حضرتك واضح اكتر ..

الموتور الأثنين حلوين وان كان التميز هيبقى للسيفك فى البدايه لكن لما الجيتا تجمع يبقى انسى
توكيل الأثنين زى بعض ميفروقوش فى حاجه كعاده التوكيلات المصريه غلاء قطع الغيار وخدمه مؤرفه
ثبات الأثنين متميزين فى الثبات وان كان فى الجيتا أكثر مع ان الهوندا أقرب الى الأرض
أمان الأوروبيين بيتميزو والألمان خصوصا فى عوامل الأمان العاليه والمحافظه على روح الركاب بعد أراده الله
رفاهيه الأثنين على مستوى عالى من الرفاهيه
سعر اعاده البيع الجيتا تكسب نظرا لرخص قطع غيارها وتوفرها أكثر من السيفك
قطع الغيار زى ماقلت متوفره ومنتشره أكثر من السيفك
رأى بمنتها الحياديه وبدون تحيز لفولكس مع انى فلوكساوى صميم وزى ما قال أخى
اللى مركبش أوربى مركبش عربيات ودا لأن الصانع الأوربى بيحترم مقتنى صناعته لأبعد الحدود التى ممكن ان يصل اليها اى عقل وذلك سر تميزهم وتفوقهم على الأخير ويكفى أن فولكس فاجن أخدت أفضل مصنع مواتير بتحفته المحرك ال تى اس اى

[TeMoON]

شوف يا اخ ترانيسى انا هقولك الفرق بين الجيتا والهوندا وانت ليك الاختيار

1. الهوندا

• عربية يابانى اكتر من محترمة وافضل عربية يابانى من وجهة نظرى
• موتور قوى جدا جدا جدا اقوى موتور فى فئتها ولا غبار على موتور الهوندا انها عربيات معمرة جدا وقوة تحملها ممتازة
• ولكن العربية الهوندا تفتقر ل الكماليات والرفاهية انا مش بقلل من جودة العربية من جوة العربية من جوة حلوة وخامتها كويسة طبعا
• طبعا توكيلها فى معاملتة كويس مش وحش بس طبعا قطع الغيار غالية جدا جدا جدا لاقصى الدرجات عن الجيتا
• مدى قرب السيارة الهوندا للارض اكتر من الجيتا ودا طبعا لبلدنا الجميلة ودى هتكون مشكلة معاك فى الطرق لان انا احد مالكى الجيتا وكنت بعانى من حكاية اقتراب الجيتا من الارض لحد الحمد لله ما اتعودت عليها
• عدم توفر قطع غيار الهوندا مثل الجيتا والمتخصصين برة زى الجيتا

الجيتا

من عيوب الجيتا مدى اقترابها من الارض ولكن ليست مثل الهوندا
موتور السيارة فى الاول ضعيف ولكن بعد 100 كم هتلاقى موتور تانى خالص
مدى سوء التوكيل

• السيارة الجيتا سيارة اكثر من رائعة وطبعا دا لانها من الصانع الالمانى
• تتوفر فيها عدة فئات من الكماليات يعنى على اد فلوسك هتلاقى الى انت عاوزة من كماليات عكس الهوندا فئتين فقط
• مدى جودة الخامات المستخدمة داخل الصالون
• انتشار قطع الغيار والمتخصصين فيها للتصليحات والصيانة عكس الهوندا
• قوة التحمل والمتانة التى تتصف بيها السيارات الالمانية
• مدى الثبات الرهيب الذى تتصف بية الجيتا ( عن تجربة )
• عوامل الامان المتوفرة فى الجيتا من airbags and abs and asr مع قوة ومتانة صاج الجيتا عن الهوندا

وانت عشان تحكم على العربية انت محتاج تجرب الهوندا ومحتاج تجرب الجيتا بس اعرف لما هتركب الجيتا هتعرف انك فى دنيا تانية وهتستمتع بالعربية وهتحس ب اد اية مدى فخامة الصانع الالمانى ومدى متعة القيادة فيها والكلام دا عن تجربة بس مع تويوتا كورولا 2006 فا ربنا يوفئك وتشوف انت حابب اية وربنا يكرمك وتجيب الى انت عاوزة وفى الاخر العربيتن احلى من بعض واتمنى يارب انى اكون قدرت افيدك

[tranesy]

ألف شكر ليكم كلكم بجد انتم افيدوني كتير
و شكر خاص ل temoon ع توضيحه الفارق بين السيارتين بطريقه سهله و لذيذه
بس المشكله اني سألت ناس كتير اوي في اللي يقلي ان الجيتا موتورها ضعيف يعني لو راكب 4 و مشغل التكييف هتلاقي عزمها يقل عكس الهوندا لأن الجيتا 102 حصان اما السيفيك 140
و ف اللي يقلي ان جيتا فيها رفاهيه عن الهوندا
و اللي يقول ان جيتا صيانتها صعبه يعني لو طلبت حاجه هتفتح بقها و ده لكثرة التكنولوجيا فيها
اما السيفيك فهي بسيطه كطابع الياباني عموما
و انا عارف ان قرار شراء سيارة صعب جدا علشان كده انا حيران و اخدت مشورتكم

[kareemhisham]

السلام عليكم ورحمة الله وبركاته
ياباشا معلش بدون زعل ومع احترامى الكامل لحضرتك وللتويوتا كل الاسباب الى حضرتك ذكرتها واكثر منها كمان للاسف لصالح الجيتا واخوتها الكبرى والصغرايتين (الباسات والجولف والبولو الهاتش باك )وهى ازواق بقى وحضرتك نورت القسم الفولكساوى

مفيش زعل ولا حاجة طبعا .. و هنا المقارنة بين الجيتا و السيفيك .. مفيهاش تويوتا :) ..

و انا مش داخل عشان اقول الياباني يكسب ..

انا بس قلت نحطهم فى نقط عشان الجيتا مش بتتفوق فى كل النقاط و كل النواحي ..

في نقاط تتفوق فيها الجيتا بتميز و نقاط تتفوق السيفيك فيها بتميز ..

و انا شايف ان الجيتا تتفوق فى نقاط اكتر ..

و قسم فولكس منور بأهله يا باشا :)

[kareemhisham]

الموتور الأثنين حلوين وان كان التميز هيبقى للسيفك فى البدايه لكن لما الجيتا تجمع يبقى انسى
توكيل الأثنين زى بعض ميفروقوش فى حاجه كعاده التوكيلات المصريه غلاء قطع الغيار وخدمه مؤرفه
ثبات الأثنين متميزين فى الثبات وان كان فى الجيتا أكثر مع ان الهوندا أقرب الى الأرض
أمان الأوروبيين بيتميزو والألمان خصوصا فى عوامل الأمان العاليه والمحافظه على روح الركاب بعد أراده الله
رفاهيه الأثنين على مستوى عالى من الرفاهيه
سعر اعاده البيع الجيتا تكسب نظرا لرخص قطع غيارها وتوفرها أكثر من السيفك
قطع الغيار زى ماقلت متوفره ومنتشره أكثر من السيفك
رأى بمنتها الحياديه وبدون تحيز لفولكس مع انى فلوكساوى صميم وزى ما قال أخى
اللى مركبش أوربى مركبش عربيات ودا لأن الصانع الأوربى بيحترم مقتنى صناعته لأبعد الحدود التى ممكن ان يصل اليها اى عقل وذلك سر تميزهم وتفوقهم على الأخير ويكفى أن فولكس فاجن أخدت أفضل مصنع مواتير بتحفته المحرك ال تى اس اى

و عشان كدة انا قلت ان الجيتا تتفوق في نقاط اكتر

و انا اتفق معاك فى كل النقاط ..

بس معلش .. الا حتت الموتور ;)