نيسان صنى ولا هيونداى نيو اكسنت ولا ماتركس

[monmonmon]

أنا رأيى

ماتريكس-اوبترا-صنى

دول افضل 3

من حيث الراحة و العفشة و الوسع و الثبات

أنا معايا ماتريكس 2007 74,600 كم حتى الآن و الحمد لله زى الفل

ركبت الصنى الاتوماتيك و سوقتها مشوفتش اى وجه تفوق على الماتريكس

شنطة الماتريكس لها ايحاء انها صغيره.. و هى فعلا صغيرة كحجم لو هنقيس بال لتر

لكن واقعيا ارتفاع الشنطة اكبر من معظم السيدان و تقدر توقف شنط سفر كبيره متقدرش تعملها فى عربيات سيدان

الكنبة ممكن تتنيها و تدخل اى حاجه من الشنطة حتى لو تليفزيون كبيييييير او كراتين و دى بتنفعنى جامد و مش بحتاج لنص نقل

شوف احتياجاتك و على العموم الاكسنت هتكون اقل منهم فى كل حاجه ما عدا التسارع

[eng.octooo]

الصنى حلوة جداااا

[Hosam_Optrawy]

250 كم و فى سفر ده مش رقم كويس خالص

انا اعلى استهلاك بنزين للماتريكس (مانيوال) فى الصيف و الزحمة الشديدة و الحرق 250 كم فى الصفيحة او اعلى

فى السفر و بالتكييف و العربية متحمله على الاخر مش اقل من 300 كم و ممكن توصل 350 و 360 كم فى الصفيحة

و من اول تفويلة و العربية زيرو مشيت 670 كم ب 42 لتر يعنى 319 كم فى الصفيحة

طبعا كل ده بيفرق من واحد للتانى بس 250 فى طريق سفر قليل جدا حتى لو اوتوماتيك الا اذا كنت بتمشى فوق 120 طول الطريق

انا فعلا كنت ماشى طول الطريق 120 - 140 وفاتح التكييف ومتنساش العربيه اوتوماتيك

وبيتهيألى دا رقم كويس على عربيه 1600 اوتوماتيك وزنها 1240 كجم غير اللى راكبين فيها

[monmonmon]

انا فعلا كنت ماشى طول الطريق 120 - 140 وفاتح التكييف ومتنساش العربيه اوتوماتيك

وبيتهيألى دا رقم كويس على عربيه 1600 اوتوماتيك وزنها 1240 كجم غير اللى راكبين فيها

بس الماتريكس بردوا 1327 كجم

تمام كده انا قلتلك الا اذا كنت ماشى فوق 120.. برافو على

اصل انا مجرب بال i10 على 120 و اكتر بتعمل من 260-280 كم فى الصفيحة مع انها 1100 سى سى بس و مانيوال لكن حساسة جدا للسرعات العاليه و بتبقى زى ال 1600

انا كلامى على افضل استهلاك بيكون فى سرعات ما بين 80 و 90 او 100 كحد اقصى لكن اكتر من كده انت المسؤل

[Hosam_Optrawy]

بس الماتريكس بردوا 1327 كجم

:s_thum1[1]: تمام كده انا قلتلك الا اذا كنت ماشى فوق 120.. برافو على

اصل انا مجرب بال i10 على 120 و اكتر بتعمل من 260-280 كم فى الصفيحة مع انها 1100 سى سى بس و مانيوال لكن حساسة جدا للسرعات العاليه و بتبقى زى ال 1600

انا كلامى على افضل استهلاك بيكون فى سرعات ما بين 80 و 90 او 100 كحد اقصى لكن اكتر من كده انت المسؤل

لا لا لا يامعلم الماتريكس 1226 كجم فقط

وبصراحه انا مجربتش الاستهلاك على سرعة 90

اعتقد الاستهلاك ممكن يوصل ل 270 او 280 فى الصفيحه لكن صعب اوى يوصل لل 300 كم او يعديها

وعموما مكتوب فى بروشور الاوبترا ان متوسط الاستهلاك للاوتوماتيك 8 لتر لكل 100 كم يعنى 250 لكل 20 لتر

[isamy]

أنا رأيى

ماتريكس-اوبترا-صنى

دول افضل 3

من حيث الراحة و العفشة و الوسع و الثبات

أنا معايا ماتريكس 2007 74,600 كم حتى الآن و الحمد لله زى الفل

ركبت الصنى الاتوماتيك و سوقتها مشوفتش اى وجه تفوق على الماتريكس

شنطة الماتريكس لها ايحاء انها صغيره.. و هى فعلا صغيرة كحجم لو هنقيس بال لتر

لكن واقعيا ارتفاع الشنطة اكبر من معظم السيدان و تقدر توقف شنط سفر كبيره متقدرش تعملها فى عربيات سيدان

الكنبة ممكن تتنيها و تدخل اى حاجه من الشنطة حتى لو تليفزيون كبيييييير او كراتين و دى بتنفعنى جامد و مش بحتاج لنص نقل

شوف احتياجاتك و على العموم الاكسنت هتكون اقل منهم فى كل حاجه ما عدا التسارع

بس متنساش ان الماتركس لا فيها اير باج ولا abs وبيتهيألى ان ده نقطة تفوق للصنى

[eng_elgendy2]

انا بقارن بين نفس العربيات تقريبا بس معاهم البورتون جين 2
ممكن تقولي ايه حكايه عرض الصني

[raedegypt]

الهيونداى افضل من الصنى المصرى والاوبترا

[isamy]

نيسان عملت تخفيض 5000 جنيه على الصنى فى ديسمبر اللى فات وبالتالى اصبحت الصنى ال ex + abs ب 91500 بدلا من 96500

[ahmed_aly78]

انا اسفه للبيقول هيونداى افضل من الصنى معلش انا كان معاى هيونداى اكسيل واخويا معاه نيو اكسنت
الصنى افضل بكتير ده عن واقع تجربه سواقه الثلاثه بالاضافه الى كده فى ناس جوا غبور قالوا لى ان الصنى افضل لانها يابانى ووسائل الامان
ابسطها انا من فتره كنت ماشى بالعربيه مشيت على زبت العربيه لقيت فيها صوت خبط ومسكت نفسها لو كنت راكب عربيه تانيه كان حصل ليها ايه دلوقتى خلينا نحكم على الحاجه الا لما نركبها

[raedegypt]

انا اسفه للبيقول هيونداى افضل من الصنى معلش انا كان معاى هيونداى اكسيل واخويا معاه نيو اكسنت
الصنى افضل بكتير ده عن واقع تجربه سواقه الثلاثه بالاضافه الى كده فى ناس جوا غبور قالوا لى ان الصنى افضل لانها يابانى ووسائل الامان
ابسطها انا من فتره كنت ماشى بالعربيه مشيت على زبت العربيه لقيت فيها صوت خبط ومسكت نفسها لو كنت راكب عربيه تانيه كان حصل ليها ايه دلوقتى خلينا نحكم على الحاجه الا لما نركبها

ياعمى صنى ايه ال بتقارنها بهيونداى ( سعر وجودة عاليه وكورى )... اركب نيو اكسنت ولا النترا ولا ماتركس ولا جيتز ولا اى 10 ولا اى 30 عربيات تحفه . وبعدين الصنى مش يابانى دة مصرى ومصانع اليابان وقفت انتاجها من 2002 على ما اعتقد او 2003 وادخلى على ويب سايت النيسان اليابانى لاتجديها .

[raedegypt]

لو غاوى السيدان النيو اكسنت ممتازة وسيبك من الصنى تقفيل مصرى تعبان .والاوبترا غول بنزين . والماتركس ممتازة لو بتحب الهاتش باك . روح لـ احمد عبد المنعم زميلى مسؤل مبيعات هيونداى الميرغنى يريحك وشخصيه ممتازة 010xxxxxx

[Dr Ahmed]

لو غاوى السيدان النيو اكسنت ممتازة وسيبك من الصنى تقفيل مصرى تعبان .والاوبترا غول بنزين . والماتركس ممتازة لو بتحب الهاتش باك . روح لـ احمد عبد المنعم زميلى مسؤل مبيعات هيونداى الميرغنى يريحك وشخصيه ممتازة

وياترى هو عضو معانا فى المنتدى وإسمه تقريبا raedegypt?

[KoDaK_Gti]

ياعمى صنى ايه ال بتقارنها بهيونداى ( سعر وجودة عاليه وكورى )... اركب نيو اكسنت ولا النترا ولا ماتركس ولا جيتز ولا اى 10 ولا اى 30 عربيات تحفه . وبعدين الصنى مش يابانى دة مصرى ومصانع اليابان وقفت انتاجها من 2002 على ما اعتقد او 2003 وادخلى على ويب سايت النيسان اليابانى لاتجديها .

لو غاوى السيدان النيو اكسنت ممتازة وسيبك من الصنى تقفيل مصرى تعبان .والاوبترا غول بنزين . والماتركس ممتازة لو بتحب الهاتش باك . روح لـ احمد عبد المنعم زميلى مسؤل مبيعات هيونداى الميرغنى يريحك وشخصيه ممتازة 010xxxxxx

الاسلوووووووووب ده مش غريب عليا
مش عارف شوفتك فين قبل كده

[Ghamrawy]

ياعمى صنى ايه ال بتقارنها بهيونداى ( سعر وجودة عاليه وكورى )... اركب نيو اكسنت ولا النترا ولا ماتركس ولا جيتز ولا اى 10 ولا اى 30 عربيات تحفه . وبعدين الصنى مش يابانى دة مصرى ومصانع اليابان وقفت انتاجها من 2002 على ما اعتقد او 2003 وادخلى على ويب سايت النيسان اليابانى لاتجديها .

امسسسسسسسسسسسسسسسسسك يا جدع
واحد من بتوع ال 150 جنيه