جيتا ولا أوبل؟

[أشرف العدوي]

طب يا جماعة عشان أنا برده في نفس التردد بتاع أستاذ محمد سمير بين العربيتين ... مع ميلي وترجيحي للفيكترا لاعتبارات المساحة الواسعة وارتفاعها عن سطح الأرض وكونها تقفيل ألماني 100 % ( بيبان في الافراج الجمركي ) وانها تنفع أسرة أكتر من الجيتا .......

لو كل المشكلة في الأوبل هو التوكيل ومعاملته السيئة ... طب مش فيه مراكز خدمة معتمدة تانية معاملتها أحسن والواحد يقدر يعمل صيانته هناك وكأنه في التوكيل ؟

متهيألي في واحد في مدينة نصر اسمو اوتوماستر كان فيه أعضاء شكروا فيه .... وكذلك اخوان مقار في الدقي مع اعتبار إنه أغلى شوية من منصور بس كنت برده قريت ان فيه ناس قالت انه أحسن منه بمراحل ...

القصد .. هل مشكلة الصيانة ليها حل غير اني أسيب عربية لقطة بالسعر ده ؟ ولاايه ؟

لاء طبعاً في
زي مقار مثلاً

بص يا سيدي
انا جوز اختي معاه فيكترا 2008
المشكلة في منصور انه فعلاً سئ للغاية
يعني كانت حصلت مشكلة في العربية الفيكترا دي انها ما كانتش راضية تدور الصبح خالص
يعني تدخل المفتاح و تلف مافيش اي حاجة
أتصل بيهم قالوله هات و نشها و هاتها كانت عاملة ساعتها تقريباً 5000 كم
راحلهم بعد الفتي قالوله ضفيرة كهرباء و اتغيرت في الضمان
بعد شهر و نص نفس المشكلة و نفس الحوار ( يعني المشكلة ماكانتش ضفيرة )
غيروله طرمبة بنزين في الضمان !!!!
بعد حوالي شهرين او ثلاثة كانت العربية عاملة ساعتها تقريباً 16000 كم
حصل نفس الحوار و غيروله البطاربة المرة دي

هو دلوقتي بيعمل الصيانة في مقار
لكن لو فيه مشكلة لازم يروح منصور علشان الضمان و هناك مش بيفهموا حاجة على الاطلاق و ممكن يبوظوا حاجة في العربية و ده حصل معايا في الافيو شخصياً ( عوجولي الجنط مع اني كنت رايح بعيب في الكاسيت !!!!!! )
الكلام ده غير مبالغ فيه
بس فعلاً منصور سئ و شغل نصب في نصب

انصحك بجد بلاش أي عربية تبع منصور

ده غير المشاكل الي عندي في الافيو و ما اتحلتش من ساعة ما جبت العربية

[N.a.j.d]

تمااام ابو الاسر انا اوفقك الراى

[tornado_5m]

احب الفت انتيها الناس الى شيء صغير بس ان الفلوكس هي افضل 2 صانع سيارات في المانيا 1مرسيدس 2 فلوكس 3 بي ام دبليو وده مش كلامي
متقرنوش بين السيارات الي بتنزل هنا في مصر او في العالم العربي شوفها في بيدها هي عامله ازاي اما بنسبه للاوبل انا مش برشحها خالص حصوصا انا كنت راكب اوبل 95 الماني 2000 سي سي وركبت كورسا 2001 ده عربيات زباله وفي اعطلها مقرفه جدا
مش معنا كده ان الفولكس مش بطعطل لا بس اعطلها ومشاكلها بتبان بعد عمر انا ارشحلك وبقوه الجيتا علشان تدعلنا
وحط في بالك منصور شيفورليه لما تيقى عنده هيعمل فيك ايه ده سمعته عالميه

[N.a.j.d]

احب الفت انتيها الناس الى شيء صغير بس ان الفلوكس هي افضل 2 صانع سيارات في المانيا 1مرسيدس 2 فلوكس 3 بي ام دبليو وده مش كلامي
متقرنوش بين السيارات الي بتنزل هنا في مصر او في العالم العربي شوفها في بيدها هي عامله ازاي اما بنسبه للاوبل انا مش برشحها خالص حصوصا انا كنت راكب اوبل 95 الماني 2000 سي سي وركبت كورسا 2001 ده عربيات زباله وفي اعطلها مقرفه جدا
مش معنا كده ان الفولكس مش بطعطل لا بس اعطلها ومشاكلها بتبان بعد عمر انا ارشحلك وبقوه الجيتا علشان تدعلنا
وحط في بالك منصور شيفورليه لما تيقى عنده هيعمل فيك ايه ده سمعته عالميه

كل الاحترام لكل راي بتقال بس برضه انا من ملاك الاوبل من زمااان اوي وعمري ماسمعت حاجه وحشه عنها خالص غير ف مصر فا دا يرجع لمنصور وعربيات منصور طبعا انا بكلم عن عربيات اوبل بره مصر

[ehaballam]

بالنسبة للمقارنة .. الأوبل تتفوق في أنها تقفيل ألماني وأكبر في المساحة الداخلية والارتفاع عن الأرض بس لو مفرقش معاك انها موديل 2008 وتكنولوجيا أقدم نسبيا خاصة ان الاليجانس مافيهاش كمبيوتر سواقة ..... وانها ايزيترونيك لأن الفتيس ده مش بيعجب أي حد فيفضل انك تعمل تست درايف ليه وتشوف أخباره ايه معاك .... أنا شخصيا عجبني ومفرقش معايا ما يسمى "بالنتشة " اللي بيعملها ......

مع احترامي لكلام سيادتك ...مش بس تكنولوجيا قديمة ...لأ كمان العربية مصممة على موتور 2000cc و الموتور اللي فيها 1600cc... فسحبها مش حلو .... الجيتا فـرأيي أحسن... موتورها على قدها ... ولو حتجيب الفئة العالية حتعجبك أوي

نصيحة أخيرة استنى كام يوم لحد معرض الأهرام لحد ما تشوف أسعار الجيتا حتنزل قوي ولا ايه .. لأن وكيل فولكس كان قايل من شهر ان المعرض حيبقى فيه " عروض خيالية " على الجيتا والباسات .....

والله الموفق .......

معاك تماما في هذه النقطة يا صديقي

[ehaballam]

كل الاحترام لكل راي بتقال بس برضه انا من ملاك الاوبل من زمااان اوي وعمري ماسمعت حاجه وحشه عنها خالص غير ف مصر فا دا يرجع لمنصور وعربيات منصور طبعا انا بكلم عن عربيات اوبل بره مصر

بص أنا مش من ملاك الأوبل... ولعربية دي من العربيات المنتشرة جدا في انجلترا مثلا .... بس بالنسبة ليَّ ....فيها مشكلة ...إنها gm ...ودول يبوظوا أي عربية للاسف.....

[N.a.j.d]

تماام ياباشا واحترم رايك بس في فرق بين جي ام يكون تقفيل الماني وجي ام تقفيل كوري او حاجه غير الماني

[Nilesat]

شكر للجميع

أشكر جميع من شارك بالنصيحة والمعلومات الهامة وأنا إن شا الله ناويت أجيب جيتا خلاص

[N.a.j.d]

ربنا يوفقك ياباشا اختيار صح
ومبروك سلفا

[ehaballam]

تماام ياباشا واحترم رايك بس في فرق بين جي ام يكون تقفيل الماني وجي ام تقفيل كوري او حاجه غير الماني

GM فكرهم وحش .... بص كده شوف الفولفو والساب كانوا ايه وبقوا ايه ......
طريقة تفكيرهم غلط .... ودي مشكلتهم .....التقفيل بيختلف حسب ال quality بتاعت العلامة اللي بيبيعوا تحتها ...يعني opel أحسن من الكروز.... لإن هم عارفين دي الألماني وده كوري ... آه كله GM بس هم بيعملوا على اد فلوسك,,,,

[N.a.j.d]

حضرتك عارف انه لو اوبل تابعه لشركه غير جي ام يعني تكون الشركه المسوله عليها المانيه ح تلاقي اوبل حاجه تانيه خالص
بس الميزه انها المانيه

[N.a.j.d]

وخلي بالك هناك سياسه جديده من اوبل
اوبل خلاص بقت تنزل عربيات ع مستوي عالي شويه زي الانسانيا والاسترا الجديده سعرهم بقى نااار يعني بدت تشتغل صح مع العلم انها طوب عمرها بتشتغل صح بس المرادي لا العلى شويه والدليل انه سعر الاسترا فوق 200 الف والانسانيا داخله ع 500 الف جنيه تقريبا