ظهور مستعمل عند سؤالي عن الاكسنت بمعرض السيارات

[arakysolom]

جزاكم الله خيرا علي النصيحة بس انا ظهرت امامي بعض السيارات المستعملة وانا بسأل عن الاكسنت و صاحب المعرض يقول ايه الللي يخليك تشتري اكسنت دي هي هي الفيرنا و كمان بيعها تقيل اقوله الامكانيات يقولي خدلك واحدة ماتريكس 2009 ماشية 8000كم ب 77000 و احسن من الاكسنت أو خدلك صني 2009 سوبر صالون ماشية 22000 كم ب 82000 ج او عندي عربية تحفة اوبترا اوتو 2010 ماشيه 600 كم ب 85000 ايه رأيكو يا جماعة في موضوع المستعمل ده

[Hosam_Optrawy]

الأكسنت مش فيرنا ولا حاجه

وعربيه محترمه وكورى 100 %

انا شخصيا مبحبش المستعمل بافضل الزيرو

و 82 الف يجيبوا نيو أكسنت زيرو اوتوماتيك انت اول مالك ليها

المستعمل ممكن يبقى كويس وممكن لأ وفى مخاطره

خاصة ان فى تجار كتير معندهمش ضمير وبيلعبوا فى العداد

وممكن تبقى العربيه عامله حادثه وتتصلح وتتباع على اساس انها كسر زيرو

رأيى خليك فى أكسنت زيرو افضل

[arakysolom]

جزاك الله خيرا يا اخ حسام علي الاهتمام و الرد و لكن بصفتك تمتلك اوبترا ايه رأيك استلف باقي المبلغ و ادخل في اوبترا مانيوال زيرو ب 87000 او صني مانيوال زيرو ب 83000 معلهش بتعبك معايا بس دي خطوة بالنسبه ليا كبيرة و الفلوس جيه بالعافية فالقرار صعب شوية يعني دي انشاء الله حتبقي سيارة العمر و شكرا مره اخري للأهتمام

[arakysolom]

انا كنت امتلك لانوس مو 2000 كانت عربية جميلة و موفرة بس كانت بدون كماليات و في ظل الظروف المناخية كان صعب اوي الحياة بدون تكييف و ايضا كانت غير ثابتة بعد سرعة 110 اما الان انا اخد سيارة الحج و هي فيكترا 2000 مانيوال 1600 حاجة تانية خالص فهل الاكسنت سوف تعطيني نفس الاحساس بالثبات و الراحة كما في الفيكترا ولا ححس اني جبت لانوس اخري و لكن بشكل مختلف و كوري و شكرا

[Hosam_Optrawy]

جزاك الله خيرا يا اخ حسام علي الاهتمام و الرد و لكن بصفتك تمتلك اوبترا ايه رأيك استلف باقي المبلغ و ادخل في اوبترا مانيوال زيرو ب 87000 او صني مانيوال زيرو ب 83000 معلهش بتعبك معايا بس دي خطوة بالنسبه ليا كبيرة و الفلوس جيه بالعافية فالقرار صعب شوية يعني دي انشاء الله حتبقي سيارة العمر و شكرا مره اخري للأهتمام:e_braces[1]:

الاوبترا من خلال تجربتى عربيه ممتازه

لو ميفرقش معاك المانيوال يبقى توكل على الله

لو عايز اوتوماتيك الأكسنت برضه ممتازه

[M.ABDEEN]

خلييك في الجديد اضمن
الاكسنت تقفيل برة والفيرنا تقفيل مصري

[arakysolom]

حسام باشا حضرتك مذكرتش رأيك في الصني هي الوسط بين الاكسنت و الاوبترا في السعر

[Hosam_Optrawy]

حسام باشا حضرتك مذكرتش رأيك في الصني هي الوسط بين الاكسنت و الاوبترا في السعر

انا مابفضلش الصنى عشان تقفيل مصرى

غير انها اضيق من الاوبترا وقعدتها وكراسيها مش مريحه

غير شكلها الغير مقبول بالنسبه لى ودى طبعا اذواق

عموما ممكن تتفرج عليها وتشوف هاتعجبك ولا لأ

[romeo_6887]

خليك في الصني مثلا
بس اتفق معاه انك هتكشف عليها الاول
و خليه حتي يجي معاك
و لو العربيه تمام توكل علي الله

[د.محمود صلاح]

لو مستعمل من مالكها بدون وسطاء او معارض يبقى مافيش مانع

[arakysolom]

الصني المستعمل عند تاجر اما سؤالي هو عن الصني عموما الزيرو سواء اوتو او مانيوال هل هي استهلاكها في البنزين اعلي من الاوبترا فقد قال لي احد الاشخاص انها تعمل 170 كم في الصفيحة هي شكلا عجباني بس مشكلتها طويلة علي الفاضي فهي ضيقة من الداخل .
2- عرفت ان جاري بيبيع سيارته و هي لانسر 1300 مانيوال 2007وهي حالتها الخارجية ممتازة ولما سألته عن الكيلوات قالي عمله 116000 كم و طالب 65000 بصراحة انا معجب باللانسر بس كيلواتها الكتير مخيفة بس العربية بيتي و حالتها ممتازة و الكيلوات كلها سفر .
ايه رأيكم افيدوني جزاكم الله خير الجزاء