a5 ام لينيا ؟؟؟

[mido3bsawy]

لو سمحتم انا عايز أقارن بين اللينا و الفانتازيا- الاتنين زيرو- وبغض النظر عن فارق السعر بينهم....
يعني مقارنة موضوعية من حيث الموتور-الثبات-الأمان-استهلاك البنزين-نظام التعليق ومدى الراحة في المسافات الطويلة-أي أوجه أخرى

[mido3bsawy]

احب اضيف بس ان مقارنه بين اللينيا الفئه اللي ب 108 الف
والفانتازيا الفئه اللي ب 167الف

[yoko]

أولا حرام المقارنه (ظالمه جدا) دي بس هقول لحضرتك رأي بدون تحيز
الموتور والتسارع اللينيا
الراحة في المسافات الفانتازيا
الأمان معرفش الفانتازيه فيها إيه بس اللينيا ٦ إيرباج وabs وebd
إستهلاك البنزين أكيد اللينيا ١٤٠٠ سي سي ووزنها أخف بس مع الجري الإستهلاك بيزيد بسبب التربو
الثبات اللينيا بتاخد غرز على ٢٠٠ عادي جدا لكن الفانتازيا مسقتهاش بنفسي فمش هقدر أحكم بس أكيد ثابته
واللينيا فيها بلوتوث وvoice command
وأعتقد موجود برده في الفانتازيا

وطبعا فرق ٦٠ ألف جنيه (تجيب بيهم عربيه تانيه)

[kareemhisham]

انا شايف ان حضرتك لو وفرت الفلوس الفرق البينهم هيكون اختيار افضل كتيير ..

اللينيا موتور اقوى كتير .. ثبات ممتاز .. اوبشنز اكتر كتير

يعيبها عن الاوكتافيا ان سعر اعادة بيها اقل .. و قطع غيارها اقل انتشارا

و لكن اللينيا في انتشار مستمر و كل يوم اعدادها بتزيد

انا شايف ان حضرتك تدفع فرق الفلوس و تجيب الاوكتافيا لو حضرتك بتدور على الفخامة و الراحة و الوسع ..

[hash_mafia]

طب أنا لو قدامي a5 2007 بحالة ممتازة (استعمال أستاذ جامعة وتقريبا زيرو) هيكون عنصر فرق السعر انتفى الى حد كبير, ساعتها تنصحوني ايه يكون الاختيار؟؟؟

[kareemhisham]

طب أنا لو قدامي a5 2007 بحالة ممتازة (استعمال أستاذ جامعة وتقريبا زيرو) هيكون عنصر فرق السعر انتفى الى حد كبير, ساعتها تنصحوني ايه يكون الاختيار؟؟؟

اللينيا

[hash_mafia]

اللينيا

ممكن أعرف ليه؟؟
وممكن أعرف كمان هو فيه فرق بين موديل 2007 و موديل 2009؟؟؟

[kareemhisham]

ممكن أعرف ليه؟؟
وممكن أعرف كمان هو فيه فرق بين موديل 2007 و موديل 2009؟؟؟

الفرق بين الموديلين فرق شكل .. موديل 2009 حصل فيه تغيير في شكل الفوانيس الامامية و الخلفية و نزل فيه شوية اوبشنز زيادة

اما عن ليه .. فانا مش شايف اي سبب يخلي حضرتك تستغنى عن عربية زيرو ممتازة عشان عربية مستعملة الزيرو منها مش افضل كتير ..

دة غير ان حضرتك هتيقا تاني يد .. يعني خسرت ميزة سعر اعادة البيع ..

[mahamedaraby]

لو الاتنين زيرو انا هركب الاوكتافيا

لو الاوكتافيا مستعمله او حتى كسر زيرو والينيا زيرو هركب لينا زيرو

راى لو شايف ان الفرق بين تمن العربيات مش هسيبب مشكله هيبقى اركب الاوكتافيا

لكن لو لو هتقسط او هتاثر معاك فى حاجه تانيه يبقى اركب اللينا وصدقنى هتبقى برضوا هتبقى عربيه ركوبه حلوه

[fouady]

بص أنا ركبت ال 2 برضو وال لنيا أحسن فـال اتي أولا القاعدة ورا فـال لنيا اريح كتير من الأكتفيا وال تسرع أحسن ب فارق يذكر يعني البنزين اللنيا اوفر قطع الغيار وده مفاجأة إن اللنيا ارخص اعدت البيع لحد دلوقتي السكودا بس اللنيا فعلا فـتزيود بس كده واللي يفضىك فـال لنيا أكتر طبعا يوكو لأنه من ملكها وهو بيفهم وأكيد جبهة على أساس

[yoko]

أنا مش هتكلم لحد ما يتوجهلي سؤال عشان إبتديت أحس إن الناس هتقول عليا متحيز

[abou_ruqi]

حضرتك المقارنة العادلة إن حضرتك تقول
أجيب فانتازيا وألا أجيب (لينيا + لوجان) ؟؟؟
طبعا أقول لحضرتك الأختيار التاني!!

تركب عربيتين واحدة للمشاوير التعبانة وواحدة للمشاور اللي تستاهل
أو لو حضرتك متجوز تدي اللوجان للمدام وأنت تركب اللينيا

في كل الحالات أحسن لما تشتري عربية واحدة !!!

طبعا أنا بقول كده بسبب فرق السعر الرهيب بين العربيتين

[mido3bsawy]

أولا حرام المقارنه (ظالمه جدا) دي بس هقول لحضرتك رأي بدون تحيز
الموتور والتسارع اللينيا
الراحة في المسافات الفانتازيا
الأمان معرفش الفانتازيه فيها إيه بس اللينيا ٦ إيرباج وabs وebd
إستهلاك البنزين أكيد اللينيا ١٤٠٠ سي سي ووزنها أخف بس مع الجري الإستهلاك بيزيد بسبب التربو
الثبات اللينيا بتاخد غرز على ٢٠٠ عادي جدا لكن الفانتازيا مسقتهاش بنفسي فمش هقدر أحكم بس أكيد ثابته
واللينيا فيها بلوتوث وvoice command
وأعتقد موجود برده في الفانتازيا

وطبعا فرق ٦٠ ألف جنيه (تجيب بيهم عربيه تانيه)

شكرا استاذ يوكو على ردك
بس حضرتك كنت بتقول انت خامات اللينيا احسم من سيراتو ليه ؟؟؟ مع ان التابلوة بتاع اللينيا بلاستيك والسيراتو بيبقا عليه جلد طبعا ده في الفئه الليب 119

طب أنا لو قدامي a5 2007 بحالة ممتازة (استعمال أستاذ جامعة وتقريبا زيرو) هيكون عنصر فرق السعر انتفى الى حد كبير, ساعتها تنصحوني ايه يكون الاختيار؟؟؟

طبعا اللينيا

[yoko]

شكرا استاذ يوكو على ردك
بس حضرتك كنت بتقول انت خامات اللينيا احسم من سيراتو ليه ؟؟؟ مع ان التابلوة بتاع اللينيا بلاستيك والسيراتو بيبقا عليه جلد طبعا ده في الفئه الليب 119

الإتنين بلاستيك ٩٠ ٪
بس اللينيا الدركسيون والفيتيس جلد طبيعي وتقفيل التابلوه أحسن بشهادة صحبي الي شاف اللينيا معايا وكان ناوي يحجز السيراتو شهر ٣ الجي (وهو ناوي يجيب اللينيا قريب)
وهي أراء برده وأنا عن نقسي بحب الأشكال الكلاسيك عشان كده شكل السيراتو عندي أحلى من الكروز عشان أبسط واللينيا أحلى منهم هما الإتنين عشان أبسط ولو قلتلك إني بعشق فوانيس ال١٢٨ المدوره (أكيد بتقول عليا مجنون دلوقتي)

[Hosam_Optrawy]

بالرغم من ان المقارنه غريبه شويه عشان فى فرق 60 الف

لكن لو افترضنا ان العربيتين بسعر واحد , هاختار فانتازيا اكيد