20 الف يجيبوا ايه

[tyseer]

ممكن تجيب ليك بيجو 205 والله تحفة وافضل مائة مرة من الماروتي و 127 علي الاقل ماتورها من 1300 لغاية 1900 واعتمادية جدا في السفر وقطع غيارها والله متوفرة استراد وكمان منها جديدا وقطعة الغيارة بتتحط فيها تنساها الفرنسوي لا يعلي علية من رائي وعن تجربة وادخل اسئل في قسم البيجو عنها

[Mostafa.Mahran]

عن تجربة ال127 لو حالتها ممتازة مش هتتعبك خالص ومصاريفها لا تذكر و سهلة فى البيع والركنة وقطع الغيار و مبتسحبش بنزين خالص
الكلام ده علشان انا مجربها وممكن الاعضاء يفيدوك فى انواع تانية

[Eng.Sameh]

يجيبوا الفكر ..

لأنك هتلاقي الأختيارات محدوده قوي بالمبلغ ده وتتهري فكر .. وفي الآخر طبعا هتجيب عربية مستعملة وأعطالها بردو تجيبلك الفكر ... فأحسن حاجة تخليك مقضيها مواصلات احسن لحد متزودهم شوية

[MEDO84EG]

السلام عليكم و رحمه الله و بركاته انا رأيي يا اخي هات مازدا 323 موديل 84 هتبقي في حدود ال17 الف و الفين شدها شده تمام هتبقي رهيبه للعلم انا معنديش مازدا او متحيز ليها بس بقولك وجهه نظري لان مازدا من الشركات اللي كل قطعها حتي الان تصنع في اليابان فمفيش مازدا كوري و لا هندي و استخير قبل اي شيء

[wael6]

جزاكم الله خيرا جميعا
وربنا يكفينا شر الفكر ( انا بس نفسي يارب اجيب عربيه تقضيلي مشاوير شغلى وتسعدنى مش تقهريني فى اعطالها ) دعواتكم يا شباب
وتقصد اصر وازود المبلغ لحد كام مثلا عشان يجيبلي عربيه محترمه اعطالها محدودة
مستنى ردودكم الجميله النافعه
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[houbaz]

فعلا اى عربية من كل اللى قلت عليهم هيبقى فيهم مشاكل، زود ال 20 ل 27 و هات اونو عربية محترمة جدا

[wael6]

اشكرك وعلى الله التساهيل
دعواتكم
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[amrelsaqqa]

مش لازم تسعينات
ممكن تجيب حاجات اقدم بس احسن من التسعينات في السعر ده

شوف مثلا 132 ؟؟

[wael6]

اشكرك لاهتمامك بس فكرتى انها اكيد اقل من التسعينات هتكون اعطالها اكتر وانا نفسي فى سيارة تسعدني مش تعجزنى
وايه رايكم بين 127 والماروتى مؤقتا لحين اشعار آخر
انا معاكم يا احلى شباب والله المستعان
اللهم صل على محمد وعلى آله وصحبه أجمعين

[houbaz]

127 مش وحشة، دور على فيورا تبقى حالتها نضيفة حتى لو سعرها اغلى شوية و ما تشتريهاش من شاب او من تاجر، اشترى من عائلة و اكشف عليها فى بنزينة كشف كامل عشان الفنى يبصلك على العفشة و الكبالن و الكهربة مع الشاسيه و الموتور

[amrelsaqqa]

الموديل مش دايما مرتبط بالاعطال

لو هتجيب 132 مثلا صحيح ممكن تبقى صعبة في البنزين شوية لو 2000 سي سي

بس هتريحك عن ال127 الاحدث

( مش هتغير كبالن كل شوية مثلا والماتور هيبقى احسن )

يعنى حسب العربية نفسها
مثال
هل اشترى عربية صينى زيرو عشان اعطالها اقل من كرولا 99 مثلا ؟

اكيد لا
فيه معايير كتير للاختيار غير سنة الصنع
حاول تختار الافضل بوجه عام بدون التقيد بالموديل
او تزود ميزانيتك شوية لو عايز حاجة تسعينات نضيفة بدون اعطال زي ما بتقول

وربنا يكرمك ان شاء الله

واسف للاطالة

[wael6]

جزاكم الله خيرا

[eg_falcon]

اشكرك لاهتمامك بس فكرتى انها اكيد اقل من التسعينات هتكون اعطالها اكتر وانا نفسي فى سيارة تسعدني مش تعجزنى
وايه رايكم بين 127 والماروتى مؤقتا لحين اشعار آخر
انا معاكم يا احلى شباب والله المستعان
اللهم صل على محمد وعلى آله وصحبه أجمعين

طبعا مش عارف ايه علاقة ال127 بموديلات التسعينات بس بس الماروتي دي عربية خسارة فيها الفلوس و عايزة عائلة من فرد واحد

[wael6]

انا اقصد ب 127 كبداية ولتعليم السواقه هل تصلح لمدة سنه او اتنين لحد ما احاول اكمل المبلغ 30000 مثلا مش بقول ان 127 موديل تسعينات
وكنت بقارن بين 127 والماروتى ورايي ان الماروتى موديل احدث وافضل من 27 و 28
وايه رايكم فى الريجاتا وهل الاقى حاجه نضيفه موديل 90
وشكرا لاهتمام حضراتكم ووفقكم الله

[Mostafa.Mahran]

ال127 لو حالتها كويسة مش هتتعبك خالص بس تكون سليمة مش محتاجة اى شغل