هوندا ولا بولو

[Dejavu_exara]

انا فى ادامى عربيتين واحدة هوندا موديل 1993 1500cc كاملة مانيوال عاملة 110 الف كيلو راشة برة بس مش راشة حاجة فى الدواخل بتاعة دكتور عاملة 40 الف جنيه والتانية بولو موديل 1997 1400cc مانيوال تكييف وسنتر بس عاملة 160 الف كيلو فابريقة برة وجوه عاملة 36 الف جنيه ياريت حد يساعدنى

[Yones]

انا رايي الهوندا طبعا احسن بكتير يكفى انها هوندا وقابليتها للتعديل كبيرة جدا خصوصا الموديل ده
وكمان يكفى انها سيدان وبتجمع بين الشبابى والعائلى
بس طبعا لازم يتكشف على حالتها كويس جدا قبل الشراء
وربنا يوفقك ان شاء الله للاحسن

[Honda_lover]

انا رايي الهوندا طبعا احسن بكتير يكفى انها هوندا وقابليتها للتعديل كبيرة جدا خصوصا الموديل ده
وكمان يكفى انها سيدان وبتجمع بين الشبابى والعائلى
بس طبعا لازم يتكشف على حالتها كويس جدا قبل الشراء
وربنا يوفقك ان شاء الله للاحسن

+1111111111

[N.a.j.d]

كلام الباشا زي الفل

[omar91119]

الهوندا ياريس وبعدين العربيه دى حتى لو لاقدر الله وحصل فيها حاجه هتلاقى قطع غيار ليها عند السوبر مركت

تحياتى

[romeo_6887]

اكشف علي العربيتين كويس الاول
و انا من رأيي خليك في البولو

[Dejavu_exara]

ربنا يخليكو ليا يارب هو انا روحت شوفت البولو النهاردة العربية كويسة بس عاوزة شوية شغل من برة هشوف الهوندا يوم الاتنين الجاى وهقولكو ايه الكلام عليها وفى كلام ان البولو دى تخلص على 31 الف ايه رايكو فى السعر لو تعرفو

[modiabbas]

الهوندا طبعـــــــــــا و اكنها زيرو عشان عددادها 110000 بس

[ahmedyehia515]

بص لو افترضنا ان حالة العربيتين ملائمة لسنة الانتاج، يعنى أصحابهم الأصليبين كانول بيسوقوا كويس الهوندا تكسب زى ما الشباب قالوا عشان حاجات مهمة اوى
1- الهوندا تنفع عائلية و تنفع شبابية و تنفى أى حاجة بعكس البولو اللى أكتر شبابية لو هاتش باك و عائلية لو سيدان.
2- قطع غيار الهوندا بوجه عام منتشرة بالذات للموديلات القديمة و كمان سهل اوى انك تلاقيلها فوانيس معدلة و كل الحاجات ده بعكل البولو اللى حتدوخ عشان تلاقى حاجة زى علبة الدركسيون أو جلبة مقص.
3- الميكانيكية فى كل حته حافظين موتور الهوندا و ممكن يشتغل فيه و هو مغمض بعكل البولو اللى تنتمى لفئة السيارات المغضوب عليها مع الفابياو الاودىو الألفاروميو عشان مش منتشرة و نادر لما تلاقى ميكانيكى كويس دايس فيها.

بسطبعاً فى الاول لاوم تشوف حالة الاتنين و تجيب غخر السعر عشان المقارنة تبقى احسن و ان شاء الله ربنا يكتبلك الأحسن ليك

[mener0se]

خليك في الهوندا .
و اذا كنت مش محتاجها قولي و انا اخدها
علشان بدور على هوندا ومش لاقي .....

[sammor_28]

في رأيي الهوندا افضل وبعدين في حاجه بالنسبه للبولو وهي ان موتورها 1400cc والبولو كانت بنتنزل 1300cc وبعد كده بقت تنزل 1000cc فاعتقد ان البولو موتورها متغير .... ياريت تشوف ميكانيكي فاهم كويس سواء الهوندا او البولو ...

[Dejavu_exara]

هو انا روحت شوفت العربية Polo هى 1400cc فيها تكييف وسنتر مش فيها بور هى العربية اساستها سليمة يعنى مش رشة دواخل رشة اماكن واماكن برة العربية الصالو بتاعها ممتاز زى الجديد بظبط والعداد بتاعها عامل 60000 كم وهو بيقولى ان العداد قالب هى العربية فيها جنوط وعدة صوت كويسة والتكييف بتاعها كويس اوى هو انا هرفععها يوم الاتنين وهقولكو ايه الاخبار بس الموتور ده بتاعها ولا متسقط عاوز اعرف هو صاحبها بيقول بتاعها مش عارف ياريت بما انكو بسم الله ماشاء الله اساتذة فا ياريت لو حد يعرف ويقولى