Elantra Vs Cerato Shape - Voting

[KSA2011]

انا هحط صور للنيو النترا و صور للنيوسيراتو وخصوصا بعد التعديلات الجديده الى فى النيو النترا لدرجه انه حد ملاك السيراتو وقفنى فى البنزينه وسالنى عن شكل الانترا الغريب والجديد فى الشبكه وعجبته اوى وقال لو كان شافها بالجمال ده كان جابها وواحد تانى فى يوم تانى بتاع معرض عربيات شغال فى السيراتو شافها برضه واستغرب وسالنى عنها ومن يومين لقيته جايب الانترا بالشبكه الجديده دخلت سلمت عليه وسالته قالى الشكل الجديد جميل جداا وعليه طلب وباع منها 3
فانا هحط صور لدى وصور لدى هو طبعا الموضوع اذواق بس اكيد فيه عربيه شكلا احلى اتفرجوا على الصور وبعدين قولوا رايكم بغض النظر عن انه دى النترا ودى سيراتو وكانكم بتشوفوهم لاول مره













المنظر من ادام

[ahmad--ezzat]

زود شويه وهات مازدا او نيسان تيدا سيبك من الشكل

[N.a.j.d]

الشكل مش مهم المهم الثبات وقطع غيارها

[SeiffoZ]

هو فين الشكل الجديد بتاع الإلانترا؟؟

[KSA2011]

يا جماعه انا مش بتكلم مين الاحسن
انتم اادامكم صوره عربيتن الاحلى شكلا ايه فى رايكم

[Hosam_Optrawy]

السيراتو طبعا احلى

الالنترا اللى فى الصوره دى ماتعتبرش نيو ولا حاجه وفرق شكل الشبكه مش مميز اوى ( انا شخصيا ماباخدش بالى منه )

الالنترا اللى تعتبر فيها تجديد واضح هى اللى نازله فى معرض الفورميلا

[eng.octooo]

هوة الانترا دى اية الجديد الى فيها ؟؟؟

بس عموما لو على الشكل يبقى السيراتو تكسب

[KSA2011]

ازاى مفيش فرق يا حسام باشا ؟؟؟؟
وبعدين الاشارات فى المرايات و النواكل الجديده دى نازله فى الخليجى لكن شكل الشبكه فى الاعلان و العتب و السبويلر جديد بس ممكن يكون متركب هنا فى مصر فى التوكيل !!

[Hosam_Optrawy]

ازاى مفيش فرق يا حسام باشا ؟؟؟؟
وبعدين الاشارات فى المرايات و النواكل الجديده دى نازله فى الخليجى لكن شكل الشبكه فى الاعلان و العتب و السبويلر جديد بس ممكن يكون متركب هنا فى مصر فى التوكيل !!

انا مقولتش مفيش فرق

انا قولت انه مش ملحوظ اوى وانا فعلا ماباخدش بالى منه

كل الفرق ان الريش بتاعت الشبكه بقت اعرض شويه وظاهره

صح ولا انا شايف غلط

فعشان كدا انا مش شايف انها نيو ولا حاجه

امال اللى فى الجرنال دى تبقى ايه ؟ نيو نيو :)

وفى الاخر 90 % هاتلاقى كل دا متركب هنا

وفى حاجه كمان

اللى فى الجرنال دى اكيد هاتبقى فئه لوحدها وتنزل اغلى

مش كل الالنترا وكيل هاتبقى كدا اكيد

سبوبه جديده :)

[KSA2011]

لا الشبكه الجديده عاطيه شكل تانى للانترا من ادام وواضحه اوى فى اللون الابيض والسيلفر
هى جايه بكيرف والجزء الداخلى منها بلون العربيه
وكمان الصور والتغيير على موقع هيونداى
ومعاك حق فى باقى الكلام اكيد سبوبه جديده مع انه نزل من سعر العربيه بس هيرجع يرفع تانى بالكماليات الى قال عليها

[M.ABDEEN]

النيو النترا هتنزل في 2011