لينيا x ابيزا ؟؟؟؟؟

[farfora20082008]

السلام عليكم

انا خلاص يا جماعه استقريت علي العربيه اللي هشتريها وهي هتكون ان شاء الله واحده من دول

Fiat Linea t-jet Emotion plus = 112000
seat ibiza 1600 cc DSG = 120000

ممكن تقارنولنا بينهم وتساعدوني وتساعدوا الاعضاء هنا انهم يتعرفو علي السيارتين اكتر من خبراتكم

انا عارف ان دي اتوماتيك ودي مانيوال

بس انا عايز الفرقات في كل حاجه ونظرتكم ليها وراحتكم فيها وبجد اتمني اصحاب السارتين يشرفونا في المقارنه ويدونا رأيهم عن تجربه

واتمني في النهايه تطلع عربيه كسبانه

انا ناوي اركب العربيتين الاسبوع الجاي بس انا خبرتي مش قد كده وتعتمد علي الشكل ومش حابب اختار عربيه فقط لشكلها

[yoko]

انا طبعا قلت لحضرتك على رأي بس من الأخر الإتنين كويسين لو عايز سيدان يبقى لينيا لو هاتش إبيزا لو مش فارقة يبقى مانيول لينيا أوتو إبيزا وإركب الإتنين بنفسك وشوف أنهي هتنفعك أكتر

[farfora20082008]

ههه والله يا احمد قلبي كان حاسس انك اول من سوف يشرفني هنا

فعلا انت قولتيلي رأيك اللي بجد ساعدني كتير

بس انا قولت اعمل الاستطلاع ده برضه نسمع اراء الناس ومنها اهي دعايه للعربيتين والكل يستفيد

[yoko]

ههه والله يا احمد قلبي كان حاسس انك اول من سوف يشرفني هنا

فعلا انت قولتيلي رأيك اللي بجد ساعدني كتير

بس انا قولت اعمل الاستطلاع ده برضه نسمع اراء الناس ومنها اهي دعايه للعربيتين والكل يستفيد

ههههه طب الحمد لله إني أول واحد رديت عشان مخيبش ظنك وزي ما قلت لحضرتك إركب الإتنين وشوف هترتاح لمين أكتر ومين هتبقى عمليه معاك أكتر

[ehab_mansour]

ابيزا 2010 ولو عايز كل حاجه عنها خش منتدي سيات واتفرج
ده كفاية الفتيس dsg السبع سرعات بيديك تسارع رهييييييييب وعندك تقرير عنها في اهم موضوعات القسم وربنا يوفقك
انا ركبت الفيات وركبت السيات بصراحة تكنولوجيا فولكس فاجن و اودي مالهاش حل

[yoko]

ابيزا 2010 ولو عايز كل حاجه عنها خش منتدي سيات واتفرج
ده كفاية الفتيس dsg السبع سرعات بيديك تسارع رهييييييييب وعندك تقرير عنها في اهم موضوعات القسم وربنا يوفقك
انا ركبت الفيات وركبت السيات بصراحة تكنولوجيا فولكس فاجن و اودي مالهاش حل

تسارع اللينيا أحسن على فكره وتكنولوجيه الفيات لا تقل عن فولكس ولا سيات في حاجة كفايه إن الكبالن الي كل العربيات الي ماشيا بيها دلوقتي فيات الي طلعتها للنور وحجات تانيه كتيييير

[Ralliart]

انا لسه كنت في معرض فورملا الاهرام وركبت الابيزا وبعديها طلعت على اوماترا وركبت اللينيا
ومع ان الابيزا محترمه معلش اللينيا حاجه تانيه خالص بجد خساره انهم ما راحوش المعرض
والابيزا من غير جنوط بس فيها طاسات بتكنولوجيا الماني (دا اللي اتقالي من بتوع smg!!)

[yoko]

مش هقدر أعلق على الطاسات التكنولوجيا ألماني
بس بصراحة ٩٥٪ من مندوبين المبيعات بتلاقيهم مش فاهمين حاجة وللأسف الناس بتصدقهم
أنا لما جيت أجيب اللينيا سيبتني من كلام مندوبين المبيعات ونزلت تحت العربيه بنفسي في وسط المعرض (والناس كلها كانت بتتفرج عليا)

[Ralliart]

مش هقدر أعلق على الطاسات التكنولوجيا ألماني
بس بصراحة 95٪ من مندوبين المبيعات بتلاقيهم مش فاهمين حاجة وللأسف الناس بتصدقهم
أنا لما جيت أجيب اللينيا سيبتني من كلام مندوبين المبيعات ونزلت تحت العربيه بنفسي في وسط المعرض (والناس كلها كانت بتتفرج عليا)

تحس انه متبرمج انه يقول كلمة تكنولوجيا الماني 60 مره في الدقيقه
كل ما اسأله على حاجه يقولي الماني
في الآخر قولتله ورق العربيه مكتوب فيه ان العربيه جايه منين؟؟ سكت كده وقالي اسبانيا بس هي الماني

[esp]

مش عيب يا باشا ولا حاجه.......يا كده يا هيضحك عليك!

[kareemhisham]

الحقيقة مش شايف ولا سبب واحد مقنع يخليك تسيب اللينيا عشان خاطر الابيزا ..

[yoko]

مش عيب يا باشا ولا حاجه.......يا كده يا هيضحك عليك!

انا عارف س الناس مش متعوده وأول سؤال المندو سألهولي بعديها حضرتك مهندس سيارات وكانت الدهشة واضحة على وشه وبيقولي أول مره يشوف حد بيعمل كده

[farfora20082008]

ههههه طب الحمد لله إني أول واحد رديت عشان مخيبش ظنك وزي ما قلت لحضرتك إركب الإتنين وشوف هترتاح لمين أكتر ومين هتبقى عمليه معاك أكتر

يا باشا انت من اول رساله ليك رضيت ظني واكتر كمان بس برضه لازم تاخدني لفه بعربيتك حتي لو انا جبت لينيا هركنها وهاخد لفه بعربيتك

ابيزا 2010 ولو عايز كل حاجه عنها خش منتدي سيات واتفرج
ده كفاية الفتيس dsg السبع سرعات بيديك تسارع رهييييييييب وعندك تقرير عنها في اهم موضوعات القسم وربنا يوفقك
انا ركبت الفيات وركبت السيات بصراحة تكنولوجيا فولكس فاجن و اودي مالهاش حل

متشكر لردك يا ايهاب انا بصراحه مش اد كده في العربيات وفعلا قؤأت كتير عن العربيتين وكل واحده فيها مميزات وتقريبا عيوب مشتركه ( قطع غيار غاليه لحدا ما - التوكيل مش عالي قوي بس مش بطال - سعر اعاده البيع مش كويس قوي بس مش تحت قوي برضه ) عشان كده انا عملت الاستطلاع ده عشان الناس تشاركني في اختيار سياره العمر ان شاء الله

انا لسه كنت في معرض فورملا الاهرام وركبت الابيزا وبعديها طلعت على اوماترا وركبت اللينيا
ومع ان الابيزا محترمه معلش اللينيا حاجه تانيه خالص بجد خساره انهم ما راحوش المعرض
والابيزا من غير جنوط بس فيها طاسات بتكنولوجيا الماني (دا اللي اتقالي من بتوع smg!!)

متشكر يا مصطفي لحضورك انا سمعت ان توكيل فيات توكيل مكبر دماغه زي الشركه الام خصوصا المبيعات والتسويق

انا عارف س الناس مش متعوده وأول سؤال المندو سألهولي بعديها حضرتك مهندس سيارات وكانت الدهشة واضحة على وشه وبيقولي أول مره يشوف حد بيعمل كده

طب بص يا بشمهندس انت والحمد لله شخص " حلوه شخص دي " عندك خبره انما انا ابيض بتاع صور عربيات عشان كده ان شاء الله ناوي ادبسك في المشوار ده انت ومحمد لو ربنا اكرم سواء الابيزا او اللينيا

يا جماعه انا حابب اللي يدخل يعلق يقول ليه واساب اختياره لاحد العربيات الموضوع مش موضوع واحد هيشتري عربيه ومحتار وبس الموضوع اننا بنحاول نفيد اي حد ممكن يجي بعدي ويتحط في نفس الاختيار او يحب يعرف حاجه عن العربيتين مش يعرفها

وطبعا متشكر لكل اللي دخل اللي سلم واللي مسلمشي " هز راسه وخرج "

[farfora20082008]

هوه الشعب المصري هيفضل مستكلف كده !!!

تقريبا 100 واحد دخلو الموضوع و 4 بس اللي اشتركو فيه ولا ايه !!!

يا اخوه صدقني مش هتتعطل كتير لما تسيبلنا كلمه - قول اي حاجه - طيب نص كلمه - طيب قول العواف وامشي متخافشي مش هنمسك فيك تشرب شاي :) يعني مش هنعطلك

[melsaber]

هوه الشعب المصري هيفضل مستكلف كده !!!

تقريبا 100 واحد دخلو الموضوع و 4 بس اللي اشتركو فيه ولا ايه !!!

يا اخوه صدقني مش هتتعطل كتير لما تسيبلنا كلمه - قول اي حاجه - طيب نص كلمه - طيب قول العواف وامشي متخافشي مش هنمسك فيك تشرب شاي :) يعني مش هنعطلك

والله انا لو اعرف اقول علطول .......
علي العموم ربنا يوفقك في الاختيار وان شاء الله تقولنا اخترت ايه ونباركلك باذن الله...