بعد بحث لمده 20 يوم محتاج رأيكم بشده

[kontfeen]

شكرا للجميع
برضه منتظر مزيدا من الاراء
رأيكم يهمني جدا تعبت من البحث وكل المسأله انا عاوز عربيه سنه وحده بس ان شاء الله وبعها ابيعها مش مستاهل اني اضيع شهرين ادور فيهم

[kontfeen]

محتاجين ارائكم ؟؟؟؟

[kontfeen]

انا بسال برضه ايه رأيكم في السبيرانزا a113 لو لقيت و تحت الضمان بحدود 38000 هل اشتريها وهل تمسك سعرها بعد سنه( معروض علي وحده كحلي ماشيه 30000كيلو موديل 2007 صيانه توكيل وتحت الضمان استخدام ست البيع للسفر احتمال توافق ب 38000) ؟؟
وايه رأيكم في البيكانتو معروضه وحده موديل 2005 اسود ماشيه 99000 راشه برا كامل نظافه فبريكه جوده مكيفه وسنتر لو رضي صاحبها ب 38000 هل اخلص فيها والا ايه
وايهما اختار حسب الموصفات السابقه الاسبيرانزا والا البيكانتو والااصبر وممكن الاقي لانوس نظيفه بال 38000؟؟؟؟؟

[pro_samir]

يا باشا متفكرش فى الصيني أصلا

البيكانتو حلوة بس مش عارف ممكن تكون بالسعر دة ولا إية

وفي كذا عربية كويسين فى رينج السعر بتاعك بس انت عايز وقت ما تقول هبيع تلاقي المشتري ودة مش متوفر مع كل العربيات ، أسهلهم لانوس واكسنت

وممكن فى الهاتش باك ابيزا أو جولف بس خليك فى موديل عالي علي قد ما تقدر

ممكن تشوف العربيات اللى فى الرينج بتاعك من اى موقع عرض عربيات زى كدة

Used Car within 40,000 L.E.

[Dr.Mostafa Anwar]

عندي سياره اسبيرانزا كنت انوي بيعها على الصيف المقبل للتغيير الى سياره كورولا باذن الله

a113
موديل 2009
23000 كيلو
جميع الصيانات بالتوكيل
تأمين شامل
اللون اسود
اول يد
البيع بالتسجيل
كاوتش جديد

مطلوب 42000

مصطقى انور -----> 0108833993

[Dr.Mostafa Anwar]

وده اخر تقرير كانت العربيه بتظبط زوايا

[kontfeen]

شكرا للاخ pro samir
سؤالي ليك هل ممكن الاقي لانوس نظيفه ب 38000 الف وفين ممكن ادور غير النت( مصراوي الوسيط- كونتاكت كار وغيرهم ) او سوق الجمعه ؟؟؟ هل فيه اماكن اخرى ممكن ادور فيها
وبالنسبه للاخ اللي عارض السبيرانزا للبيع ربنا يوفقك في البيع بس انا لقيت 2007 ماشيه 30000 استخدام طبيبه تحت الضمان وصيانه توكيل ب 38000
بس ممكن تقول لنا تجربتك مع العربيه من باب الفائده للجميع وربنا يوفقك في البيع بالسعر اللي يرضيك

[omar91119]

خليك فى الاكسنت

تحياتى

[mr_sameh]

الاكسنت كويسه وبلاش صيني

[mahmoodallam]

صعب كاملة بالسعر دا لأنها لو كاملة بتبقي 1500 سي سي و دي من 38 - 42 الف

كلام سليم 100 %

[kontfeen]

شكرا للجميع على المشاركه

انا عارف انه الاسم هيونداي ودايو احسن من الصيني
بس ياجماعه انا هنا اطلب المقارنه بين اكسنت او دايو ماشيه ومستعمله بقالها عشر سنين
او عربيه زي سبيرانزا a113 l موديل حديث وكسر الزيرو
والاتنين بنفس السعر
ايه رايكم

[migo9898]

حضرتك اسال فى الجراجات بيكون عندهم عربيات للبيع وخليك مع الوسيط اظن ان مواقع كونتاكت ومصراوى وكمان 100 100 كار دول تجار اللى بيعلنو فيهم يعنى لو عربية حد معرفة سواء جيران او قرايبك او حد معرفة احسن بكتير من النت

[kontfeen]

شكرا اخ migo9898 للنصيحه
ومتابع