سبارك ولا اتوس برايم

[Nile_Storm]

معلش انا تاعبكم معايا

[bassemali]

ولا دي ولا دي أنصحك بالسوزوكي ألتو الجديده 1100 أو كيا بيكانتو أو الشاريد لو لقيتها

[fahd_628]

لا يا باشا ولا تعب ولا حاجة انا رأى انك لو تقدر تجيب البيكانتو تبقى احسن من الأتنين و كمان الضمان الجديد 5 سنين او 100 الف كم

[amrya]

لا يا باشا ولا تعب ولا حاجة انا رأى انك لو تقدر تجيب البيكانتو تبقى احسن من الأتنين و كمان الضمان الجديد 5 سنين او 100 الف كم

ana ra2yi men ra2y fahd
+1000

[Nile_Storm]

للاسف اخري 55 الف و مش هقدر ازود خاالص

فممكن تقولي ايه احسن؟

[fahd_628]

بصراحة هما الأتنين زى بعض انا رأى انك تروح تركبهم و تشوفهم فى اى معرض و الى تستريحله اكتر توكل على الله و شوف كمان الألتو 1100 سى سى

[casperinoo]

انا لسه من كام شهر كده كنت محتار زيك
وجبت الاتوس في الاخر شوف انا عايز تسأل في ايه وانا تحت امرك

[Nile_Storm]

شكرا
عاوز اسال عن كفائه الاتوس و التكييف بتاعها كماليتها علما باني هاشتري الللي ب 56 الف مش جميع الكماليات التوكيل و خلافه باخختصاررايك الكلي بالسياره

[casperinoo]

انا لحد دلوقتي لسه معملتش بيها 5000 كم...
انا كنت شاريها فول ابشن من غير سنتر وانذار وكاسيت((مش عارف كده تبقي فول ابشن ازاي)) واللهي مش عارف ايه الفرق بينها وبين الفاضيه بيتهيألي الازاز الكهربا بس ..روح اي معرض قريب منك وشوفها

من جوه انا هسيبك انت تروح المعرض وتحكم عليها
كسحب كويسه..التكيف تمام وتاثيره بسيط علي الموتور....العفشه ناشفه وبتحس بي اي حاجه علي الارض...سهولة المناوره ((مش عارف ده علشان حجمها صغير ولا الباور بتعها كويس))... جبت بيها 140 وكانت تمام الحمد لله....بس في الملفات وكده ((علشان العربيه طويله شويه)) تحس انها هتتقلب ...بس ده في حالة انك واخد الملف بسرعه زياده ولا حاجه...استهلاك بنزين اللتر بيعمل 20 كم في الطرق السريعه 15 في المدينه

الفرامل كويسه..الفتيس ناعم ...الدبرياج كان تقيل بس ريح مع الوقت... تشيل تلاته ورا عادي بس تحس ان العربيه بتتقل قوي ..الشنطه صغيره بس ممكن تزوده بأنك تاتني الكرسي اللي ورا..الصاج ضعيف طبعا وده حال العربيات الجديده كلها


ده غير طبعا انها استحملت اللي انا عملته فيها لسه سواق جديد وكده...حفر تلاقي ...سرعه زياده علي الغيار تلاقي...كنت علي الرابع وبدل ماجيب التالت جبت الاول((عادي جدا))...ولبست مطب قبل كده العربيه حسيت انها كانت هتتقسم نصين((بعد كده اكتشفت ان ده مش مطب طلع ان الناس عملينه علشان العربيات متعديش هناك((مقابر)) ... سيبت نور الصالون مفتوح تلات ايام ..البطاريه راحت بس في التوكيل غيروها ببلاش...


1 هي افضل من وجهة نظري من السبارك((3 سلندر و 1000سيسي))
2 افضل من الالتو ((اصغر في الحجم وقطع غيارها غير متوفره حتي في التوكيل نفسه))
3 شبه البيكانتو كتير من بره بس البيكانتو الخامات من جوه افضل
4 افضل من الاونو الجديده(( الاونو القديمه افضل منها بمراحل حسيت انها 127 ومعدلينها شويه))


وبصراحه برده من الاخر انا من الاول وكنت عايز بيكانتو بس مكنتش لقيها وعلشان المشاكل بتاع توكيل كيا...فبالصدفه شفت الاتوس فعجبتني ..وسالت علي الاتوس القديمه((وخدت ردود ايجابيه اللي حد ما))...فاشتريتها..
ياريت اكون افدتك ولو عايز تسأل في حاجه تاني انا تحت امرك...وربنا يديك اللي فيه الخير ليك


1