تيريوس 1999 ولا نوبيرا 2

[theknight]

التريوس 1999 احسن ولا النوبيرا 2 انا كنت بدور علي نوبيرا 2 بس وقعت قدامى تريوس 1999 حالتها فبريكا بره وجوه ومش رشه ومش ملعوب فيها هو بيتكلم فى 47 الف بس قابل للتفاوض اه رايكو اتوكل على الله فيها ولا استنى النوبيرا 2 هو كمان قالي انه معاه توكيل من صاحبة العربيه وهو الى هيبيعلى الموضوع ده عادى ولا فيه مشاكل انا هتعبكو معايا معلش مستنى مساعدتكم

[د.محمود صلاح]

دى ليها استخدام ودى ليها استخدام آخر فالمقارنة غير متكافئة , حسب احتياجك للعربية ومشاويرك واللى بيركبوا معاك دايما وكده

[theknight]

يادكتور انا لسا جديد فى موضوع العربيات و ديه هتبقي اول عربيه ليا فا وقعت قدامى التريوس ديه فا انى احسن التريوس ولا استنى لغاية مالاقي نوبيرا

[ahmed_h_g]

نوبيرا طبعا"
أسأل على قطع غيار الأتنين وسعر اعاده البيع وبعدين قرر
ومتنساش طبعا" الحاله أولا"
التيريوس جميله ونضيفه لكن أنا لو مكانك هجيب نوبيرا .

[romeo_6887]

لو التيريوس عجباك
اكشف عليها و توكل علي الله
بس اسال علي قطع الغيار الاول

[theknight]

انا عاجبانى علشان عليا علشان شاوارعنا الجميله بس انا محتار و هتجنن خلاص ناس تنصحنى بالفيرنا وى ناس تقولي اوعى تجيبها وناس تقولى على النوبيرا و ناس تقولي بلاش بينى وبينك مبقيتش عارف اعمل اه و اجيب اه بالذات ان ديه اول مره اشترى عربيه وى مبفهمش فيهم اوى انا خايف اجيب حاجه و تطلع مش تمام اه رايكو يا جماعه تاعبكو معايا معلش

[momopersona]

بوص يا سيدى
التيريوس عربيه جميله جدا داخل المدينه
يعنى موفره فى البنزين وعاليه فى المطبات وعمليه جدا ويابانى تستحمل
لكن النوبيرا حلوتها فى السفر والشد بس
فلو انت يهمك جوه المدينه يبئا بكل المقاييس التيريوس تكسب
لكن لو بتسافر كتير وعايز عربيه ثابته وكده يبئى النوبيرا

واهم حاجه تكشف على العربيه كويس
وموضوع التوكيلات ده عادى ياباشا ماتقلقش منه
وربنا يوفقك

[pro_samir]

بتهيألى التيريوس دي أول ما نزلت كانو بيقولو فى الأعلان "قاهرة أدغال المدينة !"

يعني تاخد بيها مطب ولا غطا بلاعة

لكن العربية عالية ومش عريضة وهتخنقك جدا فى الملفات ومش بتاع جري

نوبيرا طبعا حتى لو عايزها عالية فا ممكن تعليها شوية وبرضو ثباتها هيبقى احسن من التيريوس مية مرة

وموضوع ارتفاع العربية دة انت المفروض تحددة بناء على أكتر استخدام ليك بيكون فين

يعني معظم مشيك بيها هيكون سفر ولا وسط البلد فى اماكن مليانة مطبات عالية زيادة عن اللزوم ؟ بناء على كدة حدد

[theknight]

انا مش بسافر هى التريوس قطع غيلرها وى اعدة البيع نظامهم اه معاهم . شكرا ليكو ياجماعه وشكرا يا سمير باشا على التوضيح لمسألة التوكيل علشان ان كنت قلقان شويه منه

[mxz911]

انهى اوسع يا جماعه و ياريت مقارنه بالتفصيل اكتر

لانى حاليا ف نفس الحيره

[M.ABDEEN]

النوبيرا كجري وثبات ورخص وتوافر قطع غيار واعادة بيع احسن

[ozy2026]

بس خلى بالك التيريوس ضيقه جداااا والنوبيرا عكسها خالص
وبعدين التيريوس 1300 والنوبيرا 1600
فانا شايف ان احتياجك للعربيه هو اللى هيحسم الموضوع

[mxz911]

يعنى يا جماعه اللى يفرق فى موضوع العربيه من الاخر هو الارتفاع انه احسن ف التيريوس بس .. غير كده النوبيرا احسن فى كل حاجه صح ؟؟

طب موضوع انى دى يابانى ودى كورى ؟؟

[theknight]

تعبتكو معايا يا جماعه انا فهمت كده ان التريوس الميزه الوحيده انها عليا بس والنوبيرا تتفوق فى الباقي فيبقي احسن انى خلينى فى النوبيرا هى كمان مش واطيه اوى انا كمان سمعت ان التريوس بتقلب .
انا كنت عايز اخد رايكو فى الكريستاله هى حالتها ممتازه بس صاحبها عايز 51.500 ومش عايز ينزل اى حاجه هى كدا كتير ولا كويس وهى احسن من النوبيرا ولا لا .
انا اسف يا جماعه انا عارف انى ارفتكو معايا

[fouady]

بص الكرستلة كده كتير قوي بصراحة بالتمن ده هتجيب نوبرا نضيفة قوي وأنا شيف إنها مناسبة ليك أكتر علشان اوسع ومطرها أجمد وكمان full option