البوينتر والبونتو عايز رأيكم

[CryptonX]

i am sorry but the spare parts are available and alot of spare parts are interchangable with other vw and audi cars
egypt is already from the third world country so the vw pointer makes a perfect sense

you miss understood my point
First of all no not all the spare parts are available
If you do have the New Shaped Pointer , Kindly ask for the front headlights replacement or the Electric power windows machines , they are not available at the moment since like 2 months .

2nd of all
I never meant that the pointer is not suitable for us .
I meant that its not to be compared with a higher labor / class / build quality cars such as the Punto or Ibiza for example .

It should be compared to cars in its own SPECIAL ( if I might say ) class such as the Palio and the rest of similar car category .

[hazem_khidr]

راي من راي كريبتون اكس في كل كلمه قالها.
ما ينفعش نقارن بونتو ب بوينتر دي فئه و دي فئه تانيه و البونتو اعلي طبعا.
غير كده و عن تجربه مع واحد صاحبي معاه بوينتر و مطلعه عنيه و موديل 2004 و فبريكه بالكامل و كان شريها ب 75 او ب 70 الف جنيه.
و حاليا عاوز يبيعه تخيلو بقي بكام؟؟؟؟

ب 45 الف جنيه!!!!!!!!!!!!
عنده استعداد يخسر 30 او 25 الف في استهلاك تلت سنين و 60 الف كيلو

[tutankhamoun]

السلام عليكم يا جماعة
هو النقاش حامي ليه كدا
طيب نخش نولعها
بالنسبة لسؤال صاحب الموضوع
أنا لم اجرب البوينتر نهائي ......... و لكن أولا هي ألماني الأسم و إن كانت برازيلي الصناعة و هذا لا يعيبها على الاطلاق و لا أتفق في هذه النقطة على الاطلاق مع الأخوة الزملاء
و موضوع أنها من عائلة فولكس مما يعني أن قطع غيارها غالية حتى و لو متوفرة بس لسه غالية

أما البونتو ........ و هي سيارة إيطالي و تصنع لكل دول العالم بما فيهم المتخلفين بتوع دول العالم الثالث ( زي مصر كدا ) ......... المهم
سأحكي لك تجربتي الشخصية مع السيارة
السيارة فوق الممتازة ......... توفير في البنزين رهيب بتعمل حوالي من 140 إلى 170 كم لكل 10 لتر ........... مع أختلاف ظروف التشغيل
يعني السرعة المثالية هي 90 و دي بيكون عندها أعلى وفر في البنزين و توصل معاك ل 170 كم في الساعة و أنا بتكلم عن عربيتي اللي عاملة فوق ال 100 ألف كم
فتخيل بقى عربية زيرو هاتعمل كام !!!!!!!!!!
و أيضا تحميل السيارة ......... كل لما تكون لوحدك توصل لمعدل استهلاك منخفض جدا و كل لما تحمل يزيد الاستهلاك و لكنه لا يزيد بأي حال من الأحوال عن 130 كم لكل 10 لتر

بالنسبة لقطع الغيار
متوفرة بغزارة ........... في كل مكان .......... التوكيل و غير التوكيل ......... حتى ال Ecu متوفر عند بتوع قطع الغيار خارج التوكيل
و أسعارها ........ طبعا فيات ........... أسعار معقولة جدا جدا
قطع الغيار عمرها طويل ........ لأن معظم المتوفر في السوق الماني أو أيطالي الصناعة
يعني تحط قطعة اليغار و تنساها

بالنسبة للثبات ..........و السرعة
أقصى سرعة للعربية 155 كم / س و هذا من دليل كتيب التشغيل
و هي فعلا بتوصل للسرعة دي بس بالعافية ........... و يمكن علشان أخوك مش بتاع جري خالص و بحافظ على قوانين السلامة و الأمان التي تعلمتها في وقت ما من حياتي لذلك لا أحاول أن أصل بسرعتي إلى فوق 100 كم / س ...... ( السلامة و الأمان )
و لكني جربت السيارة مرة واحدة على الدائري و كان مطلع و جابت 145 كم / س و اول ما وصلت للمنزل لقيت الطريق بقى زحمة و بدأ قلبي يرعش فرحت مهدي على طول

بالنسبة للسحب و التجميع ........... ممتازة في فئة ال 1300 ........ بس متحاولش تشد مع عربية أقوى منك !!!!!!!!!! إلا لو كان الطريق زحمة و أنت متمرس
أما لو طريق فاضي ........... يبقى أنسى يا عمرو ( اعلان جهينة )
بس في حاجة الموتور الجديد 8 صباب فقط و ليس 12 كما البونتو موديلات بداية 2000
و ده بيأثر في التجميع على بسيط و أنت في الأول 1 و ده مش عيب ( هاتوفر بنزين أكتر )

العربية من الآخر تقييمها 10 / 10 ......... هاتديك اللي أنت عايزة


من ناحية الشكل ........ البونتو طبعا و بأكتساح ( دي أذواق )

أتكل على الله و بدون تردد و هات البونتو و إن شاء الله هاترتاح معاها قوي قوي قوي

[pointer]

اولا يا جماعه انا مابهاجمش حد بس انا بقول ماينفعش نقول حاجه وحشه او حلوه الا لما نجربها اللي بيشجع البونتو يقول عن تجربته بس مايجرحش في عربيه ماسقهاش وانا كده مش غلطان في حاجه:o

غير كده و عن تجربه مع واحد صاحبي معاه بوينتر و مطلعه عنيه و موديل 2004 و فبريكه بالكامل و كان شريها ب 75 او ب 70 الف جنيه

الموديل 2004 ده كان 1000 سي سي وسعره افل من كده بكتير و البوينتر اول ما نزلت كانت ب 35000 , بس احب احيي وتوت عنخ علي صراحته واعترافه بعدم اختبار السياره وعرض سيارته وما هاجمش سياره ما سقهاش:)

قطع الغيار عمرها طويل ........ لأن معظم المتوفر في السوق الماني أو أيطالي الصناعة
يعني تحط قطعة اليغار و تنساها

بالنسبة للثبات ..........و السرعة
أقصى سرعة للعربية 155 كم / س و هذا من دليل كتيب التشغيل

اظن ايضا قطع الغيارو العربيات الفولكس معروفه بانها معمره للغايه
واقصي سرعه انا جبتها 160 وكانت ماشاء الله ثابته و الار بي ام 3500 وهي ممكن تعدي ال6500 بدون مشاكل بس البونتو برضو حلوه علي اساس 1300 سي سي و الدليل بيقول اقصي سرعه 179 كيلو/س طبعا للبوينتر

أنا لم اجرب البوينتر نهائي ......... و لكن أولا هي ألماني الأسم و إن كانت برازيلي الصناعة و هذا لا يعيبها على الاطلاق و لا أتفق في هذه النقطة على الاطلاق مع الأخوة الزملاء
و موضوع أنها من عائلة فولكس مما يعني أن قطع غيارها غالية حتى و لو متوفرة بس لسه غالية

اتفق معاك اخي توت عنخ امون و الكلام ده صح 100*100 وفي الاخر احب اقو لكم اللي ناوي يشتري عربيه يشوف الانسب له من كل حاجه السعه قطع الغيار الكمليات الاستخدام عدد افراد الاسره الخ هل هيتعامل مع التوكيل ولا ممكن يستحمل قطع الغيار المضروبه اللي موجوده في البلد ده حتي قطع غيار اللانوس انضربت اختار اللي يناسبك مثلا مش مشكله عندك بلد الصناعه ممكن يكون الكوري اختيار جيد السعر اهم شيئ ممكن تشتري حاجه رخيصه المحرك اهم شيئ اشتري 1600 الثبات قطع الغيار الخ واللي ممكن ينفعك في الموضوع ده المنتدي
النقطه المهمه ان العزم بتاع البوينتر كبير علي ال rpm القليل وده بيطول عمر المحرك بنسبه الفرق بين ال rpm والاخر كما ان القدره اعلي في السرعات القليله اللي بنحتاج فيها لقوه المحرك
والنقطه الهامه اللي لازم اعترف بيها هي عيبين مش في السيارة ولكن في الوكيل وغلاء قطع الغيار بس مش للدرجه المخيفه اللي بيتكلم عليها البعض :)وقطع الغيار غاليه بس بتعيش يعني مش زي الشاهين مثلا كمان من تجربتي مع الشاهين كتير كنت باقع في قطع غيار مضروبه ولو جبتها من مصريات بتبقي كويسه بس غاليه اوي مثلا مشط الاسبراتير كان في المصريه ب200وحاجه وفي شارع دمشق ب 60 جنيه لكن ممكن يكون مضروب وفي الغالب الكوالتي ضايع علي شان كده ماهتمتش بحكايه الوكيل ده لاني عارف الحكايه
وكل عام وانتم بخير :)

[hazem_khidr]

البوينتر كانت 1000 سي سي فعلا لكن ما كنت ب 35 الف جنيه دي خالص(هو في عربيه ايا كانت ب 35 الف سنه 2004!!!!!!!)\
و بعدين عربيه توكيلها وحش و قطع غيار غاليه يبقي عربيه وحشه من الاخر حتي لو ايه .....
ممكن حضرتك تقولي المرايه بكام؟؟؟؟
بالنسبه للشاهين المشط بتاعها عند التجار ب 160 جنيه يعني ما فرقتش كتير عن مصريات و لما تلاقي السعر قليل اوي في قطعه الغيار كده تعرف انها غير اصليه بالمره.

[NaderNabil]

واقصي سرعه انا جبتها 160 و الار بي ام 3500

الكلام ده علميا غير صحيح لمحرك 1600 سي سي قوته حاجة و تسعين حصان و فتيس 5 سرعات

الأوكتافيا 102 حصان+فتيس 6 سرعات أوتوماتيك و عند ال 180 ال RPM عند ال 4700

[pointer]

اولا الي الاستاذ حـــــــــــــازم خــــــــــضر

البوينتر كانت 1000 سي سي فعلا لكن ما كنت ب 35 الف جنيه دي خالص

انا كتبت

البوينتر اول ما نزلت كانت ب 35000

اول ما نزلت مش سنه 2004

و بعدين عربيه توكيلها وحش و قطع غيار غاليه يبقي عربيه وحشه من الاخر حتي لو ايه .....

ما تظلمش العربيه حرررررررررررررام العربيه دي دهب و تحفه وانا بقول التوكيل وحش وبنبعت لالمانيا وبيشدوهم مالها العربيه بقي والتوكيل ده بتاع الباسات و التوارج والجيتا يعني كل دول وحشين ولو ايه ما اعتقدش وقطع الغيار بتاعه اي ماركه الماني (مش الصناعه ) غاليه ودي حاجه معروفه ومش جديده و المرايا ب 650 وبتاعه الانوس من ثلاث سنين كانت ب 475 الاصلي طبعا وبره التوكيل وجبنها استعمال ب 295 وكمان خد عندك الكلام ده من منتدي تاني

و المراية اللي بتتكلم عنها سعرها 200 جنيه في التوفيقية
و كمان برازيلي أصلي
اسأل عليها عند "فتح الباب" 2 شارع سليمان الحلبي رمسيس
أو "البطل" جمبه لزق

وحكايه الشاهين انا قلت

مشط الاسبراتير كان في المصريه ب200

والله انا قلت كانت زمان

الكلام ده علميا غير صحيح لمحرك 1600 سي سي قوته حاجة و تسعين حصان و فتيس 5 سرعات

الأوكتافيا 102 حصان+فتيس 6 سرعات أوتوماتيك و عند ال 180 ال Rpm عند ال 4700

خلاص ولا تزعل كان 3750 بس لاحظ ان السرعه عندك 180 والاكتافيا عربيه كبيره و الاتنين 1600 بس الاهم من كده العزم مش الحصان عزم = شد يعني لو حسبتها هتلاقيها هي هي :)

[NaderNabil]

ولا 3750 :) ...و ملهاش علاقة بكبر العربية أو صغرها...ولا بعزم العربية...القصة كلها في الهورس باورhp و نسب التخفيض بتاعة الفتيس...
العزم =تسارع
الhp=سرعة

و ياريت تقولي عند ال 100 الRPM بيبقي فين بظبط

[paladin]

it depends on the gear ratio not the number of gears
in the pointer on 100KM/h the rpm was 2900 or 3000

[paladin]

or may be 2800 i cant remember but it wasn't over 3000

[pointer]

ولا 3750 :) ...و ملهاش علاقة بكبر العربية أو صغرها...ولا بعزم العربية...القصة كلها في الهورس باورhp و نسب التخفيض بتاعة الفتيس...
العزم =تسارع
الhp=سرعة

و ياريت تقولي عند ال 100 الRPM بيبقي فين بظبط

لا طبعا ليها دخل لان مقاوه الهواء بتذيد وخصوصا علي السرعات العاليه وحجات تانيه كتير زي حجم العجل وعرضه
العزم = تسارع صح بس للاسف الhp=سرعة ده مش صح الانه الhp قوه الماتور وهو بره السياره ومالوش دعوه خالص بالحجم و السرعه
يعني لو ركبت ماتور ماشاء الله 2000 سي سي علي عربيه سيات 133 الماتور ها يسيب العربيه ويمشي لوحده:) بس لوركبت نفس الماتور لدبابه مش هاتتلحلح من مكانها
يبقي لازم الهورس باور مع كتله السياره و اللي هو العزم علي شان تحقق سرعه والسرعه نفسها ممكن تتاثر بالجير بوكس لو الترس حجمه مش مظبوط يعني الرابع والخامس قريبين اوي من بعض

ياريت تقولي عند ال 100 الRPM بيبقي فين بظبط

انا هاحيل الرد للاخ paladin

or may be 2800 i cant remember but it wasn't over 3000

بس ليه تعليق صغيرانا عندي ما بيذدش عن2700 ممكن يكون نوع البنزين لاحسن البنزين دلوقتي مضروب و بيفرق من محطه للتانيه يعني ممكن تحطه العربيه تكرركر و المره التانيه زي الفل

[pointer]

بس حبيت اوضح ايضا حكايه قطع الغيار بالنسبه للباليو وحكايه التوكيل ودي بعض الاقتباسات اللي حبيت اوضحها مش علي شان اقول ان الفيات وحشه بس انا بقول ان الفرق مش جامد اوي بين اسعار قطع الغيار

تعرضت لحادث بسياراتي ال ( Fiat Palio 1300 2006 ) و قد دمر الاكصدام الخلفي تماما .... اتصلت بالوكيل و قالي انه ب 880 جنيه بدون لون و من غير الضرائب !

Very very bad service
Very Very Bad Treatment
only one qualified service centre

but the cars are very good , I recommend the new Palio/Sienna for anyone looking for a LONG LIVING DURABLE RELIABLE car

كلمت OMATRA للسؤال على الفانوس و قلت بالمرة اسأل عن باقي قطع الغيار
الفانوس الأمامي ثمنه 1150 جنيه و الرفرف و الكصدام غير موجود

بحثت في كل اناء مصر عن الفانوس ولكنه غير موجود الاعند الوكيل
فقلت اشتريه و امري لله ......دخلت خدمة العملاء سألت عن طلبي , بعد نصف ساعة واحد رد عليا قالي أسفيين جدا ولكن الفانوس خلص !!!!! المهم قالي كمان اسبوع انشاء الله ........
امبارح بعد 3 اسابيع من الزيارة , و بعد 32 اتصال بالوكيل المحترم و مراكز الصيانة رد عليا شخص .....
كلمت جميع مراكز صيانة في مصر و كلمت فيات في اطاليا !! وقالولي ان أقرب بلد تبيع قطع الغيار لمصر هي جنوب افريقيا و تركيا لم أتمكن من الأتصال بتركيا و اتصلت بجنوب افريقيا و الفانوس ثمنه 980 جنيه زائد مصاريف الشحن !!!
و يوصل خلال اسبوع
انا نادم اشد الندم , السيارة فوق الممتازة بصراحة , و لكن وقعت في يد توكيل Beeeeeeeeeb مثل هذا !

وانا والله ما اقصد حاجه بس برضو الجديد كله غالي في قطع الغيار فيات ولا بي ام ولا ولا كله غالي وكمان قطع الغيار ناقصه اهي برضووممكن تكون ظروف التوكيل يعني بس انا ما طلبتش حاجه الا ما كانت موجوده وعلي فكره كل اللي فات ده مشاركات لناس عندهم باليو يعني ما بفتيش دي اراء اصحابها و انا لا جربت بونتو ولا باليو عشان اقول لكم حاجه وتطلع غلط
وتحياتي الي المنتدي كله وكل عام وانتم بخير

[SEATLOVER]

سؤال.. هو مين اللى زء البوينتير علينا ؟

[CryptonX]

سؤال.. هو مين اللى زء البوينتير علينا ؟

Rofl
التوكيل :)
زي الي زق الباليو عليا بالظبط :)

[pointer]

معلش البوينتر زي الفل وزياده والباليو مش وحشه و البونتو بردو زي الفل بس برضو البوينتر تحفه يا راجل دي BMW:)
معلش اللي ما يعرفش يقول عدس
وكله عند العرب صابون
ومالقوش في الورد عيب قالوا يا احمر الخدين

وبردوا الناحيه التانيه
القرد في عين امه غزال
الخنفساء تشوف عيالها علي الحيط تقول لولي ملضوم في خيط
مين يشهد للعروسه


التوكيلات في مصر كلها وحشه للغايه والكل بيشتم في التوكيل بتاع عربيته و قال علي راي المثل
وقعت من حفره لدحديره
و ما اسخم من سيدي الا سيتي
وتنتون وتنتن والاتنين انتن وانتن معلش القافيه حكمت
ياله كفايه كده امثال من ترسانه وارشيف اخوكم حسام