مقارنه بين نيسان صني وشيفروليه اوبترا

[melsaber]

السلام عليكم ..............
ياريت خبراء المنتدي يفيدونا بأرائهم في المقارنه بين العربيتين من حيث القوه, والأداء, والنعومه, والثبات, و استهلاك البنزين, واسعار قطع الغيار, والصيانه, والعمر الافتراضي, ومش عايز اقول التوكيل, وسعر اعادة البيع ,ومعلش طولت عليكم .....بس دي عربية العمر وانا بقالي شهر محتار وسألت عن عربيات كتير وربنا ييسر و أرسي علي حاجه ....

[medo_msmsa]

انا نفس حالتك بس انا موسع دائرة الاختيار للانسر 1300 والكورولا 2002 ومحتار ومش عارف، لدرجة ان انا فتحت توبيك بس للأسف الاجابات كانت مقتضبة جدا.
انا كمان عندي سؤال صغير ما هو لون اضاءة تابلوة الصني 2005-2007، برتقالي ولا أبيض؟

[romeo_6887]

خليك في الصني علي الاقل ياباني

[melsaber]

انا نفس حالتك بس انا موسع دائرة الاختيار للانسر 1300 والكورولا 2002 ومحتار ومش عارف، لدرجة ان انا فتحت توبيك بس للأسف الاجابات كانت مقتضبة جدا.
انا كمان عندي سؤال صغير ما هو لون اضاءة تابلوة الصني 2005-2007، برتقالي ولا أبيض؟

طيب ياريت حد يفيدنا بمقارنه كويسه بين العربيتين . بالنسبه للانسر 1300 فيه ناس كتير قالولي سحبها وحش جدا لأنه والله اعلم الموتور صغير علي حجم العربيه اما اللكرولا 2002 فانا مش عايز اجيب مستعمل فمفكرتش فيها...المشاهدات لحد دلوقتي 34 ومفيش غير اتنين بس اللي ردو.

[melsaber]

خليك في الصني علي الاقل ياباني

ممكن الأسباب ...... وشكرا علي الرد

[mohamedbook]

انا جربت الصني
عربيه كويسه في الفئه السعريه لليباني
توكيل كويس ومحترم
عربيه ثباتها عالي
سحبها ممتاز
فرملها فوق الممتاز بس الي كانت معايا مفهاش abs
شكلها حاجة ترجع ليك
قطع الغيار معقوله جدا بالنسبه لانها يباني
الصالون الداخلي ديق نسبيا لو رجعت كرسي الامامي بيديق الكنبه الخلفيه
وياريت تخش علي العربيات النيسان ونت هتعرف كل حاجة عن الصني مميزات وعيوب من خلال الاعضاء
العربيه كانت معايا من 3/2008 مغيرتش فيها اي حاجة غير الصيانات العاديه زيت فلتر بوجيهات ليس اكثر
واستخير الله وسوق السيارتين ابل متشتري والله ولي التوفيق

[romeo_6887]

ممكن الأسباب ...... وشكرا علي الرد

طبعا خامات الصني افضل من الاوبترا من غير كلام
ده كفايه توكيل المنصور اللي بيطفش الناس
هو موضوع التوكيل نسبي طبعا
اما توكيل نيسان الشكاوي منه قليله
الصني فيها عوامل امان زي الفل abs و ممكن يكون فيها ايرباجز
اما الاوبترا مفيهاش علي ما اعتقد
شكل الصني افضل من الاوبترا في رأيي

[melsaber]

طبعا خامات الصني افضل من الاوبترا من غير كلام
ده كفايه توكيل المنصور اللي بيطفش الناس
هو موضوع التوكيل نسبي طبعا
اما توكيل نيسان الشكاوي منه قليله
الصني فيها عوامل امان زي الفل abs و ممكن يكون فيها ايرباجز
اما الاوبترا مفيهاش علي ما اعتقد
شكل الصني افضل من الاوبترا في رأيي

شكرا علي الرد ..وفي انتظار المزيد من المشاركات من الأعضاء..

[Hosam_Optrawy]

شكرا علي الرد ..وفي انتظار المزيد من المشاركات من الأعضاء..

دا كان ردى فى أحد المواضيع عن رأيى فى الأوبترا بعد سنه ونص استعمال



انا معملتش غير 19 الف كم فى حوالى سنه ونص ومغيرتش غير زيت وفلتر مرتين

بس من خلال تجربتى العربيه ماشاء الله لحد دلوقتى ممتازه ومعملتش معايا أى مشاكل الحمد لله

- موتور محترم جدا وسحبه عالى واستهلاكه كويس وطبيعى مش عالى خالص زى ماكل الناس بتقول

- الفتيس الاوتوماتيك سلس واستجابته عاليه جدا

- الثبات والتحكم فى العربيه ممتاز جدا لحد 140 وانا نادرا لما بازود عن كدا فالثبات يعتبر من مميزاتها بالرغم من ان عرض الكاوتش 185

- العفشه كويسه جدا معايا لحد دلوقتى وتعتبر متوسطه ولا ناشفه ولا ناعمه , أول ماجبتها كانت ناشفه ودا كان بسبب ان ضغط الكاوتش عالى جدا لكن بعد ماظبطته على 30 العفشه بقت تمام جدا ومريحه

- التكييف ممتاز وعمرى ماجبته على 4 او جبته على أخر درجه من البروده , أخرى باجيبه على 2 ودرجه بروده متوسطه لان تبريده عالى جدا

- الوسع والراحه من أكبر مميزات العربيه فعلا واسعه وقعدتها مريحه

- العلو عن الأرض عمرى ماشفت زيه وبجد نقطة تفوق على عربيات كتير عمرى ماحكيت فى مطب اى كان شكله باعدى بقلب جامد بدون خوف

- أوبشنز العربيه كويسه وموضوع كاسيت الشرايط مش مضايقنى لانى باستعمل وصلة ال Aux وباوصلها بال iPod وصوت السماعات نضيف ومحترم

- العزل حلو جدا وصوت الموتور ميعتبرش عالى ومزعج ودى برضه من الحاجات اللى عاجبانى

- فرامل العربيه جيده جدا وأسعفتنى فى مواقف كتير رغم انها بدون Abs

- اكصدامات العربيه قويه ومبتتنيش بسهوله , ياما عربيات قديمه خبطتنى من ورا وقلت هانزل الاقى الاكصدام جوا الشنطه والنتيجه بالاقى شويه تجريح

- طبعا تقفيل العربيه مفيهوش غلطه ماشاء الله والخامات ممتازه

صفقه ممتازه وفلوسها فيها


بالنسبه للعيوب اللى ظهرت معايا لحد دلوقتى

- صاج السقف والكبوت طرى وضعيف وبيتأثر بسهوله عن بقية صاج العربيه

- احيانا باسمع صوت تزييق من الطاره وانا بالفها يمين وشمال الصبح وانا باسخن وبعد العربيه ماتسخن الصوت بيختفى

- شكلها يعتبر قديم :)

بجد مش لاقى عيوب تانيه

والحاجات اللى ناقصه العربيه زى ال Abs وال Air Bags والجنوط السبور موجوده فى فئه تانيه

الحمد لله ويارب تفضل على كدا على طول

[melsaber]

دا كان ردى فى أحد المواضيع عن رأيى فى الأوبترا بعد سنه ونص استعمال



انا معملتش غير 19 الف كم فى حوالى سنه ونص ومغيرتش غير زيت وفلتر مرتين

بس من خلال تجربتى العربيه ماشاء الله لحد دلوقتى ممتازه ومعملتش معايا أى مشاكل الحمد لله

- موتور محترم جدا وسحبه عالى واستهلاكه كويس وطبيعى مش عالى خالص زى ماكل الناس بتقول

- الفتيس الاوتوماتيك سلس واستجابته عاليه جدا

- الثبات والتحكم فى العربيه ممتاز جدا لحد 140 وانا نادرا لما بازود عن كدا فالثبات يعتبر من مميزاتها بالرغم من ان عرض الكاوتش 185

- العفشه كويسه جدا معايا لحد دلوقتى وتعتبر متوسطه ولا ناشفه ولا ناعمه , أول ماجبتها كانت ناشفه ودا كان بسبب ان ضغط الكاوتش عالى جدا لكن بعد ماظبطته على 30 العفشه بقت تمام جدا ومريحه

- التكييف ممتاز وعمرى ماجبته على 4 او جبته على أخر درجه من البروده , أخرى باجيبه على 2 ودرجه بروده متوسطه لان تبريده عالى جدا

- الوسع والراحه من أكبر مميزات العربيه فعلا واسعه وقعدتها مريحه

- العلو عن الأرض عمرى ماشفت زيه وبجد نقطة تفوق على عربيات كتير عمرى ماحكيت فى مطب اى كان شكله باعدى بقلب جامد بدون خوف

- أوبشنز العربيه كويسه وموضوع كاسيت الشرايط مش مضايقنى لانى باستعمل وصلة ال aux وباوصلها بال ipod وصوت السماعات نضيف ومحترم

- العزل حلو جدا وصوت الموتور ميعتبرش عالى ومزعج ودى برضه من الحاجات اللى عاجبانى

- فرامل العربيه جيده جدا وأسعفتنى فى مواقف كتير رغم انها بدون abs

- اكصدامات العربيه قويه ومبتتنيش بسهوله , ياما عربيات قديمه خبطتنى من ورا وقلت هانزل الاقى الاكصدام جوا الشنطه والنتيجه بالاقى شويه تجريح

- طبعا تقفيل العربيه مفيهوش غلطه ماشاء الله والخامات ممتازه

صفقه ممتازه وفلوسها فيها


بالنسبه للعيوب اللى ظهرت معايا لحد دلوقتى

- صاج السقف والكبوت طرى وضعيف وبيتأثر بسهوله عن بقية صاج العربيه

- احيانا باسمع صوت تزييق من الطاره وانا بالفها يمين وشمال الصبح وانا باسخن وبعد العربيه ماتسخن الصوت بيختفى

- شكلها يعتبر قديم :)

بجد مش لاقى عيوب تانيه

والحاجات اللى ناقصه العربيه زى ال abs وال air bags والجنوط السبور موجوده فى فئه تانيه

الحمد لله ويارب تفضل على كدا على طول

شكرا علي الشرح المفصل يا حسام بيه ,متعودين من حضرتك علي كده في المنتدي ,,, ولكن كصفقه ايهما افضل من الأخر صني ولا أوبترا .

[melsaber]

انا جربت الصني
عربيه كويسه في الفئه السعريه لليباني
توكيل كويس ومحترم
عربيه ثباتها عالي
سحبها ممتاز
فرملها فوق الممتاز بس الي كانت معايا مفهاش abs
شكلها حاجة ترجع ليك
قطع الغيار معقوله جدا بالنسبه لانها يباني
الصالون الداخلي ديق نسبيا لو رجعت كرسي الامامي بيديق الكنبه الخلفيه
وياريت تخش علي العربيات النيسان ونت هتعرف كل حاجة عن الصني مميزات وعيوب من خلال الاعضاء
العربيه كانت معايا من 3/2008 مغيرتش فيها اي حاجة غير الصيانات العاديه زيت فلتر بوجيهات ليس اكثر
واستخير الله وسوق السيارتين ابل متشتري والله ولي التوفيق

مشكور اخي علي التوضيح

[ahmad--ezzat]

النيسان افضل طبعا....
1-موتور النيسان محترم اوى
2-العربيه صاج جامد ودى نقطه مهمه
3-تكييف ممتاز
4-ثبات كويس جدا
5-عربيه هتعيش معاك ومش هتخستع زى الكورى بعد 4 5 سنين
6-اسم وتوكيل محترم
7-اعاده بيع كويسه بالنسبه للكورى

[Hosam_Optrawy]

شكرا علي الشرح المفصل يا حسام بيه ,متعودين من حضرتك علي كده في المنتدي ,,, ولكن كصفقه ايهما افضل من الأخر صني ولا أوبترا .

رأيى الشخصى الاوبترا اكيد

انا مش عايز أشكر فى الأوبترا وأطلع عيوب فى الصنى

بس يكفى بالنسبه لى ان الصنى تقفيل مصرى ودا اللى خرجها من حساباتى تماما ايام ماكنت باشترى

لان من الوارد جدا تظهر عيوب تقفيل ومشاكل ( ودا بيحصل ) عكس الاوبترا كورى 100 %

الصنى أضيق من الاوبترا وكراسيها وقعدتها مش مريحه

شكل الصنى بالنسبه لى غير مقبول من جوا وبرا

غير ان بعض الملاك بيشتكوا من استهلاك البنزين

اللى يميز الصنى ان فيها Abs و Air Bag وسعرها بقت أرخص من الاوبترا

لكن فى الباقى الاوبترا ماتقلش عن الصنى فى شئ

سواء موتور او ثبات او تكييف او اعادة بيع كل دا ممتاز

وتتميز كمان بجودة التقفيل والوسع والعلو عن الأرض

وممكن كمان تدخل الالنترا فى حساباتك معمول عليها تخفيض حاليا مانيوال ب 90 واوتوماتيك ب 97

بس لو نويت الحق قبل ما العرض يخلص يوم 31 يناير

[homos99]

النيسان افضل طبعا....

5-عربيه هتعيش معاك ومش هتخستع زى الكورى بعد 4 5 سنين

لأ طبعا الكورى مبيخسعش بعد 4-5 سنين الا لو صاحب العربية بيهونها ومش بيواظب على الصيانة احنا معانا السفيا وبقالها اكتر من 10 سنين ووالله زى الفل وكل فين وفين لما بنغير حاجة او بحصل حاجة فيها والله بجد ,,,,

[ahmad--ezzat]

لأ طبعا الكورى مبيخسعش بعد 4-5 سنين الا لو صاحب العربية بيهونها ومش بيواظب على الصيانة احنا معانا السفيا وبقالها اكتر من 10 سنين ووالله زى الفل وكل فين وفين لما بنغير حاجة او بحصل حاجة فيها والله بجد ,,,,

بصلها من نظره تانيه....انت عندك الكرولا موديلات 95 و94 عربيات لحد دلوقتى ماسكه نفسها....لو جيت تركب اكسيل مش هتبقى بنفس كفائه الحجات دى...الهوندا بتبقى موديل 90 وجميله....والصراحه كعمر افتراضى اليبانى يكسب...والصراحه العربيه معايا...والتقفيل جميل جدا...لا حاجه بتزيق ولا حاجه راكبه مش مظبوط ولا حاجه بايظه والعربيه حديد ما شاء الله