افيدونى افادكم الله لحسن زهقت من التفكيروالفلوس هتتفرتك

[komandos]

والله انا عندى ثقة كبيرة فى المنتدى واعضاءوه ولا انكر انى استفد منكم كثيرا ولكن تمو جميلكوا عليا , اول مرة اشترى زيرو ومحتار ما بين فيات لينيا ولا كورى سواء سيراتو او كروز او النترا .الحقونى ويا ريت لو حد راكب حاجة منهم يقولى رايه باختصار يعنى ندمان باختياره ولا مبسوط واشكر الجميع من رد ومن قرأ ,.

[salsat]

السلام عليكم
والله يا باشا انا افضل السيراتو لانى شايف انها عربية ممتازة من حيث الموصفات والشكل والصالون وانا شايفها منتشرة فى السعودية بحكم انى بشتغل فى السعودية وكمان لما نزلت اجازة لاقيتها منتشرة برده فى مصر . وده مجرد راى وبرده شوف اراء اخونا فى المنتدى وهما اكيد اكثر فهم منى فى الافضل . وربنا يرزقك الخير :b4_033:

[tareket]

والله انا عندى ثقة كبيرة فى المنتدى واعضاءوه ولا انكر انى استفد منكم كثيرا ولكن تمو جميلكوا عليا , اول مرة اشترى زيرو ومحتار ما بين فيات لينيا ولا كورى سواء سيراتو او كروز او النترا .الحقونى ويا ريت لو حد راكب حاجة منهم يقولى رايه باختصار يعنى ندمان باختياره ولا مبسوط واشكر الجميع من رد ومن قرأ ,.

شوف يا باشا

اولا انتا بتتكلم عن انهى فئة فى كل عرابية , اللينيا التربو ولا العادية
الكورى الفادية المانويل ولا الاوماتيك

كدة كدة مفيش لينيا اوتماتيك

انا معايا اللينيا التربو و انصح بيها اى حد بس لو بتفكر تبيع اللينيا فى ظرف سنتين تلاتة يبقى هتخسر فى تمنها مش زاى الكورى اللى بتحافظ على تمنها

اعمل صلاة استخارة و اتكل على الله

[damasry]

حضرتك فيه مقارنات كتير اتعملت للسيارات دى والحمد لله اللينيا متفوقة فى حاجات كتييييير لكن الكورى متفوق فى بعض الاوبشتز الزيادة وانه اوتوماتيك
لكن اللينيا كنضافة تقفيل وجودة خامات وموتور وسحب واستهلاك بنزين اللينيا تتفوق بمراحل

يبقى حضرتك لو بتفكر فى اعادة البيع بعد ٥ سنين يبقى كله ها يتساوى فى اعادة البيع لكن لو قبل كده يبقى مش قدامك غير الكورى للأسف

لكن لو بتفكر فى حاجة نضيفة تركبها وهاتديك اداء افضل من كل الاختيارات التانية يبقى اللينيا واحمد يوكو معانا هنا معاه العربية وكويسة جدا وهو عمل حادثة قريب دخل فى رصيف على ١٢٠ والعربية مش اتقلبت بيه ولا حتى الجنط اتعوج، المقص بس اتكسر، عربيات تانية شوف كان ممكن يحصل ايه فيها.

[fouady]

Fiat leniaa

[sheeko00]

ياتركب فيات ياتركب سيراتو ياتركب صنى انت وفلوسك واحتياجك
واسأل عن خدمة مابعد البيع الصنى تمام والباقى معرفش

[elysmeen]

خش وشوف الفرق

http://www.nilemotors.net/Nile/114904-vs.html

[sandras]

يا جماعه نفس الحيرة دى عندى ممكن حد يطمنا اسعار قطع الغيار للينيا ايه وهل فعلا اسعارها مبالغ فيها وبالاخض الفوانيس والاكصدامات والحاجات المعرضه للتغير باستمرار فى شوارعنا الزحمه

[kmhbravo]

اركب لينيا ومش هاعدد كل المزايا اللى فيها اعضاء كتير محترمين عملوا مجهود كبير فى المقارنة لكن النقطه فى الأمان اللى بتحس بيه فى أى عربية أوروبى خصوصاً فى إرتفاع معدل الحوادث فى مصر وكمان قوة الموتور التربو هاتسعفك فى مواقف حرجه كتير مش ممكن اى عربية تانيه تقدر عليه فى نفس الفئة السعرية وكمان عربية مميزة مش منتشرة وده مبدأى فى الشراء (أركب اللى انا بحبة وفيه كل وسائل الأمان ومميز مش اللى ماشى فى السوق وخلاص) بالإضافة ان العربية سعرها فعلاً good value for money

[romeo_6887]

لينيا طبعا يا باشا

[alaaali1980]

بص انا كنت زيك وفى الاخر جبت اللينيا وفعلا مبسوط بيها جدا ومحستش لثانية انى ندمان على العكس لو كنت جبت السيراتو وشوفتها بعد كده اكيد كنت هندم بالنسبة لقطع الغيار هى فى سعر اليابانى بس متنساش انها عربية اوروبى

[bishoy02010]

لينا افضل بس انا لو مكانك هشترى سيراتوا بصراحة

[HOSAMSAMSOON]

الف شكر

لينيا اكيد انا اركب توك توك اوروبي ولا اي عربية كوري ده رأيي وريبا يلهمك حسن الاختيار ولو عاوز اي عربية فيهم انا في الخدمة وده رقمي 0145257549

بصراحه انا برشح اللينيا عربيه محترمه و فيها كل الامكانيات و مش موجوده في اي عربيه زيها ومن ناحيه الشكل دا احلي شكل تشوفه فيه الفخامه و الشبابيه في نفس الوقت وعموما شوف الي انت عايزه ودا رقمي لو احتجت اي حاجه 0119009554

[frame="9 10"]
الف شكر على المشركات الجادة و الخدمات
اللنيا عربية محترمة جدا جدا

[/frame]

[damasry]

[frame="9 10"]
الف شكر على المشركات الجادة و الخدمات
اللنيا عربية محترمة جدا جدا

[/frame]

حسام باشا متابعنا من السعودية

سيب الناس تاكل عيش يا باشا

[ldsaklf]

لو ميفرقش معاك الاوتوماتيك اركب لينا لو يفرق هات سيراتو