السيراتو و الالنترا و اللينيا

[hazouka]

يا جماعة أنا مش عارف ليه اللينيا مش بتدخل في المقارنات معاكم مع انها نفس الفئة السعرية و فيها أوبشنز أكتر, أنا لحد دلوقتي لسة مش مستقر علي عربيه بس كنت عايز ادخل اللينيا في المقارنات و أشوف رايكم ايه

[ghost1900]

حضرتك الفيات شركة كبيرة واللينيا عربية ممتازة مشكلتها ان مفيش منها أتوماتيك.

يعني لازم حضرتك تحدد متطلباتك من العربية وعايزها مانوال ولا أتوماتيك عشان تقدر تحدد.

[SeiffoZ]

اللينيا لا يوجد بها أوتوماتيك ...

الأفضل فى الأمان ... 5 نجوم و 6 إير باجز و ABs + EBD

أقوى موتور

[yoko]

هي اللينيا تكتسحهم وتعمل أكتر من مقارنة قبل كده بس اللينيا مفيش أوتو (لسه السنة الجايه) ولو هتبيع قبل ٥ سنين يبقى بلاش عشان متخصرش كتير غير كده هي الأحسن في الفئة السعريه دي

[hash_mafia]

بص هي اللينيا انا شايفها أحسن لأنها هتديك:
- موتور أقوى (0-100 في 9 ثواني) وفي نفس الوقت هيوفرلك في البنزين لأن التيربو بيفتح عند rpm 2500 يعني ممكن جوة البلد متفتحوش خالص و يكون استهلاكك موتور 1400cc(شوف انت ارخص عربية فيها الموتور ده بكام).
- اوبشنز اكثر (انا بتكلم عن نفس السعر اللي هتدفعة 110,000) لكن لو عايز اوبشنز متقاربة هتضطر تدفع اكثر - في السيراتو مثلا هتزود8000 جنيه عشان تدفه 120,000)
- امان اعلى (فرامل abs+ebd) , صاجها اقوى من العربيات المذكورة, ثبات عالي جدا , 6 ايرباج (شوف انت ارخص عربية فيها 6 ايرباج بكام)

عيوبها بالنسبالي انها مانيوال (بقول بالنسبالي دا عيب لأن الناس اللي غاوية سواقة مش بتحب الاوتوماتيك خالص) ومعا كده انا اتنازلت عن راحة الوتوماتيك في مقابل كل اللي قولته و هنزل ان شاء الله أحجزها النهاردة.

انا بقولك طريقة تفكيري لأني كنت بفاضل بين نفس العربيات مش بقولك انهي عربية احسن لأن كل واحد ظروفة و أزواقه مختلفة.....

[yoko]

- موتور أقوى (0-100 في 9 ثواني) وفي نفس الوقت هيوفرلك في البنزين لأن التيربو بيفتح عند rpm 2500 يعني ممكن جوة البلد متفتحوش خالص و يكون استهلاكك موتور 1400cc(شوف انت ارخص عربية فيها الموتور ده بكام).

كلام زي الفل بس عندي تعديل صغنون
التربو بيفتح من ١٥٠٠ لكن على حسب دوستك يعني ممكن توصل ل٣٥٠٠ لفة ودايس بنزين براحة (من غير كبس) التربو مش هيفتح
لكن لو إنت على ١٥٠٠ وعايز تطير وكبست دواسه البنزين هتلاقي التربو فتح وطرت ومفيش حد عارف يجيبك

[hash_mafia]

كمااان !!!!!
ده كده انا حاسس ان معايا موتورين عايز أوفر أوي هـ أوفر و لو عايز أطير (أوي بردو) أطير

[yoko]

كمااان !!!!!
ده كده انا حاسس ان معايا موتورين عايز أوفر أوي هـ أوفر و لو عايز أطير (أوي بردو) أطير

طب وقولك حاجة أكتر من كده مع الحرق والإفترا والشد وتهدي وتشد تاني وسرعات فوق ال١٢٠ العربيه بتعمل ١٠ لتر ل١٠٠كم فتخيل السواقة الهاديه العربيه هتعمل كام (أنا حققت رقم الكتالوج على ٩٠كم\س ولمده ربع ساعة مطلعتش عن ٥.٤ لتر\١٠٠كم)

[hash_mafia]

5.4 ؟!!!!!!!!!! يا مساء التوفيييييير:10D5C8~1107:

[Mohamed.Ramah]

اللينيا
السيراتو
الالنترا

[momopersona]

لينيا لينيا لينيا لينيا

هو لازم يبئا فى اعلان عشان الناس تحترم العربيه
طلعا اللينيا تكسب جميع عربيات فئتها السعريه

[د.محمود صلاح]

هتدخل وهتنافش بس انتظر شوية لما السوق المصري يستوعبها

[yoko]

إن شاء الله هتلاقوا حمله إعلانيه كمان كام شهر للفيات بس قولوا يا رب

[alaaali1980]

لينيا عربية فعلا حتحبها لما تركبها وهتنسيك اى نوع عربية تانية فى نفس فئتها السعرية

[sefo]

مساء الخير يا احلى اعضاء
انا عضو جديد وناوى اشترى عربيه جديده واول مره اسمع عن اللينيا فلو سمحت مالكى السياره هل ممكن يفيدونا
1- اخبار قطع غيارها ايه واسعارها غاليه ولا فى المعقول
2-التوكيل اخباره ايه فى حد بيعرف يصلحها بالتوكيل ولا السياره جديده على الكل
3-فى حد بيفهم فى اللينيا بره التوكيل
4- فى حد استوردلها اى قطع غيار او اكسسوار بره التوكيل ولا لسه
5-هل معدلات الاستهلاك للبنزين اللى بيتكلم عنها الاستاذ يوكو دى المفروض تكون عليه ولا ده بالاستهلاك الفعلى ومن واقع التجربه 0 انا شايفه بيقول الكتالوج ؟
6- الاعضاء اللى قالوا رايحين يحجزو النهارده هل 2009 و لا 2010 وبكام وفين