جين 2 ولا جيتز ؟؟

[HaMaKyy]

يا جماعة انا الميزانية معايا زادت شوية يعنى تكون من 60 ل 65 كدة
ومحتار بين عربيتين والاتنين عجبنى
بس محتار مابينهم الجين 2 بكامليتها وشكلها
والجيتز بشيكتها ومتورها
فمحتار بين
جين 2 2006 2007
جيتز 2006 2007

مع العلم انى عايزها اوتوماتيك وقطع الغيار بردوا يهمنى
متكونش غالية وتكون منتشرة

[M.ABDEEN]

بص يا باشا الجديد كله غالي شوية حتى الصيني
الاثنيين قطع غيارهم غالية شوية بس الهيونداي قطع غياره مالية السوق وموجودة وكثير منها ممكن يكون اي كلام (اسف للتعبير ) الجين 2 او البروتون متوفرة بس مش زي الهيونداي
نيجي للاهم بقى :
القوة : الجين2 110 حصان 1600 سي سي
الجيتز 105 حصان 1600 سي سي
الثبات : الجين 2 افضل بكتيير في الثبات
الامان : الجين تتفوق برده
الكماليات : الجين تتفوق
الوسع : الجين واسعة بس معرفش مدى وسعها ازاي
الجيتز واسعة جدا وقعدتها وصالونها جميل ويعيبها صغر حجم الشنطة شوية
التقفيل : في الموديلات دي ماقبل 2009 في الجين كان فيه عيوب تقفيل بس من 2009 اتحسنت كتيير وممكن تكون اختفت لكن مش مقلقة
الجيتز بجميع موديلاتها تقفيلها ممتاز جدا
التوكيل والمصنعية والتعامل : مشكلة هيونداي التوكيل اه بيعملك كل حاجة بس ادفع وبزيادة ومصنعياته اوفر شوية يعني اجمالا معقول .......البروتون ناس محترمة برده وعندهم خبراء متواجدين بصفة مستمرة ..........
وفي النهاية دي وجهة نظري يمكن تاخد بيها ويمكن لا الامر يرجعلك وانا لو في مكانك اختار جين 2 بس ده مش معناه ان الجيتز عربية وحشة لا سمح الله بالعكس عربية حلوة وكويسة

[houbaz]

خليك فى الجيتز، الجين 2 قبل 2009 انت و حظك فى عيوب التقفيل..

[N.a.j.d]

الجين كويسه وحلوه واثبت من الجيتز

[د.محمود صلاح]

أؤيد الجين تو , أوسع وأقوى وسوقها ماشي عن الجيتز

[HaMaKyy]

طيب هقولكم على حاجة يا جماعة العربيتين دول يعملوا فى حدود 65 اية رأيكم لو جبت دايو جوليت مودبل 2004 ولا حاجة واظبطها بالباقى كدة احسن ولا اية ؟؟

[powerofhelll]

من وجهت نظري الجين 2 بكل المعاير تكسب
اوسع اقوي اكثرهما ثبات شنطه محترمه قطع الغيار متوفره خارج التوكيل و اسعارها معقوله