أوبترا أو نيسان صنى ex أو ماتريكس

[furyo]

السلام عليكم

اما محتار جدا بين الثلاث سيارات أوبترا أو نيسان صنى ex أو ماتريكس
اوتوماتيك للكل
من ناحية قوة السيارة
ان تكون العربية معمرة
مصاريف التشغيل
سهولة التعامل مع التوكيل
قطع الغيار
أعادة سعر البيع
قوة العفشة

مع العلم انى سمعت الاتى
ارتفاع النيسان صنى عن الارض 14.5 سم
الاوبترا 15 سم

ايضا سمعت ان الاوبترا سوف تنزل فى 2011 شكل جديد . ان كان هذا صحيح فسوف يكون الشكل الموجود حاليا ملوش لزمة . زى السيراتو القديمة و الجديدة. الفرق واضح.

أسعار السيارات حسب ما سألت
أوبترا 94
نيسان صنىex الف 89
ماتريكس 94

أرجو المساعدة. الواحد مبيشتريش عربية كل يوم.

شكرا مقدما ليسادتكم

محمد

[furyo]

مع العلم انى لم اجد الاوبترا فى موقع جنرال موتورز العالمى
وجدت الافيو فقط

شكرا

[Hosam_Optrawy]

السلام عليكم

انا هاجاوب على حضرتك بخصوص الاوبترا بحكم انها معايا بقالها سنه ونص واعرف عنها اغلب الحاجات

من ناحية القوه فهى تعتبر قويه موتورها 107 حصان وسحبه ممتاز

معمره لو هاتحافظ عليها وتهتم بصيانتها

مصاريف التشغيل تعتبر رخيصه بالنسبه لفئتها وقطع غيارها متوفره داخل وخارج التوكيل باسعار مختلفه

التعامل مع التوكيل فى الصيانه ممتاز , فى المشاكل مجربتوش

اعادة بيع عاليه

عفشه قويه جدا

اقرب ارتفاع للارض 16 سم

_________________________

بخصوص الشكل الجديد

فالاوبترا مش هاينزل منها اى شكل جديد

هو بالفعل السنه اللى فاتت نزلت الكروز كبديل للاوبترا فى الاسواق

لكن الكروز مش هى الشكل الجديد من الاوبترا

الكروز نزلت كبديل للاوبترا وعربيه تانيه اسمها " كوبالت "

لكن مازالت الاوبترا بتتباع عندنا والدول العربيه وبعض الدول الأخرى

وحضرتك ملقتهاش على موقع Chevrolet عشان دا الموقع الخاص بأمريكا وهناك مفيش اوبترا حاليا

بس فى بعض الدول غيرنا وغير الدول العربيه هاتلاقى الاوبترا مازالت بتنزل عندهم

زى

المكسيك

http://www.gm.com.mx/......._data/LAAM/MX/es/GMMGM/showroom/chevrolet/modelos/optra/diseno.html

شيلى

CHEVROLET OPTRA - ELEGANCIA, ESPACIO Y COMODIDAD PARA LOS TUYOS

كولومبيا

OPTRA ADVANCE - CARROS CHEVROLET - Caja manual o automática

اكوادور

CHEVROLET OPTRA ADVANCE 1.8 MT- DISEÑO Y EQUIPAMIENTO

فنزويلا

OPTRA ADVANCE – CARROS CHEVROLET – ESPACIO PARA TU FAMILIA

جنوب افريقيا

Chevrolet South Africa - The Chevrolet Optra – unique presence for head-turn-ability

الهند

Optra Magnum India, Optra Car, Chevrolet Optra Magnum Diesel Car, India

سنغافوره

Chevrolet Singapore - Optra Magnum

تايلاند

http://www.chevrolet.co.th/......._data/AP/TH/th/GBPTH/001/BRANDSITE/chevrolet/index.html

فلبين

http://www.generalmotors.com.ph/GM/......._data/AP/PH/en/GBPPH/001/PRODUCTS/OPTRA/SEDAN/OPTRASEDAN.html

نيوزلاندا

Holden Viva Sedan | Key Information | Holden New Zealand

غير اغلب الدول الاوروبيه وطبعا مصر والدول العربيه والافريقيه والاسيويه

ــــــــــــــــــــــــــــــــــ

وأخيرا سعر الاوبترا اوتوماتيك حاليا 91 الف

بالتوفيق

[romeo_6887]

زي ما حسام باشا قال لحضرتك
بس انا اشيف ان الصني افضل
بحكم انها ياباني بس سيبنا من العقد دي
شوف العربيه اللي حضرتك مستريحلها
و توكل علي الله مع استبعاد الماتريكس

[furyo]

زي ما حسام باشا قال لحضرتك
بس انا اشيف ان الصني افضل
بحكم انها ياباني بس سيبنا من العقد دي
شوف العربيه اللي حضرتك مستريحلها
و توكل علي الله مع استبعاد الماتريكس

السلام عليكم

لماذا يا اخى استبعاد الماتريكس
ما عيوبها فى نظرك

وسكرا للاخ حسام على الشرح

[alfbaa]

ببساطه الثلاث سيارات ممتازين بس الصني فيها كماليات اكتر......... كفايه الايرباج و ال abs

وبرده (حتى لو مفيش فرق ) اسمك راكب عربيه ياباني = راحه بال على الاخر لان في ناس كتير (وانا منهم بيقلق سنه من بعض الكوري...برغم انه اثبت انه ممتاز)

بس بصراحه الحاجه اللي لاحظتها ان خامات الاوبترا احسن شويه من الصني بس الصني اشيك من جوه (وطبعا دي اذواق و تقديرات )

[mzda]

زي ما حسام باشا قال لحضرتك
بس انا اشيف ان الصني افضل
بحكم انها ياباني بس سيبنا من العقد دي
شوف العربيه اللي حضرتك مستريحلها
و توكل علي الله مع استبعاد الماتريكس

ببساطه الثلاث سيارات ممتازين بس الصني فيها كماليات اكتر......... كفايه الايرباج و ال abs

وبرده (حتى لو مفيش فرق ) اسمك راكب عربيه ياباني = راحه بال على الاخر لان في ناس كتير (وانا منهم بيقلق سنه من بعض الكوري...برغم انه اثبت انه ممتاز)

بس بصراحه الحاجه اللي لاحظتها ان خامات الاوبترا احسن شويه من الصني بس الصني اشيك من جوه (وطبعا دي اذواق و تقديرات )

11111111111111111111111111+

[egyreg]

الاوبترا فى امريكا اسماها سوزوكى فورنزا Suzuki forenza لاسباب تسويقية .. لان الامريكان متعودين على الشيفروليه تكون امريكيه , و هى مبنية اساسا على قاعدة Opel Vectra الموديل السابق و تصميم Pininfarina المصمم الايطالى و الموتور الخاص بموديل 2009 هو نفسه موتور الاسترا ال 2006 و الجير بوكس ZF المانى ، عربية محترمه بجد تحس انك راكب المانى مش يابانى او كورى، حتى كرسى السواق بتاع الاوبل الاسترا وتفاصيل كتير اوبل ، الوسع الخلفى بتاع الفيكترا، اتحدى عربيه ثانيه اوسع فى نفس الفئه الا السيفيك ، و للعلم دايو من قديم الازل بتنتج عربيات اوبل و لكن بدون كماليات الاوبل و ارخص سعرا، لكن الاجزا الاساسيه كله اوبل



و ليها اسامى كتير حول العالم مختلفة فى التجهيزات



Suzuki Auto
Daewoo Lacetti - Wikipedia, the free encyclopedia

Chevrolet optra
Suzuki forenza
Buick Excell
Holden viva
Daewoo Lacetti
Optra Magnum


Chevrolet Optra=Suzuki Forenza=Daewoo Lacetti - PakWheels Forums


Suzuki Forenza - Wikicars
Visually identical models are currently also sold as Chevrolet Nubira in some European markets, Chevrolet Optra and Chevrolet Optra5 (hatchback) in Canada, Central America, South America, Pakistan, Arabia, Southeast Asia, and South Africa, Suzuki Forenza and Suzuki Reno (hatchback) in the United States, Buick Excelle and Buick Excelle HRV (hatchback) in China, and Holden Viva in Australia and New Zealand. It is launched in India as Chevrolet SRV in August of 2006.

[Alios]

بص يا باشا ....

بالنسبة للأوبترا ... يعني صراحة الشيفروليه عموماً مبستريحلوش نفسياً ..... و التوكيل بتاعها برغم الدعاية اللي بيعملها , الا ان المعظم اكد انه توكيل سيئ .....

لكن دا لا يمنع ان الاوبترا ممتازة صراحة و ثابتة .....

بالنسبة للماتريكس : عربية محترمة و واسعة جداً جداً و التابلوه شيك و الصالون محترم ..... سوقها شغال , قطع غيارها متوفرة و باسعار معقولة .. عربية جميلة فعلاً ..... الموجود منها كوري تقفيل تركي .....

بالنسبة للصني : عربية برده محترمة ..... شيك - تابلوه راقي - صالون مقبول ...... سوقها شغال الى حد ما و الملاحظ ان محدش اشتكى منها يعني لحد دلوقتي .... ثابتة و عالية عن الأرض ( الاوبترا اعلى ) ..... مكونات ياباني - تقفيل مصري ....

------------

نمسك متطلبات حضرتك واحدة واحدة بقى من نحية اللي اعرفه :

- قوة السيارة : صني أولاً ( و حتلاحظ دا من الصاج بتاعها .... لانه بيستحمل الصدمات الخفيفة من غير ما ينعوج , و دي عن تجربة , وشوف العربيات الصني الموجودة في الشوارع حالياً عاملة ازاي ( المعظم مش الكل يعني ) ) .
بعد كدا اوبترا و بعدها الماتريكس .... ( الماتريكس قوية لكن بنسبة ضئيلة ) .

- عربية معمرة : الصني ( برغم انها تقفيل مصري ... لكن المكونات ياباني , و التقفيل ده مجرد تجميع و المفروض انه بيتم تحت اشراف ياباني 100% , و سمعت برده ان المرسيدس و البي ام دبليو الجداد تقفيل مصري و دي حاجة اول مرة تعملها المانيا ( ده على حد اللي سمعته ) )
ثم بعدها الأوبترا و بعدها الماتريكس .

- سهولة التعامل مع التوكيل : الصني ( نيسان ايجيبت محترمة نسبياً ) ... الماتريكس ( على الرغم ان غبور مش قد كدا ) ... الاوبترا .. و لو ان غبور و منصور زي بعض يعني في حكاية التعامل دي ....

- قطع الغيار : التلاتة متوفرين ..... لكن لو بتتكلم عن اسعار يبقى : الاوبترا - الماتريكس - الصني ( الياباني غالي حبتين ) .

- اعادة سعر البيع : التلاتة سوقهم ماشي ...... يمكن الاوبترا و الماتريكس سوقهم مقارب لبعض ... النيسان يقل عنهم بنسبة طفيفة و لو ان الصني مالية مصر يعني .....

----------------


طبعاً حضرتك خد كلامي على انه حاجة سمعتها و بس ....... متاخدش بكلامي عن اقتناع .......

و عموماً اي عربية ح تجيبها من دول لازم تحافظ عليها .... اي عربية جديدة مطلوب الحفاظ عليها و بزيادة .......

شوف حضرتك مستريح لأنهي عربية و اللي يريحك جيبه ...... و ربنا يبارك لك في العربية الجديدة ان شاء الله .... :)

[ahmedbibo]

بص يا باشا اولا انا الماتركس ديه معجبتنيش خااااااااالص انا هيا كانت قدامى موديل حديث وتيوتا ملكه 96 واشتريت الملكه

اولا العربيه صاجها ضعييف انا شوفت واحده مخبوطه فى السقف منقدام فوق الازاز الراجل شال اللمبه وراح بمفك الخبطه راديت

وده شوفتها بعينى وعلى فكره هيا ثباتها حلو فى شارع مستقيم هتاخد ملف على سريع و لا غرز ولا اى حاجه انسى

فوانيسها شبه الميكروباص

ياعنى استبعد الماتركس وده رأى وانا جربتها وسوقتها

الصنى و الاوبترا فى كذا مقارنه ليهم مع بعض الصنى بتكسب بنسبه 80 % بيقولو الصنى احسن

وعلى فكره توكيل الصنى احسن ........... توكيل شيفورليه وحش جدا جدا

الصنى مريحه وتاكيفها افضل وفيها كماليات

ملحوظه انا مفيش واحد معاه هيونداى شكرلى فى فراملها

ياعنى الانترا واحد معاه العربيه قالى مفيش ثبات ولا تاخد غرز و ولا فرامل

ال i10 شوفتها وهيا بتلبس ومعرفتش تقف هقولك على حاجه انا كان راكب فيات اونو فرملها اشد منها

[raedegypt]

الماتركس حلوة ... خد الفيرانى بتاعها عربيه مجربه مع كثير من اصحابنا فى اسكندريه والقاهرة بيشكروا فيها قوى