إعـــــــلان

Collapse

.

,
See more
See less

مقارنه 3d (النترا - نيوسيراتو - بوما 2010 )

Collapse
X
 
  • Filter
  • الوقت
  • Show
Clear All
new posts

  • مقارنه 3d (النترا - نيوسيراتو - بوما 2010 )

    بسم الله الرحمن الرحيم
    وبه نستعين
    مقارنه بين 3 سيارات
    نيو النترا مانيوال2007 - نيو سيراتو 2009ex - لانسر بوما اوتو 2010



    1-الشكل الخارجي:

    -النترا(+2): شكل هجومي متميز ولكن لو انت حديث في القياده ممكن يضايقك الحجم الكبير للعربيه.

    -سيراتو(+3): رائع وجذاب بصراحه اجمل حاجه في العربيه بس بيعيبه الشنطه العاليه بتضايق الواحد في الركنه .

    -لانسر(+2): شكل عادي جدا وغير مبتكر بس مش وحش ومشكلته الكبوت الطويل بزياده ممكن يحك منك لو مش حافظ مقاسات العربيه ولما تركن في شارع بالطول تلاقي بوز العربيه ناطط لبره.

    nilemotors


    2-الشكل الداخلي والصالون

    -النترا(+2): الخامات اللي معمول منها التابلوه جميله وحنينه مش ناشفه بس اسوء حاجه ان البلاستيك اللي معمول منه فتحات التكييف دايما بيطقطق وكمان عجلة القياده خامتها ناشفه شويه والابواب معموله من البلاستيك الناشف ولكن شكله حلو وماسك نفسه اقوي من السيراتو.

    -سيراتو(+2): شكلها الداخلي والوانها الداخليه المتناسقه بداية من العدادات الرائعه والكاسيت الجامد جدا والطاره المالتي فنكشن شكلهم جميل جدا وخصوصا بالليل ماشاء الله بجد رائع جدا وكمان في ميزه تانيه انك ماتسمعش صوت طقطقه من التابلوه مع المطبات علي عكس الالنترا .....بس مشكلتها الوحيده الخامات البلاستيك ولكن تقفيلها جيد جدا ومفيش حتت مفارقه عن بعض وكمان عجلة القياده ناشفه زي الالنترا اكبر مشكله في الصالون هو خامات الابواب البلاستيكيه الضعيفه لو واحد اتعافي علي الباب شويه من جوه ممكن يكسره .

    -لانسر(+3): تقفيل جيد جدا وخامات ممتازه وماتسمعش اي اصوات من التابلوه وعجلة القياده ملمسها جميل من الجلد ولكن مشكلتها انها مافيهاش اي ابهار او شيء مبتكر بس يمكن العدادات الجديده مدياها روح شويه وخامات الابواب وتقفيلها من جوه رائع .

    (لانسر تتفوق في هذه النقطه بجداره من حيث الخامات مع الملاحظه ان السيراتو مبهره من جوه جدا وشكلها شيك ومبتكر )

    nilemotors

    3-الانوار داخل الصالون :

    -النترا(+2): موجود لمبه واحده في منتص الصالون في السقف +الاربع زراير بتوع رفع الزجاج مضائيين مع فتح نور التابلوه انوارها جميله وهادئه .

    -سيراتو(+3): انوار مبهره في لمبتين قدام بجانب مراية الصالون كل واحد ليها زرار منفصل + الاربع زراير بتوع رفع الزجاج + لمبه في منتص الصالون + النقلات بتاعة الفتيس الاوتوماتيك بتكون منوره مع نور التابلوه.

    -لانسر(+1): واضح انهم معندهمش لمبات مافيش غير واحده في نصف الصالون + زرار واحد من ازرار رفع الزجاج للسائق الامامي + الفتيس الاوتوماتيك مالهوش انوار مع نور التابلوه . الدنيا بتبقي ضلمه شويه .

    (السيراتو بصراحه ملعلعه جامد قوي وتتفوق في هذه النقطه بجداره . في توضيح ان نور الفتيس الاوتوماتيك اقصد بيه النور اللي بينور بجانب حارات النقل وليس النور اللي في التابلوه جنب العدادات لأنه موجود في الكل )

    nilemotors

    4-الوسع الداخلي والكنبه الخلفيه:

    (السيراتو والالنترا واسعيين قوي بصراحه اوسع من اللانسر)
    -النترا(+3): كراسيها واطيه شويه دي مش عيب بس هي اذواق في الجلوس انا عن نفسي كنت بحبها.

    -سيراتو(+3): كراسيها عاليه عن الالنترا وبصراحه كنبتها الخلفيه تنجيدها حلو اوي ومريح اوي .

    -لانسر(+2): قعدتها عاديه جدا ومريحه مش متعبه خالص زي مافي ناس قالت

    (الالنترا والسيراتو يتفوقوا بس مع ملاحظة اني كنت ساعات اشعر بدوار خفيف في الكنبه الخلفيه للالنترا + ان التعليق الخلفي للسيراتو مش مريح في الطرق المكسره )

    nilemotors

    5-التكييف:

    -النترا(+2): حسب اراء مالكي العربيه التكييف كان عندهم كويس جدا وقوي بس انا عندي كان في مشكله في التكييف كان ضعيف شويه وقولتلهم في التوكيل بس هما نفضوا وانا نفضت انا كمان .

    -سيراتو(+2): قوي عمره ماعليته عن 3 في الحر .

    -لانسر(+2): لسه لم اختبره في الحر جربته اليومين دول في الحر وكان كويس.

    nilemotors


    6-العفشه:

    -النترا(+2): عغشه طريه هي مش طريه قوي زي الكورولا الشكل القديم ولكنها اطري واحده في التلاته .

    -سيراتو(+1): ناشفه انشف واحده في التلاته بعد فتره بتحس انها طريت شويه بس برضه انشف واحده فيهم .

    -لانسر(+3): متوسطه مابين الاتنين لاهي ناشفه ولا طريه ولكن احلي حاجه فيها انها ماسكه نفسها وانها قويه ومابترزعش .

    (اللانسر تتفوق)

    nilemotors

    7-العزل الداخلي:


    التلاته زي بعض تقريبا(+2) فروق بسيطه وسماع صوت الكاوتش داخل العربيه ده بيكون علي حسب نوع الكاوتش اللي راكب وليس عيب في عزل العربيه .

    nilemotors


    8-الثبات علي الطريق:

    -أولا الطرق الناعمه زي طريق العلمين (وبيتهيألي انه الوحيد اللي كده في البلد بس هيبوظ قريب)
    التلاته ثابتين ورائعين بصراحه وحتي علي سرعات عاليه قوي لغاية 170 او اكتر ولكن السيراتو بصراحه افضلهم تحس انها مكلبشه في الارض وتديك احساس انك ممكن تاخد اي ملف براحتك خالص.(النترا (+2)) (سيراتو (+3)) (لانسر (+2))

    -ثانيا طرق بلدنا العاديه التلات عربيات تقريبا بيشتركوا في صفه واحده تقريبا انهم لغاية 140 او 150 كم حلوين قوي لكن بعد كده الثبت بيقل .

    النترا(+2) : مريحه جدا علي الطرق المكسره بفضل العفشه الطريه واي مطبات هوائيه بتمتصها بطريقه رائعه ولكن في الملفات تحس ان مؤخرة العربيه بتتحرك بزياده .

    سيراتو(+2): بتبقي صعبه قوي بصراحه لو راكب في الكتبه الخلفيه مع سرعه عاليه وطريق مكسر العربيه مش مريحه في الطرق المكسره ابدا ولكن الكراسي الاماميه عاديه .

    لانسر(+2): مريحه وكويسه ولكن مشكلتها في الطرق المكسره ماتزودش عن 150 علشان تتحكم في العربيه والملفات لأن التحكم فيها بيكون صعب شويه .

    nilemotors


    9-الباور:

    -النترا: باور كهربائي ناعم جدا انا كان معايا العربيه 2007 الباور ماكانش بيفصل علي السرعات العاليه ولكن الملاك يؤكدوا ان الموديلات اللي بعد كده صلحوا فيها المشكله ده مريح جدا في الركن والامامن الضيقه .

    -سيراتو ولانسر: باور هيدروليك عادي .

    (مش هحط تقييم هنا لأني ماجربتش الباور بتاع الالنترا اللي بيفصل علي السرعات العاليه )

    10-الشنطه:

    -النترا وسيراتو(+3): نفس الوسع تقريبا .

    -لانسر(+2): اقل من الالنترا والسيراتو ولكن وسعها جيد مش وحش .

    nilemotors


    11-استهلاك البنزين:

    -النترا(+3): العربيه مانيوال كانت ممكن تعمل معايا حوالي 510 كيلو في التانك الواحد .

    -سيراتو(+3): اوتوماتيك كانت بتعمل حوالي 475 كيلو في التانك .

    -لانسر(+2): اوتوماتيك بتعمل حوالي 370 كم في التانك .

    (معدلات الاستهلاك ده في ظروف القياده في وسط البلد عادي بدون تكييف وتقريبا قياده هادئه معظم الوقت . الالنترا والسيراتو تقريبا نفس الاستهلاك لأنهم موتور واحد ولكن اللانسر بتسحب بنزين كتير)

    nilemotors


    12-قوة المحرك:

    -الالنترا والسيراتو(+3): نفس الموتور مافيش اختلاف جامد بس الفرق عندي كان في الجير بوكس الالنترا كان الفتيس بتاعها مانيوال وكان غول سحبها جامد قوي مع الفتيس المانيوال اما السيراتو فكانت اوتوماتيك وسحبها كان جيد جدا بس اعتقد محتاجه جير بوكس اوتوماتيك خمس سرعات .

    -لانسر(+2): اقل من العربيتين التانيين ولكن سحبها كويس وبردو محتاجه فتيس خمس سرعات مش اربعه .

    nilemotors


    13-صوت المحرك:

    -النترا: هاديء جدا بس بعد 3 ار بي ام بيعلي .

    -سيراتو: صوته خشن شويه .

    -لانسر: صوته خشن.



    13-الفرامل:

    الفرامل جيده في التلات عربيات ولكن الالنترا كانت فراملها بتقطم جامد قوي يعني بتمسك جامد من اقل ضغطه.

    nilemotors

    14-الجير بوكس:

    -النترا: مانيوال خمس سرعات اماميه + سرعه خلفيه

    -سيراتو: ستيبترونك اربع سرعات

    -لانسر بالفتيس الجديد:

    فتيس ستبترونك عادي جدا زي اي ستبترونك ولكن اعتقد انه حسن العربيه في حاجتين ان السحب علي السرعات القليله اتحسن شويه ون صوت الموتور قل لأنه انا سقت الفتيس القديم وكان عالي قوي نفس العصايه بتاعة الدركسيون في الفتيس القديم ولكن الحاجه اللي ماعجبتنيش ان الفتيس بالليل بيكون مظلم لأنه مش محطوط فيه لمبات زي القديم .

    nilemotors

    15-سعر اعادة البيع:

    -النترا(+2): جيد

    -سيراتو(+2): جيد

    -لانسر(+3): مرتفع

    nilemotors

    15-السياره في جمله:

    -النترا: بالجير بوكس المانيوال سياره جيده بمحرك مفرط القوه . (+30)

    -سيراتوex: كماليات كثيره وموتور جيد ولكن تقفيل متوسط وعفشه خشنه .(+32)

    -لانسر:عفشه قويه وتقفيل داخلي وخامات ممتازه ولكن شكل قديم وموتور اقل نسبيا في السحب.(+28)



    (التقييم تم في خلال سنتين ونصف كحد اقصي لاستخدام السياره وتحت ظروف قياده هادئه معظم الوقت وهو يدل فقط علي اداء السياره في خلال هذه الفتره ولا يمكن الاعتماد عليه لتقييم السياره خلال فتره اطول من الاستخدام) .


    (خاص لنايل موتورز ارجو ذكر المصدر عند النقل)

    nilemotors




    http://www.fx-arabia.com/vb/showthread.php?t=9654

  • #2
    اللف شكرا يا باشا بس للاسف لو هشترى مش هجيب اى واحده من التلاته...
    م/ احمـد عـزت

    Comment


    • #3
      المشاركة الأصلية كتبت بواسطة Ahmed20_08nubira مشاهدة المشاركة
      اللف شكرا يا باشا بس للاسف لو هشترى مش هجيب اى واحده من التلاته...
      +1

      Tiida h/b for the win

      ألف شكر على الموضوع الرائع

      Comment


      • #4
        المشاركة الأصلية كتبت بواسطة m.osman مشاهدة المشاركة
        +1

        tiida h/b for the win

        ألف شكر على الموضوع الرائع
        بالظبط...تيدا او لينيا او ازود واجيب مازدا..
        م/ احمـد عـزت

        Comment


        • #5
          مقارنه و لا اروع بصراحه
          كانت المواضيع الحلوه دي فين من زمان ؟
          و عملت ايه في الامتحانات يا دوك ؟

          Comment


          • #6
            مقارنه رائعه جداا من حد فاهم اوى
            انت مش دبلوماسى بجد انت حيادى جداا
            لانه الواحد دايما شايف العربيه الى معاه مالهاش حل لكن مقارنتك كانت ممتازه جدااا جداا ماشاء الله
            انا معايا الانترا 2010 التفاصيل الجديده الشبكه الجديده
            هعلق على حاجات دايقتك فيها
            صوت طقطقة التابلوه مش موجوده
            الانوار الداخليه زادت جمب الشماسات لمبتين للقرايه
            تكييف الانترا جيد بس انا بصراحه ما جربتوش اوى لاننا فى الشتا بس تكييف الانسر كان تلاجه بجد
            الوسع الداخلى بجد وبدون مجامله انا ركبت التلاته اريحهم الانترا وموضوع الدوار ده ناس اشتكت منه بس معايا ماحدش اشتكى منه
            تيجى بعدها الانسر كويسه بس الانترا اوسع و فيه مساحه لو واحد طويل شويه يقعد براحته سقفها عالى شوى
            بالنسبه للعزل الانترا افضل من الانسر
            استهلاك البنزين الانترا افضل
            بالنسبه للباور بقى اتقل من 2007 واحد صاحبى ركبها وقالى انه الباور بقى جميل جدااا عن ال 2007 باورها كان زى عامل زى المايه لكن ده ناعم اه وخفيف بس تقيل شوى بالنسبه للقديم
            بس مفيش كلام اقدر اقوله برضه بعد كلامك
            شكرا يا دكتور

            Comment


            • #7
              انا ارشح الكيا سيراتو طبعا
              اتزان واوبشن وكل حاجة

              Comment


              • #8
                تقييم 10/10 وياريت المواضيع دى تكتر تانى ياجدعان ولو هشترى هفكر فى الرينو الفلونس يتهيالى احسن منهم كلهم
                جروب مالكى وعاشقى لانسر كريستاله
                https://www.facebook.com/groups/lancer.egypt.1996.2000/

                Comment


                • #9
                  موضوع مميز و شكرا على على المقارنه
                  [CENTER][FONT=Century Gothic][I]I am my problem[/I][/FONT][/CENTER]
                  [CENTER][aldl]http://gickr.com/results4/anim_b94f28a8-06c8-72b4-9d4c-9e96384a88f2.gif[/aldl][/CENTER]
                  [CENTER]Eng. M.Ali[/CENTER]

                  Comment


                  • #10
                    الف شكر يا معلم على تقييمك الممتاز
                    http://store2.up-00.com/2015-11/1448722430351.jpeg[CENTER]my new car [/CENTER]

                    Comment


                    • #11
                      تقرير ممتاز . برافو

                      Comment


                      • #12
                        تقيم اكثر من رائع ومجهود متميز جداا جزاك الله كل خير
                        [CENTER][COLOR=#ff7700][SIGPIC][/SIGPIC][/COLOR][/CENTER]
                        [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
                        [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
                        [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

                        Comment


                        • #13
                          اصلي جدا ....
                          منتظرين المزيد
                          شكرا جزيلا .....
                          [SIGPIC][/SIGPIC]

                          Comment


                          • #14
                            موضوع جميل و تقييم محايد

                            Comment


                            • #15
                              تقييم ممتاز
                              [COLOR=RED] [CENTER][SIGPIC][/SIGPIC]

                              [/CENTER]
                              [/COLOR]

                              Comment

                              Working...
                              X