يارس مانيوال وسيراتو اوتو والاختيار الصعب

[احمد عزت]

لو قدامك يارس ستوك 2009 زيرو من اللى نادر وجودهم الان لون بترولى فول اوبشن السعر الرسمى بتاعها 94 الف وتقدر تاخدها من واحد حبيبك ب 92 يعنى بتخفيض كمان مش باغلى ......او انك تشترى سيراتو اوتو ال اكس اللى بجنط 16 اللى سعر الوكيل بتاعها اصلا 109 وبتباع برة ب112 بالعافية وتاخدها ب 110 علشان بردك من حبيبك

السؤال اللى بيطرح نفسة ودة انا بسألة بالنيابة عن زميل لية تاخد يارس مانيوال 1.3 سى سى لون بترولى ما ادامكش غيرة بسعر 92

ولا سيراتو الموديل اللى ب 110 باى لون او حتى اى موديل تانى او فئة اعلى وبردك اغلى الف جنية بس عن سعر الوكيل بس على اساس ان اللى ب 110 دة انسب فئة


هل الفرق دة يستاهل كركوبة وكعربية ولا الواحد يمسك فى اليابانى ولا خلينا مع تيار السيراتو الكاسح واهو فرق اوبشن وموتور وفتيس بردك اوتو

وهل فعلا كيا لاتقل كجودة عن اليارس خاصة ان السيراتو كما يقولون بديل الكورولا فلاتقارن اصلا باليارس.......سؤال مطروح للمناقشة العاجلة ومحتاج كمية كبيرة من الردود للافادة ارجوكم

[zkralla]

لو قدامك يارس ستوك 2009 زيرو من اللى نادر وجودهم الان لون بترولى فول اوبشن السعر الرسمى بتاعها 94 الف وتقدر تاخدها من واحد حبيبك ب 92 يعنى بتخفيض كمان مش باغلى ......او انك تشترى سيراتو اوتو ال اكس اللى بجنط 16 اللى سعر الوكيل بتاعها اصلا 109 وبتباع برة ب112 بالعافية وتاخدها ب 110 علشان بردك من حبيبك

السؤال اللى بيطرح نفسة ودة انا بسألة بالنيابة عن زميل لية تاخد يارس مانيوال 1.3 سى سى لون بترولى ما ادامكش غيرة بسعر 92

ولا سيراتو الموديل اللى ب 110 باى لون او حتى اى موديل تانى او فئة اعلى وبردك اغلى الف جنية بس عن سعر الوكيل بس على اساس ان اللى ب 110 دة انسب فئة


هل الفرق دة يستاهل كركوبة وكعربية ولا الواحد يمسك فى اليابانى ولا خلينا مع تيار السيراتو الكاسح واهو فرق اوبشن وموتور وفتيس بردك اوتو

وهل فعلا كيا لاتقل كجودة عن اليارس خاصة ان السيراتو كما يقولون بديل الكورولا فلاتقارن اصلا باليارس.......سؤال مطروح للمناقشة العاجلة ومحتاج كمية كبيرة من الردود للافادة ارجوكم

السيراتو عربيه حلوه طبعا وهتحتار فوى فى الموضوع ده لو كان الاختيارين قدامى الصوره ديه عشان السيراتو ماتور اقوى واوبشن اعلى وبرسيج كمان
لكن بما أنى من ذوى الافكار المتحجره الرجعيه القديمة الى بتقول اليابانى احسن
فلما بتكون فيه مقارنه بين يابانى وكورى باختار اليابانى ولو كان اليابانى اقل فى الامكانيات
لهذا هفضل اليارس واوفر 18 الف جنيه اظبط بيهم الشقه عشان عاوزه شويه توضيب
لو مش عايز تظبط الشقه ومش فارق معاك حكايه يبانى وكورى بتاعه الناس القديمة يبقى على طول سيراتو لس

[Samah AbdAllah]

لو الفرق مش هيمثل مشكلة بالنسباله
ولعدم اقتناعى بالياريس كعربية من تويوتا اصلا
ولما تتمتع به السيراتو من اوبشن كتير وشكل اشيك من الياريس
ولان الشكل مهم بالنسبالى جدا فى الاختيار
اكيد هختار السيراتو

[smsm2015]

ما تشوف الإلينترا 2010 الشكل الجديد اللى هى A/T GL - Dual Airbags + ABS وسعرها 108 الف وتقريبا عليها تخفيض حاليا

[Hosam_Optrawy]

سيراتو أفضل فى كل شئ

الياريس فى الحاله دى ميزتها الوحيده ان سعرها أرخص

وموفره عن السيراتو فى البنزين

غير كدا مفيش

[mohamedkandel]

http://www.nilemotors.net/Nile/113335-a.html

[tutankhamoun]

المفروض أصلا الياريس سعرها يكون في منطقة 80 ألف و لا تزيد عن ذلك و ده علشان خاطر أنها ياباني ...... إنما سعرها الحالي غالي جدا على تلك العربية .

السيراتو ثمنها معقول شوية على امكانياتها ..... فئة أكبر و كماليات أكتر ..... و عربية أحلى شكلا بكتير من الياريس.

أنا لو مكانك ...... هاختار السيراتو لو فرق الفلوس مش مهم ....... و ممكن أضيف لهم الإلنترا .........

[NoRmAl]

المفروض أصلا الياريس سعرها يكون في منطقة 80 ألف و لا تزيد عن ذلك و ده علشان خاطر أنها ياباني ...... إنما سعرها الحالي غالي جدا على تلك العربية .

السيراتو ثمنها معقول شوية على امكانياتها ..... فئة أكبر و كماليات أكتر ..... و عربية أحلى شكلا بكتير من الياريس.

أنا لو مكانك ...... هاختار السيراتو لو فرق الفلوس مش مهم ....... و ممكن أضيف لهم الإلنترا .........

+1
قال كل الى نفسى فيه
سعر اليارس مبالغ فيه جدا الصراحه

[Mohamed.Ramah]

ارشحلك الكيا سيراتو افضل فى الحالة دة

[smsm2015]

بس يا جماعه السيراتو الفئه ال ex اللى هو مختارها مفهاش فرامل abs اعتقد ان الالنترا فى الفئات الاولى افضل وارخص ولا ايه وعليها تخفيض كمان لغاية اخر فبراير كما سمعت ......

[ashouhdy]

طبعا سيراتو !!!!!!!!

[M.ABDEEN]

مع الاحترام لحضرتك الياريس لا تقارن نهائيا بالسيراتو ...
الميزة ان الياريس ارخص ولكن برده الياريس لو لوحدها كده فسعرها مبالغ فيه تماما .......
السيراتو افضل كوسع وثبات وكقوة محرك لكن اعلى في استهلاك البنزين من الياريس

[M.Mosaad]

مستقبل تويوتا الفترة دي مظلم جدااااااااااا و محدش عارف الامور هتوصل لفين و ممكن العربيه سعرها ينزل جامد لان في مصر كل حاجة مبنيه علي السمعه

[Ahmed Samy]

الحقيقة انت بتقارن بين عربيتين مختلفتين في الفئة و السعر

السيراتو أغلى لكنها أفضل

و في مميزات أكتر بكتير كفاية الأوتو

بس الياريس اقتصادية و موفرة في السعر و البنزين

و أعتقد ان مستقبل تويوتا مظلم دي حاجة ما نحطهاش في دماغنا قوي

تويوتا مش هتقع يعني ..غير ان الياريس عربية كويسة ما حدش اشتكى منها .

[arakysolom]

السلام عليكم
الفرق في السعر يستاهل التفكير السيراتو الفئة 109000 سيارة مثاليه بكافة المقاييس جميلة شكلا و موضوعا
اليارس من وجهة نظري ممتازة
يبقي اللي حيفرق هو المبلغ
و لا تنسي الاستخارة