حقيقي بقيت محتار سيريون ولا سيتي ولا صني

[ehabghobara]

حقيقي بقيت محتار سيريون 1500 فول أوبشن أوتوماتيك بكل مميزاتها الرآئعه ولا سيتي 1300 ذات الحجم الواسع والشكل الجميل ولا صني ذات الإنتشار الجيد هنا في القاهرة ... المشكلة إن سعرهم قريب من بعض لذلك أقارن ما بينهم مع علمي بتفات قدراتهم الفنية بس الواحد حيعمل قيه فب ابلد ده غير إنه يسأل ... معلش ساعدوني عوموما أنا متزوج وعندي طفل رضيع والحمد لله التاني في السكه ... ومشاويري مش كتير مع رحلة مصيف أو مشوار للبلد كل حين ومين ... محتار وأرجو المساعدة وخصوصا إني خايف من سعر إعادة البيع وكفائة السيارة للإستخدام العائلي وألف شكر

[casperinoo]

وانا بقرأ كلامك ...متخيلتكش غير في ال sunny
وربنا يديك اللي فيه الخير

[Ahmed Anwer]

استبعد السيريون ،، مادام متزوج و عندك طفلين ،،

و عايز عربية تسافر بيها

انا فكرت فيها قبل كده هتلاقي الحل الوحيد إنك تحط شنط السفر مكان الكنبة الخلفية ،،

و المدام تاخد الأولاد جنبها ،، موضوع صعب للي عايز يسافر مرتاح ،،

بالإضافة انها اقلهم في إعادة البيع

[الريس]

الصني ..عن تجربة .. و خصوصا ان سوقها اتحسن كتييييييير و قطع غيارها متوفرة
العيب الاساسي هو استهلاك البنزين هيكون اعلاهم

[أبو عبدالله]

أظن انك محتاج انك تستخير وتكثر من صلاة الأستخارة لكي ترزق الخير اين كان

وعموما العربيات حلوه وكويسه وربنا يعينك ويعطيك خيرها ويكفي عنك شرها

انا برضه معايا طفل والتاني جاي في السكه برضه ان شاء الله
ولكن انا ربنا وفقني في السيريون والحمد لله عربيه جيده ومفيش مشكلة في موضوع الشنط قوي كده للدرجه لأن مساحة الشنطة ممكن تشيل احتياجات اسره مرتاحه ومش زي ما الناس متخيله يعني وموضوع الكنبه ده مع احترامي ده لو حضرتك معزل من بيتك بقه هتحتاج تطوي الكنبه ولكن دي شيله كبيره علشان اطوي الكنبه عشانها
اما لو كانت شيله لأسره على اد الشنط بتاعت البيت وزياده كمان العربيه هتشيل
وعلى فركه الكنبه الخلفيه مقسومة اتنين يعني مش لازم علشان اطويها علشان حاجه زياده يبقى اطوي الكنبتين واشيل العيال واحطهم في الامام
وانما بتطوي واحده وتترك التانيه والكلام ده لو زنقت قوي
وعني انا لم يحدث لي مثل هذا والعربيه معايا بقالها سنه وانا كثير السفر
ولم استخدمها الا في الحاجات ذات الطول الكبير اللي مفيش عربيه سيدان تقدر تشيلها

وده رد على موضوع الشنطة وليس تفضيل لك انت وانما توضيح فقط

انا من رايي انك تشوف الياريس برضه حلوه لك

[Ahmed Anwer]

انا برضه معايا طفل والتاني جاي في السكه برضه ان شاء الله

مبروك يا باشااااااااااااااا

كده برده نعرف بالصدفة ،،

عموما أنا صايم لحد ميعاد العقيقة ،،،

ههههههههه

[أبو عبدالله]

الله يخليك يا احمد
وعقبالك كده ان شاء الله

ويا باشا صوم براحتك احنا ادها ان شاء الله

[tutankhamoun]

أنا رأيي السيتي أو الصنى
و التوفيق من عند الله

[محمدايهاب]

أنا رأي السيتي أو الصني

[Dr_Smart]

انا رأيي صني او elantra

[hitham_sh]

ابعد عن الصني التقفيل المصري بهدلها والله العظيم واحد صحبي جابها وبعد 3000 كيلو بس سير الدنمو وسير الباور اتقطعو منو قدام الشغل ومعرفش يروح بالعربيه وانا الي وصلتو :)
المهم بعدين عرف انهم اتقطعو لانهم كانو متركبين غلط
فلما يكون السير متركب غلط مابالك بالحجات التانيه بقى الاصعب شويه

[ehabghobara]

شكرا ... شكرا لكل من شارك برأيه إبتداء من casperinoo إلى شايفني في الصني ونهاية بعم هيثم صاحب التوقيع السريوناتي الجميل بس لسه الموضوع ما رستش عليه وشكلي حاخد بكلام أبو عبدالله وكتر اليومين دول من الإستخارة وربنا يقدم إلي فيه الخير ... بس مش كل الناس قالت عن سبب إختيارها أنا بميل للسريون علشان شكلها عاجبني وأنا كمعماري بحترم الشكل الجميل جدا بس أنا لما طرحت الموضوع للسؤال كنت عاوز أسباب سواء كانت شكليه أو ميكانيكية أو حتى مادية أو غيره ... على فكرة أنا أخرت شرائي للسيارة سابقا بسبب الشكل الجمالي للسيارة وعلاقته بالماديات ... وألف ألف شكر يا رجاله

[mohaismail]

لو اسرة وبتسافر كتير هات صنى لو مشاوير فقط جوه القاهرة هات السيتى استبعد السيريون

[أبو عبدالله]

أستاذ ايهاب بما انك معجب بشكل السيريون
وتصميمها

فأنت كده بتحسم الموضوع لصالحها

السيريون يتتميز انها معادلة بين السعر والأمكانيات والاداء

يعني :
1- عربيه سعرها 90 الف جنيه
2- فيها Abs , Ebd , Eps
3- اتنين اير باجز مع 4 نجوم في اختبارات التصادم الاوروبيه
4- سي دي اوديو مدمج في التابلوه
5- جنوط نيكل اصلي دايهاتسو
6- اسبويلر خلفي
7- 1500 سي سي 103 حصان يعني هتطير بالعربيه لو حبيت
8- استهلاك اقل في فئتها في البنزين وخصوصا المشاوير الطويله بتفرق جامد جدا

[mino]

ليه ما فكرتش في الجين2 ؟؟