طلب مقارنه: ايبيزا و bmw 316

[taswos]

بسم الله الرحمن الرحيم
لو سمحت انا كنت عايز حد يكون فاهم يقولى اختار ايه
انا كنت خلاص نويت ومع انى مبحبش اخلف النيه بس مش عايز برضه اتهور واعمل حاجة ممكن تبقى مش صح
انا قدامى عربيتين واحده ايبيزا 93 حالتها فوق 80 % وواحده 316 موديل 82 كوبيه حالتها بضه فوق 80%
الاتنين موتور ممتاز عفشه حلوة مش راشه دوخل مفيهمش بارومه رخصهم قدامهم سنه
انا المنطقه اللى انا فيها شوارعها حلوة بس احيانا بتهور وانزل شارع جمال عبدالناصر(جنب الحرفيين) من اوله لانى ساكن هناك
وانا اسرتى كلنا على بعض اربعه (طفلين) فتنصحونى بإيه
الايبيزا ولا البى ام دبليو
وبالنسبه للسعر البى ام اعلى من الايبزا بالف
يارب اكون قدرت اوصلكم كل البيانات الل على اساسها هشترى

[aymenseef]

انا بفضل الابيزا لانها احدث وقطع غيارها متوفره
انما البي ام معرفش ايه نظام قطع غيارها

[taswos]

de soret el bmw


we de soret el ibiza

[happpykiddd]

هما الصورتين مش واضحين بس اعتقد ان الابيزا قطع غيارها متوفره وانت بتقول انك ساكن جنب الحرفيين انزل اسأل هناك على سعر قطع الغيار هنا وهنا
وقارن
يعنى مثلا تيل هنا بكام وهنا بكام
بيض هنا بكام وهنا بكام
الحاجات البسيطه واسأل برضوا على الحاجات الكبيره

بس انا رأيى الشخصى ان البى ام افضل
وشوف اراء الناس برضوا

[yoko]

فرق الموديل يرجح كفة الإبيزا بقوه دول ١٠ سنين!!!

[taswos]

انا بحترم كل الاراء وكل الرغبات بس انا كنت عايز اوضح حاجة صغيره ان فرق الموديل فى الموديلات القديمه اعتقد انه مبقاش يفرق لانه كله واحد بل ان كل ما نزلت فى الموديل(من تحت 95) العربيه بيقى صاجها اقوى وموتورها لوازمه اقل وبالنسبه للاتنين ماشاء الله لا قوة الاه بالله الكهربا فيهم ممتازه والصاج سليم والعفشه ممتازة
انا حابب الايبزا بشكل رهيب بس الـ94 وحابب طبعا البى ام
وكل واحده ليها مميزات عن اختها اللى انا كنت محتاجه نصيحة واحد فاهم بى ام لان ماشاء الله انا قريت كتير جدا عن الايبيزا والناس هنا هم اللى حببونى فيهاا فمحتاج حد يكون معاه بى ام او كانت معاه يدينى نصيحه اخويه