كيا سول ولا نسيان ليفينيا

[hossam_larsson]

يا جماعه بالله عليكم تفيدونى بين العربيتين دول انا بجد معايا فلوس العربيتين وعايز اجيب واحده فيهم ومش عارف اقرر ياريت تفيدونى اى عربيه احسن من التانيه وجزاكم الله خيرا

[Hosam_Optrawy]

انا معنديش معلومات كافيه عن العربيتين بس هاحاول اقوللك اللى اعرفه

الكيا سول لسه من نازله من كام شهر وملحقتش تنتشر اوى

موجود منها وكيل سعرها 125 الف و 130

وفى منها خليجى باسعار وفئات مختلفه

كورى 100 %

ضمان 5 سنين او 100 الف كم

موتور 1600 سى سى 124 حصان

كمالياتها

اوتوماتيك - تكييف - ايرباج للسائق - جنوط سبور 16 - باور - سنتر لوك بريموت - 4 زجاج كهربا - مرايات كهربا وتضم كهربائيا - عجلة قياده جلد - طى الكنبه الخلفيه - مسند يد خلفى وحامل اكواب - سى دى Mp3 مع تحكم من عجلة القياده - زجاج فيميه للابواب الخلفيه والزجاج الخلفى - فوج لايت - عوارض تحميل فوق سقف السياره - مساحه للزجاج الخلفى - باركنج سنسور - سماعه بمكبر صوت - السماعات الاماميه مضيئه

دى سعرها 125 الف

والفئه التانيه اللى ب 130 نفس الكماليات السابقه + فتحة سقف كهربا

الخليجى فى منه فئات كتير وكماليات مش موجوده فى الوكيل زى الفرامل Abs وعدد ايرباجز اكتر

بس معنديش فكره عن الاسعار الخليجى

_________________

النيسان ليفينا

بقالها حوالى سنه او سنه ونص ومع ذلك لم تحقق نجاح او انتشار حتى بعد نزول سعرها من 136 الى 115 الف حاليا

العربيه مفيش منها خليجى تقريبا وكيل بس وفئه واحده فقط اللى هى ب 115 الف

يابانى تقفيل صينى

موتور 1600 سى سى 118 حصان

بصراحه معنديش فكره عن كمالياتها بالظبط

ممكن تشوف الموضوع دا هايفيدك

http://www.nilemotors.net/Nile/51674-nissan-livina.html

وأنصحك برضه تشوف الكيا الكارينز الفئه الجديده Abs و Air Bags جميع الكماليات ب 122 الف

ودا تقرير عنها

http://www.nilemotors.net/Nile/113053-a.html

[M.ABDEEN]

فكر في الكيا الكارينز كمان

[hossam_larsson]

طيب يعنى هى امكانييات الكيا اقوى ولا نيسان نيسان اعرف ان العربيه دى تقفيل صينى

[د.محمود صلاح]

شكراً لحضرتك Hosam_Optrawy ما فيش كلام تاني يذكر بعد شرحك

بس أزود انك ما تفكرش تشتري عربية لم تلق قبولا أو انتشارا في مصر

[happpykiddd]

كيا صول شكلها جامد جدا شبابى
وكارنز عائلى جميله جدا
وليفينا لسه معملتش اسم فى مصر

[hussein20777]

طبعا سول

سول جميله وناجحه جدا فى الخارج

[wawoo]

لا دى و لا دى ..

روح اتفرج على الميجان الجديدة الهاتش باك

- تصميم و تكنولوجى اوروبى \يابانى
- خامات اوروبى
- كماليات اكتر بكتير