للاهمية ارجو المساعدة في الاختيار بين شيفرولية ابترا او كيا سيراتو..

[ieman]

انا محتار اشتري اوبترا ولا سيراتو .......ممكن الناس اللي جربت دي او دي تفيدني عشان اعرف اخد قرار نهائي...حد يقولي ميزة وعيوب كل سيارة فيهم...
شكرا



تم النقل للمقارنات بمعرفتى

مشرف شيفروليه

[Rembrandt]

مو ضوعك لو تعملو فى قسم المقارنات يكون افضل

[m.basha]

والله يا باشا انا سمعت ان فى ناس كتيرة بتقول ان السيراتو فيها مشاكل بالعفشة و ان صاجها ضعييف اوى مش عارف بس انا معايا اوبترا و الحمد لله لسه ما اشتكتشى منها فى حاجة ممكن لو حد جرب السيارتين يقدر يفيدك احسن فياريت اللى معانا فى المنتدى يشاركونا و خصوصا حسام اوبتراوى الخبيير و شكرا

[zanativich]

الاوبترا لا
السيراتو افضل
كفاية الضمان والوكيل

[Hosam_Optrawy]

سيراتو أكيد

السبب الوحيد اللى يخليك تشترى الاوبترا وتسيب السيراتو

انك تكون عايز توفر فلوس او ممعكش تمن السيراتو

غير كدا سيراتو من غير ماتفكر

[ieman]

طب الاستاذ اللي بيقول مشاكل في العفشة وموضوع الصاج الضعيف دة اية رايك في يا باشا....

[Hosam_Optrawy]

طب الاستاذ اللي بيقول مشاكل في العفشة وموضوع الصاج الضعيف دة اية رايك في يا باشا....

حضرتك ادخل قسم كيا واسأل ملاكها وهما ماشاء الله كتير وكل يوم فى ازدياد

هما اللى هايدوك المفيد بالظبط اكتر منى ومن اى حد

[AhmadKamal]

Sure Cerato,

Optra is an old car and its shape already changed by the what known to be Laceety" Cruize"

Wallaho a3lam....


Cheers

[ghost1900]

طب الاستاذ اللي بيقول مشاكل في العفشة وموضوع الصاج الضعيف دة اية رايك في يا باشا....

مع احترامى الشديد للأستاذ هو حضرتك بيقول سمعت مش بيؤكد، زى ما حسام قالك العربية كويسه عفشتها ناشفه خصوصا مع الجنط ال 17 بس بتنعم مع الوقت وبالنسبة للصاج كل العربيات الجديدة صاجها خفيف عشان الوزن والسرعه بس عموما حضرتكلو هتقارنها بصاج أوكتافيا مثلا هيبقى ضعيف.

واى استفسار شرفنا فى المحل قصدى منتدى كيا واحنا نجاوبك عليه.

[mameen]

انا معايا سيراتو واخويا معاه اوبترا
السيراتو احسن في الشكل والامكانيات
الصاج كل الجديد زي بعضة
الحاجة الوحيدة اللي تخليك تجيب اوبترا هي الفلوس
موضوع العفشة اللي اتنين زي بعض تقريبا ونشوفية السيراتو بتروح مع الوقت

[Cutevampire]

انا معايا سيراتو واخويا معاه اوبترا
السيراتو احسن في الشكل والامكانيات
الصاج كل الجديد زي بعضة
الحاجة الوحيدة اللي تخليك تجيب اوبترا هي الفلوس
موضوع العفشة اللي اتنين زي بعض تقريبا ونشوفية السيراتو بتروح مع الوقت

+1
في فرق حوالي 20 الف جنيه بين العربيتين

[romeo_6887]

السيراتو افضل شكلا و موضوعا

[M.ABDEEN]

سيراتو بكل تاكيد

[beckeryahia]

انا بحب الاوبترا , بس عموما هي المقارنة غلط انت تقارن بين السيراتو والكروز , وساعتها هاقلك الكروووز بكل تأكيد.