مقارنة بين الأوبترا واليارس

[wael.abdelmohsen]

انا ناوى يا جماعة اشترى عربية بس محتار بين الأوبترا 2008 1600 Full option- Automatic اللى سعرها 93000 والتيوتا يارس 2008 1300 باور وتكيف و Automatic وناس تقوللى خليك فى التيوتا دى ماركة ويابانى وناس تانية تقولى الأوبترا واسعه و1600.
وانا بصراحة محتار يا ريت اسمع اراء حضرتكم .. علشان استقر واتوكل على الله.

[أبو عبدالله]

لو عاوزها تعمر معاك ومتتعبكشي بعد كام سنه يبقى الياريس
لو هتغير كمان سنتين تلاته يبقى مفيش مشكلة

[wael.abdelmohsen]

شكرا على الرد لكن يعنى ايه لو هاغير ... تقصد الأوبترا بالرغم من انه 1600 اما اليارس 1300 وسمعت اان قطع الغيار للأليارس اغلى ... ايه رأيك

[أبو عبدالله]

يعني لو عامل حسابك تغيير بعدي سنتين تلاته يبقى الأوبرتا اختيار كويس وان كنت افضل برضه الأأمن اللي هيا الياريس ولكن الموضوع يرجع لأختيارك

قطع غيار الياريس مش للدرجه فهيا تعتبر كويسه جدا مقارنه بأنها ياباني
يعني مثلا الأكصدام الامامي كله بــ 700 جنيه
اسال عن اسعار قطع غيار الاوبتراوشوف

[محمد ابراهيم 1]

الياريس أجود و أطول عمرا
الأوبترا شكلها أحسن وأقيم
الإتساع تقريبا واحد لكن الأوبترا أعرض شويه
قطع الغيار أسعارها متقاربه
الأوبترا ثابته على الطريق أكتر بكتيير
الياريس عفشتها أحسن و تستحمل أكتر
بصراحه مقدر حيرتك
لكن لو مكانك حجيب الياريس وحتعامل مع عيوبها من أجل الحصول على مميزاتها

[wael.abdelmohsen]

شكرا يا جماعة على الأفادة ولو انى احتارت اكتر من رد الأستاذ محمد ابراهيم ... على العموم انا برده هاسأل اكتر عن قطع الغيار للأوبترا.ولو حد يا جماعة عنده اراء اخرى يا ريت يفدنى.

[mino]

ياريس طبعا فيها ايرباج و فرامل Eps

[Ahmed Anwer]

الأوبترا وريثة النوبيرا ،

الياريس وريثة الإيكو ،،

التاريخ واضح ،،

الأوبترا فئة أكبر ، يعني مساحة اكبر ، ثبات أعلي ، راحة أكثر ، قوة أكبر

بس أنا شايف الياريس أشيك ، و تابلوها أحلي ،

خلينا نقول لو معظم استخدامك داخل المدينة و عائلة صغيرة ، الياريس أفضل ،، و حتكون انعم و اوفر في استهلاك البنزين و اريح

لو بتسافر كثير و عائلة كبيرة شوية ،، الأوبترا أفضل ،، هتكون ثابتة و واسعة و مريحة في السفر

[wael.abdelmohsen]

انا سامع يا جماعة ان الأوبترا هى الدايو نوبيرا وناس قلتلى ابع عن الأوتوماتيك وخليك فى الأوبترا مانيول هتكون احسن علشان الأوتوماتيك فيه مشكله وهدوخ فى تصليحها..يا رايت اسمع نصيحتكم.

[Ahmed Anwer]

إحنا كان عندنا نوبيرا أتوماتيك كوري موديل 2001

و حتي الآن لا مشاكل في الأتوماتيك بتاعها ،، عشان واحد من العائلة اللي اشتراها ،، و عارف اخبارها

بس النوبيرا الكوري دي عربية محترمة اوي ،،

[أبو عبدالله]

انا سامع يا جماعة ان الأوبترا هى الدايو نوبيرا وناس قلتلى ابع عن الأوتوماتيك وخليك فى الأوبترا مانيول هتكون احسن علشان الأوتوماتيك فيه مشكله وهدوخ فى تصليحها..يا رايت اسمع نصيحتكم.

ما أنا بقولك لو هتبيع خلال سنتين تلاته يبقى المقارنه هتتحسم للعربيه الأفضل بالنسبة لك في الأستخدام الفعلي
ولو عاوزها تستحمل وتعيش ومتسمعشي كلمه ان فيها عيب ومشكله وفي احتمالات حتى لو كانت قليله انها تدوخك شويه يبقى خليك في الياريس أأمن