افيو و لا كليو محتار

[mastersami1]

لقد قمت بشراء فيرنا 2007 و قبل ما تكمل معايا 7 الاف كيلو في الصحراوي انفجر الاطار الاماي الايس التالف اساسا قبل تركيبه من قبل غبرو مصر و لعدم التكافؤ ما بين قوة الماتور ووزن الصاج الخفيف جدا انقلبت السياره في الرمال واصبحت كعلبة الكانز المطبقه والحمد لله خرجنا منها سالمين حمدا لله و لكني اتعقدت من اي عربيه تقفيل مصري
المهم انا عايز رايكم انا عايز اجيب عربيه من تاني ومحتار في الاختيار ما بين الافيو و الرينو كليو و هما في نفس الفئه ،
بالنسبه للافيو ازاي اعرف اللي صناعتها و تقفيلها كوري من المصري انا عارف انها عاليه ومناسبه لشوارع مصر
اما بالنسبه للرينو هل هي فرنسية الصنع و ما اخبار ارتفاعها و اسعار قطع الغيار و مدي توافرها عايز كدا مجهود و العباقره بس ياريت يبقي كلام صادق و صحيح و شكرا

[د.اشرف هنداوى]

الرينو تقفيل تركي مش فرنسي- عربيه ناعمه جدا و سواقتها ممتعه
عيبها فعلا قطع الغيار الغاليه و مافيش ميكانيكيه كتير بفهموا فيها

[eng / AhmeD]

الكليو انعم
الكليو أضيق من روا
الكليو قطع غيارها اغلي
الكليو مش تتصلح غير في توكيلها بس

[limo]

الكليو تقفيل تركى
الافيو تقفيل مصرى
على فكره التقفيل والمصرى مش وحش همه بس بيسترخصوا فى خامات الصناعات المكمله للسياره زى الكاوتش والبطاريه وانت ممكن تتغلب على هذه الاشياء بتغيرها
بالنسبه للافيو والكليو
انا هكلمك عن الكليو لانها معايا
عربيه ممتعه جدا فى سواقها تحس انك راكب عربيه اغلى من ثمنها
يعيبها اسعار صيانها المبالغ فيها الى حد ما وصعوبه التصليح خارج التوكيل لبعض المشاكل واعاده ببيع منخفض
لو انت بتقارن بين الافيو والكليو فقط هقولك هات الافيو علشان العربيات الرينو فى مصر مش محبوبه وكمان بيطلع عليها اشاعه غريبه بتنزل من ثمن العربيه وتخليك انت نفسك محبط وانت راكب العربيه
يعنى من الاخر امشى بدماغ السوق وخلاص
لو تقدر تزود شويه هات الياريس

[dr_3eshoo]

اولا حمد لله على السلامه
ثانيا هات عربيه تقليه مدام بتسافر كتير
اعتقد ان الكليو ممتازة 1400 جربتها من واحد زميلي عربيه صح الصح
اتزان و سرعه و عربيه جامده
اما الصاينه فهي في التوكيل و مينفعش بره
قطع الغيار غاليه بس سعرها عند الشراء مناسب لتمن العربيه
ممكن تجيب اوبترا مانول برضه ممتازة ب75 الف جنيه
شوف انت و قارن

[MoToRiZeR]

الافيو هي اللي ب 75 مش الاوبترا

[dr_3eshoo]

مش فاكر سعرها الصراحه بس هات عربيه تقيله قصدي سيبك من الافيو

[Megane]

:)السلام عليكم
الأفيو بـ 75 الف و الكليو 2008 بـ 74 الف
و انا شايف إن الكليو أحسن بمراحل و ليس لانها تركى و الافيو مصرى و لكن لانها أثبت و أنعم و أقوى و أمان أكثر. مثال(المرسيدس الفئة S لا تصنع إلا فى ألمانيا و مصر فقط على مستوى العالم).

[Sharky]

حضرتك ممكن تشوف اللينك دا فيه أسعار صيانة و قطع غيار الكليو:

http://www.nilemotors.net/Nile/showthread.php?t=2757

[tutankhamoun]

أستاذ سامي الحمد لله إن أنت بخير
بس لي تعقيب بسيط على موضوع حضرتك
هو ليه حضرتك ربطت ما بين انفجار الاطار و الصناعة المصرية ؟
و ليه ربطت ضعف الصاج و انفجار الاطار بالصناعة المصرية ؟
و ليه ربطت ضعف الصاج و قوة الموتور و الصناعة المصرية ؟؟؟

السيارة تصميم كوري 100 %
و مواصفات الصاج كوري 100 %
و الفيرنا أصلا خفيفة على موتور قوي ( مصري و غير مصري )
يبقى الصناعة المصرية هنا بريئة تماما ..... كبرائة الذئب من دم ابن سيدنا يعقوب
انفجار الاطار بيحدث في أي سيارة و لو حدث معك هذا في سيارة غير مصرية ما كنت ستعيب على السيارة بل كنت سترجع العيب على الطريق أو على السرعة العالية أو كنت ستجد أي سبب غير رداءة جودة السيارة موضع الكلام
و أنا لا أقصد حضرتك شخصيا و لكنها أصبحت عادة المصريين عموما . أي حاجة مصري يستنولها القطط الفاطسة و أي حاجة مستوردة مفيش فيها أي مشاكل و المشكلة تبقى على قلب صاحبها زي العسل
زي واحد هنا في المنتدى كان بيتكلم عن اسطوانة و بلية بايظة في عربية تويوتا ياريس و تم تغييرهم في التوكيل و السيارة على فكرة ياباني
و لكن لم يقول عيب تقفيل و قعد يشتم في الياباني مثلا
بل قعد يشكر في التوكيل علشان غيرله الاسطوانة و البلية و الديسك
و تخيل بقى لو ده حصل في عربية مصري
كنت هتلاقي الموضوع و عنوانة كالتالي
عيوب و مساؤئ التقفيل و الصناعة المصرية
و هكذا تعليقات من التعليقات اللي تخرب البيوت العمرانة

و نرجع لسؤال حضرتك
طبعا الكليو سيارة ممتازة و ناعمة و جميلة في قيادتها و لكن يعيبها الآتي
قطع غيارها إلى حد ما غالية
لا يمكن تصليحها إلا في التوكيل
ثقيلة في اعادة بيعها

و الأفيو كالتالي
قطع غيار متوفرة لدى الوكيل و غيره
تكنولوجيتها ليست معقدة فيمكن تصليحها في أي مركز خدمة جيد
بيعها سهل

أما عن التجربة فأنا لم أجرب الأفيو اطلاقا و لا أعرف أدائها
و شكرا و أرجوا أن تتقبل تحياتي