ترتيب للشركات الالمانية في رايك ايه؟؟؟؟؟

[twincam]

عايزين نعمل استطلاع راي
ياترى بالترتيب مين افضل
وياريت نرقمهم كلهم
اودي\اوبل\مرسيدس\بي ام دبليو
انا بصراحة ترتيبهم عندي كده
1\ الله اعلم
2\الله اعلم
3\الله اعلم
4\الله اعلم
مستني رايكو لاني هاتجنن
كل لما اتفرج على منتجات شركة فيهم احس انها احسنهم اتفرج على التانية احس انها احسنهم
مش قادر اطلع وجهة نظر
مستني استطلاع الراي

[Mostafa.Mahran]

تقارن بين موديلات ماشى انما شركات مش هتوصل لحاجة لان مفييش معايير فى الترتيب و بعدين الفولكس فاجن مش موجودة فى الترتيب ليه

[Ahmed.Fahmy]

عايزين نعمل استطلاع راي
ياترى بالترتيب مين افضل
وياريت نرقمهم كلهم
اودي\اوبل\مرسيدس\بي ام دبليو
انا بصراحة ترتيبهم عندي كده
1\ الله اعلم
2\الله اعلم
3\الله اعلم
4\الله اعلم
مستني رايكو لاني هاتجنن
كل لما اتفرج على منتجات شركة فيهم احس انها احسنهم اتفرج على التانية احس انها احسنهم
مش قادر اطلع وجهة نظر
مستني استطلاع الراي

مرسيدس
بي ام دبليو
اودي
اوبل

اكيد مش عاوزه سؤال يا باشا

[ahmedyehia515]

متهيألى لو حسب ضخامة الشركة يبقى فولكس فاجن هى الأولى بس لو عايز من ناحية العربيات المنتجة و الأداء و الكلام ده
1- مرسيدس
2-بى ام
3- فولكس فاجن ( فولكس و أودى و سكودا و سبات )
4-أوبل

[sha2e]

في رأي الشخصي ان الالماني ثلاث فئات

الفئه الأول : ودى بتضم ثلاث شركات : مرسيدس - بى ام - اودي وكل شركه منهم بتلعب على حاجة معينه
مرسيدس : بتلعب على عنصر الرفاهيه والفخامة
بي ام دابيلو : بتلعب على عنصر القوة والعمر الاطول وخصوصا فى المواتير بتعتها
اودى : ودى بتلعب على عنصر التكنولوجيا المتطوره او المتقدمة
علشان كده صعب نقول ان واحده من الشركات التلاته افضل من الثانيه عشان كل واحده منهم بتلعب على نقطه هيا متفوقه فيها

الفئه الثانيه : هنلاقى شركة فولكس وهيا بتحاول تعمل توازن بين الثلاث عناصر الموجودين فى الفئه اللى قبلها بسعر متوسط

الفئه ثالثه: تيجى شركة اوبل او فوكسهل ودى بتحاول تعمل توازن بين الثلات عناصر الموجودين فى الفئه الاعلى ولكن بسعر جيد

ده طبعا مش معناه ان أوبل شركه متواضعه بالعكس أوبل من افضل شركات السيارات فى العالم برغم الفترة الصعبه التى مرت بها بسبب الازمة الاقتصاديه وتبعيتها لشركة جنرال موتورز
ويكفى اوبل فخرا انها المانى ومعتقدش ان فى اتنين ممكن يختلفو على ان الصانع الالمانى افضل صانع سيارات فى العالم

[twincam]

تفاعل جيد
بس اختلف مع العضو المحترم شائي في ان كل واحدة منهم بتلعب على حاجة
هوا مرسيدس معندهاش مواتير قوية جدا ومعمرة ويمكن اكتر من البي ام والاودي مش كده ؟؟؟؟ ولا حتى بي ام مفهاش رفاهية ولا فخامة؟؟؟؟ التنلاتة اغرب من بعض وبالمناسبة فولكس واوبل بيعملو عربيات على نفس المستوى بس اللي بينزلنا مصر مش كلو
زي الاوبل الانسينا والكالبيرا والاوبل الجي تي والباسات اللي بحق وحقيقي مش ال1600وعربيات كتير
هوا انا بصراحة محتار ومش عارف
بس تعالو زي ماعملنا مع الشركات اليابانية نعمل في الالمانية
نقارن في السوبر كار
مين افضل اداء من حيث السرعة والثبات والهاندلنج والتسارع والمناورة وكل حاجة
وعندكو حرية الاختيار في اقوى عربية سبور لكل شركة باستثناء طبعا البوجاتي فيرون
انا بصراحة شايف الام 6 هيا الاولى

[sha2e]

انا مقصدش ان مرسيدس معندهاش مواتير قويه ولا بي ام معندهاش رفاهيه بالعكس
المرسيدس والبي ام والاودي بينتجو اقوى وافخم سيارات ليها انتشار فى العالم كله
وانا شايف ان التلاته فى نفس المستوي اجمالا لكن كل شركه منهم بتتفوق " بدرجه بسيطه " على الاتنين التانين فى نقطه معينه من الل انا ذكرتهم قبل كده وكل سيارتهم بتكون بجودة ممتازه
وبخصوص فولكس واوبل انا مقولتش انهم وحشين انا قولت انهم بينتجو عربيات بجوده " جيده جدا " بسعر متوسط او جيد وده الل بيميزهم " السعر "
لتوضيح النقطه دي عندك الباسات زي ما حضرتك ذكرت المفروض الل بتنزل بره تنافس الفئة الل بتضم : ( مرسيدس e - بي ام الفئه الثالثه - اودي A4 ) لكن ده مش بيحصل لانها بتنزل فى فئه سعريه اقل من التلاته دول برغم ان المستوى بتعها قريب جدا منهم

وبرضو الانسنيا نفس الكلام بتزل فى فئه سعريه أقل كتير من الفئه السعريه الل بتضم : ( مرسيدس S - بي ام 7 - اودي A8 )

وعلشان تقتنع بكلامي حاول برضو تعمل مقارنه بين الخمس شركات فى العربيات الفخمه او الفارهه
وهتلاقي ان مرسيدس وبي ام واودي التلاته فى المرتبه الاولي
ومينفعش نقول ان شركه افضل من الاتنين الاتنيين اجمالا لان زي ما ذكرت ان كل واحده منهم بتلعب على نقطه معينه هيا متفوقه فيها

وفى الاخر دي وجهة نظر تعبر عن رأي الشخصي زي ما ذكرت فى بداية كلامى فى اول مشاركه

تحياتي

[mr_sameh]

مرسيدس
بي ام
فولكس
اوبل
اودي

[ghazy12]

متهيألى لو حسب ضخامة الشركة يبقى فولكس فاجن هى الأولى بس لو عايز من ناحية العربيات المنتجة و الأداء و الكلام ده
1- مرسيدس
2-بى ام
3- فولكس فاجن ( فولكس و أودى و سكودا و سيات )
4-أوبل

+11111111111111

ترتيب سليم جدااا....

[islam.3bada]

1- مرسيدس
2- بي ام
3- اودي
4- فولكس فاجن
5- اوبل