تشترى لينيا ولا كروز

[ahmad--ezzat]

مع ان اللينيا عجبانى جدا كخامات وتقفيل...بس الكروز اجمل من وجه نظرى واوسع وافخم...ايه راى الاعضاء

[yoko]

مع ان اللينيا عجبانى جدا كخامات وتقفيل...بس الكروز اجمل من وجه نظرى واوسع وافخم...ايه راى الاعضاء

أكيد عارف رأي بس هجيب أسباب عشان ميبقاش عشان معايا العربيه
١) توكيل منصور زي الزفت
٢) أمان اللينيا أعلى -مهمه جدا- الكروز أرخص واحده أغلى من اللينيا الكاملة وكمان من غير abs أو إيرباج
٣) موتور اللينيا أقوي
٤) منصور فتياين وبيعكوا في العربيه ومعندهمش حاجة إسمها ضمان كله يقولك سوء إستخدام

لكن من الناحية التانيه
١) الكروز شكل أفضل -الناس بتقول كده- (مع إن ي شايف العكس)
٢) الكروز في منها أوتو
٣) توكيل فيات بطئ في الصيانه




ونصيحة سيبك من الإستطلاع من غير ما يكتب أسباب

[fouady]

لينيا علشان زي مال يوكو امان ومطور وخامات أحسن ب فرق يذكر مش هتكلم نقطة الشكل لأن مهما كانت العربية حلوة ومفيهاش كل ده يبقى الشكل ملوش لازمة مع إني شيف إن الكروز شكلها ك رياضي احسان وال لينيا ك كلاسيك حلوة بس كده

[DrMax]

اللينيا عربية جامدة وكنت بفكر فيها وانا بشترى لان معانا فيات 132 من زمان

بس مشكلتها الاسايه ان قطع الغيار قلية وغاليا..التوكيل مش حلو والفيات الجديد بيتصلح فى التوكيل بس لان التكنولوجيا بتاعتو عاليه وده اللى خلانى استبعدها وانا بشترى وجبت لانسر

لو انت مش فارق معاك ان قطع الغيار تبقى غالية وحاجات منها صعب تلاقيها وانك متصلحش غير فى التوكيل يعنى من الاخر تبقى على استعداد تصرف مقابل انك تركب عربية جامدة هات اللينيا

لو انت عايز حاجة عمليه قطع غيارها موجودة بوفرة وسهل تتصلح فى اى حتة هات الكروز..مع ان انا رايى بالفلوس اللى هتركب بيها كروز تجيب لانسر شارك عربية جامدة جدا وفخمة جدا وانا جربتها بنفسى وقطع غيارها مرمية فى كل حتة واسمها لانسر يابانى....بجد فرق السما والارض بين الايطالى والكورى واليابانى والكورى

ولك حرية الاختيار
تحياتى

[ahmad--ezzat]

أكيد عارف رأي بس هجيب أسباب عشان ميبقاش عشان معايا العربيه
١) توكيل منصور زي الزفت
٢) أمان اللينيا أعلى -مهمه جدا- الكروز أرخص واحده أغلى من اللينيا الكاملة وكمان من غير abs أو إيرباج
٣) موتور اللينيا أقوي
٤) منصور فتياين وبيعكوا في العربيه ومعندهمش حاجة إسمها ضمان كله يقولك سوء إستخدام

لكن من الناحية التانيه
١) الكروز شكل أفضل -الناس بتقول كده- (مع إن ي شايف العكس)
٢) الكروز في منها أوتو
٣) توكيل فيات بطئ في الصيانه




ونصيحة سيبك من الإستطلاع من غير ما يكتب أسباب

معظم الناس اللى مش عاجبها فى اللينيا ان مفيش منها اتوماتك...الموضوع دة ميفرقش معايا خالص...انا اللى مدايقنى فيها انها كنزه من جوه ومتحسش انها واسعه خالص

[Hosam_Optrawy]

انا من القلائل اللى هايختاروا الكروز , او يمكن اكون الوحيد اللى هايختارها فى الموضوع دا :)

بس انا بجد باعشق العربيه دى وباحترمها وداخله دماغى جدا

[yoko]

معظم الناس اللى مش عاجبها فى اللينيا ان مفيش منها اتوماتك...الموضوع دة ميفرقش معايا خالص...انا اللى مدايقنى فيها انها كنزه من جوه ومتحسش انها واسعه خالص

مش واسعة إزاي!!!!!!!!!
غريبه شويه إنت كده عايز بحر (أصل الوحيدين الي قالولي عاليها ديقة خالو وإبنه ودول ما شاء الله كل واحد فيهم ١٠٠كجم +++++)

[NoRmAl]

هو فعلا التوكيلين كل واحد ليه عيبه
منصور بيقولو معامله وحشه وعلى فكره فى موضوع أن الكروز لسه قطع غيرها منزلتش وفى عربيات واقفه فى التوكيل مستنيه قطع الغيار
أوماترا قطع الغيار غاليه وواحد صاحبى قالى الحاجه الى تاخد ساعه يعملوها فى 4 علشان عندهم الحساب بالساعه
فلو توكيل مش فارقه
تعالى بقى نتكلم على العربيتين
الشكل والفخامه فى صالح الكروز بالتأكيد دا أنا شايفها أفخم و أجمل من السيراتو
قوه المتور فى صالح اللينيا علشان التربو
أستهلاك الوقود برضو فى صالح اللينيا ألا لو كبست علشان التربو
الكروز هاى لاين أأمن عربيه فى مصر ودا مش كلامى أقرا الريفيوز على النت
نقطه تانيه لو عايز أوتوماتيك مقدمكش غير الكروز علشان اللينيا كلها مانيوال
ممممم...مش فاكر حاجه تانيه
أهم شىء تنزل تتفرج على الاتنين وأستخير ربنا
وإن شاء الله ربنا يهديك للأصلح ليك
ربنا معاك

[yoko]

أوماترا قطع الغيار غاليه وواحد صاحبى قالى الحاجه الى تاخد ساعه يعملوها فى 4 علشان عنخم الحساب بالساعه
فلو توكيل مش فارقه
الكروز هاى لاين أأمن عربيه فى مصر ودا مش كلامى أقرا الريفيوز على النت

معاك في كل حاجة معادا دول
١) هما بيحسبوا على الوقت الي الحاجة الي هتعمله يعني لو بتعمل حاجة وقتها نص ساعة واعلربيه قعدت ساعتين بتدفع مصنعيه نص ساعة (وبتبقى متحدده من الأول)
٢) الكروز ءأمن بمواصفاتها بره مصر مش بعد ما عمو منصور شال منها كل حاجة

[NoRmAl]

معاك في كل حاجة معادا دول
1) هما بيحسبوا على الوقت الي الحاجة الي هتعمله يعني لو بتعمل حاجة وقتها نص ساعة واعلربيه قعدت ساعتين بتدفع مصنعيه نص ساعة (وبتبقى متحدده من الأول)
2) الكروز ءأمن بمواصفاتها بره مصر مش بعد ما عمو منصور شال منها كل حاجة

بص أول حاجه والله أنا طبعا عمرى متعاملت مع أوماترا بس صاحبى دا قالى الى أنا قلته بسمش زى منت قلتلى كدا
يعنى أقصد لو الحاجه تاخد نص يعملوها فة ساعتين وتدفع تمن ساعتين
هوا قالى كدا
تانى واحده يا ريت حسام أوبتراوى يوضحلنا لأنه كان عامل تقرير كامل عن أمان الكروز الى فى مصر

[yoko]

بص أول حاجه والله أنا طبعا عمرى متعاملت مع أوماترا بس صاحبى دا قالى الى أنا قلته بسمش زى منت قلتلى كدا
يعنى أقصد لو الحاجه تاخد نص يعملوها فة ساعتين وتدفع تمن ساعتين
هوا قالى كدا
تانى واحده يا ريت حسام أوبتراوى يوضحلنا لأنه كان عامل تقرير كامل عن أمان الكروز الى فى مصر

١) هما مصنعيتهم حاجة و٧٠ جنيه في الساعة عشان كده هو إفتكر كده
٢) الي تم إختبارها بره فيها ٨ إيرباج وabs وebd و esp وtc وطبعا كل دول مش موجودين في مصر

[Hosam_Optrawy]

الكروز اللى تم اختبارها فى الاختبارات الاوروبيه اللى هى اصعب وأدق اختبارات

كان فيها

6 ايرباج

وطبعا Abs

و Esc

وخدت طبعا 5 نجوم وحققت اعلى رقم فى التصادم الامامى اللى محققتوش اى عربيه 16 من 16

الكروز اللى بتنزل مصر 2 ايرباج

بس مش هاتقل كتير عن اللى برا ومش ال 6 ايرباج هما اللى مديينها 5 نجوم او هما اللى مديينها 16 من 16

ولا كمان ال Esc هو اللى فارق

هاتقولولى ازاى ؟؟

شوفوا الاختبار بتاع الكروز والجزء الاول اللى فيه التصادم الامامى هاتلاقوا مفيش حاجه فتحت غير ال 2 ايرباج الاماميين فقط

وبال 2 ايرباج دول

خدت 16 من 16

ال 4 ايرباج التانيين ( الجانبيين ) هما اللى ادوا للكروز 41 نقطه فى التصادم الجانبى

نيجى لعربيه زى الجراند بونتو او البرافو

تم اختبارهم بنفس عوامل الامان اللى فى الكروز

البرافو 12.8 من 16

الجراند بونتو 13.6 من 16

الكروز 16 من 16

التصادم الجانبى

البرافو 36 نقطه

الجراند بونتو 35 نقطه

الكروز 41 نقطه

فبقية الايراجز مهمه زى ماقولت فى التصادم الجانبى واختبار الركاب الخلفيين

ويحسب طبعا للينيا اللى فى مصر انها 6 ايرباج

وال Esc برضه مهم بس مابيبانش فى الاختبارات

والكروز واللينا اللى فى مصر مفيهمش Esc

الكروز اللى 100 % امان بجد وأأمن عربيه فى مصر هى الدايو لاسيتى عشان بتنزل 6 ايرباج

[Mohamed.Ramah]

العربيتين جيدين شوف احتيجاتك الاول وعلى الاساس دة قرر دا غير اركب الاثنين وشوف انت ميال لانهى اكثر

ولنل حوضح من خلال انى ركبت العربيتين وتم تجربة الكروز اكثر من مرة واللينيا مع احد اصحابى موديل 2009

بالنسبة للسرعة ومعدل الاستهلاك


اللينيا طبعا سرعة بفضل التربو والاستهلاك اقل لانها 1400
الكروز تسارع جيد والاستهلاك اقتصادى نسبيا استهلاك الوقود داخل المدينة (20/كم) 220 لتر
خارج المدينة :365 لتر
الاستهلاك العادى :295 لتر

الامان الاثنين واحد

الخامات الداخلية للكروز جيدة وافضل من الكيا سيراتو
اللينيا جيدة فى الخامات الداخلية مع فرق بسيط لصالح اللينيا


الشكل الخارجى انا بفضل شكل الكروز ولاكن هى مسالة اذواق ودة ميمنعش ان شكل اللينيا جيد


الشكل الداخلى للسيارة

تابلوة الكروز شكلة رياضى واحسن نسبيا من اللينيا لانة كلاسيك والصور توضح ذلك

الكروز :


ثانيا اللينيا :



المساحة الداخلية متساوية مع فرق بسيط لصالح الكروز

الاداء على الطريق الاثنين جيدين ولاكن اداء الينيا رياضى اكثر من الكروز

بالنسبة للتوكيلين
فيات افضل من شيفورلية على مستوى الصيانة للسيارة


ودة تقرير شامل عن الكروز :

http://www.nilemotors.net/Nile/112981-2010.html

[kmhbravo]

واللهى أنا شايف إن المقارنة فى صالح اللينيا لأنها Good Value for Money ومميزة ومش منتشرة وديه ميزة وشكل شيك جداً وموتور جبار يوازى قوة 2000 سى سى أمان أعلى ( واللى عايز يتكلم على الأمان وإختباراته يشوف الحادثة اللى حصلت فى الهند لعربية فيات لينيا ويتخيل لو كروز كانت هايحصلها إيه ) و كماليات أعلى وديه الحاجات اللى مش موجودة فى الكروز المانيوال (ABS - جنوط 16 أصلى - كراسى متحركة بتتظبط عالى وواطى وفيها كيس هوا بيدى سابورت لأسفل الظهر - مفتاح باور City للمساعدة فى تخفيف الباور ستيرينج فى الأماكن الزحمة - 3 فتحات تكييف خلفية منهم 2 تحت الكراسى) والحاجات ديه لو إضافت فى الكروز المانيوال تبقى هاتعدى ال 140000 جم

[kikooooo]

انا من راى لو حضرتك عاوز مانيوال...يبقى اللينيا ..اوبشنز كتيرة وسعر جميل جدااا ...الكروز المانيوال فاااااضية وعلى ما اظن الصور اللى هنا دى بتاعت الهاى لاين!

وبالنسبة للشكل..دى اذواق طبعا .. بس الشكل فى الحقيقة غير الصور خالص ..
اللينيا شكلها انسيابى جميل-ودا مابيبنش فى الصور-..والى ب 109 دى فيها جنوط -فارقة جامد فى شكل العربية-...
عكس الكروز اللى خطوطها حادة بتبان حلوو اووى فى الصور بس فى الحقيقة بحسها افيو بس على كبير شوية (بس دا مايمنعش ان ليها فخامة وهيبة كدا)
بس نرجع للمشكلة الاساسية للينيا انها مش موجودة ولسه مش عارفين هتنزل امتى ولا بكام !

ولو حضرتك بتقول الوسع الداخلى ..ليه تجيب الكروز من غير اير باجز ولا abs ولا فوجات وسعر غريب..وقدامك الفلوونس !!!
الفلوونس ب 113 مانيوال فيها فوجات ومثبت سرعة و 2 ايرباجز وطارة مالتى و abs ebd bas
واكبر من الكروز..وشكلها احلى كمان -من وجهة نظرى-
وربنا يوفقك للى فيه الخير