فيات 132 ولا لادا 2105 (الأيطالى أفضل ولا الروسى)

[AMA]

كنت عملت موضوع قريب من حوالى أسبوعين بين 128 و بين 132 و أخدت كام رأى كدة أن الـ132 أفضل و أنا كنت عارف من الأول بس الناس طمنتى لأنتى كنت خايف من قطع غيار 132 المهم بعد كدة باخد رأى الأسرة و كدة أنتوا عارفين الأب و الأم برضة لازم رأيهم لقيتهم قالوا طيب ماتدور على اللادا 2015 المهم بعد معركة كبيرة قولتلهم بــــــــــــــــس
أحنا نعمل موضوع فى نايل موتورز و نشوف أية أحسن :10D5C8~1107:


بس و النبى يا أخوانا إلى يرد تكون معاة أو ساقها كتير



المهم يا أخوانا المقارنه بين فيـات 132 و بين لادا 2015 من حيـــــــث
1- قطع الغيار فى أنهى واحدة متوافرة أكتر و السعر يكون معقول
2- الأكبر من جوة لأن أنتوا عارفين بقى لو جبت حاجة صغيرة من جوة هلاقى تريقة زى الفل
3- الى تتحمل سفر ممكن كل سنه مرتين ولا 3 مثلا
4- إلى ممكن تتعدل و تبقى شبابيه لأن هوا شهر وهتبقى تحت سيطرتى هههههههههه

أنتوا تنصحونى بأية دلوقتى يا جماعة فيات 132 ولا لادا 2015

[thegoodhacker]

باشا انا حاسس بالحيرة اللي انت فيها وانا حاجاوب علي اسئلتك في حدود معرفتي وخبرتي باللادا ال2105 علشان انا كنت باسوقها فترة لانها عربية والدي ......
1- بالنسبة لموضوع قطع الغيار اللادا 2105 قطع غيارها متوفرة جدا جديد واستعمال و اسعار قريبة جدا من الفيات 128
2- الاكبر من جوة : الفيات 132 صالونها اكبر بس مش بكتير قوي و اللادا 2105 صالونها مش صغير وممكن 3 اشخاص يقعدوا علي الكنبة الخلفية لو اجسامهم مش ضخمة
3- اللي تتحمل السفر اكتر : العربيتين زي بعض في النقطة دي و اللادا 2105 عن تجربة تسافر زي ما انت عاوز كنا بنسافر بيها من اسكندرية لمطروح ومن اسكندرية لبورسعيد عادي.... بس خلي بالك من بيض المقصات بمراجعة العفشة كل فترة .... وكمان اللادا 2105 فيها ميزة اكبر في السفر ان موتورها 1200 سي سي يعني استهلاك بنزين اقل من الفيات 132 ....
4- بالنسبة لموضوع التعديل : ما اعرفش الصراحة

فيه بس كام نقطة انت مش واخد بالك منها :
- اللادا ديريكسيونها بيبقي تقيل جدا لما بتكون واقفة او بتركن
- استهلاك البنزين في صالح اللادا علشان فرق سعة الموتور
- سوق البيع والشراء في صالح اللادا اكثر

اتمني اكون افدتك

[amrelsaqqa]

انا رايي انهم ما ينفعش يتقارنوا ببعض مش عارف ليه

بس عموما الفيات احلى وانعم من اللادا ( اللادا خشنة جدا بيضرب بيها المثل ) وشوف برضه بقية الاراء

من اهم الاختلافات برضه وده ممكن تعتبره ميزة او عيب (حسب اللى انت عايزه من العربية ) ان اللادا الموتور بتاعها اصغر واوفر في البنزين وطبعا ضريبة اقل واكيد بياعة اكتر

[AMA]

باشا انا حاسس بالحيرة اللي انت فيها وانا حاجاوب علي اسئلتك في حدود معرفتي وخبرتي باللادا ال2105 علشان انا كنت باسوقها فترة لانها عربية والدي ......
1- بالنسبة لموضوع قطع الغيار اللادا 2105 قطع غيارها متوفرة جدا جديد واستعمال و اسعار قريبة جدا من الفيات 128
2- الاكبر من جوة : الفيات 132 صالونها اكبر بس مش بكتير قوي و اللادا 2105 صالونها مش صغير وممكن 3 اشخاص يقعدوا علي الكنبة الخلفية لو اجسامهم مش ضخمة
3- اللي تتحمل السفر اكتر : العربيتين زي بعض في النقطة دي و اللادا 2105 عن تجربة تسافر زي ما انت عاوز كنا بنسافر بيها من اسكندرية لمطروح ومن اسكندرية لبورسعيد عادي.... بس خلي بالك من بيض المقصات بمراجعة العفشة كل فترة .... وكمان اللادا 2105 فيها ميزة اكبر في السفر ان موتورها 1200 سي سي يعني استهلاك بنزين اقل من الفيات 132 ....
4- بالنسبة لموضوع التعديل : ما اعرفش الصراحة

فيه بس كام نقطة انت مش واخد بالك منها :
- اللادا ديريكسيونها بيبقي تقيل جدا لما بتكون واقفة او بتركن
- استهلاك البنزين في صالح اللادا علشان فرق سعة الموتور
- سوق البيع والشراء في صالح اللادا اكثر

اتمني اكون افدتك

فعلا والله حيرة جامدة جدا بس بالنسبه للنقط إلى حضرتك بجد مشكور جدا على توضيحها فى الأخر
فعلا اللادا سمعت كمان أنها صعب تركن بيها او تطلع بيها أول طلعة و بالنسبه لأستهلاك البنزين مش عارف لأنى مجربتش قبل كدة أصرف على عربيه فهل دى هتخلينى أفلس ولا أية ؟ و بالنسبه لسوق البيع أنا عايز لما أجيب حاجة مغيرهاش و دى طبيعتى أصرف على الحاجة بس مغيرهاش لأن بيبقى بينى و بينها كدة توافق

يعنى لو الأتنين دلوقتى نفس المميزات
إلى يعيب ال132 هوا أستهلاك البنزين و إلى يعيب اللادا خشونه الدريكسيون
بس أنا سمعت أن فيه 132 1600 سى سى و 1800 سى سى بس هل مثلا هتسحب بنزين بعبط ولا أية ؟



و ألف شكر يا باشمهندس على الرد الجميل دة و إلى فيه توضيح بجد شكرا

انا رايي انهم ما ينفعش يتقارنوا ببعض مش عارف ليه

بس عموما الفيات احلى وانعم من اللادا ( اللادا خشنة جدا بيضرب بيها المثل ) وشوف برضه بقية الاراء

من اهم الاختلافات برضه وده ممكن تعتبره ميزة او عيب (حسب اللى انت عايزه من العربية ) ان اللادا الموتور بتاعها اصغر واوفر في البنزين وطبعا ضريبة اقل واكيد بياعة اكتر

طيب ميتقارنوش ليه عشان عربيات قديمه يعنى ؟ ولا أنت شايف أنهم متقاربين أوى لدرجة أن صعب المقارنة ؟
و بالنسبة للتوفير هيبقى أد أية مثلا كل شهر ؟
و الضريبة فى السنه للـ132 تعمل فى حدود كام و للادا مثل تعمل فى حدود كام ؟

[amrelsaqqa]

ما ينفعش يتقارنوا دى حاجة بقى يمكن تكون تحيز منى او حاجة الله اعلم
بس انا شايف ان الفرق شاسع لصالح ال132 عشان كدة قلتلك برضه شوف بقية الاراء ماتعتمدش على كلامى لوحده

انت قارن بين كل حاجة عادى وفي الاخر لو برضه محتار حاول تسوق الاتنين وشوف انطباعك عن كل واحدة واللى ترتاحلها اكتر يبقى هى دى

بالنسبة للبنزين
هو التوفير ممكن يبان اوى لو كل مشاويرك جوة البلد ومشى في الزحمة
انما لو كل مشاويرك سفر وطرق مفتوحة ، اعتقد هيبقى الفرق بسيط

بالنسبة الضريبة
اللادا تقريبا حوالى 100 جنيه في السنة
وال132 حوالى 220

[AMA]

ما ينفعش يتقارنوا دى حاجة بقى يمكن تكون تحيز منى او حاجة الله اعلم
بس انا شايف ان الفرق شاسع لصالح ال132 عشان كدة قلتلك برضه شوف بقية الاراء ماتعتمدش على كلامى لوحده

انت قارن بين كل حاجة عادى وفي الاخر لو برضه محتار حاول تسوق الاتنين وشوف انطباعك عن كل واحدة واللى ترتاحلها اكتر يبقى هى دى

بالنسبة للبنزين
هو التوفير ممكن يبان اوى لو كل مشاويرك جوة البلد ومشى في الزحمة
انما لو كل مشاويرك سفر وطرق مفتوحة ، اعتقد هيبقى الفرق بسيط

بالنسبة الضريبة
اللادا تقريبا حوالى 100 جنيه في السنة
وال132 حوالى 220

طيب الحمد لله بالنسبه للضريبة دى حاجة بسيطة جدا مش هتفرق لأنها سنويه

لكن بالنسبه للبنزين هحس أوى أزاى ؟
يعنى ممكن أصرف على اللادا كام فى الشهر بنزين و ممكن أصرف على الـ132 كام فى الشهر بنزين ؟
(طبعا داخل البلد لأن السفر قليل جدا و نادرا) و قولوا مثلا بنزين 90 عشان برضة النضافة

معلش يا جماعة أصل أنا عمرى ماصرفت على عربيه قبل كدة فتلاقونى بسأل لان أنتوا عارفين عندى برد فى جيبى

[nab!l]

لادا افضل لسبب واحد انها تكون موديل 95 لكن الفيات هتكون سبعينات
وطبعا كل ده هيفرق فى الصيانة

[د.محمود صلاح]

انا كان عندي ال 132 لمدة 4 سنوات وهي اول عربية اتعلم عليها الميكانيكا والورش ,, لو هتشتري 132 يبقى هاتها 1600 اوفر في البنزين ,, اللي عندي كانت 1800 بتشرب البنزين شرب ,, اللي اشتراها مني غير البيكات بتاعة الكاربيراتير عشان يوفر البنزين بس بيخنق العربية ,, وكنت باحطلها 80 على طول

عربية قوية جدا وبتاعة شغل وفحت وسفر والتظبيط بيليق عليها

[AMA]

لادا افضل لسبب واحد انها تكون موديل 95 لكن الفيات هتكون سبعينات
وطبعا كل ده هيفرق فى الصيانة

ماهى لو موديل 95 هيبقى سعرها غالى و كمان انا مش فارقة معايا موديل أهم حاجة أساسيات كويسة يعنى

انا كان عندي ال 132 لمدة 4 سنوات وهي اول عربية اتعلم عليها الميكانيكا والورش ,, لو هتشتري 132 يبقى هاتها 1600 اوفر في البنزين ,, اللي عندي كانت 1800 بتشرب البنزين شرب ,, اللي اشتراها مني غير البيكات بتاعة الكاربيراتير عشان يوفر البنزين بس بيخنق العربية ,, وكنت باحطلها 80 على طول

عربية قوية جدا وبتاعة شغل وفحت وسفر والتظبيط بيليق عليها

يا جااااااااامد يا بتاع الفحت ههههههههههه والله يا دكتور ردودك دايما بتجيب الخلاصه بس يعنى يا جماعة أنتوا مخوفنى من البنزين دة يعنى هصرف عليها فى حدود كام كدة يا جماعة فى الشهر ؟
يعنى لو كل يوم مشاوير محدودة مش طويلة يعنى أنتوا عارفين أسكندريه كلها صغيرة يعنى

[د.محمود صلاح]

لو بنزين 80 يبقى في حدود 100 ج في الشهر ( 20 ج كل 4-5 ايام )
وجركن زيت بحوالي 40 من العادة كل شهر
ومصاريف الصيانة الأولية عند الشراء لزوم التظبيط + مصاريف نقل الملكية والترخيص
وبعدين مصاريف الصيانة العادية

[AMA]

لو بنزين 80 يبقى في حدود 100 ج في الشهر ( 20 ج كل 4-5 ايام )
وجركن زيت بحوالي 40 من العادة كل شهر
ومصاريف الصيانة الأولية عند الشراء لزوم التظبيط + مصاريف نقل الملكية والترخيص
وبعدين مصاريف الصيانة العادية

مش بقولك ردودك بتكون فيها الخلاصة يا دكتور

على العموم لحد دلوقتى أنا مقتنع شوية بـ132 ياترى حد هيدخل يقول على اللادا حاجة ؟

[Mostafa.Mahran]

اللادا موديلها هيكون احدث
البنزين هيكون اقل
قطع الغيار منتشرة جدا و رخيصة
لما تبيع هتكون احسن
تعتبر عربية قوية و بتستحمل

انا عن نفسى بحب ال132 و جربتها بس فى اعتبارات تانية عند الشراء

[AMA]

اللادا موديلها هيكون احدث
البنزين هيكون اقل
قطع الغيار منتشرة جدا و رخيصة
لما تبيع هتكون احسن
تعتبر عربية قوية و بتستحمل

انا عن نفسى بحب ال132 و جربتها بس فى اعتبارات تانية عند الشراء

والله يا باشمهندس مصطفى الحيرة بين الأتنين دول بالذات غريبة جدا لأن كل واحدة فيها ميزات وعيوب و كعبله والله أنا أة مقتنع بأن اللادا فيها حاجات جميله جدا زى الأنتشار و أستهلاك البنزين
طيب مثلا اللادا هتستهلك كام فى الشهر بنزين ؟ قولنا أن ال132 هتستهلك كل 5 أيام بـ20 جنيه بنزين 8
و بالنسبه لقطع الغيار مثلا هل فيه للـ132 أنتشار برضة فيها ؟
أصل الـ132 صعبانه عليا برضة لأنها زى مانتوا فاهمين عفشتها أنعم بكتير و بتتحمل جدا و قوية وفى نفس الوقت أغراءات اللادا أحلى

[DrMax]

سيبك من لالبنزين والكلام ده كلو
ده بنزين 80 هتصرف كام يعنى
وبعدين انا من طنطا كنت بسافر بيها اسكندرية وبلف هناك وبرجع ب 30 لتر والعربية 1800
متهيالى مش وحش
بالنسبة لقطع الغيار الاتنين قطع غيارهم زى الهم عالقلب
الاهم من ده كلو ال 132 افخم واكبر وانعم بكتيييييييييير من اللادا فى السواقة بالنسبة للفتيس والدريكسيون
اللادا بجد هتحس انك شغال عليها عتال مش سواق...مع الاعتذار لاصحاب اللادا...لكن دى حقيقة الكل عارفها...اللادا فى السواقة خنقه..وانا جربتها بنفسى جربت لادا موديل تسعينات...بجد حسيت اكن اللادا هية اللى موديل سبعينات وال 132 هية اللى تسعينات...فرق جامد

[amrelsaqqa]

سيبك من لالبنزين والكلام ده كلو
ده بنزين 80 هتصرف كام يعنى
وبعدين انا كنت بسافر بيها اسكندرية وبلف هناك وبرجع ب 30 لتر والعربية 1800
متهيالى مش وحش
بالنسبة لقطع الغيار الاتنين قطع غيارهم زى الهم عالقلب
الاهم من ده كلو ال 132 افخم واكبر وانعم بكتيييييييييير من اللادا فى السواقة بالنسبة للفتيس والدريكسيون
اللادا بجد هتسح انك شغال عليها عتال مش سواق...مع الاعتذار لاصحاب اللادا...لكن دى حقيقة الكل عارفها...اللادا فى السواقة خنقه

+1111111111111