مقارنة للي جرب الكورولا والميجان عن صوت الموتور

[د.محمود صلاح]

الموضوع بتاريخ 12/3/2010

أرجو ممن يمتلك إحدى السيارتين وجرب الأخرى يقولي رأيه في المقارنة الآتية : -

أريد مقارنة عن صوت الموتور بتاع الكرولا الحالية والميجان أيهما أعلى ؟؟

لدي احساس ان صوت موتور الميجان أعلى من الكورولا وانت واقف برة العربية

وأيضا أرجو أن تشمل المقارنة صوت موتور العربيتين وانت داخل العربية وقافل الزجاج

وشكراً جزيلاً

[د.محمود صلاح]

اليوم قدرت اوفق بين 2 زمايلي معاهم العربيتين ,,

وضعت السيارتين بجوار بعض

الصوت من الخارج لا فرق
الصوت من الداخل لا فرق

بس خلاص !!

[dr.amr]

انا شوفت السؤال بتاع حضرتك امبارح

وكنت ماشي في طريقي للمنزل انهارده

كانت ماشيه جنبي عربيه ميجان فجيت جنبها في الاشاره ووقفت جنب الكبوت تقريبا
اعتقد ان صوتها اعلي من الكورولا

[د.محمود صلاح]

شكراً لحضرتك د.عمرو

انا أثناء المقارنة فضلت ادوس بنزين والعربيتين واقفين عشان الاحظ فرق في الصوت من الداخل والخارج ,, ماحسيتش بأي فرق

[Migo123]

هي المشكله مش بره العربيه خالص لان انت بتكون راكب جوه العربيه وقافل الشبابيك و عايز هدوء خصوصا في حالة السفر لمسافات طويله
الكورولا (جربت الشكل قبل الحالي كتيير في السفر واعتقد ان الميزه موجوده في الموديل الحالي ايضا)تتفوق بشكل ملحوظ عن الميجان في عزل صوت الموتور والطريق والهواء على السرعات العاليه .... يعني بعد 130 مثلا صوت الميجان يبقى عالي فعلا و مزعج ..... لكنه اقل جدا من صوت اللانسر البومه مثلا او الكيا
للاسف في هذه النقطه تتفوق الكورولا
لكن هناك مميزات اخرى للميجان تجعل السفر بها متعه اهمها لما تمشي على 170- 180 وانت حاسس انك يادوب جايب 120 من اتزان العربيه و قدرتك على المناورة حاجه خيال بصراحه

[د.محمود صلاح]

اللي ما سمعتش فيها صوت ولا الهوا السوناتا هيونداي بصراحة ,, كمية عزل رهيييبة

[Kareem_A]

للاسف في هذه النقطه تتفوق الكورولا

انا لفتت نظري جامد الجملة دي :)

للأسف ليه ؟ هل هي حاجة تزعل لو الكورولا عزلها افضل من الميجان ؟

الموضوع هنا مش بيعمل مقارنة بين العربيتين , هو فقط مقارنة في عزل الصوت , و ليست مقارنة في الثبات , مع ان ثبات الكورولا ممتاز برده

اللي ما سمعتش فيها صوت ولا الهوا السوناتا هيونداي بصراحة ,, كمية عزل رهيييبة

طبعا يا دكتور , السوناتا فئة اعلى من الاتنين دول

و في الفئة دي العزل بيصبح عامل مهم جدا في السيارة , لانها بتبتدي تخش في قئة السيارات الفارهة

[د.محمود صلاح]

أيوه صحيح ,, ركبت السوناتا وانبهرت جداً بالثبات والعزل والفخامة والأناقة , مافيش خبط مافيش دبدبة مافيش تزييق

[Migo123]

انا لفتت نظري جامد الجملة دي :)

للأسف ليه ؟ هل هي حاجة تزعل لو الكورولا عزلها افضل من الميجان ؟

الموضوع هنا مش بيعمل مقارنة بين العربيتين , هو فقط مقارنة في عزل الصوت , و ليست مقارنة في الثبات , مع ان ثبات الكورولا ممتاز برده

هههههه عندك حق
للاسف دي انا بقولها لنفسي
لان انا عندي ميجان وكان نفسي يبقى العزل فيها بمستوى الكورولا الصامته ..... لاني فعلا مفتقد النقطه دي .......... اصل انا قبل ما اشتري الميجان قارنت بينها وبين الكورولا كتيير قوي .... اتمنى كده تكون فهمت كلامي

[Kareem_A]

هههههه عندك حق
للاسف دي انا بقولها لنفسي
لان انا عندي ميجان وكان نفسي يبقى العزل فيها بمستوى الكورولا الصامته ..... لاني فعلا مفتقد النقطه دي .......... اصل انا قبل ما اشتري الميجان قارنت بينها وبين الكورولا كتيير قوي .... اتمنى كده تكون فهمت كلامي

حصل خير , انا كدة فهمت :)

ربنا يباركلك فيها و يديك خيرها و يكفيك شرها

[KSA2011]

الكورولا اهدى صوت محرك والى قريبه منها الانترا