سيفيك 70000 أم لانسر 5000؟

[cladonell]

أيهما أفضل هوندا سيفيك عاملة 80000 كم مو 2007 أم لانسر أتوماتيك 2008 الشكل القديم عاملة 5000 كم؟

الهوندا تبدو سيارة قوية و عملية بس اللانسر بردو لسه ما مشيتش كتيير و أعتقد إن ديه ميزة.

برجاء المشاركة بالرأى.

[M.almaghraby]

اللانسر دي تعتبر كسر زيرو...

والزيرو زيرو برده

لكن السيفيك اعلي من اللانسر بكتير.... عربية محترمة

اكشف عليها و شوفها و شوف انتا مستريح لمين

بس المهم تشوف حالة السيفيك

[Mostafa.Mahran]

كعربية اكيد السيفيك
كعداد اللانسر طبعا
بس لو السيفيك حالتها حلوة يعنى فبريكة بالكامل و مش راشة حاجة تبقى احسن

[ldsaklf]

دي بكام ودي بكام

[ahmad--ezzat]

سيفيك طبعا

[zanativich]

لانسر
دى كدة زيرو
الفلوس هتفرق برضك

[M.ABDEEN]

اللانسر لانها تعتبر كسر زيرو بس ده مش معناه السيفييك وحشة بس 80000 كيلو كتيير

[mr_sameh]

المهم حالة العربية سيبك من العداد

[cladonell]

دي بكام ودي بكام

نفس السعر تقريبا. حوالى 95 تقريبا

[eng_ahmedryad]

السيفيك طبعا لكن حسب الحالة ، وعلى فكرة 70000 كم في السيفيك مش حاجة يعني لسة بتلين ، انا صاحبي كان معاه سيفيك 89 عامله 1750000كم بتاعة الشركة اللي بيشتغل فيها ما وقفهاش غير حادثة جامدة ، وكانت شغالة والله زي الفل والباور بتاعها رائع.

[ahmad--ezzat]

السيفيك طبعا لكن حسب الحالة ، وعلى فكرة 70000 كم في السيفيك مش حاجة يعني لسة بتلين.

[fouady]

بص لو السيفك حالتها 100 100 يعني ولا رشا برة وحالتها العامة حلوة يبقى سيفك علشان هي ك راكبة احسان من اللانسر ب كتير لكن لو حالتها نص نص يبقى لانسر

[AMIRELGOHARY]

انت مرتاح لانى واحدة.
ممكن تكون فى مشكلة كبيرة فى اللانسر هى اللى مخلياه يبيع.
و السيفيك بعداد 80000 فى سنتين ممكن تكون كانت شغالة بالايجار.
لو العربيتين سلام اللانسر اضمن

[romeo_6887]

لانسر كفايه انها كسر زيرو

[mando_07]

طب ـمتشوف هوندا تانيه تكون ماشية اقل