فيفا2009 والا لانوس 2008

[ragab]

اسمى رجب شحاتة كان معايا فيورا 85 لمدة ثلاث سنوات بعتها النهارده وان حزين جدا ومعروض عليا عربية فيرنا فيفا2009 كاملة منيوال عاملة1530 كيلومطلوب فيها 60الف واخرى لانوس2008 ب50الف ارجوكم انا تعبت من التفكير والله مانمت امبارح ارحوكم انصحونى ارجوكم انا لوحدى عايزكم تشركونى وتنصحونى وثوابكم عن ربنا وياريت حد يقيم الفيفا
اخوكم رجب محاسب قانونى


تم النقل للمقارنات

مشرف هيونداى 2

[gmgm]

انا ارشح الفيفا لعدة اسباب

اولا: أستهلاك البنزين اقل من الانوس

ثانيا:التقفيل وجودة الخامات افضل وبالتاى الاتزان احسن من اللانوس

ثالثا: سلاسة القيادة ونعومة الفتيس احسن من اللانوس بكتير

[refoo]

أكيد لانوس2008
العربيه منتشره قوي وسعر أعاده بيع جامد جدا

[power0]

انا شايف لانوس مش علشان الفيفا وحشة ولكن لان سعرها عالى انت ممكن تزود شوية وجيب موديل 2010 اما الانوس فهى عربية كويسة بس سعرها انا شايف انة كويس على العموم صلى استخارة

[mshmshm3]

فيفا لو تقفيل هندي احسن بكتييييييييييير من التقفيل المصري لو كانت اللانوس هى شفروليه مش دايو وغير كدة الفيرنا افضل من اللانوس

[Lion_Heart]

اللانوس طبعا ... حمالة اسية بطريقة مش معقولة و كمان سعرها كده كويس
و انته اولى بالفرق
بس لازم حد ثقة يكشف عليها كويس جدا
وطبعا صلى استخارة عشان تطمن

[atamim]

لانوس طبعا يا باشا مع بنزين 80 ما بتقولش لقى و سلملى على التوفير

ابعد خالص عن العربيات الى شرط تمام ادائها توفر بنزين 92 الميزانية مش ناقصة

[ahmad--ezzat]

لانوس طبعا

[ragab]

شكرا لكل الى شلركونى الف مليون شكر ايه راى حضارتكم لواستبعد الانوس المستعملة وتبقى المفاضلة بين الفيفا2009 ب57 الف ولالانوس2010من منصورب69 الف هدفع45000 الف واقسط الباقى وانا عنديش استعداد اقسط اكتر من كدة

[romeo_6887]

الهيونداي برقبه الدايو
الدايو كله مشاكل عن تجربه شخصيه
و الهيونداي مشاكله بسيطه عن تجربه برضه شخصيه

[zkralla]

أكيد لانوس2008
العربيه منتشره قوي وسعر أعاده بيع جامد جدا

ما هو اللانوس نفس الوضوع

[تامر.محمد]

هو الموضوع هايقوم معركة بين انصار هيونداي و انصار دايو عموما
:)))

انا هاقول لك اللي انا اعرفه طبقا لمعلوماتي و خلاص , و كلامي عن اللانوس الدايو مش اللانوس الشيفروليه

1- الفيرنا كعربية لا يميزها عن اللانوس اي شيء غير موتورها ( ال1600 ال2 كامة ال16 صمام لأنه اقوى بكتير جدا فعلا من موتور اللانوس ال1500 الكامة واحدة ال8 صمام , لكن الفيرنا ال1500 ما باعتش و انقرضت ) و نفس الشيء الفيفا لأن موتورها 1500 و 12 صمام , هاتلاقي الفيرنا ال1600 بتبيع و منتشرة جدا , و اللانوس بتبيع و منتشرة جدا , اما الفيرنا ال1500 فبح , و الفيفا فبرده مش بتبيع اوي

2- بالنسبة للتقفيل فاللانوس احسن , و الثبات .. اللانوس احسن بكتير (و الاتنين يعيبهم الفرامل (اللانوس و الفيرنا , مش عارف ايه نظام الفيفا و ان كنت ما اظنش انها هاتختلف ) و موضوع ان اللانوس اعطالها كتير فده مش مظبوط ( صديقي معاه لانوس 2008 من ساعة ما جابها ما عملش حاجة غير البنزين و الفلاتر و الزيت , بالاضافة لطرمبة البنزين لأنه كان على طول بيسيب الخزان يفضى و ده من عيوبها )

3- لو هاتفكر في الزيرو , حط في حساباتك اللوجان و الساجا , و انا عن نفسي رأيي ان 70 ألف كتير شوية على اللانوس الزيرو حاليا , و هاتلاقي مقارنات كتير هنا بين الأربع عربيات ( اللانوس و الفيرنا و اللوجان و الساجا )
و مافيش ذكر للفيفا خالص

انا قلت لك على العيوب اللي اعرفها في اللانوس لأنها عربيتي , و واجب على اللي راكبين فيفا انهم يقولوا لك عيوبها ايه بأمانة برده

و ربنا يوفقك
:)

[ragab]

الحيرة زادت قوى

[OVERLINE][/OVERLINE][OVERLINE][OVERLINE][/OVERLINE][/OVERLINE]والله العظيم انتم كلكم ناس محترمين وزى الفل ويارب يجعلنا دايما فى خدمة بعض ويارب اجعلنا دايما فى خدمة الناس ويارت اقدر اقدم خدمة لاى حد فى المنتدى كله علشان كلهم ناس رجاله اخوانى الكرام اسحتمولنى شوية كمان وسا عدونى احد العملاء فى مكتبى اسرته عندها عربية فورد فسيتا 1999 كنت باخد رايه فعرض عليا العربية وقال انه هيبعا وهيجيب لهم ماتريكس العربية 1300cc ومش رشة بره ولاجوه وتكيف وزجاج كهرباء امامى وباور وكاست والمانى وب30 الف العربية هتشباك طبعا حيرتى زادت وبقالى يومين متعذب فى المواصلات مش عارف اعمل ابه اشتريها وهى قريبة من حجم ال27 ولا يبقى عليا اقساط وانام مرتاح البال على فكرة انا كنت شارى الفيورا ب17 الف بعتها بعد سنتين و1/2 ب10 طبعا غير اللى صرفته عليها وكان كتير والله هل اشتريها واماجى اغير اخسر تانى ولا ازنق نفسى والا اعمل اية ارجوكم شاركونى مشكلتى انا محتار ساعدونى

[د.محمود صلاح]

هو اعادة البيع في اي عربية دايما فيها خسارة بالكوم ,,
والبحث عن عربية مستعملة نظيفة عايز تريث وصبر
وابحث في الوسيط والنت والأصدقاء المحيطين
الفورد القديم سوقه مش رائج لدرجة اللانوس والهايونداي عموما

[aly_hosny]

الهيونداي برقبه الدايو
الدايو كله مشاكل عن تجربه شخصيه
و الهيونداي مشاكله بسيطه عن تجربه برضه شخصيه

بتهيالي العيب في التجربة مش في العربية عموما
يعني ممكن تكون انت صدفك سوء حظ
اللانوس معايا ومع صحابي زي الفل
وال من صحابي جاب فيرنا"1600" عشان كان دي حدود ال سمحولو بيها يجيب عربية
"والله كان نفسه يجيب لانوس"

هو الموضوع هايقوم معركة بين انصار هيونداي و انصار دايو عموما
:)))

انا هاقول لك اللي انا اعرفه طبقا لمعلوماتي و خلاص , و كلامي عن اللانوس الدايو مش اللانوس الشيفروليه

1- الفيرنا كعربية لا يميزها عن اللانوس اي شيء غير موتورها ( ال1600 ال2 كامة ال16 صمام لأنه اقوى بكتير جدا فعلا من موتور اللانوس ال1500 الكامة واحدة ال8 صمام , لكن الفيرنا ال1500 ما باعتش و انقرضت ) و نفس الشيء الفيفا لأن موتورها 1500 و 12 صمام , هاتلاقي الفيرنا ال1600 بتبيع و منتشرة جدا , و اللانوس بتبيع و منتشرة جدا , اما الفيرنا ال1500 فبح , و الفيفا فبرده مش بتبيع اوي

2- بالنسبة للتقفيل فاللانوس احسن , و الثبات .. اللانوس احسن بكتير (و الاتنين يعيبهم الفرامل (اللانوس و الفيرنا , مش عارف ايه نظام الفيفا و ان كنت ما اظنش انها هاتختلف ) و موضوع ان اللانوس اعطالها كتير فده مش مظبوط ( صديقي معاه لانوس 2008 من ساعة ما جابها ما عملش حاجة غير البنزين و الفلاتر و الزيت , بالاضافة لطرمبة البنزين لأنه كان على طول بيسيب الخزان يفضى و ده من عيوبها )

3- لو هاتفكر في الزيرو , حط في حساباتك اللوجان و الساجا , و انا عن نفسي رأيي ان 70 ألف كتير شوية على اللانوس الزيرو حاليا , و هاتلاقي مقارنات كتير هنا بين الأربع عربيات ( اللانوس و الفيرنا و اللوجان و الساجا )
و مافيش ذكر للفيفا خالص

انا قلت لك على العيوب اللي اعرفها في اللانوس لأنها عربيتي , و واجب على اللي راكبين فيفا انهم يقولوا لك عيوبها ايه بأمانة برده

و ربنا يوفقك
:)

+1
انا شايف عيب العربية السحب بتاعها بطيء نوعا ما
الثبات معقول وجربتها لغاية 160 تمام وخدت غرز على 140 كانت شغالة"ودا من غير جنوط"
الصيانة وقطع ال غيار مش مكلفة بالمرة "عملت صيانة ال 5000 ب 102 جنيه"
اكيد انتشارها اوسع بكتير من الفيفا لو خرجت البلكونة هتلاحظ الموضوع دا
وفي الاخر شوف الموضوع دا من الاخر

http://www.nilemotors.net/Nile/670-a.html