ساعدوني في اختيار عربيه في حدود 60 الى 70

[ahmedpharma]

الأول السلام عليكم

يا شباب عايز رأيكم ضروري
أنا محتار في اختيار عربيه

أنا حاطط ميزانيه حوالي من 60 الى 70 و ده أخري خالص يعني بعد ال 70 دي هبقى على الحديده

أنا كان في بالي اشتري عربيه ألماني محترمه فكان في بالي 3 عربيات

1- bmw 316 موديل 92 لحد 96
2- أوبل فكترا 1600 موديل 2001 لحد 2003
3- أوبل استرا موديل 2004 أو 2005

و طبعا يهمني أن تكون حاله العربيه ممتازه و يا سلام لو أوتوماتيك يبقى زي الفل

فايه تقييمكم للعربيات دي من ناحيه الاعتماديه و اسعار قطع الغيار و الصيانه و الجوده؟؟

و لو ترشحولي عربيه من دول تكون ايه؟؟

فعلا أخوكم محتار و محتاج حد زي الأخوه اللي في المنتدى هنا يكون فاهم و يفيدني
و لكم جزيل الشكر

في انتظار ردودكم

[TheBuccaneer]

Bmw e36 1993, 1994 من رأيى. و صدقنى مش هتندم فى يوم على الشراء. بس نصيحة أبعد عن السوق. دور على المواقع و فى الوسيط و ربنا الموفق, اثبت على ال bmw طول الطريق بالنسبة للأوبل أسترا هى ضيقة من الداخل ده معلومة حبيت تعرفها.

[eskenderiya]

3- أوبل استرا موديل 2004 أو 2005

[lambo100]

bmw316 tb3n

[mantoros]

bmw for sure 1992-1994
بس مش هتلاقي 1996 نضيف بالسعر ده
لو عربية نضيفة اوي اوي ب70 هتبقي 1994
لكن طبعا السوق فيه 95 و 96 ب70 الف بس عربيات ربنا يحفظك منها..........انسي كلام التجار و الافندية الفتايين !!! مفيش موتور جديد بعد 95 و طالع و نضيفة اوي هتقل عن 75 و طالع حسب الموديل (وصولا الي 90 الف في 1997 النضيفة اوي)

و ربنا يكرمك بعربية محترمة بنت ناس يا رب...

[ahmedpharma]

شكرا يا شباب على ردوكم الجميله و على مساعدتكم

الواضح أن الكل مع البي ام تمام الكلام

نتوكل على الله و ندور عليها و ربنا يكرمنا بواحده حالتها حلوه

معلش يا أخ mantoros بالنسبه لموضوع الموتور ده
أنا سمعت فعلا أن لحد 94 في موتور و بيقولو عليه الأبيض و ده وحش و بياكل كامات
و من 95 فيه موتور تاني اللي هو الأسود و ده محترم
مش عارف يا ترى ايه مدى مصداقيه المعلومات دي؟؟؟

مستني ردودكم

[TheBuccaneer]

شكرا يا شباب على ردوكم الجميله و على مساعدتكم

الواضح أن الكل مع البي ام تمام الكلام

نتوكل على الله و ندور عليها و ربنا يكرمنا بواحده حالتها حلوه

معلش يا أخ mantoros بالنسبه لموضوع الموتور ده
أنا سمعت فعلا أن لحد 94 في موتور و بيقولو عليه الأبيض و ده وحش و بياكل كامات
و من 95 فيه موتور تاني اللي هو الأسود و ده محترم
مش عارف يا ترى ايه مدى مصداقيه المعلومات دي؟؟؟

مستني ردودكم

يا باشا الموتور الأسود ده اسمه اما M52 أو M54. ده بيكون 2000 سى سى فيما فوق الى حد 2800 سى سى. الموتور الموجود لل E36 نوعين اما M40 او M43.

على حسب ما سمعت من ناس كثير لكن دون تأكيد شخصى إن ال M40 هو ده اللى بيأكل كامات إلخ, وده أخره ال E36 1992 او E36 1993 لكن أنا مش متذكر. عالعموم هناك موضوع فى قسم البيع والشراء بعنوان M3 engine price حضرتك هتلاقى فيه رد بأنواع المواتير ده و شكلها مع العلم إن ال M42 غير موجود بمصر.

[ahmedpharma]

شكرا أخي TheBuccaneer على ردك و معلوماتك

سؤال تاني بقى صغير معلش هو أنت معاك BMW دبانه 316 ؟؟

يا ريت تقولي مميزاتها و عيوبها من واقع خبرتك العمليه مع العربيه دي

و يا ريت يا شباب اي حد عندو معلومات عن مواصفات و مميزات و عيوب ال BMW 316 92 to 96 يفيدني بيها و أبقى شاكر جدا ليه

مستني ردودكم الجميله

[Kazzaz]

نصيحه هات حاجه تانيه غير البي ام الe36 ... و الاوبل استرا دي مش حلوه يعني الفيكترا افضل اختيار من اللي انت حاطط بس مره تانيه السوق في اناع كثير حلوه جدا شوف كده و بص بصه تانيه

[mantoros]

شوف يا سيدي
الموتور القديم هو الm40 و هو يشاع عنه انه موتور بياكل كامات و السير الكاتينة فيه عادي مطاط بيتغير في السرفسة
و هو من 91 الي اول 94

اما الموتور الحديث هو m43 و هو الافضل بالتأكيد لانه اطول عمرا و اكثر كفائة و السير للكاتينة فيه جنزير حديد لا يتغير و هو يبدأ من اخر 94 (نادرا) و لكن معظم العربيات بهذا الموتور يبدأ من 95 و طالع

اسعار السيارات حتي 94-95 حتي 70-75 الف
و لكن السيارات من اول 96 نزل فيها كمبيوتر و abs , air bag و تكييف تاتش ديجيتال اوتوماتيك و اسعارهم تبدأ من 80 و طالع الي 90 الف للعربيات النضيفة و اعيد مرة اخري "العربيات النضيفة" اي العربيات اول يد و متصانة و دواخلها سليمة تماما و كبس الموتور محترم و ليس بها مصاريف او مشاكل...

و لا تفرح بعربية بسعر رخيص لانك في المقابل سوف تخسر كثيرا جدا جدا جدا و ربنا يحفظك
و للمرة الالف....سيبك من كلام الاخوة الفتايين و التجار في الاسعار و اسال عن عربيات البيوت اول يد
و ربنا يكرمك و يوفقك

[ahmedpharma]

شكر يا أخي mantoros على ردك

معلش سؤال تاني أنا عارف أني بأتقل عليكم بس أنا ما ليش خبره في البي أم و أنتم هنا في المنتدى أصحاب خبره طويله

مواصفات bmw 316 92 to 96 ايه؟؟
يعني كام هورس باور و فيه ازاز كهربا و لا مرايات كهربا و ال ABS كده يعني المواصفات دي

مستني خبراتكم يا جماعه

و يا سلام يا سلام لو أمكن حد يكون عنده user manual بتاع الموديل ده

و شكرا ليكم تاني على معلوماتكم القيمه و نصايحكم الجميله

[Kazzaz]

صدقني عشان تجيب البي ام اللي نفسك فيها ب ال 70 الف حاسس انك هاتتعب لحد ما تلاقي حاجه نظيفه

[romeo_6887]

يا سيدي سيبك من المستعمل عشان الماني و قطع غياره غاليه و مش اي صنايعي يشتغل فيه
وانا شايف ان معاك مبلغ كويس ممكن يجيبلك حاجات كويسه زيرو و تريح عقلك
دي امثله علي الاوتوماتيك
بروتون ساجا او كيا بيكانتو او هيونداي i10
و ربنا يهديك للاختيار السليم

[ahmedpharma]

شكرا ليكم أخواني Kazzaz و romeo_6887 على ردودكم

بس الأخ romeo_6887 بيقسى عليا شويه

ينفع أنزل من أكسنت 2005 عشان أركب بيكانتو ولا I10 ؟؟
طب ما أخليني راكب الأكسنت أحسن

هي فكره العربيه الجديده فكره حلوه و مش بطاله بس ممكن بنفس المبلغ تركب عربيه مستعمله
بس شرط تكون حالتها حلوه و أكيد امكانيانها هتبقى أعلى من الجديده أدام الأتنين في نفس السعر

و هو ده اللي أنا بفكر فيه دلوقتي عربيه مستعمله محترمه أتوماتيك ثابته على الطريق فيها اوبشنز حلوه و سعرها على أدي
و أهم حاجه حاله العربيه تكون حلوه فعلا و الا هتطلع عيني.

و بالنسبه لقطع الغيار مش هتفرق كتير بين عربيه زيرو موديل 2010 و عربيه مثلا BMW موديل 95
ما هو اسعار قطع غيار الجديد غاليه بردو مش رخيصه.

دي وجهه نظري مش عارف رأيكم ايه في وجهه النظر دي؟؟

على العموم مستني ردودكم و شكرا مره تانيه لكل الناس اللي هنا في المنتدى اللي فعلا بتساعد الواحد بجد.

[د.محمود صلاح]

رأيي طالما معاك الأكسنت 2005 ومريحاك ,, بلاش تبدل وتصرف على الفاضي وتدخل في مفاجآت مع المستعمل تأقلم على الوضع الحالي