إعـــــــلان

Collapse

.

,
See more
See less

Lancer Ex vs Renault Fluence

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    Lancer Ex vs Renault Fluence

    السلام عليكم يا احلى اعضاء فى احلى منتدى سيارات فى العالم :)
    اولا انا مبتدئ فى عالم العربيات...ومعظم معلوماتى فى مجال السيارات جايبها من حضراتكو..وبجد ربنا يكرمكو على النصايح الغالية اللى بتقدموها لكل الناس..
    انا كنت من فترة محتار بين المتسوبيشى شارك..ورينو فلوونس..ونيسان تيدا...والحمد لله استقريت على شارك..وجبتها بفضل الله اولا وبفضل نصايحكو ثانيا.. وكنت جمعت شوية معلومات عنهم من النت ومن كلام حضراتكو ..فحبيت اجمعها فى مقارنة لعل حد يستفيد بيها :)..
    وبجد العربيتين دول انا بحبهم جدااا..ولو اتحطيت فى مقارنة تانية بينهم..احتمال كبير ما اعرفش اختار ^^
    بس انا كنت ملاحظ حاجة كدا ان معظم الناس كانت مصوتة للفلونس على حساب الشارك (وانا من ضمنهم)...فحبيت اوضح انا ليه اخترت الشارك فى صورة مقارنة بسيطة على قدى..وهحاول اكون حيادى على قد ما اقدر..نبتدى بسم الله,,,



    اولا المواصفات من الكتالوج بتاع العربيتين (الشمال شارك واليمين فلوونس):





    ملاحظاتى على المواصفات :

    الموتور....الفلوونس :105 حصان عند 6000....وعزم 145 عند 4250
    الانسر :109 حصان عند 6000...وعزم 143 عند 4000
    تقريبا متساووين مع العلم ان موتور الانسر 1500 سى سى فقط (عشان الناس اللى بتعيب فى الموتور)

    استهلاك الوقود : مبدئيا الاتنين مكتوب انهم بيخدو بنزين 95 (واللى عرفته من حضراتكو ان كل العربيات الجديدة كدا)...بس احنا هنحط بنزين 92 وعادى جداا
    Btw,,,CR for fluence is 9.7>>&for lancer is 10>>for cerato is 10.5 !!)
    الاستهلاك بقى
    للفلونس ...10.6 داخل المدينة..5.8 الطرق المفتوحة...7.5 متوسط
    الشارك ...8.9 ....6.....7 على الترتيب (دى ميزة الموتور 1500)
    يعنى الشارك استهلاك معقول جدا خارج وداخل المدينة بينما الفلوونس ثابتة كفاءة فى الطرق المفتوحة !


    الاداء : التسارع من 0 الى 100...الفلوونس 13.9...بينما الشارك 14.3...
    السرعة القصوى ...180 فلوونس ...178 للشارك (وانا شايف ان الفرق البسيط دا فى صالح الشارك (باعتبار موتورها اقل ووزنها اتقل)


    نظام التعليق : امامى MacPherson فى الاتنين
    خلفى الفلوونس Flexible beam بينما الشارك Multi-link (كنت قريت هنا ان المالتى لينك افضل...مش عارف بصراحة الاسباب..لو حد عنده توضيح ياريت يقوله)
    والاتنين مصفحين من الاسفل

    المكابح :...اقراص مهواة واقراص صلبة فى الاتنين

    الفتيس : اربع سرعات فى كليهما (ومش عارف الارقام اللى فى الجدول دى تعبر عن ايه.؟؟..ارجو الافادة )

    الوزن : الفلوونس 1.258....الشارك 1280 ! ...(على الرغم من ان الفلوونس ابعادها اكبر ...فاستنتجت من كدا ان جايز الشارك ساجها اتقل .... مش عارف دا صح ولا ايه ؟)

    قاعدة العجلات : نفس المقاسات فى السياريتن والاتنين يتميزو بقاعدة عجلات عريضة

    الشكل : دى مسألة اذواق طبعا ..بس من وجهة نظرى ..الشارك شبابية اكتر..بينما الفلوونس عائلية اكتر...

    الصالوون : واسع جدا فى العربيتين ..بس الفلوونس تتميز بشنطة واسعة كمان ..والتابلوه سيمبل ومريح فى العربيتين..بس شكل العدادات فى الشارك احلى...ومضايقنى فيها وجود الابانوس اجبارى .. والطارة مش جلد
    ودى صور ( الشارك اللى بتنزل هنا مافيهاش مثبت سرعة )



    الكراسى : مريحة جدا فى العربيتين ..بس الفلوونس حسيت انها معمولة من مادة قريبة من الاسفنج مش عارف دا حلو ولا لا..بينما الشارك مريحة ومتينة فى نفس الوقت ...يعيبها انها قماش قريب من القطيفة اكيد هيتوسخ فى ثانية ^^

    اضاءة الصالوون : الشارك لمبة واحدة فى النص..بينما ملاك الفلوونس بيقولو انها 6 لمبات (ما شاء الله)

    اسعار الصيانة وقطع الغيار : انا حسبت تكلفة الصيانات الدورية للشارك والميجان ...من 0 الى 80 الف ..لقيتهم نفس السعر تقريبا (على اساس انهم قالو الميجان نفس رنج الفلوونس)
    وبالنسبة لقطع الغيار ..فنفس الرنج تقريبا .. بس الانسر ارخص حاجات بسيطة فى معظم القطع (ماعادا فلتر البنزين غالى فى الشارك عشان داخلى وبيتغير كل 40 الف )

    نيجى بقى لاهم نقطة ..الاسعار والاوبشنز (اسعار الوكيل..لانسر 2009 وفلوونس 2010 ) :
    الفئة الاولى : الشارك 122 والفلوونس 125 ...من رأى الفلوونس تكسب ..(الشارك متشال منها السى دى بلاير ..مخلى شكل التابلوه بايخ اووى ..والفلوونس زايدة ايرباج وشبورة ومثبت سرعة !)...بس هما الاتنين احسن من الكروز مثلا ...(ب 121 من غير اى بى اس ولا اير باجز ولا ..)

    الفئة التانية : الشارك 136 والفلوونس 135 .. برضه الفلوونس تكسب

    الفئة التالتة : الشارك 140 والفلوونس 158 ....الشارك هنا مليانة كماليات اكتر من سعرها بكتيررر..والفلونس برضه فيها اضافات تستاهل ...6 ايرباجز وباركنج سنسور.على كام حساس وفتحة سقف....فا مقدرش ارجح كفة هنا..

    فا من رأى ان السبب الرئيسى لظلم الشارك وعدم بيعها بالمكانة التى تليق بيها ....سعرهااا...(انا مستكتره لما بقارن دلوقتى وعليها تخفيض 14 الف...فما بال لما كان واحد بيقارن من سنة وكانت بتبدأ من 136 الف !!!!)

    ولسه مش عارف اخبار اسعار 2010 ايه ؟

    وفى الاخر اسيبكو مع شوية صور...ويارب يكون الموضوع عجبكو وناس استفادت ...وربنا يجزينا خيرا جميعا ان شاء الله
















    الكلمات الدلالية (Tags): #2, 00, 000, 010, 05, 08, 09, 10, 100, 102, 104, 105, 109, 11, 117, 12, 121, 122, 124, 125, 128, 13, 135, 136, 14, 140, 145, 15, 150, 1500, 158, 16, 167, 168, 17, 18, 180, 19, 20, 200, 2008, 2009, 2010, 21, 210, 22, 24, 25, 250, 27, 28, 280, 31, 32, 35, 36, 40, 400, 4000, 41, 42, 425, 43, 44, 45, 47, 49, 50, 500, 52, 57, 58, 60, 600, 6000, 61, 68, 71, 72, 78, 79, 80, 800, 81, 810, 85, 89, 90, 92, 93, 94, 95, 96, 99, 999, ad, af, ah, al, alpha, ana, bt, cerato, ck, cod, code, col, color, cond, cp, cr, d3, da, dark, de, egr, el, er, es, eu, exi, f5, flex, flexi, fluence, fo, font, g1, g2, g3, g5, gr, gray, hack, head, htc, http, il, image, images, la, lan, lancer, lancer ex, le, li, light, line, link, ll, lp, lt, mac, mag, man, mg, mitsubish, mitsubishi, ms, multi, na, o2, od, ra, ray, red, reg, renault, rk, rom, rs, si, size, sl, subi, tc, te, ti, time, times, tp, tt, ub, unicode, ur, vet, wa, wal, wall, x20, ؟؟, ابانوس, ابعاد, ابل, ابي, اة, اتحطيت, اتنين, احتمال, احسن, احنا, اخبار, اختر, اخترت, اخر, ادا, اداء, ار, اربع, ارجو, ارخص, ارقام, اركن, اس, اساس, اسباب, استقر, استقريت, استن, استهلاك, اسعا
  • #2
    الف مبروك وشكراً على المقارنة الممتعة دي ,, ولولا اختلاف الأذواق لبارت السلع

    Comment

    • #3
      thanks for the good topic

      i think the cruze is better than the 2

      Comment

      • #4
        مبتدأ ايه يا راجل بس... ده انت خبير اهو ما شاء الله...

        ألف شكر على المقارنه الحياديه و المنظمه...

        و ألف مبروك على الشارك... و بجد عربيه تستاهل, ربنا يباركلك فيها...


        المشاركة الأصلية كتبت بواسطة eskenderiya مشاهدة المشاركة
        thanks for the good topic

        i think the cruze is better than the 2
        No Comment
        [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
        [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
        [CENTER][SIGPIC][/SIGPIC][/CENTER]

        Comment

        • #5
          الشارك عربية ممتااااازة فعلا
          شكرا على المقارنة القوية
          [RIGHT][marq="3;right;3;scroll"](●̪•) H∂$$αற (•̪●)[/marq][/RIGHT]

          [CENTER][img2]http://img687.imageshack.us/img687/6783/carcovercls.jpg[/img2][/CENTER]

          Comment

          • #6
            مبروك على العربيه ربنا يباركلك فيها

            Comment

            • #7
              الف مبروك وشكراً على المقارنة الممتعة دي ,, ولولا اختلاف الأذواق لبارت السلع
              الله يبارك فيك يا دكتور محمود..وشكرا على الرد الجميل

              مبتدأ ايه يا راجل بس... ده انت خبير اهو ما شاء الله...
              ألف شكر على المقارنه الحياديه و المنظمه...
              و ألف مبروك على الشارك... و بجد عربيه تستاهل, ربنا يباركلك فيها...


              شكرا على الدعم يا باشمهندس غازى ..
              الشارك عربية ممتااااازة فعلا
              شكرا على المقارنة القوية

              والف شكر لحضرتك على الرد الجميل :)

              مبروك على العربيه ربنا يباركلك فيها
              امين يا رب....والله يبارك فيك :)

              Comment

              • #8
                i think the cruze is better than the 2
                احترم وجهة نظر حضرتك طبعا...بس الكروز تعتبر اقل عربية فكرت فيها فى الفئة السعرية دى...وعملتلها استثناء بدرى اووى
                مش هقول حكاية كورى ويابانى وفرنساوى..عشان ولا انا مامتى مدام كورى..ولا بابايا الحاج هاشيموتو ولا بحب جولييت !!

                انا هقول وجهة نظرى كمشترى بيبص على ايه فى العربية:
                اولا اللى كان عاجبنى فى الكروز..الوانها..وابعادها..ووزنها 1355 !(صاج قوى اكييد)..واعلان احمد عز وبسسسس

                الموتور : نفس موتور الاوبترا (107 حصان عند 5800 وعزم 150 عند 4000)..يعنى نفس ارقام الانسر والفلوونس تقريبا...مع العلم ان الانسر نت باور...انما الكروز احساسى انها مش نت (عشان نفس الارقام مكتوبة فى برشور الاوبترا مع اختلاف الوزن !!!!)
                استهلاك الوقود : 11.4 داخل المدينة ...6.1 الطرق المفتوحة و 8.1 متوسط ..يعنى فرق عن الانسر 2 لتر كل 100 كيلو تقريبا (دا ادانى احساس ان العربية معمولة بتكنولوجى قديم ..عشان معظم العربيات الجديدة استهلاكها اقل من كدا !)
                (ومش عارف برضه احساسى انها اكتر من كدا كمان..عشان نفس الارقام مكتوبة مع الاوبتر!)

                الشكل : اول يوم خرجت بالانسر (بتاعتى هاف سبورت) ركنت صدفة قدام كروز(كانت بجنوط) وقارنت الشكل انا واصحابى ..كلنا عجبتنا الانسر اكتر بكتيررر (مش عارف مجاملة ليا ولا هى دى الحقيقة)..الكروز فى الصور والاعلانات جامدة جدااا (عشان خطوطها الحادة)...بس فى الحقيقة فى عربيات كتيررر احلى منها..مش عارف على طول بتلخبط فيها هى والافيو

                الحاجة الاهم بقى سعرها والوبشنز اللى فيها ...اجيب عربية ب 121 الف من غير اى بى اس ولا ايرباجز ولا اى اوبشنز نهائى ..(البرشور بتاعها مش لاقيين اوبشنز يكتوبها فكاتين ان فيها جيب للنضاره وعجلة ثلاثية الاذرع وجيب خلفى فى المقعدين و .... !!!)
                فاشتريها بالسعر دا عشان خاطرايه !!..انها كورى ولا عشان توكيل منصور الجامد ... ولا عشان الاوبشنز الرهيبة ...ولا عشان خاطر احمد عز
                لا وكمان يغلى سعرها فى موديلات 2010 ...ليه بقى !!!

                حتى وان كانت واخدة 5 نجوم فى اختبارات التصادم..فالشارك واخدة خمس نجوم برضه ..ونازلة باير باجز فى كل فئاتها..

                انا كان ممكن افكر فى الكروز لو كانت مع توكيل كويس ..مخلى اسعارها تبدا من 100 الف مثلا..او مخلى الاسعار زى ما هى ومدينى اوبشنز تستاهل!!

                اسف لو كنت طولت فى الرد او ضايقت حد من معجبين كروز..اصل انا ليا واحد صاحبى هايم بالكروز وكل يوم ينرفزنى

                وفى الاول والاخر كل العربيات جميلة ..بس الاهم ان الواحد يكون مرتاح فى العربية اللى اختارها :)

                Comment

                • #9
                  المشاركة الأصلية كتبت بواسطة kikooooo مشاهدة المشاركة
                  احترم وجهة نظر حضرتك طبعا...بس الكروز تعتبر اقل عربية فكرت فيها فى الفئة السعرية دى...وعملتلها استثناء بدرى اووى
                  مش هقول حكاية كورى ويابانى وفرنساوى..عشان ولا انا مامتى مدام كورى..ولا بابايا الحاج هاشيموتو ولا بحب جولييت !!

                  انا هقول وجهة نظرى كمشترى بيبص على ايه فى العربية:
                  اولا اللى كان عاجبنى فى الكروز..الوانها..وابعادها..ووزنها 1355 !(صاج قوى اكييد)..واعلان احمد عز وبسسسس

                  الموتور : نفس موتور الاوبترا (107 حصان عند 5800 وعزم 150 عند 4000)..يعنى نفس ارقام الانسر والفلوونس تقريبا...مع العلم ان الانسر نت باور...انما الكروز احساسى انها مش نت (عشان نفس الارقام مكتوبة فى برشور الاوبترا مع اختلاف الوزن !!!!)
                  استهلاك الوقود : 11.4 داخل المدينة ...6.1 الطرق المفتوحة و 8.1 متوسط ..يعنى فرق عن الانسر 2 لتر كل 100 كيلو تقريبا (دا ادانى احساس ان العربية معمولة بتكنولوجى قديم ..عشان معظم العربيات الجديدة استهلاكها اقل من كدا !)
                  (ومش عارف برضه احساسى انها اكتر من كدا كمان..عشان نفس الارقام مكتوبة مع الاوبتر!)

                  الشكل : اول يوم خرجت بالانسر (بتاعتى هاف سبورت) ركنت صدفة قدام كروز(كانت بجنوط) وقارنت الشكل انا واصحابى ..كلنا عجبتنا الانسر اكتر بكتيررر (مش عارف مجاملة ليا ولا هى دى الحقيقة)..الكروز فى الصور والاعلانات جامدة جدااا (عشان خطوطها الحادة)...بس فى الحقيقة فى عربيات كتيررر احلى منها..مش عارف على طول بتلخبط فيها هى والافيو

                  الحاجة الاهم بقى سعرها والوبشنز اللى فيها ...اجيب عربية ب 121 الف من غير اى بى اس ولا ايرباجز ولا اى اوبشنز نهائى ..(البرشور بتاعها مش لاقيين اوبشنز يكتوبها فكاتين ان فيها جيب للنضاره وعجلة ثلاثية الاذرع وجيب خلفى فى المقعدين و .... !!!)
                  فاشتريها بالسعر دا عشان خاطرايه !!..انها كورى ولا عشان توكيل منصور الجامد ... ولا عشان الاوبشنز الرهيبة ...ولا عشان خاطر احمد عز
                  لا وكمان يغلى سعرها فى موديلات 2010 ...ليه بقى !!!

                  حتى وان كانت واخدة 5 نجوم فى اختبارات التصادم..فالشارك واخدة خمس نجوم برضه ..ونازلة باير باجز فى كل فئاتها..

                  انا كان ممكن افكر فى الكروز لو كانت مع توكيل كويس ..مخلى اسعارها تبدا من 100 الف مثلا..او مخلى الاسعار زى ما هى ومدينى اوبشنز تستاهل!!

                  اسف لو كنت طولت فى الرد او ضايقت حد من معجبين كروز..اصل انا ليا واحد صاحبى هايم بالكروز وكل يوم ينرفزنى

                  وفى الاول والاخر كل العربيات جميلة ..بس الاهم ان الواحد يكون مرتاح فى العربية اللى اختارها :)
                  معاك فـال رأي

                  Comment

                  • #10
                    تسلم ايدك يا باشا على المقارنه الجامده دى
                    [COLOR="Green"][SIZE="4"][OVERLINE][U]لا إله إلا أنت سبحانك إنى كنت من الظالمين[/U][/OVERLINE][/SIZE][/COLOR]

                    Comment

                    • #11
                      ربنا يباركلك فى الانسرانا لسه جايب رينو فلوانس بعد عدة مقارنات بينها وبين الشارك والسيارات الاخرى فى نفس الفئة بس الشارك برضه بتعجبنى قوى وخصوصا شكلها الخارجى جامد جدا وانا سوقتها سيارة ناعمة وجميلة ومختلفة تماما عن البومة بس كان سعرها مبالغ فيه شوية وخصوصا اول مانزلت سنة2008 كانت الكاملة 160 الف بس دلوقتى السعر اتعدل شوية وبقى معقول وانا شايف ان الزيادة فى اسعار اليابانى راجعة للاقبال الجماهيرى الكبير من الشعب المصرى عليها واستغلال من التجار فى النقطة دى وهى تعتبر اكثر سيارة يابانية فيها اوبشنز فى الفئة السعرية دى بعد الفوكاس والفلوانس

                      Comment

                      • #12
                        ماشاء الله تقييم جميل و ربنا يباركلك في عربيتك
                        و يا ريت لو تضيفلنا كمان الكوروللا 2010 مقارنة بيهم
                        خصوصا الفئات الهاي لاين منهم

                        Comment

                        • #13
                          1000 مبرووووك على الشارك ... وهى فعلا مسالة اذواق ومتطلبات من ناحية الشكل ... بس مش عارف عندى احساس كده ان اللى سايق الفلونس باحس ومشترك معايا ناس كتير انه ركيب عربيات يعنى شارى حاجة اوروبى دارسها كويس وعمل دراسة قبل الشراء ... ا ما الشارك والبومة وتاسيراتو مع كامل احترامى للعربيات دى لكن باحس ان اللى راكبها اشتراها علشان هى دى العربية اللى ماشية فى السوق .... والاختلاف فى الراى لا يفسد للود قضية ومليون مبروك الشارك ربنا يباركللك فيها ان شاء الله

                          Comment

                          • #14
                            و يا ريت لو تضيفلنا كمان الكوروللا 2010 مقارنة بيهم
                            خصوصا الفئات الهاي لاين منهم
                            الف شكر لحضرتك على الرد...انا بصراحة ماسألتش عن كورولا 2010..بس بيقولو سعر اول فئة 147...وبجد دا سعر استهبااااال على كمية الاشاعات والتقفيل الجنوب افريقى...سقوط عبارة ان كورولا ما بتعطلش !!!!
                            كورولا 2009 mmt...انا كنت دارسها شوية (مع صاحبى..وكنت ناوى اشتريها).. وكلنا طبعا عارفين مميزات كورولا...بس بجد سعرها مبالغ فيه..هى كان معقول عليها اوووى 117 و 132..الاسعار اللى كانت نازلة على موديلات 2009.....انا بجد ما بقتش فاهم السوق بتاعنا ... التوكيلات بيستغلو سمعة العربية ويرفعو سعرها بمزاجهم واحنا نشترى عشان السمعة وكلام الناس زى البوما والكورولا والشارك زمان!!!
                            ولا فعلا الكورولا دى رغم كل اللى عليها دلوقتى لسه لا تقارن..وتتباع بالسعر اللى على مزاج التوكيل ؟!!

                            مبرووووك على الشارك ... وهى فعلا مسالة اذواق ومتطلبات من ناحية الشكل ... بس مش عارف عندى احساس كده ان اللى سايق الفلونس باحس ومشترك معايا ناس كتير انه ركيب عربيات يعنى شارى حاجة اوروبى دارسها كويس وعمل دراسة قبل الشراء ... ا ما الشارك والبومة وتاسيراتو مع كامل احترامى للعربيات دى لكن باحس ان اللى راكبها اشتراها علشان هى دى العربية اللى ماشية فى السوق
                            الله يبارك فى حضرتك :)...وفعلا انا كدا فجأة لاقيت فى الشارك اغلب اللى انا كنت عاوزه ..بس انا مكنتش مجمع تفكيرى وكان تفكيرى مشتت بين القبائل ...قصدى العربيات يعنى..

                            بس بالنسبة...لمسألة البحث والدراسة او اختيار السوق...انا مش خبير فى اداء العربيات اووى عشان اقدر احكم...بس تصحيح بس..الشارك طالع عليها اشاعات بالعبيط...والسوق منزلها الارض ومعليين البومة فى السما..عشان التجار يفضلو يبيعو فى البومة ويكسبو منها الا ما لا نهاية..
                            فالشارك والفلوونس ماحدش بيشتريهم على السمعة ابدااا..ماحدش بيشتريهم الا لو مقتنع انه هيجيب عربية محترمة 100% وينفض لكلام الناس..

                            Comment

                            • #15
                              ألف مبروك على اللانسر شارك

                              Comment

                              السابق 1 2 template التالي
                              Working...
                              X