إلنترا ولا صني ولا جراند بونتو

[bona]

النتــــــرا

grand punto

من فضلكو
طيب اللى يختار حاجة يقول السبب

[Hosam_Optrawy]

فى ناس بتشتكى من الثبات بتاعها فوق ال 120 و كمان فى الملفات
الكلام ده مظبوط ؟؟؟

من فضلكو
طيب اللى يختار حاجة يقول السبب

موضوع الثبات د مسأله نسبيه

انا مجربتش الالنترا على سرعات عاليه بس اكيد ثباتها كويس مش معقول هايكون ثباتها اقل من عربيات اصغر منها وبتمشى فوق ال 120

ونصيحه اصلا بلاش جرى فوق ال 120 الطرق ماتساعدش خالص

ثانيا انا باشوف خناقات كتير على العربيات بسبب الثبات على السرعات العاليه

لأ دى مش ثابته فوق ال 120 لأ دى بتعوم بعد ال 160 لأ دى على 180 مش عارف ايه

وهى فى الاول وفى الاخر عربيه مدينه تمنها 100 الف مش عربية سباق

يعنى لو عربيه ب 100 الف ثباتها ممتاز على ال 180 سبنا ايه للعربيه اللى بمليون جنيه :)

عموما بالنسبه للالنترا

الملاحظات اللى باسمعها ان الباور ناعم جدا عشان كهربا ففى ناس بتعتبره ميزه وناس تعتبره عيب عشان مبيعرفوش يتحكموا كويس فى العربيه على السرعات العاليه

النقطه التانيه هى ان العربيه بتوطى من ورا لما يركب فيها 3 وبتحك ودى مؤكده

النقطه التالته هى ان مؤخرا بقينا نسمع مشاكل فى الدبرياج عشان كدا انا افضل انك تجيب الاوتوماتيك بلاش مانيوال

النقطه الرابعه احيانا بيحصل مشاكل فى السى دى والانذار ودا بسبب انهم بيتركبوا هنا فى مصر

غير كدا انا شايفها عربيه كويسه جدا مع مراعاة ان هاينزل منها شكل جديد بعد اقل من سنه

[bona]

موضوع الثبات د مسأله نسبيه

انا مجربتش الالنترا على سرعات عاليه بس اكيد ثباتها كويس مش معقول هايكون ثباتها اقل من عربيات اصغر منها وبتمشى فوق ال 120

ونصيحه اصلا بلاش جرى فوق ال 120 الطرق ماتساعدش خالص
أكيد مش بجرى فوق ال 120 خصوصن انى على طريق اسيوط سوهاج " معروف طبعن "

ثانيا انا باشوف خناقات كتير على العربيات بسبب الثبات على السرعات العاليه

لأ دى مش ثابته فوق ال 120 لأ دى بتعوم بعد ال 160 لأ دى على 180 مش عارف ايه


وهى فى الاول وفى الاخر عربيه مدينه تمنها 100 الف مش عربية سباق

يعنى لو عربيه ب 100 الف ثباتها ممتاز على ال 180 سبنا ايه للعربيه اللى بمليون جنيه :)

عموما بالنسبه للالنترا

الملاحظات اللى باسمعها ان الباور ناعم جدا عشان كهربا ففى ناس بتعتبره ميزه وناس تعتبره عيب عشان مبيعرفوش يتحكموا كويس فى العربيه على السرعات العاليه
بيقولو انه بقا زيت

النقطه التانيه هى ان العربيه بتوطى من ورا لما يركب فيها 3 وبتحك ودى مؤكده
حالها حال اغلب العربيات الجديدة

النقطه التالته هى ان مؤخرا بقينا نسمع مشاكل فى الدبرياج عشان كدا انا افضل انك تجيب الاوتوماتيك بلاش مانيوال
انا سمعتو عن الاكسنت عشان كده سحبت الحجز ... بس كمان الايلنترا ؟؟؟؟؟؟؟؟؟

النقطه الرابعه احيانا بيحصل مشاكل فى السى دى والانذار ودا بسبب انهم بيتركبوا هنا فى مصر
امال الصنى اللى متقفلة فى مصر ... يا لهوى مش عارفين نركب السى دى !!!!!!

غير كدا انا شايفها عربيه كويسه جدا مع مراعاة ان هاينزل منها شكل جديد بعد اقل من سنه
طيب سيادتك ممكن تنصحنى بعربية تانى فى السعر ده

[tarekabosdera]

انا معايا النترا 2009 اوتو ماتك وجربت الصني قبل كده عشان كنا ناويين نشتريها.

بالنسبة للثبات فالانترا الحمد لله ثابتة فوق ال140 كمان بس المهم ميكنش في عواصف .
الصني جبت بيها 140 ومتفرقش حاجة عن الالنترا في الثبات .

السحب وقوة الماتور في صالح الالنترا طبعا وده اول حاجة ذهلت منها لما سقت الصني وهي الفرق الشاسع من اول ما تدوس البنزين ( التحرك من السكون) ضعيف في الصني وكانت ماشية 30 الف كم بس

التقفيل المصري مش مضمون.

وعموما الالنترا عربية الشغل الشاق بس ابقى ربط العفشة في كل صيانة عشان انا عارف شوارع الصعيد.

[abou_ruqi]

إيرباجز و فرامل مانعة للإنغلاق و بعدين نتكلم

أي عربية مفيهاش وسائل أمان متستحقش نتكلم عليها , طلعها بره المقارنة على طول

[mohamedbook]

الصني عربيه مفيهاش مشاكل جوهرية مشكلها بسيطة جدا
اما الاوبتر علبة الدركسيون اساسي فيها توكلها زفت من كلام الاغضاء لم اقراء لاحد شكر في التوكيل بتاعها
توكيل نيسان توكيل محترم عن تجربة
صاج الصني متين
صاج الاوبترا ضعيف جدا
تقفيل الصنيي كويس مش معني انة مصري انه منيل بستين نيلة طاقم الاشراف كلة من اليابان

[Hosam_Optrawy]

أكيد مش بجرى فوق ال 120 خصوصن انى على طريق اسيوط سوهاج " معروف طبعن "

عين العقل ربنا يستر طريقك

بيقولو انه بقا زيت

معلوماتى انه كهربا ومازال كهربا

حالها حال اغلب العربيات الجديدة

لا مش اغلبها فى عربيات كتير مبتوطاش

انا سمعتو عن الاكسنت عشان كده سحبت الحجز ... بس كمان الايلنترا ؟؟؟؟؟؟؟؟؟

ايوه بتحصل فى الالنترا بس دا مش معناه ان كل الالنترا كدا , لكن وارد يحصل عشان كدا قولتلك خليك فى الاوتوماتيك اضمن واريح

امال الصنى اللى متقفلة فى مصر ... يا لهوى مش عارفين نركب السى دى !!!!!!

[Abo.Mayyam]

إيرباجز و فرامل مانعة للإنغلاق و بعدين نتكلم

أي عربية مفيهاش وسائل أمان متستحقش نتكلم عليها , طلعها بره المقارنة على طول

الصنى يا باشا اللى فيها فرامل ABS EBD هى الإختيار الأمثل

كفاية إن فيها وسائل أمان محترمة وصاجها أنشف من الإلنترا

زائد إن الإلنترا بتحك فى المطبات بطريقة مستفزة

الدريكسيون باور ناعم جدا (لسه كهرباء زى ما هو)

ومافيهاش أى وسيلة أمان زاءد إن سعرها مغالى فيه بطريقة مستفزة
الميزة الوحيدة فى الإلنترا هى إنها واسعة جدا من جوة

وأخيرا إستخير ربنا يا باشاوإن شاء الله هيوفقك للخير

[just_magdy1]

انا معايا النترا 2010 اتوماتيك واشتريت وسوقت عربيات كتير وانا من النوع اللى دايما متعطش لتغيير العربيات ومع ذلك بقولك الالنترا عربية ممتازة ولما تيجى تقارن اداءها قارن بينها وبين الكورولا مش الصنى مع احترامى لملاك الصنى

[Abo.Mayyam]

انا معايا النترا 2010 اتوماتيك واشتريت وسوقت عربيات كتير وانا من النوع اللى دايما متعطش لتغيير العربيات ومع ذلك بقولك الالنترا عربية ممتازة ولما تيجى تقارن اداءها قارن بينها وبين الكورولا مش الصنى مع احترامى لملاك الصنى

فعلا تتقارن بالكورولا عشان الإتنين بيستهبلوا فى أسعارهم

[bona]

:ta_clap[1]:

الصنى يا باشا اللى فيها فرامل abs ebd هى الإختيار الأمثل

كفاية إن فيها وسائل أمان محترمة وصاجها أنشف من الإلنترا

زائد إن الإلنترا بتحك فى المطبات بطريقة مستفزة

الدريكسيون باور ناعم جدا (لسه كهرباء زى ما هو)

ومافيهاش أى وسيلة أمان زاءد إن سعرها مغالى فيه بطريقة مستفزة
الميزة الوحيدة فى الإلنترا هى إنها واسعة جدا من جوة

وأخيرا إستخير ربنا يا باشاوإن شاء الله هيوفقك للخير

يمكن تكون الصنى كعربية أشد بس عيوب التقفيل المصرى ما بتخلصش و دى حاجة مش قليلة و توقف قدامك لأن تمنها مش قليل
انا فعلن اكتر حاجة عاجبانى فى الايلنترا التقفيل بتاعها جامد
بجد محتااااااااااااااااار

[bona]

الصني عربيه مفيهاش مشاكل جوهرية مشكلها بسيطة جدا
اما الاوبتر علبة الدركسيون اساسي فيها توكلها زفت من كلام الاغضاء لم اقراء لاحد شكر في التوكيل بتاعها
توكيل نيسان توكيل محترم عن تجربة
صاج الصني متين
صاج الاوبترا ضعيف جدا
تقفيل الصنيي كويس مش معني انة مصري انه منيل بستين نيلة طاقم الاشراف كلة من اليابان

معلوماتك واضحة و صريحة عن الاوبترا بس انا كنت بسأل عن الالنترا :d

[slim_shika]

إيرباجز و فرامل مانعة للإنغلاق و بعدين نتكلم

أي عربية مفيهاش وسائل أمان متستحقش نتكلم عليها , طلعها بره المقارنة على طول

+1
سلامتك أولا - واي حاجة تانية مقدور عليها..

[slim_shika]

ا ولما تيجى تقارن اداءها قارن بينها وبين الكورولا مش الصنى مع احترامى لملاك الصنى

كورولا mmt ؟؟؟

[bona]

+1
سلامتك أولا - واي حاجة تانية مقدور عليها..

يا جماعة الاتنين فيهم abs w air bags
على ايه الاختلاف