اوكتافيا فانتازيا -- MBW 316i

[wael17]

ممكن حد يساعدني في الاختيار الصعب ده
انا هاشتري عربية في حدود 200 الف بعد التفكير انحصر اختياري بين سكودا اوكتافيا فانتازيا في حدود 190 الف جنيه و BMW 316i في حدود 209 الف
و دي مميزات كل عربية:

Skoda Octavia Fantasia 1.6
جميع الكماليات و تشمل فتحة سقف, ثلاجة,حساسات اكصدام, رشاشات فوانيس
عربية ألماني ...انا عرفت ان سكودا تم شرائها من قبل فولكس فاجن
منتشرة في السوق المصري و اثبتت كفائتها
بس عيوبها: ان الشكل ده قديم قوي باستثناء تغير شكل الفوانيس الامامية لكن الشكل العام للاوكتافيا لم يتغير منذ عده اعوام

BMW316i
-طبعا ال بي ام دي حاجة تانية و حلم كل من يهوي قيادة السيارات و هي من اعرق شركات تصنيع السيارات علي مستوي العالم
-ال بي ام فيها هندسة و تكنولوجيا الماني علي اعلي مستوي
ولكن السعر الذي يمكنني دفعه هو سعر اقل فئة...مانيوال..بدون فتحة سقف...بدون IDRIVE
يعني بيزلاين و كماليات اقل من الاوكتافيا هاي لاين بكتير

انا مش عارف اختار...انا عاجبني قوي الاتنين بس نفسي اركب عربية علامتها ابيض في ازرق مش اخضر...بس خايف اكون باضحي بحاجات كتير عشان العلامة دي...الناس اللي عندها بي ام و اوكتافيا ممكن يساعدوني...شكرا

[TheBuccaneer]

حضرتك مش بتشترى كماليات, بتشترى عربية. الأسكودا اوكتافيا ممتازة جدا. لكن ال BMW غنية عن التعريف. هو أولا بس ممكن حضرتك تقول موديل ال Skoda و ال BMW.
من رأى BMW مهما كانت. لأن فتحة السقف, الحساسات, رشاشات الفوانيس,... مش هى ده اللى تميز السيارة لكن بصراحة حضرتك هتخسر كثير إذا كان فى امكانياتك تركب BMW و لم تفعل. الأمكانيات الموجودة بالأسكودا ممكن حضرتك على مهل تركب شىء فشىء لكن العربية عشان تشتريها ثم تبيعها ثم تشترى حاجة ثانية نظيفة بيكون صعب.

حضرتك ممكن تكتب لى موديل ال BMW و أنا ممكن اعرف لحضرتك الأمكانيات؟

[ahmedassem]

طبعا اوكتفيا او باسات او جيتا اى حاجة غير عربية مانيول ب200 الف مهما كان الاسم

[TheBuccaneer]

المانيوال مش وحش لهذة الدرجة, يمكن أحسن من الأتوماتيك!
حضرتك ممكن تشوف سيارات ال Racing أو السيارات التى ذات السرعات العالية Ferrari, Lamborgihni, .... حضرتك هتلاقيها كلها مانيوال مش أتوماتيك و كان يستحن غن سيارات مثل هذه تكون أتوماتيك بدلا من مانيوال, الأشخاص الذين يركبون مثل هذه السيارات يريدون إن يستريحوا من تغير السرعات!
عالعموم حضرتك مش بتشترى اية عربيه ب 200 ألف جنية, حضرتك بتشترى BMW! يعنى مش اية سيارة و خلاص. كثير من الناس مع الأسف عندها ثقافة إمكانيات السيارة و ليست نوعها يعنى هناك من يقول إن الأويل أحسن من البى إم دبليو أو إن التويوتا كورولا أحسن من الأوبل فيكترا .... إلخ.
دليل أخير على إن المانيوال أحسن من الأتوماتيك. إن حضرتك ممكن تحول المانيوال إلى أتوماتيك لكن العكس مش ممكن.

[wael17]

حضرتك ممكن تكتب لى موديل ال bmw و أنا ممكن اعرف لحضرتك الأمكانيات؟

الاسعار اللي انا شفتها كانت اوكتافيا 2010 و بي ام 316 2009 انا عايز اخر موديل من دي او دي بس مالقتش موديل 2010 لل بي ام علي كونتاكت كارز و بصراحة مارحتش توكيل دي ولا دي..انا لسه في مرحلة جمع المعلومات علي الانترنت و بعدين ابتدي اشوف التوكيل
يا ريت يكون عندك معلومات تفصيلية عن البي ام 316 هل فعلا سعرها نزل من 230 الي 209 و ايه اسعار 2010 و لا لسه مانزلتش...وايه الكماليات الي فيها...مهما كان دي بي ام اكيد مش ازاز كهربا و تكيف وخلاص...بس اللي انا اتاكدت منه ان مفيش اي دريف و تكلفه تركيبه عالية جدا...لو عندك معلومات مفصلة يبقي كتر خيرك

[Ahmed Hassan]

دليل أخير على إن المانيوال أحسن من الأتوماتيك. إن حضرتك ممكن تحول المانيوال إلى أتوماتيك لكن العكس مش ممكن.

هوه ده مش دليل على حاجه. و على فكره عادى.. التغيير من اوتو لمانيول و العكس ممكن.

[MohamedGafar]

صعب إنك تسوق مانيوال فى مصر! خاصة لو سنك من أواخر الثلاثينات وإنت طالع! أو زي حالاتي أول الأربعينات! ياراجل دا أنا إمبارح كنت فى مشوار فى الهرم إتزنقت فى شارع الهرم! طلعت على المنيل إتزنقت فى القصر العيني! سلكت على الشيخ ريحان لغاية عابدين ومصطفى كامل بعديهم النفق إتزنقت فى صلاح سالم ثم العروبة!!!! قضيت حوالى ساعتين ورجلى اليمين وقفت على الرغم من إني سايق أوتوماتيك!!! مش متخيل وضعي إيه لو كنت سايق مانيوال!!!!!!!

مصر محتاجة عربية أوتوماتيك! دي حاجة أنا متأكد منها 100% أيا كان نوعها!

تحياتي.

[Abo_Lina]

ممكن تحول المانيوال إلى أتوماتيك لكن العكس مش ممكن.

Steptronic !!
بس إعذرني هي النقطة دي بتثبت إيه ?
فعلا المانيوال أفضل في التجميع و التسارع في الطرق المفتوحة و لكن بلدنا كلها طرق مزدحمة ..
لذا فأنا مع الأوكتافيا اللي شكلها بقى أجمل بعد الفيس ليفت

[Hesham256]

المانيوال مش وحش لهذة الدرجة, يمكن أحسن من الأتوماتيك!
حضرتك ممكن تشوف سيارات ال Racing أو السيارات التى ذات السرعات العالية Ferrari, Lamborgihni, .... حضرتك هتلاقيها كلها مانيوال مش أتوماتيك و كان يستحن غن سيارات مثل هذه تكون أتوماتيك بدلا من مانيوال, الأشخاص الذين يركبون مثل هذه السيارات يريدون إن يستريحوا من تغير السرعات!
عالعموم حضرتك مش بتشترى اية عربيه ب 200 ألف جنية, حضرتك بتشترى BMW! يعنى مش اية سيارة و خلاص. كثير من الناس مع الأسف عندها ثقافة إمكانيات السيارة و ليست نوعها يعنى هناك من يقول إن الأويل أحسن من البى إم دبليو أو إن التويوتا كورولا أحسن من الأوبل فيكترا .... إلخ.
دليل أخير على إن المانيوال أحسن من الأتوماتيك. إن حضرتك ممكن تحول المانيوال إلى أتوماتيك لكن العكس مش ممكن.

أنا علق عن حاجة واحدة بس و هي الracing.....
الFerrari و الLamborghini.....
بيبقو اوتوميك و لكن مش بTORQUE CONVERTER لأ....
بيبقي الفتيس DCT يعني DUAL-CLUTCH TRANSMISSION......
و ده نقلاته سريعة جدا و عبارة عن دبرياجين واحد لل1و3و5و7 و التاني لل2و4و6وR.....
أو ممكن فتيس SMG و هو SEQUENTIAL-MANUAL GERABOX و ده زي اللي في الموتسيكلات الRACE و بيستخدموه في العربيات الRALLY و هو مش زي الH PATTERN يعني لازم تعدي علي كل غيار مينفعش تنط من الاول للتالت مثلا....و مش لازم تسيب بنزين و انت بتنقل....
و حاجة انية هو العربية نوع و لا امكانيات؟؟؟؟؟؟
يعني لما اركب BMW عشان اسم...استفدت ايه؟؟؟؟؟
العربية عمرها مكانت اسم و الا مكنش يبقي في عربيات غير الالماني.......
و شكراً....

[yasserelsayad]

انا شايف ان الاوكتافيا احسن بكيتر من ال316
عشان ال316 فاضية خالص و مش هتحس انك راكب بى ام بل بالعكس كل لما تشوف الاوكتافيا و الكماليات اللى فيها هتضايك شوية من اختيارك.

[TheBuccaneer]

انا عالعموم شكرا لكل الردود لأنها ردود محترمة. انا من عشاق ال BMW لكن بفضل ال E36 و ال E46 لكن الجديد أنا مش خبير به و بأمكانياته لكن أنا مهتم بالموديلات ده فقط. عالعموم ممكن يكون كلام الأخوة صحيح, منذ أن بدأت BMW أن تقفل فى مصر و أصبحت بها أشياء مش عجبانى شخصيا.
بالنسبة للأستاذ Hesham256 كلامك مضبوط 100% لكن الأغلبية الموجودة و المقصود بالأغلبية هو ركاب هذه الفئات من السيارات يفضلون المانيوال عن الأتوماتيك لأنهم يحسون بمتعة القيادة عند تحويل من سرعة لأخرى و هذا كان قصدى فهل حضرتك عندك تعقيب على هذا الكلام أنا أفضل معرفة رأيك!. بالنسبة للأستاذ Ahmed Hassan التحويل من أتوماتيك للمانيوال هيتطلب شغل أكثر من التحويل من مانيوال لأتوماتيك اعتقد حضرتك متفق معايا فى هذه النقطة
ثانيا: عند التحويل من اتوماتيك إلى مانيوال ماذا سوف يفعل لتركيب بدال الدبرياج هل سيضطر إلى فتح فى جسم السيارة من الأمام لتركيبه؟.
أتفق مع كل الأخوة على إن بلدنا تحتاج إلى الأتوماتيك لأنها أصبحت مزدحمة بطريقة رهيبة فى بعض الأماكن.
حضرتك فى النهاية لك القرار لكن نصيحة, حضرتك شوف ال BMW المعروضه على حضرتك و اركبها و شوف إمكانياتها. ثم شوف الأسكودا و شوف إمكانيتها واركبها عشان حضرتك تكون جربت ده و جربت ده عشان اما تتخذ القرار تكون قد قمت بالتجربة ويكون اختيارك على يقين أنه الأفضل بالنسبة اليك.
لأن مثل ما أقول دائما ما يعجبك قد لا يعجب الناس و العكس صحيح.

[Hesham256]

ا
بالنسبة للأستاذ hesham256 كلامك مضبوط 100% لكن الأغلبية الموجودة و المقصود بالأغلبية هو ركاب هذه الفئات من السيارات يفضلون المانيوال عن الأتوماتيك لأنهم يحسون بمتعة القيادة عند تحويل من سرعة لأخرى و هذا كان قصدى فهل حضرتك عندك تعقيب على هذا الكلام أنا أفضل معرفة رأيك!.

لااااااااااااااااا.....
المانيوال ده ليه متعته الخاصة و انا من عشاقه و عملت دريفت ببي ام مانيوال 2300 سي سي.....
انا كلامي ان الفتيس جلوقتي بقه سريع جدا في النقلات و ذات تكنولوجيا عالية غطت علي المانيوال....
لكن لو هلعب بقه و دريفت و كده يبقي مانيوال وش....
و شكراً...

[Batman372]

- سلبيه ال بى ام 316 المانيوال و الاوبشنات.
فلو حضرتك بتحب القياده و قوه الموتور طبعا البى ام.

- ميزه الفانتازيا الشكل الجديد و مجموعه الاوبشنات و الاستبترونيك.

[Ahmed Hassan]

بالنسبة للأستاذ ahmed hassan التحويل من أتوماتيك للمانيوال هيتطلب شغل أكثر من التحويل من مانيوال لأتوماتيك اعتقد حضرتك متفق معايا فى هذه النقطة
ثانيا: عند التحويل من اتوماتيك إلى مانيوال ماذا سوف يفعل لتركيب بدال الدبرياج هل سيضطر إلى فتح فى جسم السيارة من الأمام لتركيبه؟.

بالعكس... من مانيوال لاوتوماتيك اكيد هتحتاج كنترول يونت و ممكن تحتاج كنترول فتيس لو العربيه ليها كنترول فتيس منفصل. و كمان ضفيره ليه.

في الحالتين هتغير البدالات... و بداله الدبرياش مكانها موجود و جاهز في جسم العربيه هيه و الفتحات بتاعته حتى لو اوتوماتيك.

عموما التحويل في الحالتين ممكن و مفيهوش مشاكل طالما القطع موجوده.

[Ahmad Allawy]

لو سعاتك هتدفع كاش.. يبقي ممكن جدا تعمل حاجة كويسة جدا..

في توكيل بي ام.. في عربيات مستعملة بتتباع عن طريق التوكيل.. و بتبقي مستعملة في حالة الزيرو فعلا.. و بتاخد العربية عليها ضمان فعلا.. و في الحالة دي ممكن تجيب مثلا مستعملة استعمال خفيف جدا - الف كم مثلا.. بضمان التوكيل.. بنفس السعر..!!!!