نيو اكسنت ولا رينو لوجان ولا كيا ريو.حد يرد عليا ؟؟؟

[mr_sameh]

النيو اكسنت افضل

[3ateef]

لو سمحت بعد اذان حضرتك ياريت بلاش نجرح فى بعض ......لوكان راى الناس مجروح بيقى راى حضرتك كمان مجروح لانك مش من ملاك العربيه يعنى لا يوجد عندك حضرتك اى معلومه موضوعيه ممكن تقولها....

الدليل راى حضرتك عن صاج العربيه والارتفاع وصوت الماتور....

بالمناسبه انا لما بقفل الزجاج بكون مش عارف العربيه دايره ولا لا....والله انا خايف مره ابوظ المرش...

نصيحه لوجه الله....لنفسى اولا...قبل اى حد

"من قال لا اعلم فقد افتى"

ولو اللوجان عربيه تعبانه زى ماحضرتك قولت يبقى المنتدى فيه 145 واحد ...خدو بمبه

http://www.nilemotors.net/nile/108618-a-17.html

انا حاسس ان محدش بيقرى الكلام اللى انا بكتبه وكل واحد بيدخل يقول الكلام اللى عنده بغض النظر عن المكتوب ويخرج....مع كامل احترامى للجميع...
ربنا العالم ان انا نيتى غير مقصود بيها جرح او اهانة من قريب او بعيد لأى شخص فى المنتدى..

انا فعلا مش من ملاك العربية بس ركبتها وسوقتها.....
بالنسبة لحكاية الصاج الضعيف...فأنا مش بقول كلام فى الهوا...انا كلامى مبنى على موقف حصل..
العربية كانت داخلة تركن فى الجراج وفى زى رف خشب معمول فى مستوى العتب بتاع العربية
وبمجرد ما لمست العتب مع العلم ان السرعة لاتتعدى 10 كم/ساعة ..الا ان الصاج دخل لجوه بشكل مش حقول بشع ...لكن داخل جوه جدا...
وبالنسبة لارتفاع صوت الموتور وقفل الزجاج ...فأنا حضرتك مش من هواة تشغيل التكيف فى العربية ...والعادى والطبيعة بالنسبة ليا انى ببقى فاتح الزجاج اللى جنبى...وأكيد بالنسبة لى حيبقى صوت الموتور عالى....
"وبالمناسبة حضرتك بالنسبة لنقطة ان الزجاج يبقى مقفول وانا مش سامع صوت الموتور ف احنا كده بنتكلم عن ((العزل)) وليس صوت الموتور..."

حضرتك انا مش بفتى فى حاجة انا معرفهاش لأن الكلمة امانة....

انا مقولتش ان اللوجان عربية تعبانة وحضرتك تقدر تراجع كل الكلام اللى انا كتبته فوق...
انا قلت انها خارج المنافسة مع عربيتين تانى اعلى منها فى المستوى...والدليل ان معظم الاعضاء اللى دخلوا يرشحوا للاستاذ اسلام عربية قالوا نيو اكسنت...
وبالنسبة لل 145 عضو اللى معاهم لوجان,,,ربنا يسعدهم بالعربية ويديهم خيرها ويكفيهم شرها هم وكل الناس....
وفى الاول وفى الاخر دا مجرد رأى شخصى بدون تعمد اهانة او تجريح لاى شخص...

[AbO_FaRaH]

انا حاسس ان محدش بيقرى الكلام اللى انا بكتبه وكل واحد بيدخل يقول الكلام اللى عنده بغض النظر عن المكتوب ويخرج....مع كامل احترامى للجميع...
ربنا العالم ان انا نيتى غير مقصود بيها جرح او اهانة من قريب او بعيد لأى شخص فى المنتدى..

انا فعلا مش من ملاك العربية بس ركبتها وسوقتها.....
بالنسبة لحكاية الصاج الضعيف...فأنا مش بقول كلام فى الهوا...انا كلامى مبنى على موقف حصل..
العربية كانت داخلة تركن فى الجراج وفى زى رف خشب معمول فى مستوى العتب بتاع العربية
وبمجرد ما لمست العتب مع العلم ان السرعة لاتتعدى 10 كم/ساعة ..الا ان الصاج دخل لجوه بشكل مش حقول بشع ...لكن داخل جوه جدا...
وبالنسبة لارتفاع صوت الموتور وقفل الزجاج ...فأنا حضرتك مش من هواة تشغيل التكيف فى العربية ...والعادى والطبيعة بالنسبة ليا انى ببقى فاتح الزجاج اللى جنبى...وأكيد بالنسبة لى حيبقى صوت الموتور عالى....
"وبالمناسبة حضرتك بالنسبة لنقطة ان الزجاج يبقى مقفول وانا مش سامع صوت الموتور ف احنا كده بنتكلم عن ((العزل)) وليس صوت الموتور..."

حضرتك انا مش بفتى فى حاجة انا معرفهاش لأن الكلمة امانة....

انا مقولتش ان اللوجان عربية تعبانة وحضرتك تقدر تراجع كل الكلام اللى انا كتبته فوق...
انا قلت انها خارج المنافسة مع عربيتين تانى اعلى منها فى المستوى...والدليل ان معظم الاعضاء اللى دخلوا يرشحوا للاستاذ اسلام عربية قالوا نيو اكسنت...
وبالنسبة لل 145 عضو اللى معاهم لوجان,,,ربنا يسعدهم بالعربية ويديهم خيرها ويكفيهم شرها هم وكل الناس....
وفى الاول وفى الاخر دا مجرد رأى شخصى بدون تعمد اهانة او تجريح لاى شخص...

بص ياباشا بالنسبه لموضوع صاج العربيه ...الموضوع اللى حصل معاك ده موضوع فردى...يعنى مفيش حد يعرف السرعه الفعليه او زوايه الخبطه او مادى قوه الجسم اللى خبطت فيه.....

اما بالنسبه لصوت الموتور كل ملاك اللوجان اجمعوا عليه...بس هو بكون واضح والعربيه واقفه...بالنسبه ليه ...انا فقل الزجاح سوء احنا فى الصيف او الشتاء....عشان لا احب ازعاج الموجود فى الشارع......بامانه بحسن انى مش سامع حاجه.....

اما بالنسبه انك جربت العربيه....سواء مره او مرتين.....لكن العربيه مع الملاك كان يوم فهم اولى بالتقيم....مع احترامتى الشديد لراى حضرتك.....

اما عن موضوع المقارنه....فا اصلا اللوجان مش فى نفس الشريحه السعريه....لكن صاحب الموضوع عاوز كده....فا راى الناس هنا قائم على انك لو عاوز توفر شويه فلوس وتاخد عربيه محترمه زيرو....بيقى اشترى اللوجان......

فى النهايه ....انا راى على اساس ....وجهه نظر حضرتك....لان كل ما حد يتكلم حضرتك تقوله ان رايه مجروح.......طيب بقى فين الهدف من المنتدى...لما اى حد يتكلم لازم يكون رايه غير موضوعى...معلش يا باشا راى حضرتك يتعارض مع الهدف الاساسى للقسم.....

الهدف من وجه نظرى مش مقارنه فقط....لكن الهدف من قسم المقارنه هو نقل تجارب واقعيه...
لمساعده الاخوه على الاختيار....فلا يجوز ان احجر على راى حضرتك واقول انه مجروح

ويا باشا....الاختلاف فى الراى لا يفسد للود قضيه....
وانا سعيد بالتعرف على حضرتك

تحياتى
test50

[3ateef]

بص ياباشا بالنسبه لموضوع صاج العربيه ...الموضوع اللى حصل معاك ده موضوع فردى...يعنى مفيش حد يعرف السرعه الفعليه او زوايه الخبطه او مادى قوه الجسم اللى خبطت فيه.....

اما بالنسبه لصوت الموتور كل ملاك اللوجان اجمعوا عليه...بس هو بكون واضح والعربيه واقفه...بالنسبه ليه ...انا فقل الزجاح سوء احنا فى الصيف او الشتاء....عشان لا احب ازعاج الموجود فى الشارع......بامانه بحسن انى مش سامع حاجه.....

اما بالنسبه انك جربت العربيه....سواء مره او مرتين.....لكن العربيه مع الملاك كان يوم فهم اولى بالتقيم....مع احترامتى الشديد لراى حضرتك.....

اما عن موضوع المقارنه....فا اصلا اللوجان مش فى نفس الشريحه السعريه....لكن صاحب الموضوع عاوز كده....فا راى الناس هنا قائم على انك لو عاوز توفر شويه فلوس وتاخد عربيه محترمه زيرو....بيقى اشترى اللوجان......

فى النهايه ....انا راى على اساس ....وجهه نظر حضرتك....لان كل ما حد يتكلم حضرتك تقوله ان رايه مجروح.......طيب بقى فين الهدف من المنتدى...لما اى حد يتكلم لازم يكون رايه غير موضوعى...معلش يا باشا راى حضرتك يتعارض مع الهدف الاساسى للقسم.....

الهدف من وجه نظرى مش مقارنه فقط....لكن الهدف من قسم المقارنه هو نقل تجارب واقعيه...
لمساعده الاخوه على الاختيار....فلا يجوز ان احجر على راى حضرتك واقول انه مجروح

ويا باشا....الاختلاف فى الراى لا يفسد للود قضيه....
وانا سعيد بالتعرف على حضرتك

تحياتى
test50

انا سعيد جدا لان حضرتك قريت الكلام اللى كتبته....
عندك حضرتك حق....بس انا اختلف مع حضرتك فى نقطة التعارض مع هدف القسم....
انا كل اللى عايزه ببساطه ان يبقى فى حيادية فى الرأى مش اكتر ولا اقل...واسمحلى حضرتك..
قلة قليلة جدا جدا جدا من الناس ممكن تقول ان العربية بتاعتها فيها عيوب,,,ولكن الشريحة العظمى من البشر بتصور العربية اللى معاها انها ملاك خالى من العيوب ومثال فى الراحة والجودة و...الخ
لاسباب لا يعلمها الا الله....

يا باشا بجد والله انا اسعد بالتعرف على حضرتك...
فرصة سعيدة جدا جدا...ولنا لقاء فى القريب بأذن الله...

[SharpArrow]

الاكسنت 112 حصان
الريو 97 حصان
اللوجان 90 حصان ب 8 صباب
كقوة موتور وسحب طبعا الاكسنت كصالون ووسع ووجودة خامات الريو واللوجان
مشكلة الريو فعلا انها مش منتشرة واحد اسباب ذلك ارتفاع ثمنها شوية
اعتقد انك ممكن تفكر ما بين الاكسنت والريو بس توكيل الكيا افضل شوية من هيونداي وتوكيل اللوجان هو هو كيا

مظبوط و ده نفس الكلام اللى كنت هقوله بالضبط

فعلا الاكسنت افضل موتوريا

و الوسع و العلو للوجان (مع ملاحظة ان النيو اكسنت مش واطية لا هي مش عالية زي اللوجان بس انا شايف انها مناسبة للطرق المصرية برضه) و على فكرة انا شايف (رأي الشخصي) ان علو اللوجان زيادة عن اللزوم شوية لان ده مبيحققش الثبات المطلوب على الملفات في السرعات العالية و ده بعكس النيو اكسنت اعتقد انها مفيهاش المشكلة دي

هو الفرق بينهم 6000 بس (مابين اللجوان فول اوبشن و النيو اكسنت) بس انا اختار النيو اكسنت
و عشان ابقى صريح اكتر انا اصلا متحيز للاوربي اكتر بس انا شايف ان النيو اكسنت افضل من اللوجان (موتور و تقفيل و اتزان) و دول اهم عندي من الوسع

و على فكرة انا مش شايف ان استاذ عاطف متحيز لحاجة ولا بيقول حاجة غلط انا شايف ان كلامه منطقي جدا و حاسس بالتعصب من كل جهة سواء ملاك اللوجان او النيو اكسنت
يا ريت نهدى شوية لان دي مجرد اراء مبنية على تجارب و اعتقد ان مفيش حد هنا له مصلحة ان يعيب عربية و يشكر في غيرها

في الاخر صاحب الموضوع مش هيهمه المناقشات الحادة دي في اي حاجة و في الاخر هيجيب العربية اللى داخلة دماغة

لان ال 3عربيات ممتازة مع شوية فروق زي اللى ذكرتها

[abcdefghi]

NEW Accent is the best

[3ateef]

مظبوط و ده نفس الكلام اللى كنت هقوله بالضبط

فعلا الاكسنت افضل موتوريا

و الوسع و العلو للوجان (مع ملاحظة ان النيو اكسنت مش واطية لا هي مش عالية زي اللوجان بس انا شايف انها مناسبة للطرق المصرية برضه) و على فكرة انا شايف (رأي الشخصي) ان علو اللوجان زيادة عن اللزوم شوية لان ده مبيحققش الثبات المطلوب على الملفات في السرعات العالية و ده بعكس النيو اكسنت اعتقد انها مفيهاش المشكلة دي

هو الفرق بينهم 6000 بس (مابين اللجوان فول اوبشن و النيو اكسنت) بس انا اختار النيو اكسنت
و عشان ابقى صريح اكتر انا اصلا متحيز للاوربي اكتر بس انا شايف ان النيو اكسنت افضل من اللوجان (موتور و تقفيل و اتزان) و دول اهم عندي من الوسع

و على فكرة انا مش شايف ان استاذ عاطف متحيز لحاجة ولا بيقول حاجة غلط انا شايف ان كلامه منطقي جدا و حاسس بالتعصب من كل جهة سواء ملاك اللوجان او النيو اكسنت
يا ريت نهدى شوية لان دي مجرد اراء مبنية على تجارب و اعتقد ان مفيش حد هنا له مصلحة ان يعيب عربية و يشكر في غيرها

في الاخر صاحب الموضوع مش هيهمه المناقشات الحادة دي في اي حاجة و في الاخر هيجيب العربية اللى داخلة دماغة

لان ال 3عربيات ممتازة مع شوية فروق زي اللى ذكرتها

بارك الله فيك...

[Beam28]

انا قعدت في اللوجان والساجا اكتر من عشر مرات (بدون تجربة قيادة) وفي كل مرة كنت أميل للساجا اكثر بس في الآخرقررت ارفع الميزانية و اخترت النيو اكسنت لعدة اعتبارات اهمهم الاوتوماتيك واعتمادية هيونداي العالية ورخص وتوفر قطع الغيار وسهولة اعادة البيع

[zkralla]

اللى معاه لوجان ممكن يقولى مميزاتها و عيوبها؟؟؟؟

مميزات اللوجان

ماتور محترم ومعمره ( يعنى ممكن يكون ماتور اعلى فى القدره بس بيتفك عند نص المده الى يتفك عندها ماتور لوجان )
عاليه جدا عن الارض مع ( ديه عن تجربه ملاك كتير ) ثبات رائع
واسعه جدا من جوه قوى وشنطه واسعه بطريقه مبالغ فيها
صاج محترم جدا واحسن ومفيش صاج افضل الا صاج اللادا و516(على فكره ال 516 قوى جدا )
تقفيل افضل من الساجا وخامات داخليه افضل من الساجا بكتير لكن النيو اكسنت تقفيل افضل
موفره جدا فى البنزين ( متوسط 6 لتر لكل 100 كيلو)
فرامل محترمه
عفشه ناعمه خالص
عزل رائع لما تقفل القزاز تحس أنك بتتفرج على فيلم صامت ومش سامع حاجه خالص من بره العربيه
أمان عالى (3 نجوم )
توكيل محترم جدا

عيوب اللوجان

معظم العيوب عيوب بسيطه والتوكيل بيظبها بدون مشاكل
اهتزاز بسيط فى الفتيس والعربيه على المور
سخونه عند دواسه البنزين ( التوكيل حلها جزريا بتركيب عازل )
بعض الناس عندهم عضه فى الفتيس ( التوكيل حلها )
صوت الماتور عالى سنه بسيطه (لكن مش مسموع نهائى جوه العربيه )
باور الفيرنا واللانوس اخف من باور اللوجان (فى ناس بتعتبر ده ميزه عشان بيدى أمان على السرعات العاليه بس أنا بعتبره عيب )
العربيه نفس الماتور بس 2 كامه بيولد 110 حصان لكن الكامه بيولد 90 حصان بس وده كان الهدف تقليل تكلفه الماتور وتوفير البنزين ( يعنى ببساطه مفيش فرق تكنولجيا بينه وبين مواتير الفئه الاعلى )
اسعار فطع غيار مرتفعه نسبيا لكنها معمره اكتر ومع انتشار العربيه هتبقى قطع الغيار بره متوفره وخيصه

[Eng.Geo]

ممكن صاحب الموضوع يحط متتطلباته؟

العربيه نفس الماتور بس 2 كامه بيولد 110 حصان لكن الكامه بيولد 90 حصان بس وده كان الهدف تقليل تكلفه الماتور وتوفير البنزين ( يعنى ببساطه مفيش فرق تكنولجيا بينه وبين مواتير الفئه الاعلى )

اسمحلي يا أ/ هاني
ال8 كامة استهلاكه اعلي من ال 16
ممكن حضرتك تقرا اللينكين دول
Multi-valve - Wikipedia, the free encyclopedia
Adding more valves improves the flow of intake and exhaust gases, potentially improving combustion efficiency, power, and performance

WikiAnswers - What is the purpose of a car valves and what is the difference between a 12 valve and a 16 valve engine.
By increasing the # of valves you get the below features. a) better combustion chamber shape, resulting in better combustion, resulting in better power and fuel economy

[Eng.Geo]

[quoteال8 كامة استهلاكه اعلي من ال 16][/quote]
عفوا
اقصد صباب بدل كامة

[fergoo]

يا جماعة ياريت حد معاه اللوجان يقولى عزم موتوورها وقوته فى المطالع والطرق الصعبة مستواه عامل ازاى للاهمية

[ayman1204]

يا جماعة ياريت حد معاه اللوجان يقولى عزم موتوورها وقوته فى المطالع والطرق الصعبة مستواه عامل ازاى للاهمية

10 على 10

عندنا فى حلوان ولو تعرف حلوان هتعرف انها فى مناطق كتير عالية
والعربية انتشرت فى حلوان بطريقة رهيبة ومخفية

[MohssenRashed]

انا عجبني الريو عشان تعتبر شكلها جديد الاكسنت بقالها فترة بنفس الشكل.

[cyborg_ift]

انا بفضل النيو اكسنت