الدايو نوبيرا ولا البيجو 405

[eljazeera77]

واضح انو مفيش فايده من الاحتجاج

[amado ibrahim]

يا راجل تبقى من الشرقية بلد البيجو وتسأل تركب بيجو ولا نوبيرا
على فكرة اسعار قطع الغيار للبيجو ال 405 عندكم ارخص من عندنا فى القاهرة (بالنسبة للاستيراد)
اما بالنسبة لقطع الغيار الجديدة فهى اكيد اغلى من النوبيرا لكن اطول عمرا
بردة مرة تانية الامر راجع لاحتياجك من العربية
وربنا يوفقك للاصلح

[eljazeera77]

يا راجل تبقى من الشرقية بلد البيجو وتسأل تركب بيجو ولا نوبيرا
على فكرة اسعار قطع الغيار للبيجو ال 405 عندكم ارخص من عندنا فى القاهرة (بالنسبة للاستيراد)
اما بالنسبة لقطع الغيار الجديدة فهى اكيد اغلى من النوبيرا لكن اطول عمرا
بردة مرة تانية الامر راجع لاحتياجك من العربية
وربنا يوفقك للاصلح

النتا عندك حق اكيد فى ان قطع الغيار الاستيراد بتاعت لبيجو ارخص فالزقازيق من القاهره بس اغلى من النوبيرا المشكله ان فعلا سعر اعاده البيع فالبيجو صعبه فعلا
والله انا كان قدامى 405 بيضه تحفه موديل مش فاكر اوى تقريبا 94 عارفين اتباعت بكام 32الف ولما سألت عن سبب رخصها قالولى قطع الغيار ورغم كده انا كنت محتار وقلت اكلم الشباب الى انا اثق فيهم فالمنتدى وتقريبا وصلولى نفس المعلومه انتا عارف ظروفنا كشباب الدخل وانتا عارف التكمله فانا عايز حاجه متغلبنيش فتصليح ولو حبيت ابيع الاقى مشترى ومخصرش كتير وفى نفس الوقت تكون عربيه واسعه تكفى اسرتى لاننا والحمد لله 5 دلوقتى اتجوزت بدرى بقا 00000جوزونى ههههههههههههه الحمد لله
شاكر على الرد
بالمناسبه عمرى 32 سنه اتخطفت بدرى يا رجااااااله قصدى اتجوزت بدرى والحمد لله انتو عارفين سلو الشراقوه

[تامر.محمد]

بالمناسبه انا بحتج هههههههههههههههههه
بقالى سنه مشترك ولسه عضو جديد امتى يا جدعان اكون حتى عضو بس بلاش دهبى خلوها فضى انا مش طمعان هههههههههههه
سلام

هههههههههههههههههههههههههه
ده لأن عدد مشاركاتك لسه قليل
انا قعدت حوالي سنة كاملة عضو جديد لأني كنت بادخل اقرا بس

[mohamed9999]

عملت ايه يا ترى جبت ايه

[Omar_H]

أنا رأيي البيجو طبعا أحسن خصوصا لو حالتها كويسة ... أنا كنت ركبت عربية صاحبي نوبيرا بس مشينا بيها قليل ومش بسرعة إنما طبعا من ناحية الوسع البيجو اوسع بكتير والتابلوه في البيجو اشيك كتير وخاماته أنضف بكتير قوي (احنا عربيتنا 405 موديل 98 اللي هي التابلوه الشكل الجديد عشان فيه شكل قديم كده تعبان الصراحة )
و بنسبة للثبات مفيش مقارنة طبعا البيجو أحسن هو أنا زي ما قلت مامشيناش بالعربية بتاعته كتير بس صحابنا اللي ركبه معاه قالوا لي إن العربية خفيفة قوي وثباتها وحش إنما أما ركبه معايا قالوا لي ما شاء الله عالثبات وغير كده إذا كانت ال 405 والبيجو معروفة بثباتها اللي أحسن من عربيات تانية ياباني وكوري وانا نفسي جايب بيها 200 وكانت ما شاء الله زي الفل وباخد بيها ملفات كتير وجامدة على 170 و العجل مبيعملش صوت حتى مع إن راكب فيها نسر يعني ثباته ضايع يبقى إزاي الناس اللي بتقول النوبيرا اثبت !!!
وغير الثبات في الشوية اللي مشيتهم معاه حسيت طبعا بفرق كبير في العفشة لصالح البيجو وعشان كده متأكد إن كلام صحابي صح بنسبة للثبات
والصاج طبعا ال 405 صاجها أنشف كتير
هي النوبيرا ممكن فعلا هتبقى أحسن في السحب وهدوء صوت الموتور لإن فعلا موتور ال 405 صوته عالي إنما غير كده أنا شايف ال 405 أحسن كتير يعني

[bero0o0o0]

أنا رأيي البيجو طبعا أحسن خصوصا لو حالتها كويسة ... أنا كنت ركبت عربية صاحبي نوبيرا بس مشينا بيها قليل ومش بسرعة إنما طبعا من ناحية الوسع البيجو اوسع بكتير والتابلوه في البيجو اشيك كتير وخاماته أنضف بكتير قوي (احنا عربيتنا 405 موديل 98 اللي هي التابلوه الشكل الجديد عشان فيه شكل قديم كده تعبان الصراحة )
و بنسبة للثبات مفيش مقارنة طبعا البيجو أحسن هو أنا زي ما قلت مامشيناش بالعربية بتاعته كتير بس صحابنا اللي ركبه معاه قالوا لي إن العربية خفيفة قوي وثباتها وحش إنما أما ركبه معايا قالوا لي ما شاء الله عالثبات وغير كده إذا كانت ال 405 والبيجو معروفة بثباتها اللي أحسن من عربيات تانية ياباني وكوري وانا نفسي جايب بيها 200 وكانت ما شاء الله زي الفل وباخد بيها ملفات كتير وجامدة على 170 و العجل مبيعملش صوت حتى مع إن راكب فيها نسر يعني ثباته ضايع يبقى إزاي الناس اللي بتقول النوبيرا اثبت !!!
وغير الثبات في الشوية اللي مشيتهم معاه حسيت طبعا بفرق كبير في العفشة لصالح البيجو وعشان كده متأكد إن كلام صحابي صح بنسبة للثبات
والصاج طبعا ال 405 صاجها أنشف كتير
هي النوبيرا ممكن فعلا هتبقى أحسن في السحب وهدوء صوت الموتور لإن فعلا موتور ال 405 صوته عالي إنما غير كده أنا شايف ال 405 أحسن كتير يعني

+1111111111111111111111111111
كلامك كله صح و ال 405 احسن في كل الحاجات دي
بس مع اضافة صغيرة لمميزات النوبيرا انها شكلها احدث و اشيك شوية

[Omar_H]

+1111111111111111111111111111
كلامك كله صح و ال 405 احسن في كل الحاجات دي
بس مع اضافة صغيرة لمميزات النوبيرا انها شكلها احدث و اشيك شوية

هو أنا مع حضرتك في إن النوبيرا شكلها أحدث بس أنا بحس إن البيجو لو متحافظ عليها كويس من بره وشكلها زي الجديدة بيبقى شكلها اشيك ... أنا عارف إن فيه ناس كتير ممكن تختلف معايا في ده بس ده رأيي ...
يعني أنا بحس لو راجل لابس بدلة راكب النوبيرا أو راكب ال 405 (زي ما قلت مع افتراض الحالة الكويسه من بره ) بحس هيبقى شكله اشيك في ال 405 ومعروف إن العربيات الفرنساوي طول عمرها شيك وبنت ناس
وزي ما قلت ده رأيي وممكن ناس تختلف معايا فيه

[bero0o0o0]

هو أنا مع حضرتك في إن النوبيرا شكلها أحدث بس أنا بحس إن البيجو لو متحافظ عليها كويس من بره وشكلها زي الجديدة بيبقى شكلها اشيك ... أنا عارف إن فيه ناس كتير ممكن تختلف معايا في ده بس ده رأيي ...
يعني أنا بحس لو راجل لابس بدلة راكب النوبيرا أو راكب ال 405 (زي ما قلت مع افتراض الحالة الكويسه من بره ) بحس هيبقى شكله اشيك في ال 405 ومعروف إن العربيات الفرنساوي طول عمرها شيك وبنت ناس
وزي ما قلت ده رأيي وممكن ناس تختلف معايا فيه

يا باشا انا من عشاق البيجو
ركبت بيجو اكتر من 7 سنين و عارف قيمتها كويس
انا بكلم حضرتك على الأراء الشائعة يعني في وسط الشباب
بيحبوا شكل النوبيرا اكتر

[abobassant2010]

السلام عليكم
يا ريت حد يفيدنى ياجماعة بيجو 405 موديل 98 بحالة ممتازة سعرها كام

[TAMER OUN]

البيجو ما شاء الله اسد فرنسي بس ابعد عن الايراني

[dbabis8]

معايا نوبيرا ٢٠٠٢ و من انصارها بشدة ، لو تناسينا طبعا جلب المقصات

[salam100100]

الموضوع اتكتب سنه 2010
فات 7 سنين على الموضوع
اعتقد حاليا سنه 2017 النوبيرا تكسب البيجو 405
والدليل على كلامى سعر اعاده البيع

حلو فالمنتدى ان الواحد يقدر يرجع لورا ويشوف مواضيع قديمه ويقرا احنا بنفكر ازاى ونقارنه بالواقع
هو دا التاريخ

[م أحمد]

الموضوع اتكتب سنه 2010
فات 7 سنين على الموضوع
اعتقد حاليا سنه 2017 النوبيرا تكسب البيجو 405
والدليل على كلامى سعر اعاده البيع

حلو فالمنتدى ان الواحد يقدر يرجع لورا ويشوف مواضيع قديمه ويقرا احنا بنفكر ازاى ونقارنه بالواقع
هو دا التاريخ

لا يزال الاتنين فى نفس رانج الاسعار و سعر اعادة البيع واحد

[salam100100]

ال405 بتلعب من 50 ل80 الف
النوبيرا بتلعب من 70 ل 110
النوبيرا اسهل فالبيع عن ال405