عاوز اشترى عربيه افيدونى

[mrsailor]

انا معايا 30000 ومش عارف اجيب ايه ناس تقولى هات لانوس من السوق وناس تقولى هات اكسنت فول اوبشن وناس تقولى وفر من المبلغ وهات تمبرا فيات وناس تقولى ممكن بظه لانسر وفى معلومه اخيره جاتلى عن عربيه اسمها دايو رايسر واسبيرو طيب انا تعبت مش عارف اعمل ايه وكل صحابى بيقولولى ان العربيات سعرها نزل جدا يعنى ممكن انزل السوق وهشترى وقالولى هالاقى اسعار غير متوقعه ارجوكم انصحونى اعمل ايه

اول حاجة الدايو رايسر و اسبيرو مانصحكش بيهم .. تانى حاجة اللانوس تعدى ال 38000 .. و نصيحتى ابعد عن السوق لان كله تجار جايين يقللبوا الناس بعربيات مشدودة تجارى .. ممكن تشوف الموقع ده و تعرف الرانج بتاعك ممكن يجيب ايه و ابعت خد راينا و حانقولوا لك بكل امانة ContactCars

[ahmdmagdy]

انسب حاجه بالمبلغ ده لادا 2107 موديل من 2005 الي 2007

[Abdm]

نصيحة أخوية بالمبلغ دة ما فيش غير أحسن عربيتين هما :

البرايد العصفورة أو شاهين أو دوجان وأنا أرشحلك الدوجان وهى دية الخلاصة
والله الموفق والمستعان

[romeo_6887]

لو ممكن تزود 8 تلاف جنيه و تشتري ماروتي زيرو
او تزود الفين تلاته و تجيب اكسنت حاله نضيفه

[shaker_alz]

بص يا باشا
انا رأيى انك تجيب لانوس
مستعملة انشالة تجبها من اى معرض قسط
او تاخد قرشين من اى حد من زميلك وتردهملة بعد فترة
وفعلا لو جبت الانوس مش حتندم بجد
العربية دى تحفة

[bakkarahmed]

العفو يا باشا بس نصيحة (ما تسترخصش علشان في limit لحالة العربية لو مش تمام هاتلف بيها عند الميكانيكية كتير ,,,ةعلي العموم احنا معاك لو عايز تستفسر علي حاجة

[sherif_mohamed]

ربنا يكرمكم يارب

[nomercy22]

الافضل شااااااهين بصراحه

[SAMEH_FOUAD]

فى حدود الفئة السعرية اللى حضرتك كاتبها لو ممكن تزود 5000 جنية كمان وتجيب لانوس موديل 2002 يبقى حلو اوى وسيارة كويسة وتكاليف صيانتها قليلة جدا يمكن زى 128 او اغلى 10 او 20 جنية فى كل حاجة
وعندك بردة الهيونداى اكسنت بس هاتها 1500 سى سى وهتلاقيها من موديل 2000
وعندك هيونداى النترا موديل 98 بردة كويسة وماتورها 1600 كويس

[SBkr]

نصيحة المبلغ دة يدخلك في كل الموديلات المذكورة بس هتحتاج تشد كتيييرررر

[ASHRAF74]

رتيسير واسبيرا هيطلعوا عنيك في قطع الغيار والتمبرا مش مرغوبة ولما تبيع مش هتلاقي سعر وبيتهيئلي قطعه غيارها مشكله وال30 الف دول ميجبوش اكسنت حلوة مكن تزود الفيبن ولا حاجه وهتقى برضه تعبانه ممكن بل 30 دول والفيين عليهم بلكتير وتجيب اكسيل فول اوبشن اعاده بيه ممونه قطع غيارها مرميه وواسعه عن الاكسنت الله ينور

[ahmedzizo131]

بسم الله الرحمن الرحيم
نصيحة منى
انا كنت دايخ قبل نفس الدوخة دى
ابعد تماما عن الدايو ( الريسير و الاسبيرو ) هما فعلا عربيات محترمة جدا جدا بس المشكلة فى قطع الغيار النادرة.
و ابعد كمان عن التمبرا لان قطع غيارة متوفرة بس غالية جدا جدا ( مثلا علبة الدريكسيون / الاسكترة ) سعرها جديدة بالظبط 4000 جنيها .
ركز على السيارات اللى قطع غيارها متوفرة و يكون سهل بيعها بعد كدة ( تكون مطلوبة فى السوق ) .
و اخير انا استقريت على الهونداى اكسيل ، و اللى تحفة و زيها كدة الدايو اللانوس وان
الكلام دة عن تجربة

[hosar]

العملية نسبية بين قطع الغيار
يعنى لازم تسأل بنفسك علها

[Abdm]

أنا كنت كاتب ليك رد أنبارح ومش عارف راح فين وكنت كاتب
الخلاصة هات كيا برايد العصفورة أو دوجان وأنا أفضل دوجان بحالة كويسة
والله الموفق والمستعان

[shaker_alz]

فعلا يا باشا اوعى تجيب عربية محتاجة شغل