Tweet
المشاركة الأصلية كتبت بواسطة M.Osman
مشاهدة المشاركة
طب و حضرتك لية اشتريت لوجان ؟
بص يااخى انا فعلا كنت هشترى الساجا ودى حقيقه وكنت مرتب نفسى اخويه معاه جين 2 وانا معجب بالبروتون جدا وطبعا زى ما انت عارف ان الساجا مش منتشره كتير فى الشارع فروحت التوكيل عشان اشتريها وشوفت العربيه وانطبعاتى عليها كانت كالتالى :-
1- العربيه شكلها مختلف عن الصور تحس فى الصوره انها عربيه كبيره فى الحجم وفى الحقيقه حجمها صغير شويه عن الصور
2- شكل العربيه من الخلف فى الصور دائما متاخده من تحت فتحس ان الشنطه كبيره حجم وشكل فى حين لما تشوفها تحس ان شكلها مختلف شويه يعنى انا كنت حاسس ان ظهرها شبه الافيو بس لما شوفتها لقيته فيه شبه من الالنترا القديمه
3- ماتورها 1300 سى سى حسيت انه هيكون ليه 2 عيب الاول فى التكييف هياثر على السحب جامد التانى انه اقل فى السحب عن ال1600 وده حقيقى سحب اللوجان اعلى من الساجا مكتوبه الوصول الى 100 كم فى اللوجان 11 ثانيه الساجا 13.5 ثانيه
4- لما ركبتها لقيت ان حجم الصالون من جوه صغير
5- واهم شى خلانى غيرت راى التابلوه فقير جدا وخاماته شكلها تعبانه اوى اوى غير كده فيه درج فى التابلوه شكله مستفز جدا فى وسط التابلوه غير كده تحس ان الكاسيت وموشرات التكييف بتاعت عربيه موديل 2000 كده والعدادات مفيهاش شغل بصراحه شكلها قديم برضوا وتحس مفيهاش اى حركات
بصراحه غيرت راى بعد المشوار ده وروحت شوفت اللوجان واقتنعت بيها جدا بصراحه
بص فيه عربيه تركبها تحس انك مرتاح نفسيا ده اللى حسيته فى اللوجان وفيه عربيه تركبها تحس انك مش مرتاح فيها وده اللى حسيته فى الساجا
بس عايز اقولك ان ده راى شخصى ليه وانا مش عايزه يبقى فرض عليك بس انت سالتنى عن سبب تغير اتجاهى وانا حبيت اقولك راى وانت اكيد حر فى قراراك
انا راى انك تروح توكيل بروتون وتشوف الساجا بعينك وتروح كمان اى معرض وتشوف اللوجان بعينك وتركبهم من الجوه وتعاينهم جدا وبعد كده قرر وانت عارف السيارات دى وجهات نظر يااخى وصلى صلاة استخارة الاول
اتمنى انى اكون افادتك يااخى
وربنا يوفقك وتختار العربيه اللى تحبها
Comment