انا تعبت خلاص (لوجان و لا لانوس )

[Col. Eng. Khaled]

شكرا انا استفدت جدا من كلامكم ربنا يكرمنى باه واجيب الوجان
سؤال اخير بالنسبه ان العربيه الى انا حشتريها انشاء الله الوجان ديه حتكون اول عربيه اسوقها فهل تستحمل ان حد جديد فى السواقه يجبها:_alshmokh23[1]::_alshmokh23[1]:

جديد في السواقة الأفضل بلاش عربية زيرو

[zkralla]

جديد في السواقة الأفضل بلاش عربية زيرو

[fot1]
+1111
العربيه هتبتهدل عقبال ما تتعلم السواقه كويس عليك وعلى ال 128 و لا 127 شويه وابقى اقلبها وخش على الزيرو

[تامر.محمد]

Eng.Geo
طب دلوقت احنا فيه نقطتين مهمين لازم نبقى متفقين عليها عشان ما يبقاش كل واحد فينا بيتكلم في عربية مختلفة

اولا , انا قلت من الاول اني مش ضد اللوجان , على العكس انا باحترمها و شايف ان الاوبشنز بتاعتها احسن من اللانوس , باقول لك كده و انا من عشاق اللانوس لكن ده مش هايمنعني من اني اقيمها بموضوعية برده , لكن في المقابل ما نقولش على العربية عيوب مش فيها او على اقل تقدير ما نهولش عيوبها

ثانيا : انا باتكلم عن اللانوس الدايو , و المفترض ان هي و الشيفروليه واحد في كل حاجة و الناس في قسم الدايو شافوها

كلامك بصراحة اداني انطباع ان عربية معارفك دي مش متصانة كويس , سواء موضوع المطالع ده او مسألة الفرامل اللي انا قلت ان ادائها اقل من عربيات كتير فعلا , لكن مش في الضياع زي ما حضرتك وصفت , او المطبات , لأن مثلا السرعة اللي باقول لك مشيت عليها دي مع التكييف و راكب معايا 3 و العربية ما قالتش لأ , و وانا مش محمل مش باحك في اي مطبات - و مش باخدها مايل على فكرة , و عربيتي مش راكب لها علايات , دي تجربتي انا , و خد بالك عربيتي اقدم موديل في اللانوس

بخصوص التسارع احنا متفقين انه مش عالي زي الفيرنا مثلا , انا ما سقتش لوجان فمش هافتي في التجربة العملية , بس الأرقام بتقول ان تسارع موتور اللوجان تقريبا هو هو تسارع موتور اللانوس او مع فرق بسيط , و بالتالي فموتور اللوجان (بالعزم ده و القدرة دي) مش قوي عليها ولا حاجة الا اذا كانت اللوجان لها نفس خفة وزن الشاهين بقى , و الارقام بتقول برده ان تسارع موتور الفيرنا اعلى بكتير من الاتنين , بخصوص نقطة ان تسارع اللوجان قريب من الفيرنا , تعال نقول كده للاخوة بتوع الهيونداي و نشوفهم هايقولوا ايه
:)))))

لكن ضعيف و بتقف في مطالع لو تكييف و محملة و حاجات من دي فما حصلتش ( انا يوم كتب كتابي كانت عربيتي محملة 6 أفراد بالغين و ماشية عادي جدا)

انا متعمد اني ابعد عن نقط المقارنة لأنها مش هدفي لأنها بالتأكيد قتلت بحثا قبل كده , بس انا ما اعرفش قد ايه موتور الميجان1 معمر , للأسف العربية مش منتشرة عشان اقدر احدد , بس اكيد احنا متفقين ان رغم كتر اللانوس و قدمها الا اننا نادر ما بنشوف لانوس مفوتة

في النهاية
باكرر تاني , انا مش باتكلم في ضوء المقارنة لأنها قتلت بحثا , انا مع ان اللوجان لحد دلوقت من كلام ملاكها صفقة افضل بسبب انها عربية اجدد و ان توكيلها الحالي احسن من منصور , و بسبب ان الاوبشنز فيها اكتر , و باستثناء مسألة اسعار قطع الغيار و اعادة البيع لحد دلوقت , لكن لا داعي لبخس اي عربية مش بس اللانوس حقها

انا عايز ازود معلومة ظريفة هي مش ذات وزن خالص , هل تعرف ان فيه موديل لانوس 1600 سي سي (نفس موتور النوبيرا و اظنك هاتبقى عارفه و فراملها ) لكن الوكيل اللي بيفهم ما نزلش الموديل ده مصر, رأيي ان الموديل ده ان كان نزل , كانت الفيرنا هاتنقرض , و المقارنة الحالية هاتفرق كتير جدا

اشكرك على المناقشة الراقية المفيدة
:)

[تامر.محمد]

حاجة افتكرتها صحيح
بتقول

ولكن عايز اقولك ان اللوجان بتعمل من 300 ل 320 في الصفيحة

الرقم اللي بتقوله ده بكل تأكيد استهلاك الطريق السريع طبقا لكلام ملاك العربية

http://www.nilemotors.net/Nile/128309-a-2.html

الرقم اللي انا قلته جوة البلد , و من كلامهم من الواضح ان الارقام متقاربة جدا برده
:)

[Eng.Geo]

Eng.Geo
طب دلوقت احنا فيه نقطتين مهمين لازم نبقى متفقين عليها عشان ما يبقاش كل واحد فينا بيتكلم في عربية مختلفة

اولا , انا قلت من الاول اني مش ضد اللوجان , على العكس انا باحترمها و شايف ان الاوبشنز بتاعتها احسن من اللانوس , باقول لك كده و انا من عشاق اللانوس لكن ده مش هايمنعني من اني اقيمها بموضوعية برده , لكن في المقابل ما نقولش على العربية عيوب مش فيها او على اقل تقدير ما نهولش عيوبها
كلامك تمام جدا

ثانيا : انا باتكلم عن اللانوس الدايو , و المفترض ان هي و الشيفروليه واحد في كل حاجة و الناس في قسم الدايو شافوها
معليش اختلف
مش واحد في كل حاجة
مختلفة في الفرش والكاسيت علي ما أتذكر ودول فيهم عيوب ( الله يسامح منصور :@ )
بس برده مش هنختلف كتير :)
كلامك بصراحة اداني انطباع ان عربية معارفك دي مش متصانة كويس , سواء موضوع المطالع ده او مسألة الفرامل اللي انا قلت ان ادائها اقل من عربيات كتير فعلا , لكن مش في الضياع زي ما حضرتك وصفت , او المطبات , لأن مثلا السرعة اللي باقول لك مشيت عليها دي مع التكييف و راكب معايا 3 و العربية ما قالتش لأ , و وانا مش محمل مش باحك في اي مطبات - و مش باخدها مايل على فكرة , و عربيتي مش راكب لها علايات , دي تجربتي انا , و خد بالك عربيتي اقدم موديل في اللانوس
اللانوس ما أكترها في العيلة ولكن أنا هكلمك علي كام واحدة
اللي بأسوقها كتير وده موديل اخر 2006 وده حالتها زي الزيرو تماما وزي الفل وبرده فراملها سيئة
كللمة فرامل في الضياع معناها انها بالنسبة للعربيات التانية وحشة لأنها بتمسك متأخر وساعات بتقفش
التانية ده موديل 2005 وده عملت بيها حادثة مع قريبي وبرده حالتها كويسة
عيبها ان استجابتها متأخرة وبتقفش


بخصوص التسارع احنا متفقين انه مش عالي زي الفيرنا مثلا , انا ما سقتش لوجان فمش هافتي في التجربة العملية , بس الأرقام بتقول ان تسارع موتور اللوجان تقريبا هو هو تسارع موتور اللانوس او مع فرق بسيط , و بالتالي فموتور اللوجان (بالعزم ده و القدرة دي) مش قوي عليها ولا حاجة الا اذا كانت اللوجان لها نفس خفة وزن الشاهين بقى , و الارقام بتقول برده ان تسارع موتور الفيرنا اعلى بكتير من الاتنين , بخصوص نقطة ان تسارع اللوجان قريب من الفيرنا , تعال نقول كده للاخوة بتوع الهيونداي و نشوفهم هايقولوا ايه
:)))))
دول ممكن يقلبوا الدنيا :))
اساسا ده الميزة الوحيدة اللي فيها ولما اللوجان نقول عليها كدة يبقي خلاص نرمي الفرنا احسن
بس مش انا اللي كنت بقول كدة
ده كان عضو معانا

لكن ضعيف و بتقف في مطالع لو تكييف و محملة و حاجات من دي فما حصلتش ( انا يوم كتب كتابي كانت عربيتي محملة 6 أفراد بالغين و ماشية عادي جدا)
وحياتك حملتها قبل كدة 8 بالغين وواحد متوسط السن ( كان في اتنين في الشنطة ) :):)
هي طبعا حمولة كبيرة بس ماقولكش كانت بتحك في غطيان الكازوزة :)
وكنت بنزل ناس قبل المطبات وييجوا يركبوا بعد ما أعدي
وكان هاين عليا اشيل كل السيور اللي واصلة بالموتور لأنه كان جاب اخره فعلا
بس انا عايزك تاخد بالك ان العربيات اللي باتكلم عنها ستوك في كل حاجة
يعني مش متجنطة ولاحاجة

انا متعمد اني ابعد عن نقط المقارنة لأنها مش هدفي لأنها بالتأكيد قتلت بحثا قبل كده , بس انا ما اعرفش قد ايه موتور الميجان1 معمر , للأسف العربية مش منتشرة عشان اقدر احدد , بس اكيد احنا متفقين ان رغم كتر اللانوس و قدمها الا اننا نادر ما بنشوف لانوس مفوتة
ده مش كلامي ده كلام رينو
بس احقاقا للحق موتور اللانوس معمر

في النهاية
باكرر تاني , انا مش باتكلم في ضوء المقارنة لأنها قتلت بحثا , انا مع ان اللوجان لحد دلوقت من كلام ملاكها صفقة افضل بسبب انها عربية اجدد و ان توكيلها الحالي احسن من منصور , و بسبب ان الاوبشنز فيها اكتر , و باستثناء مسألة اسعار قطع الغيار و اعادة البيع لحد دلوقت , لكن لا داعي لبخس اي عربية مش بس اللانوس حقها
صدقني انا مش بأخفس ولا قصدي اعمل كدة لأنها مش هتفيدني لما مبيعاتها تقل ولا مبيعات لوجان تزيد

انا عايز ازود معلومة ظريفة هي مش ذات وزن خالص , هل تعرف ان فيه موديل لانوس 1600 سي سي (نفس موتور النوبيرا و اظنك هاتبقى عارفه و فراملها ) لكن الوكيل اللي بيفهم ما نزلش الموديل ده مصر, رأيي ان الموديل ده ان كان نزل , كانت الفيرنا هاتنقرض , و المقارنة الحالية هاتفرق كتير جدا
كان هيبقي باي باي فيرنا فعلا
انا عارف العربية اللي بتقول عليها وفعلا عربية كويسة ونظام فرامل تاني خاااااااالص واحسن بكتير من اللي موجوده
106 حصان

اشكرك على المناقشة الراقية المفيدة
:)
بجد طريقة كلامك محترمة ومشجعة جدا للنقاش

[Eng.Geo]

حاجة افتكرتها صحيح
بتقول
اقتباسولكن عايز اقولك ان اللوجان بتعمل من 300 ل 320 في الصفيحة

الرقم اللي بتقوله ده بكل تأكيد استهلاك الطريق السريع طبقا لكلام ملاك العربية
http://www.nilemotors.net/nile/128309-a-2.html (الاستهلاك المثالى للبنزين فى اللوجان)
الرقم اللي انا قلته جوة البلد , و من كلامهم من الواضح ان الارقام متقاربة جدا برده
:)

طاب انا كنت باعمل باللانوس 270 في السفر
هي بتعمل معاك كام في السفر ؟

[أبو أدم]

شكرا انا استفدت جدا من كلامكم ربنا يكرمنى باه واجيب الوجان
سؤال اخير بالنسبه ان العربيه الى انا حشتريها انشاء الله الوجان ديه حتكون اول عربيه اسوقها فهل تستحمل ان حد جديد فى السواقه يجبها:_alshmokh23[1]::_alshmokh23[1]:

والله ممكن ....

بس ابتدي تسوقها براحة .. يعنى ايـــة ؟

1- ما نزلش بها فى اماكن زحمة مهما كان اللوجان عريضة ...

2- سوقها كتير مثلا بالليل او الفجر لحد لما تاخد على ابعادها ... ابعدوا عن اوقات الزحام ...
هى هاتساعدك لانها سلسة فى القيادة........

ما تجريش بيها بتاتا لحد تتمكن ... ودة كد ة كدة هاتعمله وانت فى مرحلة التليين ......

أخيرا ...

لو تعرف تصبر انك عندك عربية ... وبتسوقه على مهلك واوقات قليلة ومناسبة

من غير زحام او مغامرات .....توكل على الله وهانها ...

غير كدة خليك فى مستعمل ... وان مش حابب دة الا لو انت عايز تتحرك كير بالعربية....

و خلى بالك تعويرة اللوجان حاليا بتوجع اوي.....

[amrdiab]

الجديد جديد توكل علي الله انت سواء كنت متعلم او مكنتش انت مش هتمشي تخبط في الناس

المستعمل كله عبوب
1- مع عدم خبرتك في القياده يعني مش خبير في الميكانيكا يبقي لو عطل منك المستعمل هتلوص
2- هتبقي عرضه للميكانيكيه التصابين وخاصه لو فتحت بقها
3- اللي قبلك خد خير العربيه ورمالك الباقي
4- مع اي عطل ايدك هتبقي علي قلبك لتكون عملت حركه نداله
5- محدش بيبيع عربيه غير لما تكون قرفته
6- علي متتعود عليها هتعوز تقلبها
7- في مثل انجليزي بيقول

لست من الاثرياء لاشتري سياره مستعمله

الجديد له مزاباه ومنها
1- مش هتعوز تغير لها غير بنزين وزيت
2- صيانه في التوكيل مهما كان فيه مليون قط فطسان لكن احسن من اي ميكانيكي تعبان
3- قطع غيار اصليه وعليها سنه ضمان
4- طول مانت ماشي صح مدي غيار في ميعاده اشاراتك صح سرعتك تهديتك صح طول مانت مخلي مسافه بينك وبين العربيات التانيه العربيه طول عمرها مهتندل معاك.
5- مصروفك مصروف بنزين مش فاتح بيت الميكانيكيه السفاحين
6- تتعود عليها مش هتعوز تقلبها
7- طول ماول عربيه ليك زيرو طول مانت حاسس ان اي عيب مش هيكون من العربيه فلا هتحس برعشه فتيس ولا زنه دواسه ولا قربه ميه وهتحس ان الحراره اللي جايه من الدواسه شيئ طبيعي
لكن اركب شاهين ولا لادا وتعالي علي لوجان هتقول انها طياره ويدوب تشم البنزين تجري بس تيجي ترجع لورا متشوفش حاجه من الشنطه فتحس انك مخنوق!!!!
تعالي اركب لانسر ولا حتي جين2 واركب لوجان تقول موتور صوته يعلي ومش مدي سرعه!!! اللي بيتعود علي حاجه بيفضل طول عمره يقارن فهتتعب نفسك

الجديد جديد
والاهلي حديد

[ahmad--ezzat]

لانوس افضل:
1-قطع غيار ارخص
2-سهله الصيانه والتصليح
3-عفشتها انعم واريح
4-عربيه متجربه من سنه 97 ومعرفه واثبتت كفائه
6-سهوله البيع...لو فكرت تبيعها هتتباع قبل ماتفكر
8-اريح فى الترخيص (نقطع مش مهمه اوى)

[factorialx]

-اريح فى الترخيص (نقطع مش مهمه اوى)

ممكن أتفق معاك بس العفشه اللوجان أحسن
بس إزاي أريح في الترخيص !

[mo7hamedemad]

فكر فى الساجا عربية بجد محترمة وفى نظرى هى احسن عربيات الفئة دى
بس لازم حضرتك تبقى عارف انت عايز اية من العربية وتجرب العربيتين وصلاة استخارة وربنا ان شاء الله هيفقك للطريق السليم
حضرتك لو عايز اى مساعدة عن الساجا انا تحت امرك 0122841392
ودة موضوع هيفيد عنها
التقرير المفصل عن الجميلة ساجا الاخت الصغرى لكلا من ال جين 2 و البرسونا
تقـريـر شــامل من الافتتـــاح -A New SAGA Begins
كل المعلومات عن الساجا