طالب مقارنة سهلة من اخواني..

[SOBKY]

السلام عليكم و رحمة الله و بركاته ....
مش هاطول ولا هارغي كتير ...
خلاصة الموضوع ان انا نازل باذن الله مصر اجازة في اول يونيو 2010 .. و ممكن اقعد 5 او 6 شهور في مصر .. و ماعنديش حاليا عربية في مصر .
فأنا محتار بين تلاتة ... كورسا او ايبيزا او دوجان تسعينات .. علشان هي دي حدود اللي اقدر ادفعه .. يعني 30000 لحد 32000.
... هل الاقي منهم حاجة حالتها كويسة بالسعر ده تنفع اقضي بيها اجازتي و ابيعها و انا ماشي .. و لو لقيت . ايهم افضل ؟؟
مع العلم ان مشاويري كلها هتكون القاهرة - الاسكندرية صحراوي . و منهم لطنطا عالزراعي .. و ممكن طلعة او طلعتين للغردقة في فترة الاجازة .. ده هيكون استخدامي باذن الله .
ياريت تفيدونا .... افادكم الله .

[romeo_6887]

جيب ماروتي كسر زيرو بالمبلغ ده و هتكون 2009 مثلا و تقريبا مش هتصرف عليها حاجه طالما حضرتك مسافر بعد مده قصيره

[SOBKY]

جيب ماروتي كسر زيرو بالمبلغ ده و هتكون 2009 مثلا و تقريبا مش هتصرف عليها حاجه طالما حضرتك مسافر بعد مده قصيره

شكرا على الرد ... هي الحلو فيها انها حديثة ... بس المشكلة انها صغيرة اوي و مش بتاعت سرعات .. و انا بصراحة باجري بالعربية.

[Elsayed]

ممكن هيونداى اكسنت اعتقد فى نفس الفئة السعريه

[romeo_6887]

خلاص يبقي مقدمكش الا الاكسنت

[SOBKY]

اكسنت موديل كام طيب ....؟؟؟
و ال1300 و لا ال1500 ..؟؟
معلش يا جماعة انا بعيد عن مصر بقالي فترة و مش عارف السوق عامل ايه .

[د.محمود صلاح]

هات عربية سوقها ماشي عشان تعرف تبيعها وانت راجع

الاكسنت في منها 1300 و 1500
اللانوس تنفع
ال128 واخواتها يمشوا الحال برضه

[Ahmed Selim]

هات أبيزا أو كورسا أفضل........بس غالباً هيكونو من غير تكييف

و لو أكسنت أعتقد هتبقى موديل 98 أو 99 و 1300 بالكتير.....بس بعد سرعة 120 الثبات سئ.


معلش أنا بقى هسألك سؤال....عشان أنا عملت عكسك.....لسه سايب مصر من شهر فى شغل حالياً فى الأمارات
بفكر اشتر لومينا موديل 2008 أو 2007 و بفكر تحديداً فى ال ss لو الميزانية سمحت.

يا ريت تقولى رأيك فى العربية دى لو كنت جربتها ...... أنا عارف ان اللى كانت معاك موديا أقدم شوية بس أنت أكيد ليك وجهة نظر فيها.

[SOBKY]

معلش أنا بقى هسألك سؤال....عشان أنا عملت عكسك.....لسه سايب مصر من شهر فى شغل حالياً فى الأمارات
بفكر اشتر لومينا موديل 2008 أو 2007 و بفكر تحديداً فى ال ss لو الميزانية سمحت.

يا ريت تقولى رأيك فى العربية دى لو كنت جربتها ...... أنا عارف ان اللى كانت معاك موديا أقدم شوية بس أنت أكيد ليك وجهة نظر فيها.

بص يا احمد باشا ... اللومينا كاداء .. فوق الممتاز . و جراية جدا و مريحة وشبابية في نفس الوقت .. من الاخر هي معمولة كمعادلة فيها كل ما تطلبه من سيارة من شكل و اداء و فخامة.
بس مشكلتها هي استهلاكها لقطع الغيار مش طبيعي .. بتاكلهم اكل .. و خصوصا تيل الفرامل و الطنابير و قطع غيارها غالية .
انا اللي كانت معايا ls .. انما الـ ss امكانياتها و شكلها احلى بكتير .
و اعتقد كمان ان عندكم في الامارات البنزين اغلى من السعودية بكتير .. على ما اسمع يعني ..!!
فممكن الـ ss تزهقك شوية في استهلاكها للبنزين .. 8 سيلندر و هتحرق كتير .
خد نصيحة من اخوك اللي اتمرمط في الغربة .... غير الياباني هنا ماتركبش ..
شوف كامري 2006 او 2007 ..... الكامري عامة جميلة و استهلاكها للبنزين كويس و بيعها سهل جدا.

[N.a.j.d]

الكورسا حلو ف السعر دا بس ادا كانت حالتها كويسه دي اهم حاااجه

[SOBKY]

طيب استفسار بسيط تاني ....
35000 يجيبوا لانوس كويسة و لا لأ ..؟؟
ياريت افادة يا شباب ....
شكرا مقدما ....