مساعدة في اختيار سيارة

[Karim_Mohy]

السلام عليكم ......

الموضوع ممكن يكون مكرر ولكن يا ريت اللي يقدر يفيدنا في الاختيار مع ابداء الاسباب يا ريت مايبخلش


القصة كلها اني محتار في عربية في حدود الاربعين او اقل ( ممكن تزيد لو في حاجة تستاهل ) وتكون موديل عالي....... وتكييف اساسي.....وباور......وطبعا قطع غيار الي حد ما رخيصة مش غالية يعني..واستهلاك قليل في البنزين


نيجي بأه للي بيتسمع من الناس واللي كلنا عرفينه......بلاش الماني لحسن قطع الغيار غالية ( مع انها ركوبة محترمة ).....الكوري في بعض موديلاته الصاج ضعيف......اصل مش عارف دي واطية وقريبة للارض وماتنفعش في بلدنا

نيجي للي فكرت فيه بدون ترتيب :

لانوس 1 او 2 موديل 2002 مثلا

كيا ريو ( بس حسيت ان قلة انتشارها هتسبب مشكلو وغير كده الشنطة بحسها بارزة ).......كيا سيفيا ( معنديش معلومات كتير عنها غير انها تقريبا احسن من الريو )

لانسر كريستالة ( بس مقلق اني الاقي حالة نظيفة وكيلومتر قليل ومقلق من الموديل انه قديم شوية

سوزوكي فيتارا ( ودي فكرت فيها عشان عالية عن الارض وشكلها مش وحش وبرضو معرفش ظروف قطع الغيار )

اكسنت 1500 ( اسمع ان العربية دي كويسة ويمكن سحبها احسن من اللانوس بس مش عارف ليه مش قابلها ....ممكن اكون غلطان )

رينو كليو ( الكل بيقول نفس الكلام بتاع الالماني لن قطع الغيار غالية وان مش كتير بيشتغلوا فيها )

دول اللي في بالي حاليا ولما فكرت اغير فعلا محتار اجيب ايه....طبعا في اختلاف بينهم ....وفي برضو اختلاف في الاسعار(ده في حالة انها تكون حالة نظيفة ).....وبرضو نفسي اركب حاجة مش منتشرة بس مقلق من قطع الغيار

يا ريت اللي يقدر يفيدنا بأي نصيحة يا ريت يتفضل

وتحياتي للجميع

[الغزالى]

زود عليهم السينا يا برنس بتعمل فى حدود من35 وانت طالع حسب الحالة والموديل والماتور
وقطع الغيار رخيصة جدا جدا جدا
وزد عندك التمبرا (معرفش حاجة عنها)
ولو فى جديد ها بلغك

[Karim_Mohy]

حبيبي يا غزالي.......تعرف افتكرتك وانا بكتب الموضوع انه شبيه الموضوع بتاعك لما كنت بتدور علي عربية........

السيينا ممكن تكون حلوة بس مش مقتنع بيها ( كشكل )....والتمبرا برضو بحسها عربية قديمة اوي وبحسها قريبة من الشاهين......مع اني ركبت في العربية دي وصالونها واسع .....بس بيباه في حاجة كدة تخليك تستريح لعربية عن غيرها

[romeo_6887]

انت ممكن تجيب ماروتي زيرو و تريح دماغك من وجع دماغ المستعمل
و لو مصر علي المستعمل خليك في اللانسر بس تكون حاله نضيف

[الغزالى]

حبيبي يا غزالي.......تعرف افتكرتك وانا بكتب الموضوع انه شبيه الموضوع بتاعك لما كنت بتدور علي عربية........

السيينا ممكن تكون حلوة بس مش مقتنع بيها ( كشكل )....والتمبرا برضو بحسها عربية قديمة اوي وبحسها قريبة من الشاهين......مع اني ركبت في العربية دي وصالونها واسع .....بس بيباه في حاجة كدة تخليك تستريح لعربية عن غيرها

بئولك اية انت عايز ها شخصية ليك انت ولا عائلية
لو شخصية ومش هاتفرق معاك
هات البولو من الاخر عربية وشكل كفائة
وامكانيتها حلوة
ويوم ماتحب تعلب فيها هتلاقيها جابت معاك فكر وانا معاك اهوا ان شاء الله فى اى حاجة تحتاجها منى

[Karim_Mohy]

انت ممكن تجيب ماروتي زيرو و تريح دماغك من وجع دماغ المستعمل
و لو مصر علي المستعمل خليك في اللانسر بس تكون حاله نضيف

لا يا روميو ماروتي ايه بس حرام عليك.............مش بقلل من العربية مع انها صغيرة كده وجراية عن تجربة.........بس للاسف مش بفكر فيها

[Karim_Mohy]

بئولك اية انت عايز ها شخصية ليك انت ولا عائلية
لو شخصية ومش هاتفرق معاك
هات البولو من الاخر عربية وشكل كفائة
وامكانيتها حلوة
ويوم ماتحب تعلب فيها هتلاقيها جابت معاك فكر وانا معاك اهوا ان شاء الله فى اى حاجة تحتاجها منى

هي حاليا شخصية بس الفكرة اني محتاج حاجة متوسطة الحجم .....او لو حجم كبير يكون فيتارا هي اللي داخلة دماغي

لو لاحظت اني مش كاتب هاتشباك خالص مع ان الابيزا 1998 فكرت فيها بس صغيرة

[postagy]

السلام عليكم ورحمه الله
انا بحى الاقتراحات للاخوة الاعضاء واحب الفت نظر حضرتك للاسكودا فليشيا وانا معاك فى رفضك للماروتى وفقك الله فى اختيار الافضل

[wahba87]

انا ركبت اكسنت 1500 10 سنين , من 1999 الى 2009 , و هى عربية ممتازة و انا كنت بحبها اوى بصراحة , هى مشكلتها بس لو العربية فيها 4 هتحك فى المطبات العالية

اللانوس عربية ميختلفش عليها حد و الدليل على كده انتشارها

كيا ريو مع واحد صاحبى و عمل حادثة و داااايخ على قطع الغيار , هى العربية نفسها حلوة بس مشكلتها فى قطع الغيار

[mmffor]

الفيتارا ممكن تلاقي حاجه اقل من 40 الف بس حتكون موديل قديم شويه يعني من 91 لحد 94
بس عربيه ركوبه صح . انا معايا فيتارا كوبيه كابروليه, مش بتجري و كده بس احسن علشان لما بركب سيدان بعدي ال 120 علطول. قطع غيارها متوافره جديد و استيراد اغلى من الكوري و ارخص من الياباني الحديث و ارخص من الاوروبي. بتاكل بنزين بس بتبقى حاسس ان مفيش حاجه صعبه عليك و انت سايق. ولا تقول مطب ولا رصيف ولا سلالم يعني ممكن تطلع بيها سلم العماره لو واسع شويه و تركنها في الشقه لو عندك اوضه فاضيه

[alf2boshra]

الفيتارا ممكن تلاقي حاجه اقل من 40 الف بس حتكون موديل قديم شويه يعني من 91 لحد 94
بس عربيه ركوبه صح . انا معايا فيتارا كوبيه كابروليه, مش بتجري و كده بس احسن علشان لما بركب سيدان بعدي ال 120 علطول. قطع غيارها متوافره جديد و استيراد اغلى من الكوري و ارخص من الياباني الحديث و ارخص من الاوروبي. بتاكل بنزين بس بتبقى حاسس ان مفيش حاجه صعبه عليك و انت سايق. ولا تقول مطب ولا رصيف ولا سلالم يعني ممكن تطلع بيها سلم العماره لو واسع شويه و تركنها في الشقه لو عندك اوضه فاضيه

شديد ...
=======
تركنها في الشقه لو عندك اوضه فاضيه
================
بس على فكرة هيبقى محتاج سرير فاضي عشان لو فردة كاوتش
تقبلوا مروري
ألفي بشرى

[تامر.محمد]

اظن انسب حاجة لاحتياجاتك اللانوس و الاكسنت , بس هاتتعب على ما تلاقي عربية عاملة كيلو متر قليل زي ما انت عايز

[abokoko]

انا اشتريت لادا مستعمله 2007 بس واضح انك مش غاوى الشكل القديم حتى وان كان انتاج حديث
من رأيى فكر فى عائلة بروتون مكن تلاقى ويرا او واجا موديل عالى وثمن قليل وقطع غيار
المتسوبيشي بتركب عليهم حسب ما اعرف والله اعلم
انا كان نفسي الاقى ويرا قبل ما اشترى اللادا
ربنا يوفقك

[الغزالى]

انا اشتريت لادا مستعمله 2007 بس واضح انك مش غاوى الشكل القديم حتى وان كان انتاج حديث
من رأيى فكر فى عائلة بروتون مكن تلاقى ويرا او واجا موديل عالى وثمن قليل وقطع غيار
المتسوبيشي بتركب عليهم حسب ما اعرف والله اعلم
انا كان نفسي الاقى ويرا قبل ما اشترى اللادا
ربنا يوفقك

يا راجل لادا اية بس دى عايزة واحد يحرت مش واحد يسوق وبعدين مفيش اى ميزة فيها غير انها حديد فى حديد لا شكل والا مكانيات ولا اى حاجة خالص
ممكن يا كيمو كمان على فكرة
تشوف فورد ايسكورت ومنديو صواريخ ارض ارض بس قطع غيراهم صواريخ جوجو
وبرضو زى وما الاعضاء قالو بروتون وايرا موديل اخر التسعينات
وكمان برضو رينو كليو موديل فوق ال 99 بس برضو قطع غيارها نار
ولو فى تانى ها اقولك على طول

[د.محمود صلاح]

اللانوس والأكسيل والأكسنت خيارات موفقة بسبب الإنتشار وسهولة البيع فيما بعد